ບັນດາຜູ້ທີ່ເຂົ້າຮ່ວມກອງປະຊຸມສຸດຍອດ ກ່ຽວກັບການປ່ຽນແປງ
ຂອງດິນຟ້າອາກາດ ຂອງອົງການສະຫະປະຊາຊາດ ຢູ່ນອກນະ
ຄອນປາຣີ ແມ່ນກຳລັງປຶກສາຫາລືກັນຢ່າງຫ້າວຫັນ ໃນວັນພຸດ
ມື້ນີ້ ເພື່ອສຳຫຼວດເບິ່ງຜົນກະທົບຂອງໄພພິບັດທຳມະຊາດ ທີ່ມີ
ຕໍ່ປະຊາກອນຂອງໂລກ ຜູ້ທີ່ມີຄວາມສ່ຽງຫຼາຍທີ່ສຸດ.
ອົງການສະຫະປະຊາຊາດ ຫຼື UN ໃຫ້ຂໍ້ສັງເກດວ່າ ໃນຊ່ວງໄລ
ຍະ 30 ປີຜ່ານມາ 1 ໂດລາ ຂອງທຸກ 3 ໂດລາ ທີ່ໃຊ້ຈ່າຍໃນ
ການພັດ ທະນາແມ່ນໄດ້ສູນເສຍໄປ ອັນເປັນຜົນເນື່ອງມາຈາກ
ວິກິດການ ທີ່ເກີດຂຶ້ນຊ້ຳແລ້ວຊ້ຳອີກ ທີ່ເຮັດໃຫ້ມີການສູນເສຍ
ເງິນ 3 ພັນ 8 ຮ້ອຍ ຕື້ໂດລາ ໃນທົ່ວໂລກ. UN ຍັງກ່າວອີກວ່າ ໄພພິບັດທຳມະຊາດສົ່ງຜົນກະທົບ ບໍ່ພຽງແຕ່ຕໍ່ເສດຖະກິດເທົ່ານັ້ນ ແຕ່ຍັງສົ່ງຜົນກະທົບ
ຕໍ່ສັງຄົມ ແລະ ສະພາບແວດລ້ອມນຳດ້ວຍ ທີ່ໄດ້ສ້າງຄວາມກະທົບກະເທືອນ ຕໍ່ປະຊາຊົນ
217 ລ້ານຄົນ ໃນທຸກໆປີ.
ກອງປະຊຸມໃນວັນພຸດມື້ນີ້ ເພັ່ງເລັງໃສ່ ເລື້ອງມະຫາສະມຸດແລະແຫລ່ງ ຂອງນ້ຳຕ່າງໆ.
UN ເຕືອນວ່າ ຄັນບໍ່ປັບປຸງ ການຄຸ້ມຄອງແຫລ່ງນ້ຳໃຫ້ດີຂຶ້ນ ມັນກໍຈະເປັນອັນຕະລາຍ
ຕໍ່ ຄວາມກ້າວໜ້າຂອງການຫລຸດ ຜ່ອນຄວາມຍາກຈົນ ແລະ ຕໍ່ຜົນສຳເລັດຂອງເປົ້າໝາຍ
ການພັດທະນາທີ່ຍືນຍົງ.
ບັນດາຜູ້ເຂົ້າຮ່ວມຢູ່ໃນກອງປະຊຸມໃນມື້ນີ້ ລວມມີ ຄະນະຜູ້ຕາງໜ້າລັດ ຖະບານຂອງປະ
ເທດ ແລະ ຂອງທ້ອງຖິ່ນ ອົງການພັດທະນາຕ່າງໆ ແລະ ບັນດາກຸ່ມຄຸ້ມຄອງແຫລ່ງນ້ຳ.
ພວກເຂົາຮ່ວມກອງປະຊຸມ ວາງແຜນໃຫ້ການຮັບຮອງເອົາ ຂໍ້ຕົກລົງການຮ່ວມມື ກ່ຽວກັບ
ນ້ຳ ແລະ ການປັບຕົວເຂົ້າກັບການປ່ຽນແປງ ຂອງສະພາບອາກາດ ພ້ອມກັນກັບ ການໃຫ້
ຄຳໝັ້ນໝາຍ ຈາກລັດຖະບານ ຂອງລັດຖະບານຕ່າງໆ ກຸ່ມສັງ ຄົມພົນລະເຮືອນ ແລະ
ພາກສ່ວນເອກະຊົນ ເພື່ອດຳເນີນງານຮ່ວມກັນກ່ຽວກັບ ການປັບປຸງຟື້ນຟູແຫລ່ງນ້ຳ ທັງຫຼາຍ ໃຫ້ກັບຄືນເຂົ້າສູ່ສະພາບເດີມ.
