ລິ້ງ ສຳຫລັບເຂົ້າຫາ

logo-print

ການຫັນປ່ຽນ ຂີ້ເຫຍື້ອ ໃຫ້ກາຍເປັນ ພະລັງງານເຊື້ອໄຟ ຊີວະພາບ (ວີດີໂອ)


ນຶ່ງ​ໃນ​ບັນດາ​ເທັກ​ໂນ​ໂລ​ຈີທີ່​ຜູ້​ຄົນ​ລໍຄອຍ​ມາ​ຢ່າງ​ກະຕືລື​ລົ້ນ ຫຼາຍທີ່​ສຸດ​ໃນ​ພະລັງງານ​ໝຸນ​ວຽນ​ນັ້ນ ຄາດ​ວ່າ ຈະ​ກາຍມາ ເປັນພະລັງງານ ກະແສຫຼັກ ​ໃນ​ປີ​ນີ້.

ນຶ່ງ​ໃນ​ບັນດາ​ເທັກ​ໂນ​ໂລ​ຈີທີ່​ຜູ້​ຄົນ​ລໍຄອຍ​ມາ​ຢ່າງ​ກະຕືລື​ລົ້ນ
ຫຼາຍທີ່​ສຸດ​ໃນ​ພະລັງງານ​ໝຸນ​ວຽນ​ນັ້ນ ຄາດ​ວ່າ ຈະ​ກາຍມາ
ເປັນພະລັງງານກະແສຫລັກ ​ໃນ​ປີ​ນີ້. ​ເທັກ​ໂນ​ໂລ​ຈີ​ດັ່ງກ່າວ
ຈະ​ຫັນປ່ຽນ​ແກນ​ໝາກສາລີ ​ເຟືອງ​ເຂົ້າເ​ບລ່ ແລະແມ່ນກະ
ທັງ​ຂີ້​ເຫຍື້ອ​ ໃຫ້ເປັນ​ນ້ຳມັນ​ເຊື້ອ​ໄຟ. ສິງ​ ຈະ​ນຳ​ເອົາ​ລາຍ
​ງານເລື້ອງ​ນີ້ ຈາກ​ຜູ້​ສື່​ຂ່າວ​ວີ​ໂອ​ເອມາສະ​ເໜີ​ທ່ານ​ຕໍ່​ໄປ.

ທ່ານ Randy Garrett ຜູ້​ຈັດການ​ໂຮງງານທົດລອງໝູນ
ໃຊ້​ຂີ້​ເຫຍື້ອ Fiberight ກ່າວວ່າເວລາ​ລົດ​ບັນທຸກ​ຂີ້​ເຫຍື້ອ
​ໄປ​ຖິ້ມ​ຂີ້ເຫຍື້ອໃໝ່ໆ​ ທີ່​ໂຮງງານ Fiberight ​ໃນ​ພາກ​ໃຕ້​
ຂອງ​ລັດ​ Virginia ນັ້ນອັນ​ທີ່​ເລີ້ມ​ຕົ້ນ​ດ້ວຍ​ຜັກເນົ່າເປື່ອຍ
ເສດເຈ້ຍ​ກະດາດແຂງ​ແລະ​ຂີ້​ເຫຍື້ອ​ປະ​ເພດ​ອື່ນໆນັ້ນແມ່ນ​
ໄດ້​ກາຍ​ເປັນ​ສິ່ງ​ທີ່​ມີ​ລາຄາ​ຫຼາຍ​ຂຶ້ນ.

ທ່ານ Randy Garrett ກ່າວ​ວ່າ “ອັນ​ທີ່​ພວກ​ເຮົາ​ກຳລັງ​ເຮັດ​ຢູ່​ນີ້ແມ່ນ ຮັບ​
ເອົາ​ຂີ້​ເຫຍື້ອ ​ທີ່​ຈະຖືກສົ່ງໄປຍັງ​ບ່ອນ​ຖິ້ມ​ຂີ້​ເຫຍື້ອ ​ເຄິ່ງນຶ່ງໃນ​ຈຳນວນ
ວັດຖຸ​ເຫຼົ່າ​ນີ້​ ຈະຖືກ​ແປ​ຮູບ​ໃຫ້ເປັນ​ນ້ຳມັນ​ເຊື້ອ​ໄຟ​ຊີວະ​ພາບ ​ເຊັ່ນ ນ້ຳ
ມັນ ethanol ເປັນຕົ້ນ.”


ນ້ຳມັນ ethanol ​ແມ່ນ​ມີປະລິ​ມານ 10 ​ເປີ​ເຊັນ​ ຢູ່ໃນນ້ຳມັນເຊື້ອ​ໄຟ ​ທີ່​ໃຊ້​ກັນ​ຢູ່​ໃນສະຫະລັດ.

ນ້ຳມັນ ethanol ​ເກືອບ​ທັງ​ໝົດ​ແມ່ນ​ຜະຫລິດ​ມາ​ຈາກ​ໝາກສາລີ ທີ່​ພາ ໃຫ້ເກີດ​
ມີການ​ແຂ່ງຂັນ​ກັນ ​ລະຫວ່າງ ການ​ເອົາ​ໝາກສາລີ ​ມາ​ເປັນອາ ຫານແລະ​ການ​ຜະລິດເປັນ​ນ້ຳມັນ​ເຊື້ອ​ໄຟ ທີ່​ພວກ​ຕຳ​ໜິຕິຕຽນ ກ່າວ​ວ່າ ເຮັດ​ໃຫ້​ຄ່າ​ອາຫານ​ປະ
​ເພດ​ພວກ​ໝາກສາລີ​ແພງ​ຂຶ້ນ​ນັ້ນ.

​ແຕ່​ບໍ່​ເປັນ​ແນວ​ນັ້ນ ທີ່​ບໍລິສັດ Fiberight ບ່ອນ​ທີ່​ເຂົາ​ເຈົ້າເອົາ​ຂີ້​ເຫຍື້ອ​ເທ​ໃສ່​ໝໍ້
ຫຼື​ເຄື່ອງຫຸງ​ຕົ້ມ ທີ່ໃຊ້ແຮງກົດດັນຂະໜາດ​ໃຫຍ່​.

ທ່ານ Randy Garrett ກ່າວ​ວ່າ" ການ​ກະທຳ​ເຊັ່ນ​ນີ້ ​ເປັນການ​ແປ​ຮູບ​ພວກ
ໜັງສືພິມ​ເກົ່າ ເສດ​ກະດາດ​ແຂງ ​ເປືອກ​ໝາກກ້ວຍ ​ແລະ​ເສດ​ຜັກ​ອື່ນໆ
ໃຫ້ເປັນເຍື່ອເປື່ອຍ​ເຂົ້າກັນແລະ​ສິ່ງ​ນີ້​ແມ່ນສິ່ງ​ທີ່​ພວກ​ເຮົາຕ້ອງການ ສຳ
ລັບນຳມາແປ​ຮູບ​ໃຫ້​ເປັນນ້ຳມັນ
ເຊື້ອ​ໄຟ​ຊີວະພາບ.”


ກອງ​ເຍື່ອທີ່​ເປັນ​ອາຍ​ຂຶ້ນ ທີ່ຫາກໍ​ນຳອອກ​ມາ​ຈາກ​ໝໍ້​ອົບ​ດັ່ງກ່າວສ່ວນ​ໃຫຍ່ແລ້ວ
ແມ່ນເປັນສານ cellulose.

ພາຍ​ໃຕ້ສະພາບ​ການ​ທີ່​ຖືກຕ້ອງ ສານ cellulose ​ສາມາດແປ​ຮູບ​ເປັນ​ນ້ຳຕານ
​ກໍ​ໄດ້ ຊຶ່ງ​ສາມາດ​ປ່ຽນ​ເປັນ ethanol ​ໄດ້.

​ໃນ​ປີ​ນີ້ ມີ​ໂຮງງານ​ຫຼື​ບໍລິສັດອື່ນໆ​ອີກ​ຫຼາຍ​ແຫ່ງ ຄາດ​ວ່າຈະ​ເລີ້ມ​ຜະລິດ Ethanol ​ຈາກສານ cellulose ​ໃນ​ລຳ​ຕົ້ນ​ໝາກສາລີ ຈາກ​ເຟືອງ​ຕົ້ນ​ເຂົ້າ​ເບ​ລ່ ​ແລະ​ຕົ້ນ​
ໄມ້​ນ້ອຍ​ອື່ນໆ.

ການ​ຫັນປ່ຽນ​ທີ່ີວ່າ​ນີ້​ ໄດ້​ໃຊ້​ເວລາ​ມາ​ເປັນ​ເວລາ​ດົນ​ນານແລ້ວ.

ຊຶ່ງ​ມື້​ໃດ​ມື້​ນຶ່ງ​ພວກ​ເຮົາ​ຈະ​ໃຊ້​ນ້ຳມັນ​ດັ່ງກ່າວ ​ໃ​ສ່ລົດຂອງພວກ​ເຮົາ​.”

​ເມື່ອ​ເຮົາຫວນ​ກັບ​ຄືນ​ໄປ​ຫາ​ປີ 2007 ອະດີດ​ປະທານາທິບໍ​ດີ George W. Bush
​ໄດ້​ລົງ​ນາມ​ໃນ​ກົດໝາຍ​ສະບັບ​ນຶ່ງ ທີ່​ບັງຄັບ​ ໃຫ້​ເພີ້​ມປະລິ ມານຂອງ ethanol​ ໃສ່​
ໃນ​ນ້ຳມັນ​ເຊື້ອ​ໄຟໃນ​ສະຫະລັດ.

​ເປົ້າ​ໝາຍ​ນຶ່ງ​ຂອງ​ການ​ກະທຳ​ເຊັ່ນ​ນັ້ນ ແມ່ນ​ເພື່ອ​ຊຸກຍູ້ໃນ​ການ​ຊອກ​ຫາ​ແຫຼ່ງພະລັງ
ງານ​ໃໝ່.

ທ່ານ Bush ກ່າວ​ວ່າ “ພວກ​ເຮົາ​ພັດທະນາ​ເທັກ​ໂນ​ໂລ​ຈີ​ໃໝ່ຕ່າງໆ ທີ່ ຈະ​
ເຮັດ​ໃຫ້​ພວກ​ເຮົາ​ສາມາດ​ຜະຫລິດ ethanol ຈາກ​ເສດ​ໄມ້ ຈາກ​ຫຍ້າ ຫຼື​
ສິ່ງ​ເສດ​ເຫຼືອ​ຕ່າງໆ ທາງດ້ານການ​ກະ​ເສດ​ນັ້ນ.”


​ແລະ​ພະລັງງານ​ທີ່​ຜະລິດ​ອອກ​ມາ​ຈາກ​ຕົ້ນ​ໄມ້​ນ້ອຍ ຈະ​ຜະລິດ​ແກັ​ສ​ເຮືອນ​ແກ້ວ​
ຂຶ້ນ​ສູ່​ບັນຍາກາ​ດໜ້ອຍ​ກວ່າ ທີ່​ນ້ຳມັນ ​petroleum ຜະລິດ​ຂຶ້ນນັ້ນ.

ທ່ານນາງ Madhu Khanna ນັກ​ເສດຖະສາດ​ດ້ານ​ກະສິກຳ​ຈາກ​ມະ ຫາວິທະຍາ​
ໄລ​ລັດ Illinois ກ່າວ​ວ່າ ​ແຕ່​ການ​ຜະລິດ ethanol ຈາກ​ສານ cellulose ນັ້ນ​ແມ່ນ​ຍາກ​ກວ່າ​ທີ່​ຄາດ​ຫວັງ​ໄວ້.

ທ່ານນາງ Madhu Khanna ກ່າວ​ວ່າ “ພວກ​ເຮົາ​ຮູ້ຈັກ​ເຮັດ​ຢູ່​ໃນ​ຫ້ອງ​ຄົ້ນ ຄວ້າ​ທົດ​ລອງ ​ແຕ່​ບັນຫາ​ທີ່​ສຳຄັນ ​ແມ່ນ​ການ​ເຮັດສືບ​ຕໍ່​ໄປຄືໃຫ້ກຸ້ມທຶນ​ໃນ​ການ​
ດຳ​ເນີນ​ການ​ຢ່າງ​ຂະໜານ​ໃຫຍ່.”


ການ​ຜະຫລິດ ethanol ຈາກສານ cellulose ​ໄດ້​ຊັກ​ຊ້າ​ມາເປັນເວ ລາ​ດົນນານ
ແລ້ວ ຈາກ​ການ​ຄາດ​ຫວັງ​ໄວ້ ​ໃນ​ຂະນະ​ທີ່​ບັນດາ​ບໍລິສັດ​ຕ່າງໆ​ໄດ້​ດຳ​ເນີນ​ການ​ທາງ​ດ້ານ​ເທັກ​ນິກນັ້ນ.

ປີ​ນີ້​ເປັນ​ປີຫົ​ວລ້ຽວຫົວ​ຕໍ່.

​ແຕ່​ທ່ານນາງ Khanna ກ່າວ​ວ່າ ພວກ​ລົດ​ລາ​ຂອງ​ພວກ​ເຮົາ ອາດ​ຈະ​ກຳນົດ​ວ່າ ອຸດສາຫະກຳ​ຈະ​ສາມາດ​ເຕີບ​ໂຕ​ຂຶ້ນ​ໄດ້​ຫຼາຍ​ປານ​ໃດ ຊຶ່ງ ທ່ານ Khanna ກ່າວ​ວ່າ “​ເຖິງ​ແມ່ນ​ພວກ​ເຮົາ​ສາມາດ​ເລີ້ມ​ຜະລິດຢ່າງ ​ມີ​ປະສິດທິ​ຜົນ​ໃນ​ເລື່ອງລາຄາແລ້ວກໍ​ຕາມ​ແຕ່​ພວກ​ເຮົາ​ຈະຕ້ອງ​ສາມາດ ​ໃຊ້​ໄດ້ເຊັ່ນ​ກັນ.

ມີ​ລົດ​ພຽງ​ບໍ່​ເທົ່າ​ໃດຍີ່ຫໍ້ເທົ່ານັ້ນ ທີ່​ສາມາດ​ໃຊ້ນ້ຳມັນ​ເຊື້ອ​ໄຟ​ປົນ​ເຊື້ອ ethanol ​ໃນ​ລະດັບ​ສູງ​ໄດ້.

​ໃນ​ຂະນະ​ທີ່​ບໍ່​ມີ​ລົດ​ແບບ​ນີ້ ​ແລ່ນ​ຢູ່​ຕາມ​ຖະໜົນ​ຫົນທາງ​ ເປັນຈຳນວນຫຼວງຫລາຍແລ້ວ ນ້ຳມັນທີ່ຜະລິດຈາກຂີ້ເຫຍື້ອນີ້ ຈະໄປຂາຍຢູ່ໃສ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG