ອະດີດປະທານາທິບໍດີ ສະຫະລັດ ທ່ານ ດໍໂນລ ທຣຳ ໄດ້ຖືກເລືອກເປັນປະທານາທິບໍດີຄົນທີ 47 ໃນຕອນເຊົ້າວັນພຸດມື້ນີ້ ຫຼັງຈາກໄດ້ຊະນະໃນຫຼາຍລັດທີ່ສຳຄັນ, ລວມທັງລັດ ເພັນຊິລເວເນຍ ແລະ ວິສຄອນຊິນ, ໂດຍການເອົາຊະນະຮອງປະທານາທິບໍດີ ຄາມາລາ ແຮຣິສ.
ທ່ານ ດໍໂນລ ທຣຳ ຕ້ອງການຄະແນນສຽງຈາກຄະນະຜູ້ແທນລັດ 270 ຄະແນນເພື່ອຊະນະການແຂ່ງຂັນ, ແຕ່ແຜນທີ່ການເລືອກຕັ້ງໃນປັດຈຸບັນນີ້ສະແດງໃຫ້ເຫັນວ່າທ່ານມີ 277 ຄະແນນ ຕໍ່ທ່ານນາງ ຄາມາລາ ແຮຣິສ 224 ຄະແນນ.
ທ່ານ ດໍໂນລ ທຣຳ ໄດ້ປະກາດໄຊຊະນະໃນການກ່າວຄຳປາໄສຄືນການເລືອກຕັ້ງຢູ່ລັດ ຟລໍຣິດາ ໃນຕອນເຊົ້າວັນພຸດມື້ນີ້, ໂດຍປະຕິຍານວ່າທ່ານຈະ “ບໍ່ພັກຜ່ອນ ຈົນກວ່າທ່ານໄດ້ບັນລຸການເຮັດໃຫ້ ອາເມຣິກາ ມີຄວາມປອດໄພທີ່ແຂງແກ່ນ ແລະ ຈະເລີນຮັ່ງມີ.
ການກ່າວຄຳປາໄສຕໍ່ຜູ້ສະໜັບສະໜູນຂອງທ່ານຈາກງານເບິ່ງການແຂ່ງຂັນຂອງການໂຄສະນາຫາສຽງຂອງທ່ານໃນລັດ ຟລໍຣິດາ ນັ້ນ, ທ່ານ ທຣຳ ໄດ້ກ່າວວ່າ “ປະຊາຊົນທຸກຄົນ, ຂ້າພະເຈົ້າຈະຕໍ່ສູ້ເພື່ອພວກທ່ານ, ຄອບຄົວຂອງພວກທ່ານ ແລະ ອະນາຄົດຂອງພວກທ່ານ.”
ອະດີດປະທານາທິບໍດີ ໄດ້ປະກາດວ່າປະເທດໄດ້ມອບ “ຄຳສັ່ງທີ່ມີອຳນາດ ແລະ ບໍ່ເຄີຍມີມາກ່ອນ” ໃຫ້ທ່ານແລະ ທ່ານກ່າວວ່າທ່ານຈະເຮັດໃຫ້ປະຊາຊົນ “ມີຄວາມສຸກຫຼາຍ ແລະ ພູມໃຈຫຼາຍ” ກັບຄະແນນສຽງຂອງເຂົາເຈົ້າ.
ທ່ານ ທຣຳ ໄດ້ກາຍເປັນອະດີດປະທານາທິບໍດີຄົນທຳອິດ ທີ່ໄດ້ກັບຄືນສູ່ອຳນາດ ຫຼັງຈາກທ່ານ ໂກຣເວີ ຄລີຟແລນ ໄດ້ເຂົາດຳລົງຕຳແໜ່ງຢູ່ທຳນຽບຂາວ ໃນການເລືອກຕັ້ງປີ 1892.
ທ່ານຍັງຈະເປັນຄົນທຳອິດທີ່ຖືກຕັດສິນມີຄວາມຜິດໃນຄະດີອາຍາ ທີ່ຖືກເລືອກເປັນປະທານາທິບໍດີ ແລະ ໃນອາຍຸ 78 ປີ, ທ່ານຈະເປັນຄົນທີ່ມີອາຍຸແກ່ທີ່ສຸດເພື່ອດຳລົງຕຳແໜ່ງ.
ທ່ານ ທຣຳ ໄດ້ລອດຊີວິດຈາກການພະຍາຍາມລອບສັງຫານໂດຍສ້ຽວມິນລີແມັດ ຢູ່ການຊຸມນຸມໃນເດືອນກໍລະກົດທີ່ຜ່ານມາ.
ບັນດາເຈົ້າໜ້າທີ່ຕຳຫຼວດລັບ ໄດ້ສະກັດກັ້ນການພະຍາຍາມຄັ້ງທີສອງໃນເດືອນກັນຍາ.
ຖ້າທ່ານຖືກເລືອກ, ການກວດສອບທ່ານ ທຣຳ ໃນທຳນຽບຂາວ ກໍຈະມີໜ້ອຍລົງຫຼາຍ ເນື່ອງຈາກທ່ານ ວາງແຜນທີ່ຈະດຳເນີນການຕາມແຜນງານກວ້າງໆ ເພື່ອຈະປ່ຽນແປງທຸກແງ່ມຸມຂອງລັດຖະບານ ອາເມຣິກັນ ໂດຍໄວ.
ຜູ້ຕຳໜິວິຈານທ່ານໃນລັດຖະສະພາສ່ວນຫຼາຍແມ່ນໄດ້ຜ່າຍແພ້ໃນການແຂ່ງຂັນ ຫຼື ອອກບຳນານໄປແລ້ວ.
ສານລັດຖະບານກາງຕ່າງໆ ຕອນນີ້ແມ່ນເຕັມໄປດ້ວຍບັນດາຜູ້ພິພາກສາທີ່ທ່ານໄດ້ແຕ່ງຕັ້ງ.
ສານສູງສຸດ ສະຫະລັດ, ເຊິ່ງລວມມີຜູ້ພິພາກສາສາມຄົນທີ່ທ່ານ ທຣຳ ໄດ້ແຕ່ງຕັ້ງ, ໄດ້ປະກາດການຕັດສິນໃນຕົ້ນປີນີ້ ເພື່ອໃຫ້ປະທານາທິບໍດີໄດ້ຮັບເອກະສິດຄຸ້ມຄອງຈາກການເດີນຄະດີ.
ອ່ານຂ່າວນີ້ເປັນພາສາອັງກິດ
Donald Trump declared victory in an election night speech in Florida early Wednesday, vowing that he will “not rest until we have delivered the strong safe and prosperous America.”
While The Associated Press has not yet called the presidential race for Trump, the Republican nominee was on the verge of clinching the presidency Wednesday after winning Pennsylvania, putting him just three electoral votes shy of defeating Kamala Harris to secure his return to the White House.
Addressing his supporters from his campaign’s watch party in Florida, Trump said, “Every citizen, I will fight for you, for your family and your future.”
The former president declared the nation has given him "an unprecedented and powerful mandate," and he said he was going to make people “very happy” and “very proud” of their vote.
Trump would be the first former president to return to power since Grover Cleveland regained the White House in the 1892 election.
He also stands to be the first person convicted of a felony to be elected president and, at 78, would be the oldest person elected to the office.
Trump survived one assassination attempt by millimeters at a July rally.
Secret Service agents foiled a second attempt in September.
If he is elected, there would be far fewer checks on Trump in the White House as he planned to swiftly enact a sweeping agenda that would transform nearly every aspect of American government.
His onetime-GOP critics in Congress have largely been defeated or retired.
Federal courts are now filled with judges he appointed.
The U.S. Supreme Court, which includes three Trump-appointed justices, issued a ruling earlier this year affording presidents broad immunity from prosecution.
ຟໍຣັມສະແດງຄວາມຄິດເຫັນ