ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ພວກໝາ ຮັບການເຝິກແອບ ໃຫ້ດົມກິ່ນ ຫາໂຣກມະເຮັງ ໃນຕ່ອມນ້ຳກາມ


Dogs Being Trained to Detect Prostate Cancer
please wait

No media source currently available

0:00 0:08:02 0:00
ລິງໂດຍກົງ

ຊົມວີດີໂອ ລາຍງານນີ້

ຜູ້​ຊ່ຽວຊານ​ດ້ານ​ລະບົບ​ປັດ​ສະວະ ຫຼາຍທ່ານ ​ເຫັນ​ດີ​ນຳ​ກັນ​ວ່າ
ການ​ກວດສອບ​ຫາໂຣກມະ​ເຮັງ ​ໃນ​ຕ່ອມ​ນ້ຳກາມ ຫຼື ​ໂປຣສ​ເຕດ
​ທີ່​ເອີ້ນກັນ​ວ່າ ການກວດ​ສອບ PSA ໃນ​ປັດຈຸບັນ​ນີ້ ​ສ່ວນ​ໃຫຍ່
​ແລ້ວ ແມ່ນບໍ່​ໜ້າເຊື່ອ​ຖື ​ແຕ່​ມັນ​ຍັງ​ຄົງ​ຖືກ​ນຳ​ໃຊ້​ຢ່າງ​ກວ້າງຂວາງ
ເພາະວ່າ ຍັງບໍ່ມີການກວດ​ສອບ​ປະເພດ​ອື່ນ​ໃດ​ເລີຍ. ບັນດາ​ນັກ
ຄົ້ນຄວ້າ ​ໃນ​ອັງກິດ​ກ່າວ​ວ່າ ໃນ​ໄວໆ​ນີ້ ວິທີ​ການກວດ​ສອບ​
ດັ່ງກ່າວ ອາດຈະຖືກ ປ່ຽນໄປໃຊ້ພວກໝາ ​ທີ່ໄດ້ຮັບການເຝິກ
ແອບໃຫ້ດົມເອົາກິ່ນ ຂອງ​ໂຣກມະ​ເຮັງ ທີ່​ມີ​ຜົນ​ກະທົບ ຕໍ່​ພວກ
ຜູ້ຊາຍ ໜຶ່ງໃນທຸກໆເຈັດຄົນໃດ ອີງຕາມສະມາຄົມ​ໂຣກມະ​ເຮັງ
​ອາ​ເມຣິກາ. ຜູ້​ສື່​ຂ່າວ​ວີ​ໂອ​ເອ George Putic ມີລາຍ​ງານ
ກ່ຽວກັບເລື້ອງນີ້ ​ເຊິ່ງ ​ໄຊ​ຈະ​ເລີ​ນສຸກ ຈະ​ນຳ​ມາສະ​ເໜີ​ທ່ານ ​
ໃນ​ອັນ​ດັບ​ຕໍ່​ໄປ.




​ໂຣກມະ​ເຮັງ​ໃນ​ຕ່ອມນ້ຳກາມ ຫຼື​ໂປຣສ​ເຕດ ​ແມ່ນ​ນຶ່ງ​ໃນ​ປະ​ເພດ ຂອງ​ໂຣກມະ​ເຮັງ ​ທີ່ມີ​
ຜົນກະທົບຫຼາຍກວ່າໝູ່ ​ຕໍ່​ພວກ​ຜູ້​ຊາຍ ​ໄວຫົກ​ສິບປີ​ກວ່າ ອີງ​ຕາມ​ ກອງ​ທຶນເພື່ອ​ການວິ​ໄຈ​
ໂຣກມະ​ເຮັງ​ສາກົນ​ຂອງ​ໂລກ ຫຼື World Cancer Research Fund International ​
ຊຶ່ງ ໃນ​ປີ 2012 ​ໄດ້ວິນິດ​ໄສໂຣກດັ່ງກ່າວ ​ທີ່ພົບ​ເຫັນ​ໃນ​ພວກ​ຜູ້​ຊາຍຫຼາຍ ກວ່າ 1 ລ້ານ​ຄົນ.

ການຮັກສາປິ່ນປົວ ສາມາດ ປະສົບຜົນສຳເລັດໄດ້ ຖ້າໂຣກມະເຮັງ ແມ່ນຖືກວິນິດໄສ
ໃນຕອນຕົ້ນໆ ອັນເປັນເຫດຜົນ ທີ່ບັນດານາຍແພດ ສັ່ງໃຫ້ກວດສອບ ຫາສານສະ​ເພາະ
ທີ່ເອີ້ນວ່າ prostate-specific antigen ທີ່ເອີ້ນຫຍໍ້ວ່າ PSA ທີ່ພົບເຫັນຢູ່ໃນປັດສະວະ
ນັ້ນ. ແຕ່ການ ກວດສອບດັ່ງກ່າວ ສ່ວນຫຼາຍໃຫ້ຜົນ ທີ່ຜິດ ຫຼືລະບຸພວກໂຣກມະເຮັງ ທີ່
ຂະຫຍາຍ ໂຕຊ້າເກີນໄປ ທີ່​ຈະບໍ່ຕ້ອງການຮັກສາປິ່ນປົວເທື່ອ.

ແຕ່ ດຣ. Claire Guest ຜູ້ຮ່ວມຈັດຕັ້ງ ການກວດສອບ ດ້ວຍໝາ ກ່າວວ່າ ດ້ວຍການ
ຊ່ວຍເຫຼືອ ຂອງເພື່ອນທີ່ແສນດີຂອງຄົນນັ້ນ ການ ກວດສອບຫາໂຣກມະເຮັງໃນຕ່ອມ
ນ້ຳກາມ ອາດມີຄວາມແນ່​ນອນຫຼາຍ ຂຶ້ນຕື່ມ ໃນໄວໆນີ້.

ດຣ. Guest ເວົ້າວ່າ “ພວກໝາ ມີຄວາມຮູ້ສຶກຂອງການດົມກິ່ນ ທີ່ມະຫັດສະຈັນ ​
ໂດຍ​ມີອະ​ໄວ​ຍະ​ວະ​ ຮັບ​ຄວາມ​ຮູ້ສຶກ​ຂອງ​ກິ່ນຫຼາຍ ຮ້ອຍລ້ານ​ເສັ້ນ ສ່ວນ​ມະນຸດ​
ເຮົາ​ນັ້ນມີ​ພຽງ 5 ລ້ານ​ເທົ່າ​ນັ້ນ. ສະນັ້ນ ພວກ​ໝາ ​ແມ່ນ​ສາມາດ​ຊອກ​ຫາ​ກິ່ນ​
ຂະໜາດ​ນ້ອຍ​ທີ່​ສຸດໄດ້​ເປັນ​ຢ່າງ​ດີຫຼາຍ.”

​ໃນ​ຂະນະ​ທີ່ ແຊລໂຣກມະ​ເຮັງ​ໃນຕ່ອມ​ນ້ຳກາມ ​ແບ່ງ​ແຍກ​ອອກ ພວກ​ມັນ​ປ່ອຍ​ສານ​
ປະກອບ​ຕ່າງໆ ບາງ​ຢ່າງອອກ​ມາ ທີ່​ພວກ​ໝາ​ສາມາດ​ດົມ​ກິ່ນ​ໄດ້. ​ໃນ​ລະ​ຫວ່າງ ການທົດ
​ສອບຂັ້ນຕົ້ນ ຢູ່​ທີ່ ​ໂຮງໝໍມະຫາວິ ທະຍາ​ໄລ Milton Keynes ຂອງ​ອັງກິດ ພວກ​ໝາ
ສາມາດ​ດົມ​ຫາ​ກິ່ນ​ພະຍາດ​ໄດ້​ເຖິງ 93 ​ເປີ​ເຊັນ​ຂອງ​ກໍລະນີ​ທັງຫຼາຍ.

ນອກຈາກມີ​ຄວາມ​ແມ້ນຍຳ​ແລ້ວ ການກວດ​ສອບ​ດ້ວຍ​ພວກ​ໝາ ​ແມ່ນ ໄວ​ຂຶ້ນຫຼາຍ ​ແລະ
ມີ​ລາຄາຖືກກວ່າ ການກວດ​ສອບ​ຫາ ສານ PSA ຢູ່​ໃນ​ຫ້ອງ​ທົດ​ລອງ.

ດຣ. Guest ​ເວົ້າວ່າ “ພວກ​ໝາ​ເຫຼົ່ານີ້ ມີ​ຄວາມ​ສາມາດ ກວດ​ຫຼາຍ ຮ້ອຍຕົວຢ່າງ
ຕໍ່​ມື້. ມັນ​ເປັນ​ສິ່ງ​ທີ່​ພວກ​ມັນ ຊອກ​ຫາ​ໄດ້​ງ່າຍ​ດາຍ. ພວກ​ມັນ​ມັກ​ ເຮັດ​ວຽກນີ້.
ສຳ​ຫລັບ​ພວກ​ມັນ​ແລ້ວ ມັນ​ເປັນ​ເກ​ມ ການ​ຕ່າ​ມລ່າ ຫາ​ໂຣກມະ​ເຮັງ​ ຂອງ​ພວກ​ມັນ.”

ມັນ​ໃຊ້​ເວລາ ປະມານ 6 ​ເດືອນ ​ເພື່ອ​ເຝິກ​ແອບ ໝາ​ໂຕ​ນຶ່ງ ​ໃຫ້​ນັ່ງ​ລົງ ​ເຫົ່າ ຫຼື ຢ່າງ​ອື່ນ​ ເຊັ່ນ​
ບົ່ງ​ບອກ​ວ່າ ຕົວຢ່າງ​ອັນ​ນຶ່ງ​ນັ້ນ ມີ​ພວກແ​ຊລ ​ໂຣກມະ​ເຮັງ.

ບັນດາ​ນັກຄົ້ນຄວ້າ ກ່າວ​ວ່າ ຖ້າ​ມີ​ການກວດ​ສອບ​ຕື່ມ​ອີກ ທີ່ຢັ້ງຢືນ​ວ່າ ການກວດ​ສອບ​ຫາ ​
ໂຣກມະ​ເຮັງ​ ຂອງພວກ​ໝານັ້ນ ​ມີ​ຄວາມ​ເຊື່ອ​ຖືໄດ້ ພວກ​ເຂົາ​ເຈົ້າ​ອາດ​ພະຍາຍາມ
ເຝິກແອບ​ ພວກ​ໝາ ​ໃຫ້​ດົມ​ກິ່ນ​ເອົາ​ພະຍາດ​ອື່ນໆ​ອີກ​ດ້ວຍ. ​ແຕ່​ພວກ​ເຂົາ​ເຈົ້າ ຍອມຮັບ
​ວ່າ ​ໂດ​ຍມີ​ໝາ​ຢູ່​ໃນ​ຫ້ອງການ​ຂອງ​ທ່ານໝໍ​ແຕ່ລະ​ແຫ່ງ ອາດ​ບໍ່​ເປັນ​ການ​ແກ້​ໄຂ​ ທີ່​ສະດວກ.

ທ່ານ​ນາງ Rowena Fletcher ນັກຄົ້ນຄວ້າ ຂອງໂຮງໝໍ​ມະຫາວິທະຍາ​ໄລ Milton
Keynes ​ເວົ້າວ່າ “​ໃນ​ທີ່​ສຸດ​ແລ້ວ ພວກ​ເຮົາ​ຫວັງຈະ​ນຳ​ໃຊ້​ຂໍ້​ມູນ ທີ່​ເກີດ​ຜົນ​ອອກ
​ມາ​ຈາກພວກ​ໝານັ້ນ ​ເພື່ອ ຈະປະ​ດິດ ​ດັງ​ອີ​ເລັກ​ໂທ​ນິກຂຶ້ນ​ມາໃນ​ທີ່​ສຸດ.”

​ເທັກ​ໂນ​ໂລ​ຈີ້​ອັນ​ນັ້ນ ອາດ​ຍັງ​ ຫ່າງ​ໄກຢູ່​ ​ເພາະວ່າ ຄວາມ​ຮູ້ສຶກ​ຂອງ​ການ​ສືບດົມ​ຂອງ​ໝາ ​
ແມ່ນ​ຍັງເໜືອກ​ວ່າ ​ເຄື່ອງອີ​ເລັກ​ໂທຣ​ນິກດົມ​ກິ່ນ ຕ່າງໆທີ່​ດີທີ່​ສຸດ​ ຢູ່​ຕາມ​ທ້ອງ​ຕະຫຼາດ.

XS
SM
MD
LG