ລິ້ງ ສຳຫລັບເຂົ້າຫາ

logo-print

ປະເທດ ລາວ ຖືກລວມເຂົ້າ ໃນລາຍຊື່ປະເທດ ທີ່ບໍ່ຮັບເອົາ ຄົນຂອງຕົນ ທີ່ຖືກເນລະເທດ


ຄົນສັນຊາດ ເມັກຊິໂກ ຖືກລ່າມໂສ້ ຍ່າງຂຶ້ນເຮືອບິນ ຂອງອົງການຄຸ້ມຄອງຄົນເຂົ້າເມືອງ ແລະ ພາສີອາກອນ ສະຫະລັດ ໃນການຖືກເນລະເທດ ທີ່ສະໜາມບິນ ສາກົນ ໂອແຮ "O'Hare" ນະຄອນ ຊິຄາໂກ, ລັດ ອິລລີນອຍ, 25 ພຶດສະພາ, 2010.

ອັນດັບຕໍ່ໄປ ວີໂອເອຂໍສະເໜີລາຍງານກ່ຽວກັບຂໍ້ຕົກລົງກັບປະເທດຕ່າງໆໃນທົ່ວ
ໂລກ ເລື່ອງການເນລະເທດຜູ້ຄົນອອກຈາກ ສະຫະລັດ ກັບຄືນປະເທດບ້ານເກີດ
ເມືອງນອນຂອງເຂົາເຈົ້າ. ເຊີນທ່ານພົບກັບພຸດທະສອນໄດ້ເລີຍ.

ໃນເດືອນກໍລະກົດປີ 2016, ອະດີດຮອງຜູ້ອຳນວຍການອົງການຄວບຄຸມຄົນເຂົ້າ
ເມືອງ ແລະ ພາສີອາກອນ ຫຼື ICE ທ່ານ ແດນຽລ ແຣກສແດລ "Daniel Ragsdale"
ໄດ້ອະທິບາຍກ່ຽວກັບລະບຽບການເພື່ອເນລະເທດຄົນຕ່າງປະເທດຕໍ່ລັດຖະສະພາ.

ທ່ານໄດ້ເວົ້າວ່າ “ມີສອງຢ່າງທີ່ຈຳເປັນໂດຍທົ່ວໄປ ຄືຄຳສັ່ງທາງການ ສະບັບສຸດທ້າຍ
ໃຫ້ຍົກຍ້າຍອອກໄປ ກັບ ໜັງສືເດີນທາງອອກໂດຍລັດຖະບານຕ່າງປະເທດ.”

ຄຳສັ່ງໃຫ້ຍົກຍ້າຍ ແມ່ນຄຳສັ່ງໃຫ້ເນລະເທດ.

ໃນສອງຢ່າງນັ້ນ, ໜັງສືເດີນທາງແມ່ນສິ່ງທີ່ເອົາມາໄດ້ຍາກທີ່ສຸດ. ເອກກະສານເດີນ
ທາງອາດເປັນໃບອະນຸຍາດຈາກປະເທດຂອງຜູ້ທີ່ຈະຖືກເນລະເທດ ຫຼື ໜັງສືເດີນ
ທາງທີ່ຖືກຕ້ອງ. ແຕ່ທັງສອງຢ່າງນີ້ແມ່ນຕ້ອງການຄວາມຮ່ວມມືຈາກບັນດາປະເທດ
ຕ່າງໆ. ປົກກະຕິແລ້ວ, ມັນຈະເປັນຂໍ້ຕົກລົງຂຽນ ກ່ຽວກັບ ການສົ່ງຄົນກັບຄືນປະເທດ.
ແຕ່ສ່ວນຫຼາຍ, ການເນລະເທດຄົນແມ່ນຈະຖືກເຮັດຕາມພື້ນຖານ “ໂດຍສະເພາະ
ເຈາະຈົງ,” ອີງຕາມຄຳເວົ້າຂອງທ່ານ Leon Fresco, ອະດີດເຈົ້າໜ້າທີ່ກວດຄົນເຂົ້າ
ເມືອງໃນກະຊວງຍຸຕິທຳ.

ທ່ານໄດ້ອະທິບາຍ, ໂດຍໃຊ້ກໍລະນີທີ່ສົມມຸດເອົາ ເຊິ່ງຜູ້ຍົກຍ້າຍຖິ່ນຖານຄົນນຶ່ງຈະ
ຖືກເນລະເທດມາຍັງ ສະຫະລັດ.

ທ່ານໄດ້ເວົ້າວ່າ “ແທ້ຈິງແລ້ວນີ້ບໍ່ແມ່ນເລື່ອງຈິງ. ແຕ່ຖ້າສົມມຸດວ່າ ພວກເຮົາກຳລັງ
ພະຍາຍາມທີ່ຈະເນລະເທດຄົນບາງຄົນມາຍັງ ອາເມຣິກາ. ສິ່ງທີ່ພວກເຮົາອາດຈະ
ເຮັດໄດ້ນັ້ນ, ຖ້າພວກເຮົາບໍ່ສາມາດເອົາເຮືອບິນລົງໃນອາເມຣິກາໄດ້, ພວກເຮົາກໍ
ຈະໄປລົງບ່ອນຄື, ເມືອງ ທິຮົວນາ “Tijuana” ແລ້ວ ພາຄົນຜູ້ນັ້ນຍ່າງໄປເຂດຊາຍ
ແດນ. ແລ້ວ ບາງເທື່ອເຂົາເຈົ້າກໍມາຮັບເອົາຄົນດັ່ງກ່າວຢູ່ບ່ອນຫັ້ນ. ແລະ ສະນັ້ນ,
ບາງຄັ້ງ ພວກເຮົາກໍເຄີຍໄດ້ເຮັດແນວນັ້ນມາແລ້ວ”

ທ່ານ Fresco ກ່າວເພີ່ມເຕີມວ່າ ຖ້າຜູ້ຖືກເນລະເທດຫາກຖືກສົ່ງກັບຄືນໂດຍເຮືອບິນ,
ໃບອະນຸຍາດຈາກປະເທດປາຍທາງກໍແມ່ນຈຳເປັນແລະ ເວລານັ້ນແມ່ນບ່ອນທີ່ຂໍ້ຕົກ
ລົງການສົ່ງຄົນກັບຄືນແມ່ນຕ້ອງໄດ້ມີ.

ເຈົ້າໜ້າທີ່ຈາກອົງການ ICE ອະທິບາຍວ່າ “ບັນດາປະເທດ, ທີ່ຮັບເອົາການກັບການ
ຄືນດັ່ງກ່າວ, ຈະເຫັນບັນຊີຖ້ຽວບິນ, ລາຍຊື່ຂອງຄົນຜູ້ທີ່ຢູ່ໃນຖ້ຽວບິນນັ້ນ ແລ້ວ ກໍໃຫ້
ການຮັບຮອງເຫັນດີ. ສະນັ້ນ, ມັນກໍມີຫຼາຍຂັ້ນຕອນຕາມວິທີທີ່ລັດຖະບານຜູ້ຮັບໄດ້
ອອກເອກະສານການເດີນທາງໃຫ້, ຮັບຮອງວ່າຖ້ຽວບິນດັ່ງກ່າວ ຈະເດີນທາງເຂົ້ານ່ານ
ຟ້າຂອງເຂົາເຈົ້າ, ແລະ ຮັບເອົາຄົນຢູ່ໃນຖ້ຽວບິນນັ້ນ.”

ດັ່ງທີ່ວີໂອເອໄດ້ລາຍງານໄປໃນຕົ້ນເດືອນນີ້ວ່າ ລັດຖະບານຂອງທ່ານ ດໍໂນລ ທຣຳ
ໄດ້ເອົາຫຼາຍກວ່າສິບປະເທດ ອອກຈາກລາຍຊື່ຂອງປະເທດທີ່ບໍ່ປະຕິບັດຕາມຂອງ
ເຂົາເຈົ້າ, ປະເທດທີ່ປະຕິເສດການຮັບເອົາຄົນຂອງເຂົາເຈົ້າຄືນ ໃນເວລາທີ່ ສະຫະ
ລັດ ເນລະເທດເຂົາເຈົ້າອອກຈາກປະເທດ.

ສິ່ງດັ່ງກ່າວນັ້ນເບິ່ງຄືຈະບອກໃຫ້ຮູ້ວ່າ ມີຫຼາຍປະເທດເພີ່ມຂຶ້ນທີ່ຮັບເອົາຄົນຂອງເຂົາ
ເຈົ້າກັບຄືນ. ແລະ ອົງການ ICE ໄດ້ເວົ້າວ່າ ເຂົາເຈົ້າ, ພ້ອມກັບອົງການລັດຖະບານ
ອື່ນໆ, ແມ່ນກຳລັງກະທຳຕາມຂໍ້ຕົກລົງຕ່າງໆຢູ່.

ເຈົ້າໜ້າທີ່ອົງການ ICE ໄດ້ກ່າວຕໍ່ວີໂອເອວ່າ “ລັດຖະບານ ສະຫະລັດ, ໂດຍສະເພາະ
ແມ່ນອົງການ ICE ຂອງກະຊວງຮັກສາຄວາມປອດໄພພາຍໃນ ສະຫະລັດ ແລະ ກະ
ຊວງການຕ່າງປະເທດ, ພ້ອມກັບກົມກົງສຸນ ໄດ້ພົວພັນທາງການທູດກັບລັດຖະບານ
ພວກນັ້ນ ເພື່ອເຮັດວຽກ ກ່ຽວກັບ ຂັ້ນຕອນທັງໝົດໃນສາຍພົວພັນສອງຝ່າຍ.”

ແຕ່ການເຈລະຈາ ກ່ຽວກັບ ຂໍ້ຕົກລົງການສົ່ງຄົນກັບຄືນປະເທດ ກໍອາດເຕັມໄປດ້ວຍ
ສິ່ງທ້າທາຍຕ່າງໆ.

ວີໂອເອ ໄດ້ຮັບເອກະສານຕ່າງໆທີ່ໃຫ້ໂອກາດເລັກນ້ອຍເຂົ້າໃນຂັ້ນຕອນທີ່ຍາກລຳ
ບາກ ຂອງການທຳຂໍ້ຕົກລົງການເນລະເທດ ລະຫວ່າງ ສະຫະລັດ ກັບປະເທດລາວ.

ຂໍ້ຄວາມລັບສອງສະບັບຈາກປີ 2008 ແລະ 2009 ທີ່ຖືກເປີດເຜີຍກ່ອນໜ້ານີ້ ໂດຍ
ອົງການເປີດເຜີຍຂໍ້ມູນຜິດກົດໝາຍທາງອອນໄລນ WikiLeaks ໄດ້ອະທິບາຍເຖິງ
ຄວາມພະຍາຍາມຂອງ ສະຫະລັດ ແລະ ເຈົ້າໜ້າທີ່ ລາວ ເພື່ອເຮັດຂໍ້ຕົກລົງສົ່ງຄົນ
ກັບຄືນປະເທດ.

ເອກະສານຕ່າງໆໄດ້ສະແດງໃຫ້ເຫັນວ່າ ໃນເດືອນກຸມພາ 2009, ເຈົ້າໜ້າທີ່ ສະຫະ
ລັດ ສາມຄົນຈາກກະຊວງການຕ່າງປະເທດ ແລະ ອົງ ການ ICE ໄດ້ເດີນທາງໄປນະ
ຄອນຫຼວງ ວຽງຈັນ, ເພື່ອຊອກຫາວິທີຕ່າງໆທີ່ຈະສົ່ງຄົນລາວກັບຄືນປະເທດ.

ໃນຂະນະທີ່ກະຊວງການຕ່າງປະເທດຖືກເຊື້ອເຊີນໃຫ້ເຂົ້າຮ່ວມໃນກອງປະຊຸມນີ້
ໂດຍສະເພາະນັ້ນ, ທ່ານ Fresco ໄດ້ກ່າວວ່າ “ອົງການ ICE ແມ່ນຜູ້ທີ່ພະຍາຍາມ
ພົວພັນ ໃນຄວາມພະຍາຍາມທາງການທູດເພື່ອເນລະເທດຄົນ. ແຕ່ໃນວິໄສທັດຂອງ
ທ່ານນັ້ນ, ມັນແມ່ນກະຊວງການຕ່າງປະເທດ ທີ່ມີອິດທິພົນໃນຄວາມຄິດ “ທີ່ຈະເຮັດ
ໃຫ້ປະເທດທັງຫຼາຍນັ້ນເຮັດວຽກຕ່າງໆ.”

ທ່ານໄດ້ສະຫຼຸບວ່າ, “ສະນັ້ນ, ສິ່ງທີ່ໃນທີ່ສຸດໄດ້ເກີດຂຶ້ນ ໃນຜົນຂອງຄວາມພະຍາ
ຍາມນັ້ນ, ກໍແມ່ນພວກເຮົາໄດ້ຈົບລົງດ້ວຍສະຖານະການທີ່ພວກເຮົາບໍ່ສາມາດເຮັດ
ຂໍ້ຕົກລົງການທູດໄດ້ຢ່າງເປັນທາງການ.”

What Are Recalcitrant Countries?
please wait

No media source currently available

0:00 0:01:20 0:00

ຂໍ້ຄວາມຂອງກອງປະຊຸມໃນປີ 2009 ໄດ້ເປີດເຜີຍວ່າ ປະເທດລາວ ໄດ້ຂໍຢ່າງຊໍ້າ
ແລ້ວຊໍ້າອີກວ່າ ໃຫ້ຂໍ້ຕົກລົງການເນລະເທດດັ່ງກ່າວນັ້ນ ໄດ້ຮັບການເຈລະຈາເປັນ
ລາຍບຸກຄົນ, ໃນຂະນະທີ່ ສະຫະລັດ ຫວັງວ່າ ແຕ່ລະກໍລະນີນັ້ນ ອາດຖືກແກ້ໄຂໄດ້
ພາຍໃນ 60 ວັນ.

ແຕ່ລັດຖະບານ ລາວ ໄດ້ເວົ້າວ່າການລະບຸປະຊົນຂອງຕົນ, ໂດຍສະເພາະຫຼັງຈາກ
ການບໍ່ໄດ້ຢູ່ປະເທດມາຫຼາຍປີແລ້ວນັ້ນ, ອາດຈະເປັນບັນຫາຍ້ອນ ວ່າ ຊື່ຂອງເມືອງ
ແລະ ບ້ານຕ່າງໆໃນທ້ອງຖິ່ນນັ້ນມັກຈະຖືກປ່ຽນແປງ.

ບຸກຄົນດັ່ງກ່າວອາດຈະຈື່ໄດ້ພຽງແຕ່ຊື່ຂອງບ້ານດັ້ງເດີມຂອງລາວ, ແຕ່ຊື່ນັ້ນອາດບໍ່ມີ
ອີກແລ້ວ, ອີງຕາມການກ່າວຂອງທ່ານ ໄມ ໄຊຍະວົງ, ທີ່ໃນເວລານັ້ນທ່ານເປັນຮອງຜູ້
ອຳນວຍການຂອງກົມ ຢູໂຣບ ແລະ ອາເມຣິກາ ຂອງລັດຖະບານ ລາວ.

ອີກບັນຫານຶ່ງສຳລັບຜູ້ຖືກເນລະເທດຊາວລາວນັ້ນກໍແມ່ນ ສັນຊາດທີ່ໝົດອາຍຸແລ້ວ
ຈາກປະເທດບ້ານເກີດຂອງເຂົາເຈົ້າ.

ຜູ້ຖືກເນລະເທດຕ້ອງໄດ້ລົງທະບຽນກັບສະຖານທູດໃນປະເທດ ທີ່ເຂົາເຈົ້າໄດ້ອາໄສ
ຢູ່ ຫຼື ສູນເສຍສັນຊາດຂອງເຂົາເຈົ້າ ຫຼັງຈາກ 10 ປີ.

ໃນຕອນທ້າຍຂອງຂໍ້ຄວາມລັບໃນປີ 2009 ນັ້ນ, ທັງສອງປະເທດຍັງຫວັງທີ່ຈະ “ບັນລຸ
ຂໍ້ຕົກລົງ ກ່ຽວກັບ ຂັ້ນຕອນພື້ນຖານປົກຄຸມທຸກກໍລະນີຢູ່.”

ມັນບໍ່ເຄີຍເກີດຂຶ້ນ. ປະເທດ ລາວ ແມ່ນບໍ່ໄດ້ຢູ່ໃນລາຍຊື່ຂອງຜູ້ບໍ່ປະຕິບັດຕາມໃນສະ
ໄໝຂອງອະດີດປະທານາທິບໍດີ ທ່ານ ບາຣັກ ໂອບາມາ ແຕ່ໄດ້ຖືກເພີ່ມໃສ່ລາຍຊື່ດັ່ງ
ກ່າວພາຍໃຕ້ທ່ານ ທຣຳ.

ໂຄສົກກະຊວງການຕ່າງປະເທດຄົນປັດຈຸບັນໄດ້ກ່າວຕໍ່ວີໂອເອວ່າ ອົງການດັ່ງກ່າວ
ບໍ່ສາມາດໃຫ້ຄຳຢືນຢັນ ຫຼື ໃຫ້ຄຳເຫັນ ກ່ຽວກັບ “ສິ່ງທີ່ຖືກລາຍງານວ່າ ເປັນເອກະ
ສານພາຍໃນຂອງກະຊວງ.”

ໃນເມື່ອເອກະສານການເດີນທາງບໍ່ໄດ້ຖືກອອກໃຫ້, ອົງການ ICE ຫຼັງຈາກນັ້ນກໍຈະ
ສືບຕໍ່ເຮັດສິ່ງອື່ນ, ເຊັ່ນການສົ່ງຈົດໝາຍຫາສະຖານທູດຂອງປະເທດຕ່າງໆໃນ
ສະຫະລັດ ຮຽກຮ້ອງການຮ່ວມມືໃນຂັ້ນຕອນການຍົກຍ້າຍ ແລະ ແນະນຳການລວມ
ເອົາປະເທດຕ່າງໆເຂົ້າໃນລາຍຊື່ຂອງປະເທດບໍ່ປະຕິບັດຕາມ.

ເຈົ້າໜ້າທີ່ອົງການ ICE ໄດ້ເວົ້າວ່າ “ຖ້າ ສະຫະລັດ ສາມາດທີ່ຈະບິນໄປບ່ອນໃດກໍ
ໄດ້ຕາມໃຈ ແລ້ວສົ່ງຄົນລົງ, ມັນກໍຄົງຈະບໍ່ມີປະເທດທີ່ບໍ່ປະຕິບັດຕາມ. ແຕ່ວ່າມັນກໍ
ບໍ່ເປັນໄປໄດ້ແນວນັ້ນ ໃນແງ່ມຸມຫຼາຍຢ່າງ.”

ຖ້າທີ່ກ່າວມາກ່ອນໜ້ານັ້ນຫາກບໍ່ໄດ້ຜົນ, ອົງການ ICE ກໍຈະຂໍໃຫ້ອອກຂໍ້ຊີ້ນຳຢ່າງ
ເປັນທາງການ ໃຫ້ປະເທດທີ່ບໍ່ໃຫ້ການຮ່ວມມືໂດຍກະຊວງການຕ່າງປະເທດ. ອົງ
ການດັ່ງກ່າວສາມາດແນະນຳໃຫ້ວາງມາດຕະການລົງໂທດດ້ານການອອກວີຊາ ພາຍ
ໃຕ້ກົດໝາຍຄົນເຂົ້າເມືອງ ແລະ ໂອນສັນຊາດ.

ນັ້ນແມ່ນສິ່ງທີ່ລັດຖະບານທ່ານ ທຣຳ ໄດ້ເຮັດລົງໄປໃນເດືອນກັນຍາທີ່ຜ່ານມາ ເມື່ອ
ເຂົາເຈົ້າໄດ້ວາງມາດຕະການລົງໂທດດ້ານການອອກວີຊາໃສ່ປະເທດ ກຳປູເຈຍ,
ເອຣິເທຣຍ, ກີເນຍ ແລະ ເຊແອຣາ ເລອອນ ສຳລັບການບໍ່ສາມາດທີ່ຈະຮັບເອົາການ
ຍົກຍ້າຍປະຊາຊົນຂອງຕົນນັ້ນ.

ໃນຂໍ້ຄວາມລັບປີ 2009 ທີ່ຖືກເປີດເຜີຍໂດຍ WikiLeaks ນັ້ນ, ທ່ານ ໄຊຍະວົງ ໄດ້
ກ່າວຢໍ້າວ່າ ໃນລະຫວ່າງລັດຖະບານຂອງທ່ານ George W. Bush ໃນປີ 2007 ນັ້ນ,
ສະຫະລັດ ໄດ້ພະຍາຍາມທີ່ຈະສົ່ງປະຊາຊົນ 26 ຄົນກັບຄືນປະເທດ ລາວ, “ແຕ່ຂັ້ນ
ຕອນການເນລະເທດນັ້ນບໍ່ໄດ້ມີຄວາມສອດຄ່ອງກັນ ແລະ ບາງຄັ້ງໄດ້ສ້າງບັນຫາ,
ໃນຂະນະທີ່ປະເທດ ລາວ ບໍ່ໄດ້ຮັບຮູ້ກ່ຽວກັບການສົ່ງຄົນກັບຄືນ ຈົນກວ່າບຸກຄົນດັ່ງ
ກ່າວໄດ້ລົງຈາກເຮືອບິນໃນປະເທດ ລາວ.”

ທ່ານນາງ ໄວນ ດິ່ງ, ຜູ້ອຳນວຍການໃຫຍ່ຂອງ ສູນກາງການປະຕິບັດແຫຼ່ງຊັບພະຍາ
ກອນ ເອເຊຍຕາເວັນອອກສຽງໃຕ້ ໄດ້ກ່າວວ່າ ການປະຕິບັດການຄຸ້ມຄອງເມື່ອບໍ່ດົນ
ມານີ້ ໄດ້ສະແດງໃຫ້ເຫັນແຜນຍຸດທະສາດທີ່ຮຸນແຮງກວ່າເກົ່າ ໂດຍລັດຖະບານ
ສະຫະລັດ, ໂດຍສະເພາະຕໍ່ບັນດາປະເທດຕາເວັນອອກສຽງໃຕ້.

ທ່ານນາງໄດ້ເວົ້າວ່າ “ນັ້ນແມ່ນພາກສ່ວນທີ່ເປັນຕາຢ້ານ. ເຂົາເຈົ້າສາມາດເນລະເທດ
ຄົນ, ແມ່ນກະທັ້ງທີ່ເຂົາເຈົ້າບໍ່ມີບັນທຶກຄວາມເຂົ້າໃຈກັບປະເທດໃດນຶ່ງ. ມັນບໍ່ມີຫຍັງ
ທີ່ຈະຫ້າມບໍ່ໃຫ້ ສະຫະລັດ ເນລະເທດຜູ້ຄົນທີ່ບໍ່ເປັນສັນຊາດ ສະຫະລັດ ກັບໄປປະ
ເທດຕ່າງໆໄດ້.”

ອ່ານລາຍງານນີ້ຕື່ມເປັນພາສາອັງກິດ

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG