ບັນດາຜູ້ນຳສະຫະພາບຢູໂຣບ ໄດ້ກ່າວໃນວັນອັງຄານມື້ນີ້ວ່າ
ພວກເຂົາໄດ້ບັນລຸຂໍ້ຕົກລົງທີ່ເປັນໄປໄດ້ ກັບ Ankara ທີ່ຈະ
ໃຫ້ພວກອົບພະຍົບຈຳນວນຫຼາຍພັນຄົນກັບຄືນ ໄປຍັງເທີກີ
ແລະວ່າພວກເຂົາເຈົ້າໝັ້ນໃຈວ່າການຕົກລົງທັງໝົດນັ້ນແມ່ນ
ຈະບັນລຸໄດ້ໃນກອງປະຊຸມສຸດຍອດໃນສັບປະດາໜ້າ.
ຫຼັງຈາກຫຼາຍໆເດືອນຂອງການບໍ່ລົງຮອຍກັນແລະເພີ້ມການ
ທະເລາະວິວາດກັນ ພາຍໃນບັນດາສະມາຊິກ 28 ປະເທດ
ຂອງສະຫະພາບຢູໂຣບ ນັ້ນ ພວກຜູ້ນຳໄດ້ກ່າວວ່າ ພວກເຂົາ
ເຈົ້າໄດ້ຕົກລົງທີ່ຈະໃຫ້ເງິນຊ່ອຍເຫຼືອເທີກີ ໃນການຮອງຮັບ
ພວກອົບພະຍົບເຫຼົ່ານີ້ ເຮັດໃຫ້ການຂໍວີຊານັ້ນງ່າຍສຳຫຼັບ
ຊາວເທີກ ແລະເຮັດໃຫ້ການໂອ້ລົມກັບ Ankara ເພື່ີອການແລກປ່ຽນຄວາມຊ່ອຍເຫຼືອ
ຂອງພວກອົບພະຍົບທີ່ຫຼັ່ງໄຫຼເຂົ້າມາໃນຢູໂຮບ ນັ້ນ.
ປະທານາທິບໍດີຝຣັ່ງ ທ່ານ Francois Hollande ໄດ້ກ່າວວ່າ “ກອງປະຊຸມສຸດຍອດໄດ້ສ້າງຄວາມຫວັງກ່ຽວກັບຄຳຖາມຂອງພວກອົບພະຍົບທີ່ຈະຕ້ອງຜ່ານການເປັນເອກກະສັນໃນຢູໂຣບ ແລະຈະມີປະສິດທິຜົນກັບເທີກີ.”
ສາຍຕາຂອງທຸກພັກຝ່າຍຕ່າງກໍຈ້ອງມອງມາໃສ່ວັນທີ 17 ມີນາ
ແລະການເລີ້ມກອງປະຊຸມສຸດຍອດ ເປັນເວລາ 2 ມື້ທີ່ຈະບັນລຸ
ຄວາມຕັ້ງໜ້າຂັ້ນສຸດທ້າຍ ແລະຂໍ້ຕົກລົງທີ່ີບັນດາຜູ້ນຳຂອງທຸກພັກ
ຝ່າຍທີ່ຫວັງໄວ້ແລະອະນຸຍາດໃຫ້ກັບຄືນໄປສູ່ສະພາບປົກກະຕິ
ຕາມຊາຍແດນຂອງພວກເຂົາເຈົ້າ ພາຍໃນທ້າຍປີນີ້.
ທ່ານ ນາຍົກລັດຖະມົນຕີເທີກີ ທ່ານ Ahmed Davutoglu ໄດ້
ກ່າວວ່າ ກ່ອນໜ້າການຕົກລົງທີ່ໄດ້ລາຍງານ ໃນກອງປະຊຸມສູນ
ກາງໃຫຍ່ຂອງອົງການເນໂຕ ວ່າ “ພວກເຮົາຫວັງວ່າ ພວກເຮົາ
ສາມາດຫາວິທີທີ່ໄດ້ຮັບຜົນສະເລັດ ເຊັ່ນດຽວກັນກັບການປະຕິ
ບັດຢ່າງຖືກຕ້ອງ ທາງດ້ານມະນຸດສະທຳ ໂດຍປັດຈາກການທຳ
ລາຍພວກອົບພະຍົບທັງຫຼາຍ ຫຼືສິດທິຂອງພວກອົບພະຍົບ.”
ແຕ່ວ່າຄວາມຫຍຸ້ງຍາກຕ່າງໆນັ້ນແມ່ນການເຂົ້າເຖິງຂໍ້ຕົກລົງເປັນບ່ອນທຳລາຍ ໂດຍການໂອ້ລົມກັບພວກເຂົາເຈົ້າເອງ ທີ່ຍືດເຍື້ອອອກມາເປັນເວລາຫຼາຍຊົ່ວໂມງ ກວ່າແຜນກຳໜົດທີ່ວາງໄວ້. ເທີກີ ແມ່ນໄດ້ເປັນບ່ອນຄຸ້ມກັນຂອງຊາວຊິເລຍປະມານ 2 ລ້ານ 7ແສນຄົນ ທີ່ໄດ້ມີລາຍງານວ່າ ຮຽກຮ້ອງຂໍເງິນຊ່ອຍເຫຼືອໃນຈຳນວນ 3 ລ້ານ 3 ແສນໂດລ່າເພີ້ມຂຶ້ນຈາກສະຫະພາບຢູໂຣບ ກະປະມານວ່າ 2 ເທົ່າຂອງຈຳນວນທີ່ໄດ້ສັນຍາໄວ້ ຈາກ 28 ບັນດາສະມາຊິກ 28 ປະເທດ.
