ລິ້ງ ສຳຫລັບເຂົ້າຫາ

logo-print

75 ປີ​ແລ້ວ ສຸ​ສານນໍ​ມັງ​ດີ ເຕືອນ​ໃຫ້​ຫວນເຖິງ ການ​ເສຍ​ສະ​ຫຼະ ຂອງທະຫານອາ​ເມ​ຣິ​ກັນ ທີ່ ປະ​ກອບ​ສ່ວນ ໃນການປົດ​ປ່ອຍ​ຝ​ຣັ່ງ


ສຸ​ສານ Normandy ຂອງ​ຄົນ​ອາ​ເມ​ຣິ​ກັນທີ່ຕັ້ງ​ຢູ່​ເມືອງໂກ​ລ​ເລີ​ວິນ ຊຽກ-ແມ, ເຂດ Normandy, ພາກ​ຕາ​ເວັນ​ຕົກ​ສຽງ​ເໜືອ​ຂອງ​ຝ​ຣັ່ງ ເປັນ​ອະ​ນຸ​ສອນ​ສະ​ຖານ ລະ​ນຶກເຖິງການ​ເສຍ​ສະ​ຫຼະ​ຂອ​ງ​ທະ​ຫານ​ອາ​ເມ​ຣິ​ກັນ ທີ່ປະ​ກອບ​ສ່ວນ ເ​ຂົ້າ​ໃນ​ການ​ປົດ​ປ່ອຍຝ​ຣັ່ງ ໃນປີ​ 1944 ແລະ 1945

ວັນ​ທີ 6 ມິ​ຖຸ​ນາທີ່​ຈະ​ມາ​ເຖິງນີ້, ບັນ​ດາຜູ້​ນຳ​ຂອງ​ປະ​ເທດ​ຕ່າງໆລວມ ​ທັງ​ປະ​ທາ​ນາ​ທິ​ບໍ​ດີ​ສະ​ຫະ​ລັດ ຈະໄປ​ເຕົ້າ​ໂຮມ​ກັນ ຢູ່​ແຄມ​ຫາດ​ຊາຍ​ແຫ່ງ​ນຶ່ງໃນ​ພາກ​ເໜືອ​ຂອງ​ຝ​ຣັ່ງ ເພື່ອສະ​ຫລອງວັນ​ຄົບ​ຮອບ 75 ປີ ແຫ່ງ​ການເປີດບັ້ນລົບ​ບຸກ​ຂອງປະ​ເທດ​ພັນ​ທະ​ມິດ​ ໃນ​ສົງ​ຄາມ​ໂລກ​ຄັ້ງ​ທີ 2 ຫລື D-Day. ​ຢູ່​ໃນການ​ປະ​ຕິ​ບັດ​ງານທາງ​ທະ​ຫານ ​ທີ່​ໄດ້​ຮັບ​ຜົນ​ສຳ​ເລັດ ແຕ່ເສຍ​ຫາຍຕໍ່​ຊີ​ວິດ​ດັ່ງ​ກ່າວນີ້, ທະ​ຫານ​ອາ​ເມ​ຣິ​ກັນ ແລະຂອງ​ປະ​ເທດ​ພັນ​ທະ​ມິດ​ອື່ນໆ ຫລາຍ​ພັນ​ຄົນໄດ້​ເສຍ​ຊີ​ວິດ ຢູ່​ໃນ​ໄລ​ຍະ​ທຳ​ອິດ​ ຂອງ​ການ​ບຸກ​ບັ້ນ​ສຸດ​ທ້າຍ​ ເພື່ອ​ປົດ​ປ່ອຍ​ປະ​ເທດ​ຝ​ຣັ່ງ ແລະ​ທະ​ວີບຢູ​ໂຣບ ​ໃຫ້​ຫລຸດ​ພົ້ນ​ຈາກ​ການ​ຍຶດ​ຄອງ ​ຂອງພວກ​ນາ​ຊີ​ເຢຍ​ຣະ​ມັນ. ສະ​ຫລຸບ​ແລ້ວ ມີ​ທະ​ຫານ​ຫລາຍກວ່າ 425,000 ຄົນ ຊຶ່ງ​ລວມ​ທັງທະ​ຫານ​ເຢຍ​ຣະ​ມັນຖືກ​ຂ້າ​ຕາຍ ຫລືບໍ່​ກໍ​ໄດ້​ຮັບ​ບາດ​ເຈັບ ຫລື​ຫາຍ​ສາບ​ສູນ​ໄປ. ​ສຸສານ ແລະ​ອາ​ນຸ​ສອນ​ສະ​ຖານນໍ​ມັງ​ດີອາ​ເມ​ຣິ​ກັນ (Normandy American) ເປັນສະ​ຖານ​ທີ່ ​ທີ່​ມີ​ຄວາມ​ເປັນ​ເອກ​ກະ​ລັກເພື່ອ​ໃຫ້ຄົນ​ໄປສະ​ແດງ​ຄວາມ​ຮູ້​ບຸນ​ຄຸນ​ຕໍ່​ນັກ​ລົບ​ທີ່​ເສຍ​ຊີ​ວິດ​ໄປ. Nicolas Pinault, ນັກ​ຂ່າວ​ວີ​ໂອ​ເອ​ທີ່​ໄດ້​ເດີນ​ທາງ​ໄປ​ຍັງເຂດ​ນໍ​ມັງດີ (Normandy) ​ມີ​ລາຍ​ງານ​ກ່ຽວ​ກັບ​ເລື້ອງນີ້ ຊຶ່ງ​ບົວ​ສະ​ຫວັນ ຈະ​ນຳ​ມາ​ສະ​ເໜີ​ທ່ານໃນ​ອັນ​ດັບ​ຕໍ່​ໄປ.

ເມື່ອ​ສ່ອງ​ຈາກ​ເທິງ​ຟ້າ​ລົງໄປ, ຫາດ​ຊາຍໂອ​ມາ​ຮາ (Omaha) ເບິ່ງ​ແລ້ວ​ງຽບ​ສະ​ຫງົບ​ດີ.
ບໍ່​ເປັນ​ໜ້າ​ຢາກ​ເຊື່ອ​ເລີຍ​ວ່າ 75 ປີກ່ອນ ໄດ້ມີການ​ປະ​ຕິ​ບັດ ການ​ທາງ​ທະ​ຫານ ທີ່ນອງ
​ເລືອດ​ຫລາຍ​ທີ່​ສຸດຢູ່​ທີ່ນີ້. ການ​ປະ​ຕິ​ບັດການ​ໂອ​ເວີ​ລອດ (Overlord) ແມ່ນ​ຊື່ທີ່​ເປັນ
​ລະ​ຫັດ​ລັບ ຊຶ່ງ​ເປັນ​ທີ່​ຮູ້​ກັນ​ຫລາຍ​ທີ່​ສຸດ​ວ່າ ວັນດີ ຫລື D-Day. ທະ​ຫານ​ພັນ​ທະ​ມິດ
​ຫລາຍ​ພັນ​ຄົນ ແລະ​ຍຸດ​ໂທ​ປະກອນ ທາງ​ທະ​ຫານ​ໄດ້​ສົ່ງໄປ​ເຖິງ​ຝັ່ງ​ທະ​ເລ​ຂອງ​ຝ​ຣັ່ງ
ໂດຍທາງອາ​ກາດ ແລະ​ທາງທະ​ເລ.

ທ່ານສະ​ກອດ ເດີ​ສ໌ຊ​າ​ດິນ​ສ໌ (Scott Desjardins), ຄະ​ນະ​ກຳ​ມາ​ທິ​ການ​ດ້ານ​ອະ​ນຸ​ສາ​ວະ​ລີ ແຫ່ງ​ການ​ສູ້​ລົບຂອງອາ​ເມ​ຣິ​ກັນ ຫລື American Battle Monuments ກ່າວ​ວ່າ:
"ມັນ​ໄດ້​ໃຊ້​ເວ​ລາ​ຕັ້ງ​ຫລາຍ​ປີ​ເພື່ອຈະ​ວາງ​ແຜນບັ້ນ​ລົບໄດ້. ມັນ​ອາດ​ຈະ​ມີ​ແຜນ​ທີ່​ເປັນ​ຫລາຍໆ​ພັນ​ອັນ, ມີ​ການ​ຕັດ​ສິນ​ໃຈເປັນ​ຫລາຍ​ພັນ​ຄັ້ງ. ມັນ​ເປັນ​ເລື້ອງ​ທີ່​ສັບ​ສົນ​ຫລາຍ​ອີ່​ຫລີ. ຂ້າ​ພະ​ເຈົ້າ​ບໍ່​ແນ່​ໃຈ​ວ່າ ພວກ​ເຮົາ​ຈະ​ເຮັດ​ແນວນັ້ນ​ຄືນ​ໄດ້​ອີກ​ຫລືບໍ່ໃນ​ທຸກມື້ນີ້ ໂດຍ​ທີ່​ມີ​ເຄື່ອງ​ເທັກ​ໂນ​ໂລ​ຈີທີ່​ພວກ​ເຮົາ​ມີຢູ່. ພວກ​ເຮົາ​ຕ້ອງ​ຈຳ​ໄວ້​ວ່າຜູ້​ຊາຍ​ພວກນີ້​ເຮັດ​ເຊັ່ນນັ້ນໄດ້ໂດຍບໍ່ມີເຄື່ອງບອກ​ທິດ​ທາງ ຫລື GPS, ບໍ່​ມີ​ອິນ​ເຕີ​ແນັດເລີຍ."

ວັນ​ທີ 6 ມິ​ຖຸ​ນາ, 1944 ເປັນ​ວັນ​ທີ່​ມີ​ການ​ສູນ​ເສຍ​ຢ່າງ​ຫລວງຫລາຍ ເພື່ອຈະ​ຕັ້ງ​ຖານ​ທີ່​ໝັ້ນຢູ່​ໃນ​ເຂດຢູ​ໂຣບ​ຕາ​ເວັນ​ຕົກໄດ້. ບັ້ນ​ລົບ​ຕ່າງໆຢູ່​ບ່ອນນີ້ໄດ້​ເອົາ​ຊີ​ວິດ​ຂອ​ງ​ທະ​ຫານ​ພັນ​ທະ​ມິດ​ໄປ 8,500 ຄົນ ຊຶ່ງ​ໃນ​ນັ້ນລ​ວ​ມ​ມີທະ​ຫານ​ອາ​ເມ​ຣິ​ກັນທີ່​ເສຍ​ຊີ​ວິດ​ໃນ​ສະ​ໜາມ​ລົບ​ຢູ່ 2,012 ຄົນ.

​ທະ​ຫານ​ອາ​ເມ​ຣິ​ກັນ ຫລື GI ​ອີກສອງ​ພັນ​ຄົນ ໄດ້​ຮັບ​ບາດ​ເຈັບ​ ຫລືບໍ່ ​ກໍ​ຊອກ​ຫາບໍ່​ເຫັນ​ເລີຍ. ເພື່ອ​ສັນ​ລະ​ເສີນ​ແກ່​ການ​ເສຍ​ສະ​ລະ​ອັນ​ນີ້ຢູ່​ໃນເຂດ Normandy, ມີດິນ​ທີ່ມອບ​ໃຫ້​ສະ​ຫະ​ລັດເພື່ອໃຫ້​ຕັ້ງ​ສຸ​ສານຂອງ​ຄົນ​ອາ​ເມ​ຣິ​ກັນຢູ່​ໃນ​ເຂດ​ເມືອງໂກ​ລ​ເລີ​ວິນ ຊຽກ-ແມ (Colleville-sur-Mer). ປະ​ຊາ​ຊົນ​ຝຣັ່ງ ຍັງ​ຮູ້​ສຶກ​ເຖິງ​ບຸນ​ຄຸນ​ຂອງ​ພວກເຂົາ​ເຈົ້າ​ຢູ່ໃນ 75 ປີ​ຕໍ່ມາ.

​ນາງສ​ເຕັ​ຟ​ຟາ​ນີ ເລີ ບ​ຣິ​ສ (STEPHANIE LE BRIS), ຜູ້​ນຳ​ທ່ຽວຢູ່​ໃນ​ສຸ​ສານ​ດັ່ງ​ກ່າວ​ເວົ້າ​ວ່າ:
"ຄ້າຍ​ກັບວ່າ ມັນຫາກໍ່​ເກີດ​ຂຶ້ນ​ໃນ​ມື້​ວານນີ້. ມັນ​ເປັນ​ເລື້ອງ​ລາວ​ກ່ຽວ​ກັບ​ຄອບ​ຄົວ​ຂອງ​ຂ້ອຍ, ຂອງ​ພໍ່​ຕູ້-ແມ່​ຕູ້​ຂອງ​ຂ້ອຍ ແລະ​ທຸກມື້ນີ້ຂ້ອຍ​ຮູ້ຊຶ້ງ​ເຖິງຄຸນຄ່າ​ຂອງເສ​ລີ​ພາບ​ຂອງ​ຂ້ອຍ. ຖ້າ​ຫາກບໍ່​ມີ​ພວກ​ຊາຍ​ໜຸ່ມ​ທີ່​ຝັງ​ຢູ່​ໃນ​ທີ່ນີ້ ຂ້ອຍບໍ່​ຮູ້​ວ່າ ຂ້ອຍ​ຈະ​ເປັນ​ແນວ​ໃດ​ແລ້ວ.”

ມີ​ນັກ​ທ່ອງ​ທ່ຽວ​ປະ​ມານ 1 ລ້ານ​ຄົນ ຈາກ​ທົ່ວ​ໂລກເດີນ​ທາງໄປຢ້ຽ​ມ​ຊົມອະ​ນຸ​ສອນ​ສະ​ຖານ​ດັ່ງ​ກ່າວໃນ​ແຕ່​ລະ​ປີ ເພື່ອ​ລະ​ນຶກ​ເຖິງ​ບຸນ​ຄຸນ​ຂອງ​ຄົນ​ລຸ້ນ​ໜຸ່ມ​ທີ່​ໄດ້​ເສຍສະ​ລະ​ຊີ​ວິດ​ເພື່ອ​ຄົນ​ອື່ນ.

ທ້າວ ສ​ຕີ​ຟ, ​ຜູ້​ໄປ​ທ່ຽວ​ຊົມ​ສະ​ຖານ​ດັ່ງ​ກ່າວ​ຈາກ​ນະ​ຄອນ​ນິວຢອກ​ເວົ້າ​ວ່າ:
"ມີຕັ້ງ​ຫລາຍ​ຄົນ​ທີ່​ເສ​ຍ​ສະ​ລະ​ຊີ​ວິດ​ຂອງ​ຕົນ​ເພື່ອ​ເສ​ລີ​ພາບ, ມັນ​ມີ​ຄວາມ​ໝາຍ​ຫລາຍ​ສຳ​ລັບ​ພວກ​ເຮົາຫລາຍ. ການ​ໄດ້ມາ​ທີ່ນີ້ ແລະໄດ້​ເບິ່ງ​ດ້ວຍ​ໂຕ​ເອງ, ມັນ​ເປັນ​ປະ​ສົບ​ກາ​ນ​ທີ່ໜ້າຊຶ້ງໃຈ​ຫລາຍ."

ໃນ​ຂະ​ນະ​ທີ່​ຢູ​ໂຣບ​ຕໍ່​ສູ້​ກັບ​ການ​ແຕກ​ແຍກ​ກັນ​ຄັ້ງ​ໃໝ່ຢູ່ນັ້ນ, ປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ ​ຂອງ​ສະ​ຫະ​ລັດ​ໄປ​ຢ້ຽ​ມ​ຢາມສະ​ຖານ​ທີ່​ເຫລົ່າ​ນີ້ເພື່ອ​ເປັນ​ການ​ໃຫ້​ກຽດ​ແກ່ຜູ້​ທີ່​ໄດ້​ເສຍ​ສະ​ລະ​ອັນ​ຍິ່ງ​ໃຫຍ່ ໃນ​ນາມ​ວ່າ​ ເປັນ​ການ​ເອົາທະ​ວີບນັ້ນ ​ກັບ​ຄືນ​ມາ​ໃຫ້​ໂລກເສ​ລີ.

​ເບິ່ງວີ​ດິ​ໂອ​ກ່ຽວ​ກັບ​ເລື້ອງນີ້​ເພີ້ມເປັນ​ພາ​ສາ​ອັງ​ກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG