ລິ້ງ ສຳຫລັບເຂົ້າຫາ

logo-print

ລັດຖະບານ ສຫລ ສົ່ງເຊັກເງິນ ໄປໃຫ້ປະຊາຊົນ ອາເມຣິກັນ ໄລຍະທີ່ມີການ ແຜ່ລະບາດ ຂອງໄວຣັສ ໂຄໂຣນາຢູ່ນີ້


ລັດຖະບານຂອງທ່ານທຣໍາມີກໍານົດທີ່ຈະຈັດຕັ້ງປະຕິບັດຊຸດມາດຕະການກະຕຸ້ນ ເສດຖະກິດຂະໜາດໃຫຍ່ ຊຶ່ງລວມທັງການສົ່ງເຊັກເງິນໄປໃຫ້ປະຊາຊົນ ອາເມຣິກັນເພື່ອເຮັດໃຫ້ຜົນກະທົບທາງເສດຖະກິດຈາກການແຜ່ລະບາດຂອງເຊື້ອໄວ ຣັສ ໂຄໂຣນາ ຜ່ອນເບົາລົງ. Patsy Widakuswara, ນັກຂ່າວວີໂອເອ ປະຈໍາທໍານຽບຂາວມີລາຍງານ ກ່ຽວກັບເລື້ອງນີ້ ຊຶ່ງບົວສະຫວັນຈະນໍາມາສະ ເໜີທ່ານໃນອັນດັບຕໍ່ໄປ.

ມີການຮຽກຮ້ອງຄັ້ງສຸດທ້າຍໃຫ້ປິດຮ້ານກິນດື່ມ ຫລື ບາ ແລະຮ້ານອາຫານ ຕ່າງໆ ຢູ່ ໃນຫລາຍແຫ່ງຂອງສະຫະລັດ ໃນຂະນະທີ່ລັດຖະບານທ້ອງຖິ່ນ ກໍາລັງຈັດຕັ້ງ ປະຕິບັດຂໍ້ຈໍາກັດຕ່າງໆ ເພື່ອຍຸຕິການແຜ່ລະບາດ ຂອງເຊື້ອ ໄວຣັສໂຄໂຣນາ ຢູ່ນັ້ນ.

ທ້າວ ເຮດັນ ໂອ ເລຍຣີ (Hayden O'leary), ພະນັກງານເສີບເຫລົ້າຢູ່ ຮ້ານ ກິນດື່ມ ຫລືບາ ແຫ່ງນຶ່ງໃນນະຄອນນິວຢອກເວົ້າວ່າ:
“ບໍ່ຮູ້ອີ່ຫລີວ່າ ປານໃດພວກເຮົາຈຶ່ງປະເປີດຮ້ານອີກ ມັນອາດຈະເປັນ ຫລາຍ ອາທິດ, ຫລາຍເດືອນກໍເປັນໄດ້, ພວກເຮົາບໍ່ຮູ້ແທ້ໆ.”

ໂດຍທີ່ທຸລະກິດຕ່າງໆ ແລະຜູ້ອອກແຮງງານກໍາລັງສູນເສຍລາຍໄດ້ໄປຢູ່ນັ້ນ ປະທານາທິບໍດີ ທຣໍາ ຢາກໃຫ້ລັດຖະສະພາ ອະນຸມັດຊຸດມາດຕະການ ກະຕຸ້ນ ເສດຖະກິດຂະໜາດໃຫຍ່ຢ່າງວ່ອງໄວ.

ທ່ານປະທານາທິບໍດີ ທຣໍາກ່າວວ່າ: “ພວກເຮົາຢາກເຮັດແບບໃຫຍ່ໆ, ເຮັດແບບໜັກແໜ້ນໂລດ. ປະເທດຊາດ ແມ່ນເຂັ້ມແຂງຫລາຍ. ພວກເຮົາບໍ່ເຄີຍເຂັ້ມແຂງຫລາຍປານນີ້ຈັກເທື່ອ. ແລະນັ້ນ ກໍຄືສິ່ງທີ່ພວກເຮົາຈະເຮັດ. ໂດຍການມີສັດຕູທີ່ຫລຽວບໍ່ເຫັນຕົວ ຕົນອັນນີ້ ພວກເຮົາບໍ່ຢາກ, ບໍ່ຢາກໃຫ້ສາຍການບິນຕ່າງໆ ລົ້ມລະລາຍ. ພວກເຮົາບໍ່ຢາກໃຫ້ຄົນ ເສຍວຽກເຮັດງານທໍາ ຫລືບໍ່ມີເງິນເພື່ອໃຊ້ຈ່າຍລ້ຽງຊີບ ເມື່ອພວກເຂົາເຈົ້າ ມີຊີວິດທີ່ດີຫລາຍໃນ 4 ອາທິດກ່ອນໜ້ານີ້.”

ມາດຕະການນຶ່ງ ທີ່ລວມຢູ່ໃນມາດຕະການທັງຫລາຍທີ່ຖືກສະເໜີໄປນັ້ນ ກໍຄື ຊຸດບັນເທົາທຸກໃນທັນທີທັນໃດໃຫ້ແກ່ປະຊາຊົນອາເມຣິກັນ.

ທ່ານສຕີຟເຟັນ ມນຸດຈິນ (Steven Mnuchin), ລັດຖະມົນຕີກະຊວງການເງິນ ຂອງສະຫະລັດກ່າວວ່າ:
“ພວກເຮົາກໍາລັງພິຈາລະນາເບິ່ງການສົ່ງເຊັກເງິນໄປໃຫ້ຊາວອາເມຣິກັນໃນທັນ
ທີ ທັນໃດ. ແລະ ສິ່ງທີ່ພວກເຮົາໄດ້ຍິນຈາກປະຊາຊົນອາເມຣິກັນທີ່ດຸໝັ່ນທັງ ຫລາຍ ກໍຄື ຫລາຍບໍລິສັດໄດ້ປິດລົງ, ບໍ່ວ່າຈະເປັນຮ້ານກິນດື່ມ ຫລືຮ້ານອາ ຫານກໍຕາມ. ປະຊາຊົນອາເມຣິກັນຕ້ອງການເງິນສົດດຽວນີ້. ແລະປະທານາທິ ບໍດີ ຢາກຈະເອົາເງິນສົດໃຫ້ໃນເວລານີ້. ແລະ ຂ້າພະເຈົ້າໝາຍຄວາມວ່າ ດຽວ ນີ້ ໃນສອງອາທິດໜ້າໜີ້.”

ເພື່ອກະຕຸ້ນເສດຖະກິດ, ຄະນະລັດຖະບານຈະຂໍໃຫ້ເງິນຈາກລັດຖະສະພາ ປະມານ 1,000 ຕື້ ໂດລາ ຢູ່ໃນການກະຕຸ້ນເພີ້ມເຕີມນັ້ນ ຊຶ່ງອາດຈະລວມທັງ ການຕັດພາສີເງິນເດືອນ, ການຈ່າຍເງິນໃຫ້ແກ່ທຸລະກິດຂະໜາດນ້ອຍ, ການ ຮັບປະກັນເງິນກູ້ ແລະການບັນເທົາທຸກອັນອື່ນໃຫ້ແກ່ອຸດສາຫະກໍາຕ່າງໆ ເຊັ່ນ ການບິນ ແລະໂຮງແຮມ.

ທ່ານ ຊາຍ ອາຄາບາສ (Shai Akabas), ອໍານວຍການດ້ານນະໂຍບາຍ ເສດຖະກິດປະຈໍາສູນກາງນະໂຍບາຍຂອງທັງສອງພັກໃຫ້ຄໍາເຫັນວ່າ:
“ການຮັບປະກັນໃຫ້ແນ່ໃຈວ່າ ພວກເຂົາເຈົ້າມີຄວາມໜ້າເຊື່ອຖື ຫລື ເຄຣດິດີ ພຽງພໍຕາມຄວາມຕ້ອງການ ເພື່ອຈະສາມາດຜ່ານຜ່າໄລຍະນີ້ໄດ້ ແມ່ນເປັນ ເລື້ອງທີ່ສໍາຄັນສຸດຂີດ. ການທີ່ບໍລິສັດເຫລົ່ານັ້ນ ມີໂຄງປະກອບແບບໃດໃນ ເລື້ອງຮັບປະກັນວ່າ ບັນດາບໍລິສັດທັງຫລາຍ ບໍ່ພຽງແຕ່ໄດ້ຮັບຜົນປະໂຫຍດ ທາງການເງິນ ເທົ່ານັ້ນ ໂດຍທີ່ເງິນບໍ່ໄປເຖິງມື ຂອງຜູ້ອອກແຮງງານເລີຍ ແລະ ຮັບປະກັນວ່າ ກໍາລັງແຮງງານແມ່ນຍັງຢູ່ ແລະຮັບປະກັນວ່າ ສາຍການບິນ ຕ່າງໆ ເຮັດວຽກແບບຮັບໃຊ້ປະເທດໂດຍທັງໝົດຢູ່ນັ້ນ ເປັນເລື້ອງທີ່ສໍາຄັນຫຼາຍ.“

ບັນດາສະມາຊິກພັກຣີພັບລິກກັນ ປະຈໍາສະພາສູງ ແມ່ນຮູ້ສຶກລັ່ງເລໃຈ ທີ່ຈະ ຮັບຮອງເອົາຊຸດມາດຕະການບັນເທົາທຸກແບບນ້ອຍໆ ທີ່ສະພາຕໍ່າສະເໜີໄປໃນ ອາທິດແລ້ວນີ້, ຊຶ່ງໃນນັ້ນລວມມີ ການຈ່າຍເງິນໃຫ້ຄົນ ເວລາພັກການ ຍ້ອນ ການເຈັບປ່ວຍ, ການປະກັນໄພຫວ່າງງານ, ການໄດ້ຮັບການກວດຫາໄວຣັສ ໂຄໂຣນາ ໂດຍບໍ່ເສຍຄ່າ ແລະການຊ່ວຍເຫລືອດ້ານອາຫານ ແລະການປິ່ນປົວ ສຸຂະພາບ ເພີ້ມອີກ.

ແຕ່ວ່າ ມັນກໍມີຄວາມຮູ້ສຶກເຖິງພາວະສຸກເສີນຢູ່ໃນກຸ່ມສະມາຊິກລັດຖະສະພາ ທັງຫລາຍໃນດ້ານການໃຫ້ຄວາມຊ່ວຍເຫລືອໃນທັນທີທັນໃດ, ການໃຊ້ມາດຕະ ການ ຢ່າງແຂງຂັນໃນການເຮັດໃຫ້ຄວາມລໍາບາກທາງເສດຖະກິດທີ່ເກີດມາຈາກ ການລະບາດຂອງພະຍາດລະດັບໂລກນີ້ ຜ່ອນເບົາລົງໄດ້.

ທ່ານ ແບຣດດີ ໂກນ (Bradley Gold), ອາຈານສອນວິຊາເສດຖະສາດຈາກ ມະຫາວິທະຍາໄລ ລັດເທັກຊັສ ໃນເມືອງ ອອສຕິນ ໃຫ້ຄໍາເຫັນວ່າ:
“ພວກເຮົາກໍາລັງປະເຊີນກັບສະຖານະການທີ່ວ່າ ສະພາບຂອງຄົນກໍາລັງ ຖືກ ທົດສອບ. ແລະ ເພາະສະນັ້ນ ພວກເຮົາທັງໝົດ ໃນນາມວ່າເປັນປະເທດນຶ່ງ ແມ່ນມີໂອກາດ ທີ່ຈະໝູນໃຊ້ຊັບພະຍາກອນຈໍານວນນຶ່ງ ທີ່ຈະເຮັດໃຫ້ພວກເຮົາ ສາມາດປ້ອງກັນຕົນເອງໄດ້ ແລະເຮັດໃຫ້ພວກເຮົາສາມາດຜ່ານຜ່ານຊ່ວງໄລຍະ ທີ່ຫຍຸ້ງຍາກນີ້ໄປໄດ້, ຂ້າພະເຈົ້າຄິດວ່າ ຄວາມຄິດອັນນັ້ນ ຄວນຈະຖືກຖືວ່າ ເປັນບູລິມະສິດໃນເວລານີ້ ເມື່ອມີຄວາມເປັນຫ່ວງກ່ຽວກັບວ່າ ໂຄງສ້າງຂອງ ເງິນທຶນຊ່ວຍເຫລືອ ຈະເປັນແນວໃດກັນແທ້ຢູ່ນັ້ນ.”

ໃນຂະນະດຽວກັນ ກໍມີຊາວອາເມຣິກັນຫລາຍຄົນເພີ້ມຂຶ້ນ ທີ່ຫລີກລ້ຽງການໄປຢູ່ ໃນສະຖານທີ່ສາທາລະນະຊົນຕ່າງໆ ແລະ ຫັນໄປໃຊ້ການສັ່ງຊື້ເຄື່ອງທາງອອນ ລາຍໃຫ້ໄປສົ່ງເຖິງເຮືອນເອົາ. ບໍລິສັດຂາຍສິນຄ້າຍັກໃຫຍ່ອາມາຊອນ (Amazon) ທີ່ສົ່ງສິນຄ້າເຖິງບ້ານປະກາດວ່າ ບໍລິສັດດັ່ງກ່າວຈະງົດການສົ່ງສິນ ຄ້າທີ່ບໍ່ຈໍາເປັນໄວ້ຊົ່ວຄາວ ເພື່ອໃຫ້ຕົນສາມາດຈັດລໍາດັບຄວາມສໍາຄັນ ໃນການ ສົ່ງສິນຄ້າທີ່ຕ້ອງການໃຊ້ໃນຊີວິດປະຈໍາວັນຂອງຄົນ ແລະການສະໜອງ ຢຸກຢາ ຕ່າງໆ.

ອ່ານຂ່າວນີ້ເພີ້ມເປັນພາສາອັງກິດຢູ່ລຸ່ມນີ້

The Trump administration set out to implement a sweeping economic stimulus package, including sending out checks to help Americans mitigate the economic impact of the spread of the coronavirus. White House Correspondent Patsy Widakuswara has this story.

UPSOUND "Last call... bell rings"

A last call for bars and restaurants in many places in the United States, as local governments implement restrictions to stop the spread of the coronavirus.

Hayden O'Leary, Bartender:

"Don't really know when we're going to open it could be weeks, months, we don't really know."

With businesses and workers losing money, President Donald Trump wants Congress to quickly approve a sweeping economic stimulus package.

President Donald Trump:

“We want to go big, go solid. The country is very strong. We've never been so strong. And that's what we're going to be doing. We don't want, with this invisible enemy, we don't want airlines going out of business. We don't want people losing their jobs or not having money to live when they were doing very well just four weeks ago.”

One of the measures being proposed, an immediate relief package for Americans.

Steven Mnuchin, U.S. Treasury Secretary:

“We're looking at sending checks to Americans immediately. And what we've heard from hardworking Americans, many companies have now shut down, whether it's bars or restaurants. Americans need cash now. And the president wants to get cash now. And I mean, now in the next two weeks."

To prop up the economy, the administration will ask Congress for about $1 trillion in additional stimulus, which may include payroll tax cuts, payments to small businesses, loan guarantees and other relief to industries such as airlines and hotels.

Shai Akabas is the director of economic policy at the Bipartisan Policy Center.

Shai Akabas, Bipartisan Policy Center:

“Making sure that they have the credit that they need in order to get through this period is critical. How those are structured in terms of making sure that the companies don't just benefit financially without the benefits going to their workers, and making sure that the workforce is staying on, and that the airlines are working in the service of the country as a whole, is really important.”

Senate Republicans have been reluctant to approve a narrower relief package the House passed last week, that includes paid sick leave, unemployment insurance, free coronavirus testing and additional food and health care aid.

But there is a growing sense of urgency among lawmakers to support immediate, aggressive measures to mitigate the economic pain of the pandemic.

Bradley Gold is a professor of economy from the University of Texas at Austin))

Bradley Gold, University of Texas:

“We're facing a situation where the human condition is being tested. And so if we have the opportunity as as a country to tap into some resources that will allow us to protect ourselves and allow us to get through a difficult time, I think that that thought ought to take priority right now over concerns about exactly how the funding structure is going to look.”

Meanwhile, more Americans are avoiding public places and turning to online delivery. Shipping giant Amazon announced it will temporarily suspend shipping non-essential items so it can prioritize delivery of household staples and medical supplies.

ເບິ່ງວີດິໂອກ່ຽວກັບລາຍງານນີ້ເພີ້ມເປັນພາສາອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG