ບັນດາເຈົ້າໜ້າທີ່ຣັດເຊຍ ກ່າວໃນວັນອາທິດວານນີ້ວ່າ ການວາງລະເບີດໃສ່ລົດຄັນນຶ່ງ ໄດ້ສັງຫານລູກສາວຜູ້ໃຫຍ່ ຂອງທ່ານອາເລັກຊານເດີ ດີກິນ (Alexander Digin) ນັກທິດສະດີການເມືອງລະດັບຊາດ ແລະຜູ້ສະໜັບສະໜູນ ການຮຸກຮານຢູເຄຣນ ຂອງປະທານາທິບໍດີວລາດີເມຍ ປູຕິນ.
ນາງດາເຣຍ ດູຈີນາ (Daria Dugina) ນັກວິຈານຂ່າວທາງໂທລະພາບ ອາຍຸ 29 ປີ ທີ່ຍັງເປັນຜູ້ໃຫ້ການສະໜັບສະໜູນການບຸກໂຈມຕີຂອງມົສກູ ໄດ້ຖືກສັງຫານໃນວັນເສົາທີ່ຜ່ານມາ ເວລາລົດໂຕໂຢຕາ ແລນກຣູເຊີ ທີ່ນາງຂັບນັ້ນ ໄດ້ລະເບີດຂຶ້ນ ໃນຂະນະທີ່ກັບຄືນຈາກບຸນປະເພນີ ທີ່ນາງໄດ້ເຂົ້າຮ່ວມກັບພໍ່ຂອງນາງ.
ນັກວິເຄາະ ທ່ານເຊີເກ ມາກັອຟ (Sergei Markov) ອະດີດທີ່ປຶກສາ ຂອງ ທ່ານປູຕິນ ກ່າວຕໍ່ອົງການຂ່າວ RIA Novosti ຂອງທາງການຣັດເຊຍວ່າ ດີກີນ ບໍ່ແມ່ນລູກສາວຂອງລາວ ທີ່ອາດໄດ້ເປັນເປົ້າໝາຍໃນຄວາມຕັ້ງໃຈ. ທ່ານມາກັອຟ ກ່າວວ່າ “ມັນເປັນເລື້ອງທີ່ເຫັນໄດ້ງ່າຍໆ ທີ່ອາດເປັນໄປໄດ້ທີ່ສຸດ ໃນການສົງໄສ ກໍຄືໜ່ວຍສືບລັບທະຫານ ແລະໜ່ວຍຮັກສາຄວາມປອດໄພຂອງຢູເຄຣນ.”
ຍັງບໍ່ມີການອ້າງເອົາຄວາມຮັບຜິດຊອບໃດໆ ໂດຍທັນທີ. ທີ່ປຶກສາຄົນນຶ່ງຂອງປະທານາທິບໍດີໂວໂລດີເມຍ ເຊີເລນສກີ (Volodymyr Zelenskyy) ໄດ້ປະຕິເສດກ່ຽວກັບການພົວພັນຂອງຊາວຢູເຄຣນ ໃນການລະເບີດດັ່ງກ່າວ.
ທີ່ປຶກສາຂອງທ່ານເຊີເລນສກີ ທ່ານມີຄາຍໂລ ໂປໂດລຢັກ (Mykhailo Podolyak) ກ່າວວ່າ “ພວກເຮົາບໍ່ແມ່ນປະເທດກໍ່ອາດຊະຍາກຳ ບໍ່ຄືກັບຣັດເຊຍ ແລະແນ່ນອນວ່າ ບໍ່ແມ່ນປະເທດກໍ່ການຮ້າຍ.”
ທ່ານດູກິນ ເປັນນັກວິຈານຂ່າວຫົວຊາດນິຍົມຈັດ ເປັນບຸກຄົນສຳຄັນທີ່ສະໜັບສະໜູນ “ໂລກຂອງຣັດເຊຍ" ຫຼື Russian World ທີ່ເປັນແນວຄິດ ທີ່ໄດ້ຮັບການສະໜັບສະໜູນ ໂດຍທ່ານປູຕິນ ຜູ້ນຳທາງດ້ານຈິດໃຈ ແລະແນວຄິດການເມືອງ ທີ່ເນັ້ນໜັກໃສ່ຄຸນຄ່າປະເພນີ ການຟື້ນຟູອຳນາດຂອງຣັດເຊຍ ແລະການທ້ອນໂຮມສາມັກຄີຂອງຊາວຣັດເຊຍທັງໝົດຢູ່ທົ່ວໂລກ. ທ່ານດູກິຮ ມັກຖືກກ່າວອ້າງວ່າ “ເປັນສະໝອງຂອງທ່ານປູຕິນ.”
ສື່ມວນຊົນຣັດເຊຍຈຳນວນນຶ່ງໄດ້ລາຍງານ ໂດຍໃຫ້ຂໍ້ສັງເກດກ່ຽວກັບບັນດາຜູ້ເຫັນເຫດການ ໂດຍກ່າວວ່າ ລົດ SUV ທີ່ນາງດູຈີນາ ຂັບເປັນລົດຂອງພໍ່ລາວ ແລະທ່ານໄດ້ຕັດສິນໃຈ ໃນນາທີສຸດທ້າຍ ເພື່ອໃຊ້ລົດຄັນອື່ນ.
ສະຫະລັດໄດ້ລົງໂທດນາງດູຈີນາ ໃນເດືອນມີນາທີ່ຜ່ານມາ ໃນນາມເປັນຫົວໜ້າບັນນາທິການຂອງອົງການສາມັກຄີໂລກລະຫວ່າງປະເທດ ຫຼື United World International ຊຶ່ງເປັນເວັບໄຊ ທີ່ສະຫະລັດ ໄດ້ກ່າວວ່າເປັນແຫລ່ງຂອງຂໍ້ມູນທີ່ບິດເບືອນ. ການລົງໂທດໄດ້ປະກາດໂດຍໃຫ້ຂໍ້ສັງເກດວ່າ ບົດຂຽນຕ່າງໆຂອງອົງການ United World ໃນປີນີ້ ມີຈຸດປະສົງທີ່ຈະເຮັດໃຫ້ຢູເຄຣນ “ສາບສູນໄປ” ຖ້າປະເທດດັ່ງກ່າວ ຫາກຮັບເຂົ້າ ຢູ່ໃນອົງການ NATO.
Russian authorities said Sunday a car bomb killed the adult daughter of Alexander Dugin, a national political theorist and staunch supporter of President Vladimir Putin’s invasion of Ukraine.
Daria Dugina, a 29-year-old television commentator who also supported Moscow’s offensive, was killed Saturday when the Toyota Land Cruiser she was driving exploded as she was returning from a cultural festival she had attended with her father.
Analyst Sergei Markov, a former Putin adviser, told the Russian state news agency RIA-Novosti that Dugin, not his daughter, was probably the intended target. Markov said, "It's completely obvious that the most probable suspects are Ukrainian military intelligence and the Ukrainian Security Service."
There was no immediate claim of responsibility. An adviser to Ukrainian President Volodymyr Zelenskyy denied any Ukrainian involvement in the explosion.
Zelenskyy adviser Mykhailo Podolyak said, "We are not a criminal state, unlike Russia, and definitely not a terrorist state."
An ultranationalist, Dugin is a prominent proponent of the "Russian world" concept espoused by Putin, a spiritual and political ideology that emphasizes traditional values, restoration of Russia's power and the unity of all ethnic Russians throughout the world. Dugin is often referred to as “Putin’s brain.”
Some Russian media reports cited witnesses as saying that the SUV Dugina was driving belonged to her father but that he had decided at the last minute to travel in another vehicle.
The United States sanctioned Dugina in March for her work as chief editor of United World International, a website that the U.S. has described as a disinformation source. The sanctions announcement cited a United World article this year that contended Ukraine would "perish" if it were admitted to NATO.
