ລິ້ງ ສຳຫລັບເຂົ້າຫາ

logo-print

ໂຄວິດ-19 ເຮັດໃຫ້ຄວາມຕ້ອງການ ເທັກໂນໂລຈີ ໃນການວັດແທກອຸນຫະພູມ ພຸ້ງ ສູງຂຶ້ນ


LogOn: Temperature Sensing Devices -- USAGM
please wait

No media source currently available

0:00 0:01:59 0:00

ຄວາມຕ້ອງການອຸປະກອນວັດແທກອຸນຫະພູມໂດຍໃຊ້ສັນຍານແບບອັດຕະໂນມັດກໍລັງພຸ້ງຂຶ້ນ

ເຖິງແມ່ນວ່າທຸລະກິດໃນທົ່ວໂລກກຳລັງເປີດຄືນຢູ່ກໍຕາມ ແຕ່ວ່າການແຜ່ລະບາດຂອງພະຍາໂຄວິດກໍຍັງໜັກຢູ່. ຫ້ອງການຫຼາຍແຫ່ງກຳລັງກວດອຸນ ຫະພູມຂອງຄົນກ່ອນ ຈຶ່ງປ່ອຍເຂົ້າໄປທາງໃນໄດ້. ໃນບາງຂະແໜງອຸດສາຫະກຳ ເຄື່ອງວັດແທກອຸນຫະພູມແບບຖືເອົາ ອາດຈະບໍ່ມີປະສິດທິພາບພຽງພໍ. ລະ ບົບການຖ່າຍພາບຄວາມຮ້ອນ ຊ່ວຍໃຫ້ມີການວັດແທກອຸນຫະພູມໄດ້ ແບບທີ່ບໍ່ຕ້ອງໃຫ້ຄົນຢູ່ໃກ້ ກັບຄົນທີ່ຖືກກວດນັ້ນໄດ້. ຄວາມຕ້ອງການຂອງອຸປະກອນປະ ເພດນີ້ ແມ່ນເພີ້ມຂຶ້ນ ຢ່າງຫລວງຫລາຍ ຢູ່ໃນທົ່ວໂລກ. ນັກຂ່າວຂອງວີໂອເອ Elizabeth Lee ມີລາຍລະອຽດກ່ຽວກັບເລື້ອງ ຊຶ່ງບົວສະຫວັນ ຈະນໍາມາສະ ເໜີທ່ານ ໃນອັນດັບຕໍ່ໄປ.

ໃນຍຸກໂຄວິດນີ້, ທຸລະກິດຫຼາຍອັນ ເຊັ່ນຮ້ານເສີມສວຍໄດ້ຮຽກຮ້ອງໃຫ້ແຂກຕ້ອງໄດ້ຜ່ານການກວດອຸນຫະພູມ ໂດຍການໃຊ້ບາງຢ່າງເຊັ່ນນີ້ ກ່ອນຈະເຂົ້າໄປໃນ ຮ້ານໄດ້.

ທ່ານດານຽລ ພັດເທີແມນ (Daniel Putterman), ຫົວໜ້າບໍລິຫານ ຫລື CEO ຂອງບໍລິສັດຄອກນິສ (Kogniz) ກ່າວວ່າ:
“ການກວດອຸນຫະພູມ ເປັນສິ່ງໃດສິ່ງນຶ່ງ ທີ່ພວກເຮົາຄວນເຮັດ ຢູ່ຕະຫລອດ. ແລະພວກເຮົາສາມາດທີ່ຈະເຮັດເຊັ່ນນັ້ນໄດ້ດ້ວຍການໃຊ້ລະບົບອັດຕະໂນມັດ.”

ທຸລະກິດຫລາຍແຫ່ງ ທີ່ຄາດວ່າຈະມີຄົນຍ່າງຂາເຂົ້າໄປຂ້າງໃນຫລາຍນັ້ນ ກໍາ ລັງຊອກຫາອຸປະກອນ ສະກັດກັ້ນການແຜ່ລະບາດຂອງພະຍາດໂຄວິດ ທີ່ສາ ມາດກວດເບິ່ງອຸນຫະພູມໄດ້ໄວຂຶ້ນ ເພື່ອຈະໃຫ້ ຄົນຜ່ານປະຕູເຂົ້າໄປໄດ້ຢ່າງ ມີປະສິດທິພາບກວ່າເກົ່າ.

ອັນນັ້ນເປັນບ່ອນທີ່ລະບົບຖ່າຍພາບຄວາມຮ້ອນເຂົ້າມາ-ແລະທຸກຄົນປາກົດວ່າ ຈະຢາກໄດ້ມັນ.

ທ່ານ ຄຣິສ ເບນເທີ, ຮອງປະທານບໍລິສັດ FLIR Global Business Development, ຊຶ່ງເປັນບໍລິສັດ ທີ່ພັດທະນາລະບົບຖ່າຍພາບຄວາມຮ້ອນທີ່ ເຫັນວ່າມີຄວາມຕ້ອງການເພີ້ມຂຶ້ນນັ້ນກ່າວວ່າ:

“ໂຮງຮຽນ, ສວນສະໜຸກໃຫຍ່ຕ່າງໆ, ສະໜາມກິລາ.”

ເຖິງແມ່ນວ່າ ເທັກໂນໂລຈີກວດອຸນຫະພູມຈະບໍ່ໄດ້ວິນີໄສພະຍາດກໍຕາມ ແລະ ບໍ່ແມ່ນວ່າທຸກຄົນທີ່ເປັນພະຍາດ ໂຄວິດ-19 ລ້ວນແຕ່ຈະມີຄີງຮ້ອນໝົດກໍຕາມ, ຄວາມຕ້ອງການເທັກໂນໂລຈີນີ້ ກໍຍັງກໍາລັງເພີ້ມຂຶ້ນຢູ່ໃນໂລກ.

ທ່ານ ແມັກສ໌ ຊອລລິສເບີຣີ (Max Salisbury), ອໍານວຍການຝ່າຍດໍາເນີນ ທຸລະກິດຂອງບໍລິສັດ Thermoteknix Systems Ltd. ກ່າວວ່າ:
“ດັ່ງທີ່ຂ້າພະເຈົ້າໄດ້ເວົ້າໄປນັ້ນ, ພວກເຮົາ, ທໍາອິດສົ່ງອຸປະກອນນີ້ 10 ເຄື່ອງ ຕໍ່ເດືອນ ແລະດຽວນີ້ສົ່ງຮອດປະມານ 100 ເຄື່ອງຕໍ່ມື້.”

ຫລາຍໆ ບໍລິສັດ, ລວມທັງ Thermoteknix, ໄດ້ພັດທະນາກ້ອງຖ່າຍຮູບທີ່ໃຊ້ ແສງອິນຟຣາເຣດ ທີ່ອ່ານຄວາມຮ້ອນຂອງຮ່າງກາຍໄດ້.

ທ່ານ ແມັກສ໌ ຊອລລິສເບີຣີ (Max Salisbury), ກ່າວຜ່ານ Skype ອີກວ່າ:
“ກ້ອງຖ່າຍຮູບທີ່ໃຊ້ແສງອິນຟຣາເຣດອັນນຶ່ງ ແມ່ນກ້ອງຖ່າຍຮູບທີ່ແນ ແລະຍິງ ໃສ່ ທີ່ມີຢູ່ປະມານ 110,000 ບ່ອນ. ພວກມັນບໍ່ໄດ້ສົ່ງແສງເລເຊີອອກມາ. ມັນກຳລັງລໍຖ້າຄວາມຮ້ອນໄປກະທົບມັນແລ້ວຈຶ່ງອອກມາ.”

ບໍລິສັດ FLIR ກ່າວວ່າ ອຸປະກອນກວດອຸນຫະພູມ ລວມທັງ ກ້ອງຖ່າຍຮູບ ໄດ້ມີປະສິດທິພາບຫລາຍຂຶ້ນ ເມື່ອຫລາຍປີຜ່ານໄປ.

ທ່ານ ຄຣິສ ເບນເທີ ກ່າວຜ່ານ Skype ອີກວ່າ:
“ດຽວນີ້ ທ່ານກໍາລັງເຫັນວ່າມີເຄື່ອງຈັກຮຽນຮູ້ ແລະປັນຍາປະດິດເພີ້ມຂຶ້ນ ເພື່ອ ຊ່ວຍເຮັດໃຫ້ຂັ້ນຕອນການກວດນັ້ນກາຍເປັນລະບົບອັດຕະໂນມັດໄປ ທີ່ເຮັດໃຫ້ ມີຜົນການກວດຜ່ານໄວກວ່າ ແລະມີຄວາມແມ້ນຢໍາຢ່າງສະ ໝໍ່າສະເໝີ.”

ແທນທີ່ຈະໃຊ້ກ້ອງຖ່າຍຮູບ, ເຄື່ອງ ThermalPass ໃຊ້ເຄື່ອງຈັບສັນຍານທີ່ໃຊ້ ແສງອິນຟຣາເຣດ ເພື່ອອ່ານອຸນຫະພູມຂອງຮ່າງກາຍ.

ທ່ານໄມໂຄ ເລນເດິ, ປະທານບໍລິສັດ ThermaPass, ກ່າວຜ່ານທາງ Skype ວ່າ:
“ບໍ່ມີຄວາມສ່ຽງ ທີ່ວ່າມັນຈະບໍ່ວັດແທກທຸກຈຸດຢູ່ໃນຮ່າງກາຍຂອງຂ້ອຍ.”

ບໍລິສັດ “Kogniz” ສະໜອງເຄື່ອງຈັບສັນຍານທີ່ໃຊ້ແສງອິຟຣາເຣດ ແລະສາຍ ຕາ ໄປພ້ອມໆກັບກ້ອງຖ່າຍຮູບ ທີ່ບໍ່ພຽງແຕ່ກວດເບິ່ງອຸນຫະພູມຂອງຮ່າງກາຍ ແຕ່ຍັງກວດເບິ່ງໃຜຜູ້ນຶ່ງວ່າ ໃສ່ໜ້າກາກ ຫລືຢືນຢູ່ຫ່າງຈາກຄົນອື່ນບໍ່.

ທ່ານດານຽລ ພັດເທີແມນ (Daniel Putterman) ກ່າວມ້ວນທ້າຍວ່າ:
"ສະນັ້ນ, ມັນກາຍມາເປັນລະບົບອັດຕະໂນມັດໂດຍທັງສິ້ນເລີຍ.”

ເຖິງແມ່ນວ່າ ອຸປະກອນວັດແທກອຸນຫະພູມຈະສາມາດຊ່ວຍສະກັດກັ້ນ ພະຍາດ ໄດ້ກໍຕາມ ແຕ່ບັນດາເຈົ້າໜ້າທີ່ການແພດສະເໜີວ່າ ຕ້ອງມີການ ກວດເພີ້ມອີກ ເພື່ອຈະວິນິໄສພະຍາດໂຄວິດ-19.

ອ່ານຂ່າວນີ້ເປັນພາສາອັງກິດຂ້າງລຸ່ມນີ້

Many offices are taking people’s temperature before they are allowed inside. In some industries handheld thermometers may not be efficient enough. Thermal imaging systems allow temperatures to be taken without anyone needing to be physically close to the person being evaluated. The demand for these types of devices is skyrocketing globally. VOA’s Elizabeth Lee has the details.

In this COVID era, many businesses such as this salon require guests to first pass a temperature test with something like this before entering.

Daniel Putterman, Kogniz CEO

"Temperature screening is something that we should do in perpetuity. And we can only do it with automation."

Many businesses that expect heavy foot traffic are looking for COVID deterrent devices that can screen temperatures quicker to get more people through the door efficiently.

That’s where thermal imaging systems come in – and everyone seems to want one.

Chris Bainter, FLIR Global Business Development VP:

“Schools, theme parks, sports stadiums.”

Although temperature taking technology does not diagnose disease and not everyone with COVID-19 has a fever, global demand is skyrocketing.

RADIO: So says Max Salisbury of Thermoteknix Systems:

Max Salisbury, Operations Director, Thermoteknix Systems Ltd:

“We were originally shipping, like I said, 10 a month and we're up to about 100 a day.”

Many companies, including Thermoteknix, have developed infrared cameras that read body heat.

Max Salisbury, Thermoteknix Systems Ltd Operations Director

“An infrared camera is about 110,000 of those point and shoot cameras. They're not shining a laser. They are waiting for the heat to hit them.”

FLIR says its temperature screening devices, including a camera have become more efficient through the years.

Chris Bainter, FLIR Global Business Development VP:

“Now you're seeing more machine learning and artificial intelligence to help automate pieces of that screening process, which allows for faster throughput and consistent accuracy.”

Instead of a camera, ThermalPass uses infrared sensors to read your body temperature.

Michael Lende, ThermaPass President ((Skype Logo))

“There's no risk of it not measuring at all points in my body.”

The company Kogniz offers an infrared and an optical sensor along with....
...a camera that not only screens body temperatures, but......also detects whether someone is wearing a mask or keeping social distance.

...says Kogniz's Daniel Putterman

Daniel Putterman nat pop:

"So it becomes a completely automated platform"

While temperature taking devices......can be a deterrent to disease, health officials suggest more testing to diagnose COVID-19.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG