ບັນດານັກທຸລະກິດຍິງແລະຊາຍທີ່ເມືອງເຫວິນໂຈ (Wenzhou)
ຢູ່ຝັ່ງຕາເວັນອອກຂອງຈີນ ແມ່ນມີຊື່ສຽງ ມາດົນນານແລ້ວວ່າ
ເປັນຜູ້ທີ່ມັກສ່ຽງທາງດ້ານການເງິນ ເພື່ອຢາກມີໂອກາດດ້ານ
ທຸລະກິດອັນໃຫຍ່ໂຕ. ແຕ່ວ່າຫຼັງຈາກເມືອງເຫວິນໂຈ ປະສົບ
ກັບວິກິດການເສດຖະກິດເມື່ອສອງປີຜ່ານມາ ຍ້ອນບັນດາທະ
ນາຄານບໍ່ໄດ້ຮັບການຊໍາລະໜີ້ເງິນທີ່ໃຫ້ລູກຄ້າກູ້ຢືມໄປ ລັດຖະ
ບານກໍໄດ້ເລີ່ມທົດລອງທໍາການປະຕິຮູບການເງິນ. ຜູ້ສື່ຂ່າວວີ
ໂອເອ Bill Ide ໄດ້ໄປຢ້ຽມຢາມ ເມືອງເຫວິນໂຈ ເພື່ອສຶກສາ
ເບິ່ງວ່າການປະຕິຮູບ ກໍາລັງໄດ້ຜົນຢ່າງໃດຫຼືບໍ່ ຊຶ່ງທອງປານມີ
ເລຶ່ອງນີ້ມາສະເໜີທ່ານ ໃນອັນດັບຕໍ່ໄປ.
ຢູ່ເມືອງເຫວິນໂຈນີ້ ເບິ່ງຄືວ່າໃຜໆກໍຢາກຈະເປັນນາຍຂອງຕົນເອງ. ນາຍ Wu Zhen zhou ກໍາລັງເປີດເຄືອຮ້ານຂາຍອາຫານຈີນຢູ່ໃນເມືອງນີ້ ແລະກໍຫວັງວ່າ ມັນຈະໄປໄດ້ດີ ຄືກັນກັບຮ້ານອາຫານທີ່ລາວໄຂຂຶ້ນ ຢູ່ເມືອງນານຈິງ ບ້ານເກີດຂອງລາວ.
ນາຍ ວູ ເວົ້າວ່າ: “ພວກເຮົາເລືອກເອົາເມືອງ ເຫວິນໂຈ ນີ້ ຍ້ອນມັນເປັນເມືອງທີ່ຮັ່ງມີອຸດົມສົມບູນ ມີຜູ້ຄົນຢ່າງຫຼວງຫຼາຍຢູ່ທີ່ນີ້. ສະນັ້ນ ໂອກາດດ້ານທຸລະກິດ ແມ່ນໃຫຍ່ຫລວງຫລາຍ.”
ເບິ່ງວີດີໂອ ພາສາລາວ ກ່ຽວກັບລາຍງານນີ້:
ວົງການທຸລະກິດຂະໜາດນ້ອຍແລະກາງ ໃນເມືອງເຫວິນໂຈ ແມ່ນໄດ້ຮຸ່ງເຮືອງມາດົນນານ ດ້ວຍການສະໜັບສະໜຸນຈາກຕາໜ່າງໃຫ້ເງິນກູ້ຢືມຢ່າງບໍ່ເປັນທາງການ ຈາກບັນ ດາຄອບຄົວ ແລະພວກໝູ່ເພື່ອນ. ແຕ່ເວລາສິນເຊື່ອເລີ່ມມີຂອບເຂດຈໍາກັດຮັດຕົວຂື້ນ ມາເມື່ອສອງປີກ່ອນ ຫຼັງຈາກເກີດວິກິດການການເງິນໂລກ ນໍ້າໃຈສົ່ງເສີມວິສາຫະກິດ ຂອງເມືອງເຫວິນໂຈຈຶ່ງໄດ້ຖືກກະທົບຢ່າງໜັກ. ຜູ້ນໍາທຸລະກິດບາງຄົນ ໄດ້ຫຼົບໜີໄປ ເພື່ອໜີໜີ້ສິນ. ຄົນອື່ນໆອີກຫຼາຍຄົນ ກໍໂດດຕຶກສູງໆຕາຍ.
ນັກເສດຖະສາດ ຫູ ຊິງໂດ ໃຫ້ຄວາມເຫັນວ່າ ເມືອງເຫວິນໂຈ ກໍຄືປະເທດຈີນ ໃນຂະນາດທີ່ນ້ອຍກວ່າ.
ທ່ານ ຊິງໂດ ເວົ້າວ່າ: “ການພັດທະນາເສດຖະກິດທີ່ອິງໃສ່ຕະຫຼາດຂອງ ເຫວິນໂຈ ແມ່ນໄດ້ມີຂື້ນແຕ່ຫົວທີແລະໄວກວ່າແຫ່ງອື່ນໃດໃນຈີນ ແລະຍ້ອນເຫດນັ້ນ ເຫວິນໂຈ ຈຶ່ງຕ້ອງປະເຊີນກັບວິກິດການເສດຖະກິດແຕ່ຫົວທີ ເຊັ່ນກັນ.”
ຄືກັນກັບຢູ່ໃນເຂດອື່ນໆຂອງຈີນ ບັນດານັກວິສາຫະກິດໃນເຫວິນໂຈ ໄດ້ ພາກັນລົງທຶນຢ່າງໜັກ ໃສ່ພາກສ່ວນການຜະລິດ ຊຶ່ງເປັນອຸດສາຫະກໍາທີ່ອາໃສຜົນສໍາເລັດຂອງການສົ່ງອອກ. ນອກນີ້ແລ້ວ ພວກເຂົາເຈົ້າຍັງທຸ່ມເທເງິນໃສ່ຕະຫຼາດອະສັງຫາລິມະຊັບ ແລະເຖິງແມ່ນວ່າ ລັດວິສາຫະກິດຈະບໍ່ມີຫລາຍ ຢູ່ໃນເມືອງເຫວິນໂຈກໍຕາມ ແຕ່ກໍຍັງຄົງຄອບງໍາຢູ່ໃນບາງອຸດສາ ຫະກໍາ ເຊັ່ນກັນ.
ນັກເສດຖະສາດ ໝາ ຈີ້ນຫຼົງ ມີຄວາມເຫັນດັ່ງນີ້:
ທ່ານ ໝາ ຈິ້ນຫຼົງ ເວົ້າວ່າ: “ໃນເມືອງເຫວິນໂຈນີ້ ຄວາມຂັດແຍ້ງກັນຫຼື ບໍ່ໄປນໍາກັນ ລະ ຫວ່າງສະຖານະພາບແບບຜູກຂາດຂອງບໍລິສັດລັດວິສາຫະກິດຕ່າງໆ ແລະການເຕີບໂຕຂອງພວກວິສາຫະກິດເອກກະຊົນນັ້ນ ແມ່ນຮ້າຍແຮງກວ່າໃນເຂດອື່ນໆຂອງຈີນ. ສະນັ້ນ ຖ້າພວກເຮົາບໍ່ສາມາດບັນລຸການປະຕິຮູບຕ່າງໆໄດ້ ກໍໝາຍຄວາມວ່າ ສິ່ງທີ່ໄດ້ເກີດຂຶ້ນ ຢູ່ໃນເຫວິນໂຈ ກໍອາດຈະເກີດຂຶ້ນ ຢູ່ໃນເຂດອື່ນໆຂອງຈີນໄດ້.”
ເວລາທຸລະກິດອະສັງຫາລິມະຊັບເລີ່ມຕົກຕໍ່າລົງນັ້ນ ລາຄາບ້ານແລະທີ່ດິນ ຢູ່ເລາະຕາມແມ່ນໍ້າ Oujiang ໄດ້ຕົກຕໍ່າລົງຮອດ 40% ແຕ່ວ່າບັດນີ້ ການສ້າງບ້ານເຮືອນກໍປະກົດວ່າ ເລິ່ມຟື້ນຄືນຂຶ້ນມາແດ່ແລ້ວ.
ລັດຖະບານໄດ້ພະຍາຍາມເຮັດໃຫ້ ການຮັດແຄບເຂົ້າໃນດ້ານສິນເຊື່ອຂອງເມືອງເຫວິນໂຈ ຜ່ອນຄາຍລົງ ໂດຍການອະນຸຍາດໃຫ້ຕັ້ງທະນາຄານເອກກະຊົນຂຶ້ນມາ ແລະໂຍະ ຍານຂໍ້ຈໍາກັດທາງດ້ານການເງິນ ແຕ່ມາຮອດປັດ ຈຸບັນນີ້ ການດໍາເນີນຄວາມພະຍາຍາມດັ່ງກ່າວໄດ້ມີຜົນທີ່ປະປົນກັນ ເຊັ່ນວ່າ ສູນກາງໃຫ້ເງິນກູ້ຢືມລາຍນ້ອຍໆໄດ້ຂະຫຍາຍ ຕົວອອກ ແຕ່ປະກົດວ່າມີທະນາຄານເອກກະຊົນພຽງບໍ່ເທົ່າໃດແຫ່ງ ທີ່ຕັ້ງຂຶ້ນມາ.
Chen Shu ນັກວິສາຫະກິດ ແລະທີປຶກສາດ້ານການເງິນ ໃຫ້ຄວາມເຫັນດັ່ງນີ້:
ທ່ານ Shu ເວົ້າວ່າ: “ເຮົາພໍຈະຊຸກຍູ້ໃຫ້ ພາກວິສາຫະກິດເອກກະຊົນຕັ້ງທະນາຄານຂຶ້ນມາໄດ້ຢູ່ ແຕ່ໃນເມື່ອວ່າ ກຸ່ມທີ່ມີສ່ວນໄດ້ສ່ວນເສຍລາຍໃຫຍ່ໆ ຍັງເປັນພວກທະນາຄານຂອງລັດຢູ່ນັ້ນ ພວກປະຊາຊົນກໍຈະບໍ່ເຕັມໃຈ ທີ່ຈະຕັ້ງທະນາຄານເອກກະຊົນຂຶ້ນມາ.”
ບັນດານັກເສດຖະສາດເວົ້າວ່າ ບໍ່ວ່າເຫວິນໂຈຈະເຄີຍເປັນເມືອງທີ່ຈະເລີນຮຸ່ງເຮືອງທາງດ້ານທຸລະກິດຫຼາຍປານໃດກໍຕາມ ແຕ່ຄວາມກ້າວໜ້າໃນການ ຟື້ນໂຕຄືນ ກໍບໍ່ຊົງວ່າຈະປະສົບຜົນສໍາເລັດໄດ້ ຈົນກວ່າວ່າຈະມີການປ່ຽນ ແປງໃນລະບົບການເງິນທັງໝົດ.
ພາບຖ່າຍທາງດາວທຽມ ເມືອງ ເຫວິນໂຈ ຝັ່ງຕາເວັນອອກຂອງຈີນ
ຢູ່ຝັ່ງຕາເວັນອອກຂອງຈີນ ແມ່ນມີຊື່ສຽງ ມາດົນນານແລ້ວວ່າ
ເປັນຜູ້ທີ່ມັກສ່ຽງທາງດ້ານການເງິນ ເພື່ອຢາກມີໂອກາດດ້ານ
ທຸລະກິດອັນໃຫຍ່ໂຕ. ແຕ່ວ່າຫຼັງຈາກເມືອງເຫວິນໂຈ ປະສົບ
ກັບວິກິດການເສດຖະກິດເມື່ອສອງປີຜ່ານມາ ຍ້ອນບັນດາທະ
ນາຄານບໍ່ໄດ້ຮັບການຊໍາລະໜີ້ເງິນທີ່ໃຫ້ລູກຄ້າກູ້ຢືມໄປ ລັດຖະ
ບານກໍໄດ້ເລີ່ມທົດລອງທໍາການປະຕິຮູບການເງິນ. ຜູ້ສື່ຂ່າວວີ
ໂອເອ Bill Ide ໄດ້ໄປຢ້ຽມຢາມ ເມືອງເຫວິນໂຈ ເພື່ອສຶກສາ
ເບິ່ງວ່າການປະຕິຮູບ ກໍາລັງໄດ້ຜົນຢ່າງໃດຫຼືບໍ່ ຊຶ່ງທອງປານມີ
ເລຶ່ອງນີ້ມາສະເໜີທ່ານ ໃນອັນດັບຕໍ່ໄປ.
ຢູ່ເມືອງເຫວິນໂຈນີ້ ເບິ່ງຄືວ່າໃຜໆກໍຢາກຈະເປັນນາຍຂອງຕົນເອງ. ນາຍ Wu Zhen zhou ກໍາລັງເປີດເຄືອຮ້ານຂາຍອາຫານຈີນຢູ່ໃນເມືອງນີ້ ແລະກໍຫວັງວ່າ ມັນຈະໄປໄດ້ດີ ຄືກັນກັບຮ້ານອາຫານທີ່ລາວໄຂຂຶ້ນ ຢູ່ເມືອງນານຈິງ ບ້ານເກີດຂອງລາວ.
ນາຍ ວູ ເວົ້າວ່າ: “ພວກເຮົາເລືອກເອົາເມືອງ ເຫວິນໂຈ ນີ້ ຍ້ອນມັນເປັນເມືອງທີ່ຮັ່ງມີອຸດົມສົມບູນ ມີຜູ້ຄົນຢ່າງຫຼວງຫຼາຍຢູ່ທີ່ນີ້. ສະນັ້ນ ໂອກາດດ້ານທຸລະກິດ ແມ່ນໃຫຍ່ຫລວງຫລາຍ.”
ເບິ່ງວີດີໂອ ພາສາລາວ ກ່ຽວກັບລາຍງານນີ້:
ວົງການທຸລະກິດຂະໜາດນ້ອຍແລະກາງ ໃນເມືອງເຫວິນໂຈ ແມ່ນໄດ້ຮຸ່ງເຮືອງມາດົນນານ ດ້ວຍການສະໜັບສະໜຸນຈາກຕາໜ່າງໃຫ້ເງິນກູ້ຢືມຢ່າງບໍ່ເປັນທາງການ ຈາກບັນ ດາຄອບຄົວ ແລະພວກໝູ່ເພື່ອນ. ແຕ່ເວລາສິນເຊື່ອເລີ່ມມີຂອບເຂດຈໍາກັດຮັດຕົວຂື້ນ ມາເມື່ອສອງປີກ່ອນ ຫຼັງຈາກເກີດວິກິດການການເງິນໂລກ ນໍ້າໃຈສົ່ງເສີມວິສາຫະກິດ ຂອງເມືອງເຫວິນໂຈຈຶ່ງໄດ້ຖືກກະທົບຢ່າງໜັກ. ຜູ້ນໍາທຸລະກິດບາງຄົນ ໄດ້ຫຼົບໜີໄປ ເພື່ອໜີໜີ້ສິນ. ຄົນອື່ນໆອີກຫຼາຍຄົນ ກໍໂດດຕຶກສູງໆຕາຍ.
ນັກເສດຖະສາດ ຫູ ຊິງໂດ ໃຫ້ຄວາມເຫັນວ່າ ເມືອງເຫວິນໂຈ ກໍຄືປະເທດຈີນ ໃນຂະນາດທີ່ນ້ອຍກວ່າ.
ທ່ານ ຊິງໂດ ເວົ້າວ່າ: “ການພັດທະນາເສດຖະກິດທີ່ອິງໃສ່ຕະຫຼາດຂອງ ເຫວິນໂຈ ແມ່ນໄດ້ມີຂື້ນແຕ່ຫົວທີແລະໄວກວ່າແຫ່ງອື່ນໃດໃນຈີນ ແລະຍ້ອນເຫດນັ້ນ ເຫວິນໂຈ ຈຶ່ງຕ້ອງປະເຊີນກັບວິກິດການເສດຖະກິດແຕ່ຫົວທີ ເຊັ່ນກັນ.”
ຄືກັນກັບຢູ່ໃນເຂດອື່ນໆຂອງຈີນ ບັນດານັກວິສາຫະກິດໃນເຫວິນໂຈ ໄດ້ ພາກັນລົງທຶນຢ່າງໜັກ ໃສ່ພາກສ່ວນການຜະລິດ ຊຶ່ງເປັນອຸດສາຫະກໍາທີ່ອາໃສຜົນສໍາເລັດຂອງການສົ່ງອອກ. ນອກນີ້ແລ້ວ ພວກເຂົາເຈົ້າຍັງທຸ່ມເທເງິນໃສ່ຕະຫຼາດອະສັງຫາລິມະຊັບ ແລະເຖິງແມ່ນວ່າ ລັດວິສາຫະກິດຈະບໍ່ມີຫລາຍ ຢູ່ໃນເມືອງເຫວິນໂຈກໍຕາມ ແຕ່ກໍຍັງຄົງຄອບງໍາຢູ່ໃນບາງອຸດສາ ຫະກໍາ ເຊັ່ນກັນ.
ນັກເສດຖະສາດ ໝາ ຈີ້ນຫຼົງ ມີຄວາມເຫັນດັ່ງນີ້:
ທ່ານ ໝາ ຈິ້ນຫຼົງ ເວົ້າວ່າ: “ໃນເມືອງເຫວິນໂຈນີ້ ຄວາມຂັດແຍ້ງກັນຫຼື ບໍ່ໄປນໍາກັນ ລະ ຫວ່າງສະຖານະພາບແບບຜູກຂາດຂອງບໍລິສັດລັດວິສາຫະກິດຕ່າງໆ ແລະການເຕີບໂຕຂອງພວກວິສາຫະກິດເອກກະຊົນນັ້ນ ແມ່ນຮ້າຍແຮງກວ່າໃນເຂດອື່ນໆຂອງຈີນ. ສະນັ້ນ ຖ້າພວກເຮົາບໍ່ສາມາດບັນລຸການປະຕິຮູບຕ່າງໆໄດ້ ກໍໝາຍຄວາມວ່າ ສິ່ງທີ່ໄດ້ເກີດຂຶ້ນ ຢູ່ໃນເຫວິນໂຈ ກໍອາດຈະເກີດຂຶ້ນ ຢູ່ໃນເຂດອື່ນໆຂອງຈີນໄດ້.”
ເວລາທຸລະກິດອະສັງຫາລິມະຊັບເລີ່ມຕົກຕໍ່າລົງນັ້ນ ລາຄາບ້ານແລະທີ່ດິນ ຢູ່ເລາະຕາມແມ່ນໍ້າ Oujiang ໄດ້ຕົກຕໍ່າລົງຮອດ 40% ແຕ່ວ່າບັດນີ້ ການສ້າງບ້ານເຮືອນກໍປະກົດວ່າ ເລິ່ມຟື້ນຄືນຂຶ້ນມາແດ່ແລ້ວ.
ລັດຖະບານໄດ້ພະຍາຍາມເຮັດໃຫ້ ການຮັດແຄບເຂົ້າໃນດ້ານສິນເຊື່ອຂອງເມືອງເຫວິນໂຈ ຜ່ອນຄາຍລົງ ໂດຍການອະນຸຍາດໃຫ້ຕັ້ງທະນາຄານເອກກະຊົນຂຶ້ນມາ ແລະໂຍະ ຍານຂໍ້ຈໍາກັດທາງດ້ານການເງິນ ແຕ່ມາຮອດປັດ ຈຸບັນນີ້ ການດໍາເນີນຄວາມພະຍາຍາມດັ່ງກ່າວໄດ້ມີຜົນທີ່ປະປົນກັນ ເຊັ່ນວ່າ ສູນກາງໃຫ້ເງິນກູ້ຢືມລາຍນ້ອຍໆໄດ້ຂະຫຍາຍ ຕົວອອກ ແຕ່ປະກົດວ່າມີທະນາຄານເອກກະຊົນພຽງບໍ່ເທົ່າໃດແຫ່ງ ທີ່ຕັ້ງຂຶ້ນມາ.
Chen Shu ນັກວິສາຫະກິດ ແລະທີປຶກສາດ້ານການເງິນ ໃຫ້ຄວາມເຫັນດັ່ງນີ້:
ທ່ານ Shu ເວົ້າວ່າ: “ເຮົາພໍຈະຊຸກຍູ້ໃຫ້ ພາກວິສາຫະກິດເອກກະຊົນຕັ້ງທະນາຄານຂຶ້ນມາໄດ້ຢູ່ ແຕ່ໃນເມື່ອວ່າ ກຸ່ມທີ່ມີສ່ວນໄດ້ສ່ວນເສຍລາຍໃຫຍ່ໆ ຍັງເປັນພວກທະນາຄານຂອງລັດຢູ່ນັ້ນ ພວກປະຊາຊົນກໍຈະບໍ່ເຕັມໃຈ ທີ່ຈະຕັ້ງທະນາຄານເອກກະຊົນຂຶ້ນມາ.”
ບັນດານັກເສດຖະສາດເວົ້າວ່າ ບໍ່ວ່າເຫວິນໂຈຈະເຄີຍເປັນເມືອງທີ່ຈະເລີນຮຸ່ງເຮືອງທາງດ້ານທຸລະກິດຫຼາຍປານໃດກໍຕາມ ແຕ່ຄວາມກ້າວໜ້າໃນການ ຟື້ນໂຕຄືນ ກໍບໍ່ຊົງວ່າຈະປະສົບຜົນສໍາເລັດໄດ້ ຈົນກວ່າວ່າຈະມີການປ່ຽນ ແປງໃນລະບົບການເງິນທັງໝົດ.
