ລິ້ງ ສຳຫລັບເຂົ້າຫາ

logo-print

ນັກວິຈານ ຝຣັ່ງ ຢ້ານວ່າ ມາດຕະການ ຊົ່ວຄາວ ອາດແກ່ອອກໄປຍາວນານ


ປະເທດ ຝຣັ່ງ ໄດ້ປະເຊີນກັບວິກິດການຫຼາຍຄັ້ງໃນສອງສາມປີທີ່ຜ່ານມາ ເຊັ່ນການກໍ່ການຮ້າຍ, ການປະທ້ວງເສື້ອກັກສີເຫຼືອງ, ແລະ ຕອນນີ້ແມ່ນ ໄວຣັສໂຄໂຣນາ. ລັດຖະບານຫຼາຍຊຸດຕິດຕໍ່ກັນໄດ້ໃຊ້ຊື່ຫຼິ້ນ ສະໄໝການປະຕິວັດຂອງປະເທດວ່າ ເປັນດິນແດນແຫ່ງສິດທິມະນຸດ ແຕ່ບັນດານັກວິຈານ ເວົ້າວ່າ ເຂົາເຈົ້າບໍ່ໄດ້ມີຄວາມເຊື່ອແນວນັ້ນຕະຫຼອດໄປ. ນັ້ນລວມມີການຮັບມືກັບ ໂຄວິດ-19. ນັກຂ່າວວີໂອເອ ລີຊາ ບຣາຍອັ້ນ ມີລາຍງານຈາກນະຄອນຫຼວງ ປາຣີ, ເຊິ່ງ ພຸດທະສອນ ຈະນຳລາຍລະອຽດມສະເໜີທ່ານໃນອັນດັບຕໍ່ໄປ.

ເດືອນມັງກອນ 2015, ການໂຈມຕີກໍ່ການຮ້າຍໃຫຍ່ຄັ້ງທຳອິດຈາກຫຼາຍຄັ້ງ ໄດ້ເກີດຂຶ້ນໃນປະ ເທດ ຝຣັ່ງ. ເຊິ່ງເປົ້າໝາຍແມ່ນ ໜັງສີພິມເຍາະເຢີ້ຍສຽດສີ ທີ່ເອີ້ນວ່າ ຊາລີ ເອັບໂດ.

ຫຼາຍລ້ານຄົນໄດ້ອອກມາປະທ້ວງທົ່ວປະເທດ ໃນການສະໜັບສະໜູນເສລີພາບ ໃນການປາກ ເວົ້າ.

ຫຼັງຈາກການໂຈມຕີກໍ່ການຮ້າຍທີ່ຮ້າຍແຮງອີກຄັ້ງນຶ່ງໃນເດືອນພະຈິກນັ້ນ, ລັດຖະບານ ຝຣັ່ງ ໄດ້ປະກາດພາວະສຸກເສີນທີ່ແກ່ຍາວໄປເຖິງ 2 ປີ. ກົດໝາຍຕໍ່ຕ້ານການກໍ່ການຮ້າຍໃໝ່ ໄດ້ມາສັບ ປ່ຽນມັນ ແລະ ໄດ້ຂະຫຍາຍອຳນາດຂອງຕຳຫຼວດ ໃນຂົງເຂດຕ່າງໆຄືການກວດຄົ້ນເຮືອນ ແລະ ການລັກຟັງທາງອີເລັກໂທຣນິກ.

ປັດຈຸບັນນີ້, ຝຣັ່ງ ໄດ້ປະເຊີນກັບວິກິດການອີກອັນນຶ່ງ ແລະ ພາວະສຸກເສີນອີກຄັ້ງນຶ່ງ, ຄັ້ງນີ້ແມ່ນກ່ຽວກັບ ສຸຂະພາບ. ກຸ່ມສິດທິມະນຸດຕ່າງໆ, ຜູ້ທີ່ໄດ້ກ່າວຫາລັດຖະບານ ກ່ຽວກັບ ການຕັດເສລີ ພາບຂອງພົນລະເມືອງລົງຢ່າງຕໍ່ເນື່ອງໃນ ລະຫວ່າງ ພາວະສຸກເສີນຄັ້ງທີ່ຜ່ານມາ, ຢ້ານກວ່າມັນອາດເກີດຂຶ້ນອີກເທື່ອນຶ່ງ ແລະ ແກ່ຍາວຕໍ່ຫຼັງຈາກໂຣກລະບາດໄວຣັສໂຄໂຣນາ.

ທ່ານ ອາຣີ ອາລີມີ, ທະນາຍຄວາມຈາກພັນທະມິດສິດທິມະນຸດ ຝຣັ່ງ ກ່າວວ່າ “ພວກເຮົາຮູ້ວ່າ ສຳລັບທຸກໆສະຖານະພາບ ການຍົກເວັ້ນພາວະສຸກເສີນ ພວກເຮົາຈະມີກົດລະບຽບບາງອັນ, ກົດລະບຽບໃໝ່ທີ່ເຂົ້າໄປຢູ່ໃນກົດໝາຍທົ່ວ ໄປ.”

ບັນດານັກວິຈານຄືທ່ານ ອາລີມີ ເວົ້າວ່າ ການກັກບໍລິເວນ ໄວຣັສໂຄໂຣນາ ຂອງ ຝຣັ່ງ ໄດ້ເຮັດໃຫ້ຄວາມບໍ່ເທົ່າທຽມກັນ ທີ່ມີຢູ່ໃນປັດຈຸບັນນີ້ຮຸນແຮງຂຶ້ນ, ລວມທັງການກ່າວອ້າງ ກ່ຽວກັບ ການວາດພາບຜູ້ຕ້ອງສົງໄສຈາກເຊື້ອຊາດຜິວ ພັນ ແລະ ການລະເມີດຂອງຕຳຫຼວດ ທີ່ໄດ້ກະຕຸ້ນໃຫ້ເກີດການປະທ້ວງເມື່ອບໍ່ ດົນມານີ້.

ເຂົາເຈົ້າຍັງໂຕ້ຖຽງວ່າ ເທັກໂນໂລຈີໃໝ່ເພື່ອທຳການຕໍ່ສູ້ກັບໄວຣັສນັ້ນ ໄດ້ຂົ່ມຂູ່ສິດທິຄວາມເປັນສ່ວນຕົວຂອງເຂົາເຈົ້າ. ໃນນັ້ນລວມມີການໃຊ້ໂດຣນກວດກາ ເພື່ອຕິດຕາມເບິ່ງການປະຕິບັດຕາມຂໍ້ຫ້າມໄວຣັສໂຄໂຣນາ ໃນສາທາລະນະ, ເຊິ່ງມັນຖືກຫ້າມແລ້ວໃນປັດຈຸບັນນີ້, ລຸນຫຼັງມີການຕຳໜິ ກ່ຽວກັບ ຄວາມເປັນສ່ວນຕົວ.

ອີກອັນນຶ່ງແມ່ນການໃຊ້ແອັບພລີເຄຊັ້ນຕິດຕາມຮ່ອງຮອຍຂອງໄວຣັສ ທີ່ບັນດາເຈົ້າໜ້າທີ່ໄດ້ເອົາອອກມາໃຊ້ເຮັດໃຫ້ ຝຣັ່ງ ເປັນປະເທດໃຫຍ່ທຳອິດໃນ ຢູໂຣບ ທີ່ໃຊ້ມັນ. ແອັບພລີເຄຊັ້ນ ໂທລະ ສັບມືຖືທີ່ເອີ້ນວ່າ StopCOVID, ໄດ້ເພັ່ງເລັງ ໃສ່ການເຕືອນຜູ້ໃຊ້ ເວລາທີ່ເຂົາເຈົ້າໄດ້ສຳພັດກັບໄວຣັສ.

ການໂຫຼດເອົາແອັບພລີເຄຊັ້ນດັ່ງກ່າວແມ່ນຕາມຄວາມສະໝັກໃຈ. ກຸ່ມສິ້ງຊອມ ຄວາມເປັນສ່ວນ ຕົວຂອງ ຝຣັ່ງ ຊື່ວ່າ CNIL ໄດ້ໃຫ້ໄຟຂຽວຕໍ່ການໃຊ້ມັນ. ສະ ນັ້ນສະພາແຫ່ງຊາດ ເຖິງແມ່ນວ່າຈະບໍ່ມີການຄັດຄ້ານກໍຕາມ. ລັດຖະບານເວົ້າ ວ່າ ເປົ້າໝາຍຫຼັກອັນດຽວຂອງແອັບພລີເຄຊັ້ນນັ້ນ ແມ່ນເພື່ອປົກປ້ອງປະຊາຊົນ ຝຣັ່ງ ຈາກການຕິດໄວຣັສ, ມັນຈະບໍ່ຕິດຕາມ ຫຼື ເກັບກຳຂໍ້ມູນສ່ວນຕົວ. ແລະ ຄືກັບມາດຕະການສຸກເສີນອື່ນໆ, ແມ່ນຈະຖືກໃຊ້ຊົ່ວຄາວເທົ່ານັ້ນ.

ແລະ ຫຼັງຈາກໄດ້ປະກາດວ່າ ໄວຣັສໂຄໂຣນາ ແມ່ນຖືກຄວບຄຸມໄດ້ແລ້ວນັ້ນ, ລັດຖະບານເວົ້າວ່າມາດຕະການສຸກເສີນຈະສິ້ນສຸດໃນເດືອນກໍລະກົດ.

ແຕ່ມັນບໍ່ໄດ້ລວມມີແອັບພລີເຄຊັ້ນໂທລະສັບນັ້ນ ແລະ ບັນດານັກວິຈານກໍເປັນ ຫ່ວງ ກ່ຽວກັບ ການລັກລອບສອດແນມທາງດິຈິຕອລ.

ເຂົາເຈົ້າກ່າວວ່າ “ພວກເຮົາຢ້ານວ່າການແກ້ໄຂບັນຫາແບບນີ້,​ ມັນຈະຖືກໃຊ້ ໃນເວລາອື່ນ ເພື່ອຕິດຕາມຄົນ ບໍ່ແມ່ນບັນຫາໄວຣັສ ແຕ່ກໍຍັງຈະເປັນບັນຫາ ທາງການເມືອງໃນລະຫວ່າງ ການປະທ້ວງຕ່າງໆ.”

ປະຊາຊົນ ຝຣັ່ງຫຼາຍຄົນເບິ່ງຄືວ່າຈະບໍ່ມີຄວາມຢ້ານກົວທີ່ວ່ານັ້ນ. ຫຼາຍກວ່ານຶ່ງ ລ້ານຄົນແມ່ນໄດ້ດາວໂຫຼດເອົາແອັບພລີເຄຊັ້ນດັ່ງກ່າວມາໃຊ້ແລ້ວ. ເຖິງແມ່ນວ່າ ນັ້ນຍັງຕໍ່າກວ່າສອງເປີເຊັນຂອງປະຊາກອນກໍຕາມ. ການສຳຫຼວດໄດ້ສະແດງ ໃຫ້ເຫັນການສະໜັບສະໜູນຂອງປະຊາຊົນຢ່າງກວ້າງຂວາງ ສຳລັບການກັກບໍລິ ເວນ. ດັ່ງກັບຕອນທີ່ມີພາວະສຸກເສີນໃນປີ 2015.

ທ່ານນາງ ກິລດາ, ຜູ້ອາໄສຢູ່ນະຄອນຫຼວງ ປາຣີ ກ່າວວ່າ “ຂ້າພະເຈົ້າບໍ່ຄິດ ວ່າການກັກບໍລິເວນແມ່ນເຄັ່ງຄັດໂພດ, ແລະ ຂ້າພະເຈົ້າພົບວ່າເສລີພາບຂອງ ຂ້າພະເຈົ້າບໍ່ໄດ້ຖືກລະເມີດເລີຍ. ບໍ່ແມ່ນແຕ່ໜ້ອຍດຽວ. ຂ້າພະເຈົ້າເຂົ້າໃຈ ກ່ຽວກັບ ຄວາມຈຳເປັນສຳລັບ ໂຄວິດ, ແລະ ສຳລັບກໍລະນີນີ້ພຽງເທົ່ານັ້ນ.”

ນາງ ອາເນ ວີໂອເລ, ນັກສຶກສາ ເວົ້າວ່າ “ເຂົາເຈົ້າເອົາມາດຕະການເພື່ອຫຼີກ ລ່ຽງການມີຜູ້ເຄາະຮ້າຍເພີ່ມເຕີມ. ເຂົາເຈົ້າເຮັດເພື່ອພວກເຮົາ. ຂ້າພະເຈົ້າຄິດ ວ່າ ມັນແມ່ນການຕັດສິນໃຈທີ່ດີ.”

ບັນດາຜູ້ຊ່ຽວຊານສົງໄສວ່າ ແອັບພລີເຄຊັນຂອງ ຝຣັ່ງ ແລະ ອື່ນໆໃນ ຢູໂຣບ ຈະມີປະສິດທິພາບແທ້ຫຼືບໍ່. ເຖິງແມ່ນວ່າມັນຈະມີ ແລະ ເຄົາລົບຄວາມເປັນ ກ່ຽວກັບ ຄວາມເປັນສ່ວນຕົວໃນປັດຈຸບັນນີ້ກໍຕາມ. ນັກວິເຄາະທ່ານ ສກັອດ ມາຄັສ ເວົ້າວ່າ ຜູ້ມີຄວາມສົງໄສແມ່ນມີເຫດຜົນ.

ທ່ານ ສກັອດ ມາຄັສ ນັກວິໄຈອາວຸໂສ ທີ່ສະຖາບັນ ບຣູແກລ ກ່າວວ່າ “ຄຳ ຖາມພື້ນຖານກໍແມ່ນເຈົ້າເຊື່ອລັດຖະບານຂອງເຈົ້າຫຼາຍປານໃດ? ຖ້າພວກເຮົາ ເວົ້າວ່າ ມັນຈະມີຢູ່ຕາບໃດທີ່ມັນຍັງມີບັນຫາ ໂຄວິດ ຢູ່ນັ້ນ, ບັນຫາໂຄວິດ-19 ອາດຈະຢູ່ກັບພວກເຮົາເປັນເວລາຫຼາຍປີ. ສະນັ້ນມັນແມ່ນຄວາມເປັນຫ່ວງທີ່ ແທ້ຈິງ ແລະ ມັນແມ່ນອັນທີ່ຕ້ອງໄດ້ມີຄວາມເອົາໃຈໃສ່ຢ່າງຈິງຈັງ.”

ແຕ່ສຳລັບຕອນນີ້, ປະຊາຊົນ ຝຣັ່ງ ອາດບໍ່ໄດ້ຄິດເຖິງໄລຍະຍາວປານໃດ. ເຂົາເຈົ້າແມ່ນກຳລັງເພີດເພີນກັບຄວາມງຽບສະຫງົບຈາກວິກິດການຫຼ້າສຸດນີ້ ແລະ ຫວັງວ່າມັນຈະຍຶດເຍື້ອຍາວນານ.

France has weathered multiple crises in recent years: terrorism, yellow protests, and now, coronavirus. Successive governments champion the country's revolution-era moniker as the land of human rights – but critics say they don't always live by it. That includes the response to COVID-19. For VOA, Lisa Bryant reports from Paris.

January 2015 — The first of several major terrorist attacks to hit France. The target: a satirical newspaper called Charlie Hebdo.

Millions demonstrated across the country in support of free expression.

After another deadly terrorist strike that November, the French government imposed a state of emergency that lasted two years. The new anti-terrorism law replacing it expanded police powers in areas like home searches and electronic eavesdropping.

Now, France faces another crisis and another state of emergency, this time a health one. Rights groups, who accused the government of sustainably eroding civil liberties during the last state of emergency, fear this could happen again — and continue long after the coronavirus pandemic.

"We know that for all the exception states of of emergency state we have some of the rules, new rules that are entering in common law."

Critics like Alimi say France’s coronavirus lockdown heightened existing inequalities, including claims of racial profiling and police abuse that have helped fuel recent protests.

They also argue that new virus-fighting technologies threaten privacy rights. Among them: surveillance drones to monitor public compliance with coronavirus restrictions – banned for now, following a privacy complaint.

Another is a virus tracing app authorities rolled out – making France the first major European country to use one. Called StopCOVID, the smart phone application aims to alert users when they are exposed to the virus.

Downloading it is voluntary. France’s privacy watchdog group, the CNIL, has greenlighted it. So has parliament – although not without some dissent. The government says the app’s sole aim is to protect French from getting infected, that it will not track or keep personal information – and, like its other emergency measures, is temporary.

And after declaring coronavirus under control, the government says emergency measures will end in July.

But that doesn’t include the phone app – and critics worry about digital creep.

“We are afraid that this kind of solution, it will be used another time to track people – not for virus issues but also political issues during demonstrations.”

Many French don’t seem to share those fears. More than a million have already downloaded the app – although that’s still less than 2 percent of the population. Surveys show widespread public support for the lockdown — just as there was for the state of emergency in 2015.

“I didn’t think the confinement was too strict, and I didn’t find my liberties infringed. Not at all. I understood it was necessary for COVID, and just for this case.”

“They took measures to avoid having more victims. They did it for us. I think it was a good decision.”

Experts question whether the French and other European apps will actually be effective. Even if they are – and respect today’s privacy concerns – analyst Scott Marcus says the skeptics have a point.

“The fundamental question is how much do you trust your government? If we say it will be kept in place as long as there’s a COVID 19 problem – the COVID 19 problem could be with us for years….So it’s a genuine worry, and it's one that has to be taken seriously.”

But for now, the French may not be thinking so long term. They are enjoying a lull from this latest crisis – and hoping it will last.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG