ລິ້ງ ສຳຫລັບເຂົ້າຫາ

logo-print

ມີຄວາມເປັນຫ່ວງ ກ່ຽວກັບ ການຕິດຕໍ່ ໄວຣັສໂຄໂຣນາ ເພີ່ມຂຶ້ນ ທ່າມກາງຄວາມວຸ້ນວາຍ ໃນ ສະຫະລັດ


ໃນຂະນະທີ່ຝູງຄົນຂະໜາດໃຫຍ່ເຕົ້າໂຮມກັນທ່າມກາງການປະທ້ວງໃນ ສະຫະລັດ ນັ້ນ, ມັນກໍມີຄວາມເປັນຫ່ວງເພີ່ມຂຶ້ນວ່າ ໄວຣັສໂຄໂຣນາ ຈະແຜ່ ລາມອອກໄປ, ກໍ່ໃຫ້ເກີດການຕິດແປດເພີ່ມ ເຕີມໃນຂະນະທີ່ລັດຕ່າງໆໄດ້ເປີດ ຄືນເສດຖະກິດຂອງເຂົາເຈົ້າ. ນັກຂ່າວວີໂອເອ ເຄນ ຟາຣາໂບ ໄດ້ລົມກັບຜູ້ ຊ່ຽວຊານດ້ານການແພດຫຼາຍຄົນ ໃນລັດ ອີລີນອຍ, ບ່ອນທີ່ ຄວາມວຸ້ນວາຍທາງເມືອງການ ແລະ ການປະທ້ວງ ໄດ້ບັງຄັບໃຫ້ສະຖານທີ່ກວດໄວຣັສໂຄໂຣນາ ຕ້ອງປິດໃນບາງຊຸມ ຊົນ, ເຊິ່ງຂັດຂວາງ ຄວາມພະຍາຍາມ ທີ່ຈະຕິດຕາມການແຜ່ລາມຂອງໄວຣັສດັ່ງກ່າວຕື່ມອີກ. ພຸດທະສອນ ມີລາຍລະອຽດມາສະເໜີທ່ານໃນອັນດັບຕໍ່ໄປ.


ໃນຂະນະທີ່ລາວໄດ້ເບິ່ງຄວາມວຸ້ຍວາຍເກີດຂຶ້ນໃນທົ່ວ ສະຫະລັດ ນັ້ນ, ພາຍ ໃຕ້ການກັກບໍລິເວນຫ້ອງການໃນບ້ານຂອງລາວໃນນະຄອນ ຊິຄາໂກ, ຜູ້ອຳ ນວຍການຂອງສະຖາບັນເພື່ອສຸຂະພາບໂລກ ຂອງມະຫາວິທະຍາໄລ ນອທ໌ ເວັສເຕິນ ດຣ. ໂຣເບີດ ເມີຟີ, ໄດ້ເລີ່ມທີ່ຈະສົງໄສວ່າ ທຸກຄົນໄດ້ລືມໃນທັນ ທີວ່າ ປະເທດ ແມ່ນກຳລັງຮັບມືກັບໂຣກລະບາດ ທີ່ອັນຕະລາຍນັ້ນແລ້ວຫຼືບໍ່.

ດຣ. ໂຣເບີດ ເມີຟີ ກ່າວວ່າ “ໂຄວິດ ມັນບໍ່ໄດ້ສົນໃຈ ກ່ຽວກັບ ການເມືອງ.​ມັນມີແຕ່ມັກເຕັ້ນຈາກຄົນນຶ່ງໄປຫາອີກຄົນນຶ່ງ. ສະນັ້ນເຈົ້າກຳລັງເຮັດໃຫ້ຕົນ ເອງມີຄວາມສ່ຽງ.”

ມັນແມ່ນຂໍ້ຄວາມທີ່ເຈົ້າຄອງນະຄອນ ຊິຄາໂກ ທ່ານນາງ ລໍຣີ ໄລທຟຸດ ໄດ້ ກ່າວຢໍ້າໃນການກ່າວຄຳປາໄສປະຈຳວັນຕໍ່ສາທາລະນະ, ໃນວັນດຽວກັນທ່ານ ນາງໄດ້ສືບຕໍ່ດຳເນີນແຜນການເພື່ອຫຼຸດຜ່ອນການຫ້າມໃນເມືອງນັ້ນບໍ່ໃຫ້ອອກ ໄປໃສ ນັບຕັ້ງແຕ່ເດືອນມີນາເປັນຕົ້ນມາ ເພື່ອປ້ອງກັນ ການລະບາດຂອງໄວຣັສໂຄໂຣນາ, ເຖິງແມ່ນຈະມີຄວາມວຸ້ນວາຍດຳເນີນຢູ່ກໍຕາມ.

ເຈົ້າຄອງນະຄອນ ຊິຄາໂກ ທ່ານນາງ ລໍຣີ ໄລທຟຸດ ກ່າວວ່າ “ຄວາມສ່ຽງນັ້ນ ແມ່ນມີແທ້. ມັນມີຢູ່ ໃນປັດຈຸບັນ. ແລະມັນຈະຢູ່ກັບພວກເຮົາຕໍ່ໄປໃນອະນາຄົດ ທີ່ບໍ່ສາມາດແນມເຫັນໄດ້. ແລະ ເຈົ້າຕ້ອງມີຄວາມລະມັດລະວັງ ບໍ່ພຽງແຕ່ປົກ ປ້ອງຕົນເອງ ແລະ ຕ້ອງສຳລັບຄົນອື່ນໃນເຄືອຂ່າຍຂອງເຈົ້າດ້ວຍ, ໃນບ້ານ ຂອງເຈົ້າທີ່ເຈົ້າເປັນຫ່ວງ, ເພາະວ່າຕອນນີ້ເຈົ້າມີຄວາມສ່ຽງສູງທີ່ຈະຕິດ ໂຄວິດ-19.”

ດຣ. ໂຣເບີດ ເມີຟີ ຜູ້ອຳນວຍການໃຫຍ່ ສະຖາບັນເພື່ອສະພາໂລກ ມະຫາວິ ທະຍາໄລ ນອທ໌ເວັສເຕິນ ກ່າວວ່າ “ມັນຈະເຮັດໃຫ້ພວກເຮົາຖອຍຫຼັງ. ສະນັ້ນ ແທນທີ່ຈະສາມາດຄວບຄຸມໄວຣັສໄດ້, ຄືທີ່ພວກເຮົາໄດ້ຫວັງນັ້ນ, ຕອນນີ້ແມ່ນ ກຳລັງບໍ່ມີຄວາມກ້າວໜ້າ ຫຼື ຕື່ມຂຶ້ນໄປໜ້ອຍນຶ່ງ, ແຕ່ບໍ່ວ່າມັນຈະເປັນຫຍັງກໍ ຕາມ, ມັນກຳລັງດັນພວກເຮົາໃຫ້ຊ້າລົງ.”

ຄວາມສ່ຽງ ກ່ຽວກັບ ຄວາມຮຸນແຮງ ແລະ ການທຳລາຍທີ່ເພີ່ມຂຶ້ນໄດ້ເຮັດໃຫ້ ພະແນກສາທາລະ ນະສຸກຂອງລັດ ອີລີນອຍ ຕ້ອງປິດສະຖານທີ່ກວດ ໂຄວິດ-19 ໃນຊຸມຊົນຊົ່ວຄາວ, ເລື່ອນການແຈ້ງຜົນການກວດໂຣກເປັນຜົນບວກ ແລະ ລົບ ກວນຄວາມສາມາດຂອງປະຊາຄົມການແພດ ເພື່ອຕິດຕາມການແຜ່ລາມ ຂອງໄວຣັສ.

ດຣ. ໂຣເບີດ ເມີຟີ ກ່າວວ່າ “ເຫັນໄດ້ຊັດວ່າມັນຈະພັງທະລາຍ ເພາະວ່າພວກ ເຮົາບໍ່ໄດ້ກວດໂຣກ ຫຼາຍຄົນພໍ. ປະຊາຊົນແມ່ນຢ້ານທີ່ຈະອອກໄປຂ້າງນອກ. ເຈົ້າໄປຮອດໃສກະບໍ່ໄດ້ຢູ່ໃກ້ກັບຕົວເມືອງນັ້ນ. ມັນມີການແຜ່ລະບາດໃນທົ່ວຕົວ ເມືອງ. ເຂົາເຈົ້າແມ່ນກຳລັງຢູ່ໃນບ້ານຫຼາຍກວ່າແຕ່ກ່ອນ.”

ເວລາທີ່ເຕົ້າໂຮມກັນຢູ່ຂ້າງນອກ, ຮອງສາສະດາຈານ ກ່ຽວກັບ ດ້ານຢາ ແລະ ໂຣກຕິດຕໍ່ທີ່ມະຫາວິທະຍາໄລ ຣັຊ ດຣ. ໄມເກິລ ລິນ ເວົ້າວ່າ ການກວດໂຣກ ເບິ່ງຄືວ່າຈະກັບຄືນມາຢູ່ລະດັບກ່ອນການກວດໂຣກອີກ ຖ້າບໍ່ມີການຂະຫຍາຍ ຕົວ, ແຕ່ຄວາມເຂົ້າໃຈ ກ່ຽວກັບ ວິທີທີ່ຄວາມວຸ້ນວາຍໃນປັດຈຸບັນນີ້ໃນ ສະຫະ ລັດ ຈະສົ່ງຜົນກະທົບຕໍ່ການລະບາດ ຂອງໄວຣັສນັ້ນ ຈະບໍ່ເກີດຂຶ້ນຢ່າງກະທັນ ຫັນ.

ດຣ. ໄມເກິລ ລິນ ກ່າວວ່າ “ຖ້າມີການຕິດໂຣກເພີ່ມຂຶ້ນໃດໆ ມັນອາດເກີດຂຶ້ນ ໃນເວລາໃດນຶ່ງປະ ມານ 1 ຫຼື ສອງອາທິດຫຼັງຈາກການເຕົ້າໂຮມກັນ. ປົກກະຕິ ມັນຈະກ່ຽວກັບ ເວລາທີ່ມັນໃຊ້ ສຳລັບການຕິດໂຣກ ທີ່ຈະຟັກຕົວ, ສະແດງອາ ການ, ແລະ ກາຍເປັນຮຸນແຮງພໍທີ່ຄົນຕ້ອງການການເບິ່ງ ແຍງຢູ່ໂຮງໝໍ.”

ແຕ່ ດຣ. ລິນ ໄດ້ໃຫ້ຄວາມຫວັງທີ່ເປັນຕາຢ້ານວ່າ ການລະບາດຂອງໄວຣັສ ອາດຈະບໍ່ຈຳກັດຢູ່ໃນບັນດາຜູ້ປະທ້ວງເທົ່ານັ້ນ.

ດຣ. ໄມເກິລ ລິນ ກ່າວວ່າ “ການຢູ່ນອກບ້ານ ແທນທີ່ຈະຢູ່ໃນບ້ານ ແທ້ຈິງ ແລ້ວອາດເປັນສິ່ງທີ່ເຂົ້າຂ້າງພວກເຮົາຈາກທັດສະນະຄະຕິ ກ່ຽວກັບ ການຄວບ ຄຸມການຕິດໂຣກ. ເພາະພວກເຮົາຮູ້ວ່າ ການແຜ່ເຊື້ອສ່ວນຫຼາຍມີແນວໂນ້ມວ່າ ຈະເກີດຢູ່ໃນບ້ານ ບ່ອນທີ່ມີການລະບາຍອາກາດບໍ່ດີ. ການຢູ່ໃນບ້ານພ້ອມດ້ວຍ ອາກາດເປົ່າໄປທົ່ວອາດຈະມີຄວາມສ່ຽງໃນການແຜ່ເຊື້່ອໜ້ອຍກວ່າ. ດ້ວຍແສງ ແດດຢູ່ນອກບ້ານ, ແສງ UV ແທ້ຈິງແລ້ວ ຈະສາມາດຂ້າໄວຣັສໄດ້. ແຕ່ເມື່ອ ເວົ້າເຖິງການສົ່ງຕໍ່ໂຣກ, ມັນກໍຍາກແທ້ໆທີ່ຈະເດົາໄດ້.”

ວິດີໂອຈາກການປະທ້ວງໄດ້ສະແດງໃຫ້ເຫັນຄົນໃສ່ໜ້າກາກຢ່າງກວ້າງຂວາງ ແຕ່ບໍ່ແມ່ນໝົດທຸກຄົນ ທີ່ມັນສາມາດຈຳກັດການປ່ອຍເຊື້ອໂຣກໃນອາກາດ.

ດຣ. ໂຣເບີດ ເມີຟີ ກ່າວວ່າ “ມັນຈະໄດ້ຜົນຖ້າທຸກຄົນໃສ່ໜ້າກາກເທົ່ານັ້ນ. ມັນຕ້ອງເປັນໝົດທຸກຄົນ ບໍ່ເຊັ່ນນັ້ນ ມັນກໍຈະບໍ່ມີຄວາມໝາຍຫຍັງ.”

ໃນຂະນະທີ່ຕົວເລກການຕິດໄວຣັສໂຄໂຣນາໃນ ສະຫະລັດ ແມ່ນໃກ້ຈະຮອດ 2 ລ້ານຄົນແລ້ວນັ້ນ, ປະຊາຊົນ ອາເມຣິກັນ ແມ່ນກຳລັງທ້າຄວາມສ່ຽງ ໃນຂະ ນະທີ່ກຳລັງປະຕິບັດສິດທິໃນການປະທ້ວງ. ໃນຂະນະດຽວກັນ ຂໍ້ມູນການສຳ ຫຼວດຄວາມຄິດເຫັນໄດ້ສືບຕໍ່ສະແດງໃຫ້ເຫັນວ່າ ປະ ຊາຊົນສ່ວນຫຼາຍເຫັນວ່າ ການຍັບຢັ້ງ ໂຄວິດ-19 ແມ່ນບູລິມະສິດສູງສຸດ.

As large crowds gather amid protests in the United States, concern is growing that the coronavirus will spread, creating more clusters of infection as states reopen their economies. VOA's Kane Farabaugh spoke with several medical experts in Illinois, where civil unrest and protests forced coronavirus testing sites to close in some communities, further hampering efforts to monitor the spread of the virus.

As he watched unrest unfold across the United States, under lockdown from his home office in Chicago, the director of Northwestern University’s Institute for Global Health, Dr. Robert Murphy, began to wonder if everyone had suddenly forgotten the country was dealing with a dangerous pandemic.

“COVID Doesn’t care about politics. It just likes to jump from person to person. // So you are putting yourself at risk.”

It was a message Chicago’s mayor, Lori Lightfoot, echoed in her daily address to the public, on the same day she moved ahead with plans to loosen restrictions in the city - in place since March to prevent the spread of the coronavirus - despite continuing unrest.

"That risk is real. It is present. And it will be with us for the foreseeable future. And you need to take the precautions not only just to protect yourself, but for others in your network, in your home that you care about, because now you are at heightened risk of COVID-19 infection."

“This is setting us backwards. So instead of being able to control the virus, like we had hoped, now it’s either going to plateau, or go up a little bit, but whatever it is, it’s pushing us way down the timeline.”

The risk of increasing violence and destruction led the Illinois Department of Public Health to temporarily close community COVID-19 testing facilities, delaying notifications of positive test results and interrupting the medical community’s ability to track the virus’ spread.

06:50 “It will obviously go down because we aren’t testing as many people. People are afraid to go out. You can’t even get anywhere near the downtown. There’s flare ups all around the city. They are staying home now more than ever.”

When the gatherings subside, Rush University Associate Professor of Medicine and Infectious Disease Dr. Michael Lin says testing will likely return to pre-protest levels if not increase, but understanding how the recent unrest in the U.S. will impact the spread of the virus won’t be immediate.

03:01 “If there is any spike it may happen sometime about a week or two weeks after the gatherings. That’s usually about the time it takes for the infection to incubate, manifest symptoms, and become severe enough that people need hospital care.”

But Dr. Lin offers a glimmer of hope that virus spread might be limited among protesters.

03:38 “Being outdoors instead of indoors may actually be something that’s favorable for us from the standpoint of infection control. Cause we know that a lot of spread tends to happen in indoor areas where there is poor ventilation. In the outdoors, with the air blowing around there may be less risk of spread. With the sun being out, UV rays can actually also kill the virus. But when it comes to transmission, it’s really difficult to predict.”

Video of demonstrations show widespread but not universal use of masks that can limit the expulsion of germs in the air.

“It only works if everyone is wearing a mask. It has to be all or nothing.”

As the number of coronavirus infections in the U.S. nears two million, some Americans are weighing health risks while exercising their right to demonstrate. Meanwhile polling data continue to show clear majorities view curbing COVID-19 as a priority.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG