ທ່ານໂຄລິນ ພາວ (Colin Powell), ລັດຖະມົນຕີກະຊວງການຕ່າງປະເທດສະຫະລັດທີ່ເປັນຄົນຜິວດຳຜູ້ທຳອິດ ແລະເຈົ້າໜ້າທີ່ທະຫານລະດັບສູງຂອງສະຫະລັດ ໄດ້ເສຍຊີວິດໄປ ໃນວັນຈັນຜ່ານມາ ລວມອາຍຸໄດ້ 84 ປີ ຍ້ອນອາການແຊກຊ້ອນຈາກ COVID-19. ຄອບຄົວຂອງທ່ານ ຂຽນຢູ່ໃນຖະແຫຼງການ ສະບັບນຶ່ງ ໃນເຟສບຸກວ່າ ທ່ານໄດ້ຮັບການສັກຢາວັກຊີນຄົບຊຸດ, ແລະເຂົາເຈົ້າ ໄດ້ “ສູນເສຍສາມີ, ພໍ່, ພໍ່ຕູ້ ແລະ ຄົນອາເມຣິກັນ ຜູ້ດີເລີດຄົນນຶ່ງ ໄປແລ້ວ.” Carla Babb ນັກຂ່າວວີໂອເອ ປະຈຳທຳນຽບຫ້າແຈ ມີລາຍລະອຽດເພີ້ມເຕີມ ກ່ຽວກັບມູນເຊື້ອຂອງທ່ານພາວ ຊຶ່ງບົວສະຫວັນຈະນຳມາສະເໜີທ່ານໃນອັນດັບຕໍ່ໄປ.
ທ່ານໂຄລິນ ພາວ (Colin Powell), ເປັນນາຍພົນທະຫານ ທີ່ໜ້າເຄົາລົບ ນັບຖື, ເປັນລັດຖະບູລຸດ, ແລະເປັນບຸກຄົນຜິວດຳທີ່ສຳຄັນຄົນນຶ່ງຂອງອາເມຣິກາ.
ທ່ານໄດ້ເປັນທີ່ປຶກສາດ້ານຄວາມໝັ້ນຄົງແຫ່ງຊາດພາຍໃຕ້ປະທານາທິບໍດີໂຣໂນລ ຣີແກນ (Ronald Reagan), ເປັນປະທານເສນາທິການຮ່ວມ ພາຍໃຕ້ປະທາ ນາທິບໍດີຈອຈຣ໌ ເອສ ດັບເບິລຢູ ບູສ (George H.W. Bush) ແລະສຸດທ້າຍ ແມ່ນເປັນລັດຖະມົນຕີກະຊວງການຕ່າງປະເທດ ຢູ່ພາຍໃຕ້ການເປັນປະທານາ ທິບໍດີຂອງທ່ານຈອຈຣ໌ ດັບເບິລຢູ ບູສ (George W. Bush), ເປັນຄົນອາເມ ຣິກັນເຊື້ອສາຍອາຟຣິກາຄົນທໍາອິດ ທີ່ເຄີຍຮັບໃຊ້ຢູ່ໃນການດຳລົງຕໍາແໜ່ງຂອງຜູ້ນໍາສອງຄົນໃນເວລາຕໍ່ມາ.
ອະດີດລັດຖະມົນຕີກະຊວງການຕ່າງປະເທດ ໂຄລິນ ພາວ ຕອນນຶ່ງກ່າວວ່າ:
"ຂ້າພະເຈົ້ານັ່ງຢູ່ໃນຫ້ອງການຂອງຂ້າພະເຈົ້າ ແລະມີສະມາຊິກຂັ້ນອາວຸໂສຄົນ ນຶ່ງຍ່າງເຂົ້າມາ ແລະປິດປະຕູໄວ້ ແລະກໍເວົ້າວ່າ, "ທ່ານ, ຂ້າພະເຈົ້າຕ້ອງໄດ້ ຖາມທ່ານບາງຢ່າງ, ມີຄວາມສັບສົນຫຼາຍຢູ່ ໃນອາຄານນີ້." ແລ້ວຂ້າພະເຈົ້າ ເວົ້າວ່າ, "ມີຫຍັງຜິດປົກກະຕິບໍ?" ແລ້ວທ່ານຜູ້ນັ້ນຕອບວ່າ, “ເອີ ພວກເຮົາຈະ ເອີ້ນທ່ານວ່າແນວໃດດີ, ພວກເຮົາເອີ້ນທ່ານວ່ານາຍພົນບໍ ຫຼື ທ່ານລັດຖະມົນຕີ?' ຂ້າພະເຈົ້າເວົ້າວ່າ, 'ບໍ່ມີຫຍັງຫລາຍດອກ ແມ່ນທ່ານລັດຖະມົນຕີ. ບັດນີ້ ກົ້ມລົງ ແລະກໍອອກກຳລັງກາຍກົ້ມ-ເງີຍໃຫ້ຂ້າພະເຈົ້າເບິ່ງ 10 ເທື່ອ!””
ທ່ານໄມໂຄ ໂອ ແຮນລອນ (Michael O'Hanlon), ຈາກສະຖາບັນບຣຸກຄິງສ໌ (Brookings) ກ່າວວ່າ:
"ການຈາກໄປຂອງທ່ານໂຄລິນ ພາວ ແມ່ນການສິ້ນສຸດ ຂອງຍຸກສະໄໝນັ້ນ. ທ່ານເຮັດໃຫ້ເປັນຕົວຢ່າງແຫ່ງຄວາມເປັນເລີດແລະຄວາມສໍາເລັດອັນຍິ່ງໃຫຍ່ ຂອງຊາວອາເມຣິກັນເຊື້ອສາຍອາຟຣິກາ ໃນກໍາລັງປະກອບອາວຸດຂອງປະ ເທດຊາດພວກເຮົາ ແລະໃນທາງໃດທາງນຶ່ງ ບາງເທື່ອກໍອາດກະທັ້ງວ່າປູທາງ ໃຫ້ແກ່ທ່ານໂອບາມາໄດ້ເປັນປະທານາທິບໍດີອີກດ້ວຍຊ້ຳ."
ໃນປີ 1996, ທ່ານພາວ ໄດ້ພິຈາລະນາການສະໝັກລົງແຂ່ງຂັນເປັນ ປະທາ ນາທິບໍດີຄົນຜິວດຳຜູ້ທຳອິດຂອງປະເທດ ແຕ່ພັນລະຍາຂອງທ່ານໄດ້ໂອ້ລົມກັບທ່ານໂດຍບໍ່ເຫັນດີນຳເພາະຢ້ານວ່າ ອາດຈະມີຄວາມພະຍາຍາມລອບສັງຫານ ຈາກພວກຫົວຮຸນແຮງຈັດ.
ເມື່ອທ່ານບາຣັກໂອບາມາຈາກພັກເດໂມແຄຣັດໄດ້ສະໝັກເປັນປະທານາທິບໍດີ ໃນຫຼາຍປີຕໍ່ມາ, ທ່ານພາວ, ຜູ້ສັງກັດພັກຣີພັບບລີກັນ ທີ່ມີແນວຄິດແບບສາຍກາງ ໄດ້ເຮັດແຫວກແນວຈາກພັກຂອງທ່ານ ເພື່ອໃຫ້ການສະໜັບສະໜູນ ແກ່ ທ່ານໂອບາມາ.
ລັດຖະມົນຕີກະຊວງປ້ອງກັນປະເທດລອຍ ອອສຕິນ (Lloyd Austin) ຊຶ່ງເປັນ ລັດຖະມົນຕີກະຊວງປ້ອງກັນປະເທດຜິວດຳຄົນທຳອິດຂອງສະຫະລັດ, ໄດ້ເອີ້ນ ທ່ານພາວວ່າ ເປັນຜູ້ໃຫ້ຄຳປຶກສາ ແລະເພື່ອນຜູ້ຍິ່ງໃຫຍ່. ທ່ານອອສຕິນ ກ່າວດັ່ງນີ້:
“ທ່ານມີເວລາໃຫ້ແກ່ຂ້າພະເຈົ້າສະເໝີ. ແລະຂ້າພະເຈົ້າສາມາດໄປຫາທ່ານໄດ້ ສະເໝີ ເມື່ອມີບັນຫາທີ່ຫຍຸ້ງຍາກ, ທ່ານມີຄຳແນະນຳທີ່ດີ, ດີຫລາຍສະເໝີ. ພວກເຮົາແນ່ນອນຈະຄິດຮອດທ່ານ. ຂ້າພະເຈົ້າຮູ້ສຶກຄ້າຍຄືກັບວ່າຂ້າພະເຈົ້າມີ ຮູອັນນຶ່ງຢູ່ໃນຫົວໃຈຂອງຂ້າພະເຈົ້າ.”
ໂດຍໄດ້ຮັບບາດເຈັບສອງຄັ້ງໃນການເປັນທະຫານໜຸ່ມຢູ່ຫວຽດນາມ, ສົງຄາມ ທີ່ໄດ້ມີຜົນສະທ້ອນ ຕໍ່ທັດສະນະຂອງທ່ານກ່ຽວກັບວ່າ ເວລາໃດປະທານາທິບໍດີຄວນ ແລະບໍ່ຄວນໃຊ້ກຳລັງປະກອບອາວຸດ ແລະຄວນໃຊ້ມັນແນວໃດ.
ທ່ານແອນໂທນີ ບລິງເກັນ (Antony Blinken), ລັດຖະມົນຕີກະຊວງການ ຕ່າງປະເທດໃຫ້ຄຳເຫັນວ່າ:
"ຂ້າພະເຈົ້າເຊື່ອວ່າ ການທີ່ລັດຖະມົນຕີພາວເຄີຍເປັນທະຫານຢູ່ຫລາຍປີນັ້ນ ແມ່ນສິ່ງທີ່ເຮັດໃຫ້ທ່ານເປັນນັກການທູດທີ່ເກັ່ງເປັນພິເສດ. ທ່ານຮູ້ວ່າການເອົາບາດກ້າວເຮັດສົງຄາມແລະໃຊ້ການທະຫານຄວນເປັນທາງເລືອກອັນສຸດທ້າຍ ຢູ່ສະເໝີ.”
ທ່ານພາວໄດ້ຮັບຄຳຍ້ອງຍໍສັນລະເສີນຢ່າງສູງຕໍ່ການນຳໃຊ້ກຳລັງອັນທລົ້ນເຫຼືອ ຂອງທ່ານໃນສົງຄາມອ່າວເປີເຊຍ, ເຊິ່ງໄດ້ຂັບໄລ່ກອງກຳລັງອີຣັກ ອອກຈາກ ຄູເວດຢ່າງວ່ອງໄວໃນປີ 1991.
ແຕ່ວ່າພວກຕໍາໜິຕິຕຽນທ່ານ ໄດ້ປະນາມການນໍາສະເໜີທີ່ມີການໂຕ້ແຍ້ງກັນໃຫ້ທ່ານໃຫ້ປະຈຳຢູ່ໃນສະພາຄວາມໝັ້ນຄົງຂອງອົງການສະຫະປະຊາຊາດໃນ ເດືອນກຸມພາປີ 2003. ທ່ານພາວໄດ້ໃຫ້ເຫັດຜົນໃນການບຸກເຂົ້າໄປໃນອີຣັກໃນໄລຍະຄະນະລັດຖະບານຂອງທ່ານຈອຈຣ໌ ດັບເບິລຢູ ບູສ (George W. Bush), ໂດຍອ້າງອີງວ່າ ອີຣັກມີອາວຸດທໍາລາຍລ້າງຜານທີ່ບໍ່ເຄີຍພົບເຫັນວ່າມີແທ້ເລີຍ.
ທ່ານໂຄລິນ ພາວ, ອະດີດລັດຖະມົນຕີການຕ່າງປະເທດຕອນນັ້ນກ່າວວ່າ:
"ຂໍ້ເທັດຈິງກ່ຽວກັບພຶດຕິກຳຂອງອີຣັກ ສະແດງໃຫ້ເຫັນວ່າຊັດດຳ ຮຸນເຊນ (Saddam Hussein) ແລະລະບອບຂອງທ່ານບໍ່ໄດ້ພະຍາຍາມ, ບໍ່ມີ ຄວາມພະຍາຍາມທີ່ຈະປົດອາວຸດຕາມຂໍ້ຮຽກຮ້ອງຂອງປະຊາຄົມສາກົນເລີຍ."
ທ່ານຈອນ ໄອແຊັກສ໌ (John Isaacs), ຈາກສູນກາງຄວບຄຸມອາວຸດ ແລະບໍ່ ແຜ່ຜາຍອາວຸດນິວເຄລຍ ກ່າວຜ່ານທາງ SKYPE ວ່າ:
"ນັ້ນອາດຈະເປັນຈຸດບົກພ່ອງທີ່ສຳຄັນຢູ່ໃນປະຫວັດຂອງທ່ານ, ແຕ່ມັນບໍ່ພຽງແຕ່ ເປັນຮອຍດ່າງພ້ອຍຂອງທ່ານເທົ່ານັ້ນດອກ. ມັນຍັງເປັນຂອງປະຊາຄົມສືບລັບທັງໝົດອີກດ້ວຍ. ຂ້າພະເຈົ້າຄິດວ່າເຂົາເຈົ້າເປັນໜ່ວຍງານສືບລັບ 13 ໜ່ວຍທີ່ ແຕກຕ່າງກັນ, ແລະ 12 ໃນ 13 ໜ່ວຍເຫລົ່ານັ້ນເວົ້າວ່າ, 'ອີຣັກມີອາວຸດທຳ ລາຍລ້າງຜານ,' ແລະທ່ານໄດ້ສຶກສາເບິ່ງແລະທ່ານໄດ້ເຫັນດີນຳ. ພວກເຂົາເຈົ້າ ໝົດທຸກຄົນແມ່ນຜິດພາດທັງນັ້ນ.”
ໄລຍະຕໍ່ມາແມ່ນແຕ່ທ່ານພາວເອງ ກໍຍັງເອີ້ນການນໍາສະເໜີດັ່ງກ່າວວ່າ ເປັນ “ຮອຍດ່າງພ້ອຍ” ໃນການເຮັດວຽກງານຂອງທ່ານ. ທຸກມື້ນີ້, ພັກຣີພັບບລີກັນ ແລະພັກເດໂມແຄຣັດ ກໍເຊັ່ນກັນ ລ້ວນແຕ່ນັບຖືທ່ານ ໃນຖານະເປັນຜູ້ມີກຽດ ແລະເປັນຜູ້ຮັກຊາດຈົນເຖິງວັນສິ້ນຊີວິດຂອງທ່ານ.
ອ່ານຂ່າວນີ້ເພີ້ມເປັນພາສາອັງກິດ
Colin Powell, the first Black U.S. secretary of state and top military officer, died on Monday at the age of 84 from complications due to COVID-19. His family wrote in a statement on Facebook he was fully vaccinated, and that they had “lost a remarkable and loving husband, father, grandfather and a great American." VOA Pentagon correspondent Carla Babb shares more on Powell’s legacy.
Colin Powell was a respected military general, statesmen, and one of America’s foremost Black figures.
He served as national security adviser under President Ronald Reagan, Chairman of the Joint Chiefs of Staff under President George H.W. Bush…
and finally, Secretary of State under President George W. Bush, the first African American to ever serve in the latter two leadership posts.
Colin Powell, Former Secretary of State:
“I was sitting in my office and one of the senior members came in and closed the door and said, “Sir I have to ask you something, a lot of confusion in the building.” I said, “What’s wrong?’ He said, ‘Well what do we call you, do we call you general or Mr. Secretary?’ I said, ‘By all means it’s Mr. Secretary. Now drop and give me 10!’”
Michael O’Hanlon, Brookings Institution: “perhaps even paving the way for the Obama presidency.” The passing of Colin Powell is the end of an era. He personified the great excellence and achievement of African Americans in our nation’s armed forces and in some ways,
In 1996, Powell considered a bid to become the first Black president, but his wife discouraged him out of fear of potential assassination attempts from extremists.
When Democrat Barack Obama made the bid years later, the moderate Republican broke with his party to endorse Obama.
Secretary of Defense Lloyd Austin, the first Black U.S. Defense Secretary, called Powell a tremendous mentor and friend.
Lloyd Austin, Secretary of Defense:
“He always made time for me. And I could always go to him with tough issues, he always had great, great counsel. We will certainly miss him. I feel as if I have a hole in my heart.”
Wounded twice as a young soldier in Vietnam, the war shaped his views of when and how presidents should and should not use armed forces.
Antony Blinken, Secretary of State:
“I believe Secretary Powell’s years as a soldier are what made him such an exceptional diplomat. He knew that war and military action should always be a last resort.”
Powell received high praise for his overwhelming use of force in the Gulf War, which quickly pushed Iraqi forces out of Kuwait in 1991.
But critics have denounced his controversial presentation to the U.N. Security Council in February 2003. Powell made the case for the invasion of Iraq during the George W. Bush administration, citing Iraqi weapons of mass destruction that were never found.
“The facts on Iraq’s behavior demonstrate that Saddam Hussein and his regime have made no effort, no effort, to disarm as required by the international community.”
John Isaacs, Center for Arms Control and Non-Proliferation:
“That’s probably the major blemish on his record, but it really wasn’t only his blemish. It was the whole intelligence community. I think they’re 13 different intelligence agencies, and 12 out of 13 said, ‘Iraq has weapons of mass destruction,’ and he studied and he came to agree. They were all wrong.”
Even Powell later called the presentation a “blot” in his career. Today, Republicans and Democrats alike uphold him as a man of honor, and a patriot to the end.
