17 ຄົນ ເສຍຊີວິດ ໃນເຫດລະເບີດ 2 ຄັ້ງ ຢູ່ອີຣັກ (ວີດີໂອ)

ເຈົ້າໜ້າທີ່ອີຣັກກ່າວວ່າການໂຈມຕີດ້ວຍລະເບີີດ 2 ຄັ້ງຊ້ອນຢູ່
ນອກສຳນັກງານ ຂອງພັກການເມືອງ ຂອງຊາວ Kurd ໄດ້ສັງ
ຫານຢ່າງໜ້ອຍ 17 ຄົນແລະອີກ 50 ກວ່າຄົນໄດ້ຮັບບາດເຈັບ.

ເຫດລະເບີດ ໃນວັນອາທິດມື້ນີ້ ແມ່ນຮວມທັງ ການໂຈມຕີສະ
ຫຼະຊີບໃກ້ໆສຳນັກງານຂອງພັກສະຫະພັນຜູ້ຮັກຊາດ Kurdis-
tan ຫລື PUK ຂອງປະທານາທິບໍດີ Jalal Talabani ຊຶ່ງຕັ້ງຢູ່
ໃກ້ຕຶກອາຄານກອງກຳລັງຮັກສາຄວາມສະຫງົບນັ້ນ.

ລະເບີດລູກທີ 2 ແຕກຂຶ້ນໃນຂະນະທີ່ພວກກູ້ໄພສຸກເສີນ ໄປ
ຮອດບ່ອນໂຈມຕີດ້ວຍລະເບີດລູກທຳອິດ.

ຍັງບໍ່ທັນມີກຸ່ມໃດອ້າງເອົາຄວາມຮັບຜິດຊອບໃນການໂຈມຕີດັ່ງກ່າວນີ້ເທື່ອ ຊຶ່ງເກີດຂຶ້ນ ທີ່ເມືອງ Jalula ໃນແຂວງ Diyala ຊຶ່ງຕັ້ງຢູ່ທາງກ້ຳຕາເວັນອອກສຽງ ເໜືອຂອງນະຄອນ ຫຼວງແບັກແດັດ.

ໃນວັນເສົາວານນີ້ ການໂຈມຕີດ້ວຍລະເບີດຫຼາຍໆຄັ້ງ ໄດ້ສັງຫານເກືອບ 60 ຄົນ ໃນນະຄອນ ຫຼວງ ອີຣັກ ຊຶ່ງເປັນພາກສ່ວນນຶ່ງ ຂອງມື້ແຫ່ງການກໍ່ຄວາມຮຸນແຮງ ທີ່ໄດ້ເຫັນພວກຫົວຕໍ່ສູ້ ໂຈມຕີມະຫາວິທະຍາໄລແຫ່ງນຶ່ງ ຂອງອີຣັກນຳດ້ວຍ.

ເຫດລະເບີດທີ່ນະຄອນແບັກແດັດໃນວັນເສົາວານນີ້ ສ່ວນໃຫຍ່ແລ້ວແມ່ນໄດ້ແນເປົ້າໝາຍ ໃສ່ເຂດທີ່ຊາວຊີໄອທ໌ອາໄສຢູ່ ຊຶ່ງໄດ້ເນັ້ນໃຫ້ ເຫັນວ່າ ຄວາມຮຸນແຮງ ທາງດ້ານສາສະໜາ ພວມເພີ້ມທະວີຂຶ້ນຢູ່ໃນອີຣັກ.