ລິ້ງ ສຳຫລັບເຂົ້າຫາ

logo-print

ຄຳສັບ ແລະສຳນວນພາສາ ອັງກິດແບບ ອາເມຣິກັນ - ບົດຮຽນທີ 7: Hit the Road & Have a Hissy fit


ຄຳ​ສັບ ແລະ​ສຳ​ນວນພາ​ສາອ​ັງ​ກິດ ແບບ​ອາ​ເມ​ຣິ​ກັນ - American Slang Idioms

ວິທະຍຸກະຈາຍສຽງແຫ່ງຊາດລາວ ຮ່ວມກັບ ວີໂອເອ ພາກພາສາ ລາວ ພູມໃຈສະເໜີ ລາຍການ​ສອນພາສາອັງກິດ Popular American Slangs and Idioms ຊຶ່ງ​ເປັນບົດ​ສົນທະນາ​ພາສາ​ອັງກິດ​ ລະຫວ່າງ​ເພື່ອ​ນນັກ​ສຶກສາຄົນລາວ ກັບ ຄົນອາ​ເມຣິກັນ ເພື່ອອະທິບາຍຄໍາສັບ ​ແລະ ສໍານວນພາ​ສາ​ອັງກິດ​ຕ່າງໆ ທີ່​ຄົນອາ​ເມຣິກັນ ນິຍົມ​ໃຊ້​ກັນ.

ສະບາຍດີ ທ່ານຜູ້ຟັງທີ່ເຄົາລົບ ແລະ ນ້ອງໆນັກສຶກສາທີ່ຮັກ ແພງທັງຫລາຍ. ຂໍຕ້ອນຮັບເຂົ້າສູ່ລາຍການສອນພາສາອັງກິດ Popular American Slangs and Idioms ຂອງ ວິທະຍຸກະຈາຍສຽງແຫ່ງຊາດ ລາວ ທີ່​ນະຄອນ​ຫລວງ​ວຽງ​ຈັນ ສປປ ລາວ ຮ່ວມ​ກັບ ວີໂອເອພາກ ພາສາລາວ ທີ່​ນະຄອນຫລວງ​ວໍ​ຊິງ​ຕັນ ດີ​ຊີ ສະຫະລັດອາເມຣິກາ​. ໃນ ບົດຮຽນທີ 7 ນີ້ ພວກເຮົາ​ຈະ​ພາທ່ານ​ຮຽນ​ສຳນວນ Hit the road ກັບ have a hissy fit. ເພື່ອບໍ່ໃຫ້ເສຍເວລາ ໄປຟັງ Ly ກັບ Larry ລົ​ມ​ກັນເລີຍ ເພື່ອຮຽນຄວາມໝາຍຂອງມັນ.


Larry and Ly are fixing to leave to visit Larry’s parents for the weekend. ທ່ານຜູ້ຟັງ ແລະ ນ້ອງໆນັກສຶກສາ ຄົງ ຍັງຈື່ໄດ້ຕິເນາະ ສຳນວນ fix to do something ທີ່ພວກເຮົາໄດ້ສອນ ທ່ານ ເມື່ອສອງສາມບົດຮຽນຜ່ານມາ ທີ່ແປວ່າ ກຽມຕົວຈະເຮັດອັນນັ້ນ ອັນນີ້? Larry and Ly are fixing to leave to visit Larry’s parents for the weekend ກໍ່ແປວ່າ ແລຣີ ກັບ ລີ ກຳລັງກຽມຈະ ອອກເດີນທາງໄປຢາມ ພໍ່ແມ່ຂອງແລຣີ ໃນຍາມສຸດສັບປະດາ. ແລຣີ ບອກລີວ່າ It’s time to hit the road! ລອງເດົາເບິ່ງວ່າ ມັນມີຄວາມ ໝາຍແນວໃດ?

LL: Come on, Ly. It’s time to hit the road! We’ve got a long drive a head of us.

Ly: It’s time to what? Why would we hit the road?

LL: To hit the road means to leave. It’s time for us to leave.

Ly: But we can’t hit the road yet! I’m not finished packing!

LL: Ly, I told you that we need to hit the road by 9:00 am if we’re going to make it to my parents’ house before dark.

Ly: I just need a few more minutes. I promise we can hit the road soon.

LL: All right, but please hurry up. I hate driving on country roads after dark. It can be dangerous.

Ly: I am hurrying! Hey, can we stop somewhere for breakfast?

LL: I don’t want to stop right after we hit the road. You can have a snack now and then we’ll stop for lunch.

Ly: But I’m hungry and I don’t have anything to eat. I knew we’d be gone this weekend, so I didn’t bother to go grocery shopping.

LL: How about this: If you can be ready to hit the road in five minutes, then we can stop for breakfast. Otherwise, you’re just going to have to wait until lunch.

Ly: Okay, I’m almost ready. I just need to find my bathing suit and my sunscreen.

LL: Are you sure you have everything you need?

Ly: I think that’s everything. Okay! Let’s hit the road!

LL: It’s about time! I’ll go and put your suitcase in the car.

Ly: Don’t forget that we have to stop at MacDonald’s for breakfast!


ໃນບົດຮຽນຜ່ານໆມາ ພວກເຮົາໄດ້ຮຽນສອງສາມສຳນວນທີ່ມີຄຳ ວ່າ to hit ທີ່ແປວ່າ ຕີ ຫລື ຕີຖືກ ເຊັ່ນ hit the sack ທີ່ແປວ່າ ຕີຖົງ ແຕ່ມີຄວາມໝາຍວ່າ ໄປນອນ ກັບ hit pay dirt ຕີດິນ ຫລື ຂຸດ​ຖືກ​ດິນ ທີ່ຈ່າຍເງິນໃຫ້ເຮົາ ກໍ່ຄື ພົບດິນທີ່ເປັນເງິນເປັນຄຳ ແປວ່າໄດ້ຜົນ ຮັບ ຜົນສຳເລັດ ເປັນເງິນເປັນຄຳ ຢ່າງບໍ່ຄາດຝັນ. ສຳນວນ hit the road ກໍ່ຄືກັນ ຕີຖະໜົນຫົນທາງ ແຕ່ມີຄວາມໝາຍວ່າ ອອກເດີນທາງ. ແຕ່ວ່າ ຖ້າມີຄົນມາລົບກວນໃຫ້ທ່ານລຳຄານໃຈ ທ່ານຈະບອກເຂົາວ່າ hit the road ກໍ່ໄດ້ ກໍ່ຄືບອກໃຫ້ຜູ້ກ່ຽວໜີໄປໄກໆນັ້ນເອງ. ໄປຟັງບົດ ສົນທະນາ ເມື່ອກີ້ນີ້ ອີກເທື່ອໜຶ່ງ ພ້ອມກັບຄຳແປ ເພື່ອໃຫ້ເຂົ້າໃຈຄັກໆ.

LL: Come on, Li. It’s time to hit the road! We’ve got a long drive a head of us.

ຮີບມາ ລີ. ໄດ້ເວລາ hit the road ແລ້ວ. ເຮົາຕ້ອງໄດ້ຂັບລົດໄກໄດ໋.

Ly: It’s time to what? Why would we hit the road? ໄດ້ເວລາເຮັດຫຍັງເກາະ? ເປັນຫຍັງ ພວກເຮົາຈຶ່ງຕ້ອງຕີຖະໜົນຫົນທາງ ລະ?

LL: To hit the road means to leave. It’s time for us to leave. To hit the road ແປວ່າ ອອກເດີນທາງ. ໄດ້ເວລາທີ່ພວກ ເຮົາຕ້ອງໄປແລ້ວ.

Ly: But we can’t hit the road yet! I’m not finished packing! ແຕ່ວ່າພວກເຮົາຍັງໄປບໍ່ໄດ້ເທື່ອ! ຂ້ອຍຍັງຈັດຫີບບໍ່ແລ້ວເທື່ອ!

LL: Li, I told you that we need to hit the road by 9:00 am if we’re going to make it to my parents’ house before dark. ລີ ຂ້ອຍບອກເຈົ້າແລ້ວເດ້ ວ່າ ພວກເຮົາຕ້ອງອອກເດີນ ທາງ ພາຍໃນເວລາ 9 ໂມງເຊົ້າ ຖ້າຫາກເຮົາຢາກໄປຮອດເຮືອນພໍ່ແມ່ ຂ້ອຍ ກ່ອນຄ່ຳ.

Ly: I just need a few more minutes. I promise we can hit the road soon. ຂ້ອຍຕ້ອງການເວລາອີກພຽງ 3-4 ນາທີ ເທົ່ານັ້ນແຫລະ. ຂ້ອນສັນຍາວ່າ ພວກເຮົາຈະໄດ້ອອກເດີນທາງ ໃນໄວໆ ນີ້ແຫລະ.

LL: All right, but please hurry up. I hate driving on country roads after dark. It can be dangerous.

ໂອເຄ... ແຕ່ວ່າ ໄວໆແດ່ເດີ້. ຂ້ອຍບໍ່ມັກຂັບລົດຢູ່ຖະໜົນບ້ານນອກ ໃນຍາມຄ່ຳ​ເລີຍ. ມັນເປັນອັນຕະລາຍໄດ້ເດ້.

Ly: I am hurrying! Hey, can we stop somewhere for breakfast? ຂ້ອຍກໍາລັງຟ້າວຢູ່ແລ້ວ. ເອີ່ ພວກເຮົາຢຸດແວ່ກິນເຂົ້າເຊົ້າ ບອ່ນໃດບ່ອນໜຶ່ງ ໄດ້ບໍ່?

LL: I don’t want to stop right after we hit the road. You can have a snack now and then we’ll stop for lunch. ຂ້ອຍບໍ່ຢາກຢຸດ ທັນທີທີ່ພວກເຮົາອອກເດີນທາງ​ໄປ. ເຈົ້າຈະກິນ ຫຍັງຮອງທ້ອງຕອນນີ້ກ່ອນກໍ່ໄດ້ເລີຍ ແລ້ວພວກເຮົາຈຶ່ງຢຸດແວ່ກິນເຂົ້າ ທ່ຽງ ບາດດຽວ.

Ly: But I’m hungry and I don’t have anything to eat. I knew we’d be gone this weekend, so I didn’t bother to go grocery shopping. ແຕ່ວ່າ ຂ້ອຍຫິວເຂົ້າ ແລະ ຂ້ອຍກໍ່ບໍ່ມີຫຍັງ ກິນ. ຂ້ອຍຮູ້ວ່າ ພວກເຮົາຈະບໍ່ຢູ່ທ້າຍອາທິດນີ້ ຂ້ອຍກໍ່ເລີຍບໍ່ສົນໃຈທີ່ຈະ ໄປຊື້ຂອງກິນມາໄວ້.

Ly: How about this: If you can be ready to hit the road in five minutes, then we can stop for breakfast. ເຮັດຈັ່ງຊີ້ສາຊັ້ນ: ຄັນເຈົ້າພ້ອມທີ່ຈະອອກເດີນທາງໄດ້ ໃນ 5 ນາທີ ພວກເຮົາກໍ່ຈະຢຸດແວ່ກິນເຂົ້າເຊົ້າໄດ້. Otherwise, you’re just going to have to wait until lunch. ບໍ່ດັ່ງນັ້ນແລ້ວ ເຈົ້າຄົງກໍ່ຈະ ຕ້ອງໄດ້ລໍຖ້າ ຈົນຮອດຍາມກິນເຂົ້າທ່ຽງ ພຸ້ນແຫລະ.

Ly: Okay, I’m almost ready. I just need to find my bathing suit and my sunscreen. ຕົກລົງ ຂ້ອຍເກືອບຈະພ້ອມ ແລ້ວ. ຂ້ອຍພຽງແຕ່ຕ້ອງຊອກຫາຊຸດອາບນ້ຳ ກັບ ຄຣີມກັນແດດຂ້ອຍ ເທົ່ານັ້ນ.

LL: Are you sure you have everything you need? ເຈົ້າແນ່ໃຈບໍວ່າ ເຈົ້າມີທຸກຢ່າງທີ່ເຈົ້າຕ້ອງການແລ້ວ.

Ly: I think that’s everything. Okay! Let’s hit the road! ຂ້ອຍຄິດວ່າ ມີໝົດແລ້ວ. ໂອເຄ ໄປ໊ ອອກເດີນທາງບັດນີ້!

LL: It’s about time! I’ll go and put your suitcase in the car. ມັນກໍ່ສົມຄວນແກ່ເວລາແລ້ວ! ຂ້ອຍຈະເອົາຫີບເຈົ້າໄປໄວ້ໃນລົດເດີ້.

Ly: Don’t forget that we have to stop at MacDonald’s

for breakfast! ຢ່າລືມເດີ້ ວ່າເຮົາຕ້ອງຢຸດແວ່ກິນເຂົ້າເຊົ້າ ຢູ່ຮ້ານ MacDonald’s!

So to hit the road means to leave ສະຫລຸບແລ້ວ to hit the road ແປວ່າອອກເດີນທາງ. Larry wants to hit the road before 9 so that they will make it to his parents’ house before dark ແລຣີຢາກອອກເດີນທາງກ່ອນ 9 ໂມງເຊົ້າ ເພື່ອ ຈະໄດ້ໄປຮອດເຮືອນພໍ່ແມ່ລາວ ກ່ອນຄ່ຳ. To make it to some place ແປວ່າໄປຮອດໄປເຖິງ. ເປັນສຳນວນທີ່ນິຍົມໃຊ້ກັນຫລາຍ. ຕົວຢ່າງ: ຖ້າທ່ານຄິດວ່າ ທ່ານຈະບໍ່ຮອດ ຫລື ບໍ່ໄດ້ໄປງານຄືນນີ້ ທ່ານ ກໍ່ຈະເວົ້າວ່າ I don’t think I can make it tonight ຫລື I don’t think I can make it to your party ຂ້ອຍຄິດວ່າ ຂ້ອຍຄົງຈະບໍ່ ໄດ້ໄປ ຫລື ໄປບໍ່ຮອດງານເຈົ້າດອກ ມື້ຄໍ່ານີ້; ຫລື ໃນປະໂຫຍກນີ້ She made it on time ລາວໄປຮອດຫັ້ນທັນເວລາ. ເອົ້າ ບັດນີ້ ໄປຟັງ ລີ ກັບ ແລຣີ ລົມກັນຕໍ່ ໃນລະຫວ່າງເດີນທາງ. ໃຫ້ສັງເກດຄຳວ່າ hissy fit ແລະ ຟັງຄໍາອະທິບາຍຂອງແລຣີ ໃຫ້ຄັກໆ.

Ly: You passed MacDonald’s! You promised we’d stop for breakfast!

LL: Sorry, I missed the turn. We can turn around and go back. There’s no need to have a hissy fit.

Ly: Have a what? What’s a hissy fit?

LL: To have a hissy fit means to get really upset about something and throw a tantrum.

Ly: I’m not having a hissy fit! I was just upset because I thought you weren’t going to stop.

LL: Well, look, I’m going to stop. See? You’re going to get what you want, so there is no need to have a hissy fit.

Ly: I told you that I wasn’t having a hissy fit!

LL: Oh great. Now, you’re going to have a hissy fit because I asked you not to have a hissy fit.

Ly: What? This is getting confusing.

LL: Yeah, let’s just forget about the whole thing and go get some breakfast. I’m actually a little hungry, too.

Ly: Hey, look, it looks as though that little boy is having a hissy fit about something. He’s crying and screaming.

LL: Maybe he didn’t get the toy that he wanted in his Happy Meal.

So what is a hissy fit? a hissy fit – hissy H-I-S-S-Y ກັບ fit F-I-T ​ແປ​ວ່າຫຍັງ? To have a hissy fit means to get really upset about something and throw a tantrum. To have a hissy fit - ແປວ່າ ໂມໂຫ ບໍ່ພໍໃຈຢ່າງແຮງ ກ່ຽວກັບເລື່ອງໃດເລື່ອງໜຶ່ງ ແລ້ວກໍ່ throw a tantrum T-A-N-T-R-U-M ສົ່ງສຽງດັງໂວຍວາຍ ຄືກັນກັບ ເດັກນ້ອຍທີ່ບໍ່ໄດ້ດັ່ງ ໃຈ. And who’s having a hissy fit, and why? ແລ້ວແມ່ນໃຜ ທີ່ສົ່ງສຽງໂວຍວາຍ ແລະ ເປັນຫຍັງ? ເອົາ ໄປຟັງບົດສົນທະນາ ເມື່ອກີ້ ນີ້ອີກ ພ້ອມກັບ ຄຳແປ.

Ly: You passed MacDonald’s! You promised we’d stop for breakfast! ເຈົ້າກາຍຮ້ານ MacDonald’s ​ໄປ​ແລ້ວ! ​ໃສ​ວ່າ ເຈົ້າ ສັນຍາວ່າ ພວກເຮົາຈະຢຸດກິນເຂົ້າເຊົ້າ ກ່ອນ!

LL: Sorry, I missed the turn. We can turn around and go back. There’s no need to have a hissy fit. ​ໂອ ຂໍ​ໂທດ ຂ້ອຍກາຍບ່ອນລ້ຽວຊ້ຳ. ເຮົາຈະອ່ວາຍລົດ ແລ້ວກັບຄືນໄປ​ໃໝ່ກໍ່ໄດ້. ບໍ່ ຈຳ​ເປັນຈະຕ້ອງມີ hissy fit ເລີຍ.

Ly: Have a what? What’s a hissy fit? ມີຫຍັງເກາະ? ແມ່ນຫຍັງ a hissy fit?

LL: To have a hissy fit means to get really upset about something and throw a tantrum. To have a hissy fit ແປວ່າ ໂມໂຫ ບໍ່ພໍໃຈຢ່າງແຮງ ກ່ຽວກັບເລື່ອງໃດເລື່ອງໜຶ່ງ ແລ້ວກໍ່ສົ່ງ ສຽງດັງໂວຍວາຍ ຄືກັນກັບ ເດັກນ້ອຍທີ່ບໍ່ໄດ້ດັ່ງໃຈ.

Ly: I’m not having a hissy fit! I was just upset because I thought you weren’t going to stop. ຂ້ອຍບໍ່ໄດ້ມີ hissy fit! ຂ້ອຍພຽງແຕ່ຢາກຮ້າຍ ເພາະຂ້ອຍຄິດວ່າ ເຈົ້າຈະບໍ່ຢຸດລົດ.

LL: Well, look, I’m going to stop. See? You’re going to get what you want, so there is no need to have a hissy fit. ເອົາ ເບິ່ງແມ້ ຂ້ອຍກໍ່ກໍາລັງຈະຢຸດຢູ່ນີ້ເດ້ ເຫັນບໍ່? ເຈົ້າຈະ ໄດ້ໃນສິ່ງທີ່ເຈົ້າຢາກໄດ້ຢູ່​ດອກ ດັ່ງນັ້ນ ຈຶ່ງບໍ່ຈຳເປັນຕ້ອງໂວຍວາຍ​ເລີຍ.

Ly: I told you that I wasn’t having a hissy fit! ຂ້ອຍບອກເຈົ້າແລ້ວ​ເດ້ ຂ້ອຍບໍ່ໄດ້ໂວຍວາຍ!

LL: Oh great. Now, you’re going to have a hissy fit because I asked you not to have a hissy fit. ຈັ່ງແມ່ນຄັກ​ເນາະ. ບັດນີ້ ເຈົ້າຊ້ຳຜັດຊິໂວຍວາຍ ຍ້ອນຂ້ອຍຂໍບໍ່ໃຫ້ເຈົ້າໂວຍວາຍ.

Ly: What? This is getting confusing. ແມ່ນຫຍັງເກາະ? ຄື​ວ່າ ມັນກຳລັງສັບສົນຂຶ້ນໄດ໋ນີ່.

LL: Yeah, let’s just forget about the whole thing and go get some breakfast. I’m actually a little hungry, too. ຫັ້ນແຫລະ ລືມເລື່ອງທັງໝົດສາ​ເນາະ ແລ້ວໄປກິນເຂົ້າເຊົ້າກັນ. ຄວາມ ຈິງແລ້ວ ຂ້ອຍກໍ່ຫິວແດ່ໜ້ອຍໜຶ່ງຄືກັນ. Hey Ly, look at that little boy. He is having a hissy fit. ເອີ່ ລີ ເບິ່ງໝໍນ້ອຍໆຄົນນັ້ນ​ແມ້ ມັນກຳລັງຮ້ອງ​ໄຫ້ໂວຍວາຍ.

Ly: Maybe he didn’t get the toy that he wanted in his

Happy Meal. ບາງທີ ມັນອາດບໍ່ໄດ້ເຄື່ອງຫລິ້ນ ທີ່ມັນຢາກໄດ້ ໃນຊຸດອາຫານ Happy Meal ຂອງມັນ ຕິ​ເບາະ.

ແລະ ນັ້ນກໍ່ຄືລາຍການບົດຮຽນພາສາອັງກິດ Popular American Slangs and Idioms ທີ່ວິທະຍຸກະຈາຍສຽງແຫ່ງຊາດ ລາວ ຢູ່ນະຄອນຫລວງ​ວຽງ​ຈັນ ສປປ ລາວ ຮ່ວມກັບ ວີໂອເອ ພາກ ພາສາລາວ ທີ່​ນະຄອນຫລວງວໍ​ຊິງ​ຕັນ ດີ​ຊີ ສະຫະລັດອາ​ເມຣິກາ ນຳມາ ສະເໜີທ່ານເປັນປະຈໍາ ທາງສະຖານີແຫ່ງນີ້ ໃນລະບົບ AM ທຸກໆວັນ ອັງຄານ ແລະ ວັນເສົາ ເວລາ 9.30 ໂມງ ຫາ 9:45 ໂມງ ຕອນເຊົ້າ ແລະ ໃນລະບົບ FM 103.7 Mhz (ຮ້ອຍສາມຈຸດເຈັດເມກາເຮີ້ສ) ເວລາບ່າຍ 14.00 ໂມງ ຫາ 14.15 ໂມງ ທຸກໆວັນເສົາ ແລະ ວັນ ອາທິດ. ໂປດຕິດຕາມບົດຮຽນໃໝ່ຂອງພວກເຮົາໄດ້ໃນຄັ້ງຕໍ່ໄປ. ສຳລັບ ມື້ນີ້ ທິມງານຂອງພວກເຮົາ ຂ້າພະເຈົ້າ ດາຣາ ກັບ ສຸກພະໃສ ແລະ ເພັດສະໝອນ ພ້ອມດ້ວຍນາຍຊ່າງເຕັກນິກອັດສຽງ ສົມຄິດ ວິໄລເງິນ ແລະ ອັດສະລາ ຂໍຂອບໃຈທຸກໆທ່ານທີ່ໃຫ້ກຽດຕິດຕາມຮັບຟັງແຕ່ຕົ້ນຈົນ ຈົບ. ພົບກັນໃໝ່ໃນໂອກາດໜ້າ - ສະບາຍດີ!

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG