ຫົວໜ້າກຳມາທິການ ຢູໂຣບ ທ່ານ Jean Claude Juncker
ໄດ້ຮຽກ ຮ້ອງໃຫ້ບັນດາປະເທດສະມາຊິກຂອງສະຫະພາບ
ຢູໂຣບ ຮັບເອົາອົບພະຍົບ ປະມານ 160,000 ຄົນ ໄປຕັ້ງຖິ່ນ
ຖານ ໂດຍກ່າວວ່າ ກຣິສ ອີຕາລີແລະຮັງກາຣີ ບໍ່ສາມາດທີ່ຈະ
ຮັບມືກັບບັນຫາທີ່ຍາກລຳບາກນີ້ໄດ້ອີກຕໍ່ໄປແລ້ວ.
ໃນຖານຖະແຫລງຕໍ່ສະພາຢູໂຣບ ໃນວັນພຸດມື້ນີ້ ທ່ານ Junc-
ker ໄດ້ຮຽກຮ້ອງໃຫ້ຢູໂຣບປະເຊີນໜ້າ ກັບວິກິດການອົບພະ
ຍົບໃນປັດຈຸບັນ ດ້ວຍການຮ່ວມແຮງຮວມໃຈກັນ. ທ່ານກ່າວ
ວ່າ ການອະນຸມັດຢ່າງສຸກເສີນ ກ່ຽວກັບການຕັ້ງຖິ່ນຖານໃໝ່
ໃນ 22 ປະເທດສະມາຊິກ ຕ້ອງໄດ້ປະຕິບັດ “ໃນວິທີທາງ ທີ່
ເປັນການບັງຄັບ” ເພື່ອຫລີກລ່ຽງການລ້າຊ້າ.
ທ່ານກ່າວວ່າ “ພວກເຮົາຊາວຢູໂຣບ ບໍ່ຄວນລືມເລີຍວ່າ ເປັນຫຍັງຈຶ່ງໃຫ້ບ່ອນລີ້ໄພ ແລະ ປະຕິບັດຕາມຫລັກການພື້ນຖານທີ່ຖືກຕ້ອງ ຂອງການລີ້ໄພນັ້ນເປັນສິ່ງສຳຄັນ”
ທ່ານ ກຳລັງຮຽກຮ້ອງໃຫ້ ບັນດາລັດຖະມົນຕີພາຍໃນຢູໂຣບ ຮັບເອົາແຜນຕັ້ງຖິ່ນຖານໃນອາທິດໜ້ານີ້ ຢູ່ທີ່ກອງປະຊຸມລັດຖະມົນຕີພາຍໃນຢູໂຣບ.
ນອກນັ້ນ ທ່ານ Juncker ຍັງກ່າວວ່າ ທ່ານເຊື່ອວ່າ ການອະນຸຍາດໃຫ້ບັນດາ ຜູ້ຊອກຫາບ່ອນລີ້ໄພ ເຮັດວຽກໄດ້ ໃນຂະນະທີ່ລໍຖ້າການຍື່ນຄຳຮ້ອງຂໍລີ້ໄພຢູ່ນັ້ນ. ທ່ານກ່າວວ່າ
ທ່ານຄາດວ່າ ປະເທດສະມາຊິກທັງໝົດ ຈະຊ່ວຍກັນຈັດຕັ້ງກອງເງິນທຶນນຶ່ງຂຶ້ນເພື່ອແກ້ໄຊວິກິດການອົບພະຍົບແບບນີ້ໃນອະນາຄົດ.
ວິກິດການ ອົບພະຍົບ ຢູໂຣບ, 9 ກັນຍາ
ທ່ານກ່າວວ່າ “ພວກເຮົາຊາວຢູໂຣບ ບໍ່ຄວນລືມເລີຍວ່າ ເປັນຫຍັງຈຶ່ງໃຫ້ບ່ອນລີ້ໄພ ແລະ ປະຕິບັດຕາມຫລັກການພື້ນຖານທີ່ຖືກຕ້ອງ ຂອງການລີ້ໄພນັ້ນເປັນສິ່ງສຳຄັນ” ທ່ານ ກຳລັງຮຽກຮ້ອງໃຫ້ ບັນດາລັດຖະມົນຕີພາຍໃນຢູໂຣບ ຮັບເອົາແຜນຕັ້ງຖິ່ນຖານໃນ
ອາທິດໜ້ານີ້ ຢູ່ທີ່ກອງປະຊຸມລັດຖະມົນຕີພາຍໃນຢູໂຣບ.
ແຜນຂອງກຳມາທິການ ຍັງຮຽກຮ້ອງໃຫ້ຂະຫຍາຍໂຄຕ້າຮັບອົບພະຍົບຢູ່ທົ່ວຢູ່ໂຣບ ເພື່ອຊ່ອຍເຫລືອຜູ້ຂໍລີ້ໄພຫລາຍພັນຄົນຈາກພາກຕາເວັນອອກກາງໃນອີກ ສອງປີຕໍ່ໜ້າ.
ພາຍໃຕ້ແຜນນີ້ ເຢຍຣະມັນ ຝຣັ່ງ ແລະສະເປນຈະຮັບເອົາສ່ວນໃຫຍ່ຂອງພວກ ອົບພະຍົບ ຕິດຕາມດ້ວຍ ໂປແລນ ເນເທີແລນ ໂຣມາເນຍ ແບລຢ້ຽມ ແລະສະວີເດັນ.
