ການປະເຊີນໜ້າ ກ່ຽວກັບແທ່ນເຈາະນ້ຳມັນ ຂອງຈີນ ຢູ່ໃນເຂດ
ນ່ານນ້ຳທີ່ມີການຂັດແຍ້ງກັນ ນອກຝັ່ງທະເລຫວຽດນາມ ແມ່ນ
ເປັນການທົດສອບ ຕໍ່ອັນທີ່ ລັດຖະບານທ່ານໂອບາມາ ເອີ້ນກັນ
ວ່າ "ການຫັນ ຫຼື Pivot" ຊັບພະຍາກອນດ້ານກຳລັງທະຫານ
ແລະ ດ້ານການທູດ ໄປຍັງຂົງເຂດເອເຊຍນັ້ນເອງ. ຜູ້ສື່ຂ່າວ
ວີໂອເອ ປະຈຳ ກະຊວງການຕ່າງປະເທດສະຫະລັດ Scott
Stearns ລາຍງານໃຫ້ ຊາບກ່ຽວກັບຜົນກະທົບຈາກເຫດການ
ຫຼ້າສຸດ ທີ່ລະເບີດຂຶ້ນ ໃນທະເລຈີນໃຕ້ ຊຶ່ງ ໄຊຈະເຣີນສຸກ ຈະ
ນຳມາສະເໜີທ່ານ.
ຫວຽດນາມກ່າວວ່າ ແທ່ນເຈາະນ້ຳມັນຂອງຈີນ ຢູ່ໃນນ່ານນ້ຳ ທີ່ມີການແຍ້ງກັນນັ້ນ ເປັນໄພຂົ່ມຂູ່ຕໍ່ສິດເສລີພາບໃນການເດີນເຮືອ.
ນາຍົກລັດຖະມົນຕີຫວຽດນາມ ທ່ານຫງຽນ ຕັນ Dung ກ່າວວ່າ: "ການຕິດຕັ້ງແທ່ນ
ເຈາະນ້ຳມັນຢ່າງຜິດກົດໝາຍຂອງຈີນ ແລະການ ສົ່ງເຮືອຄຸ້ມກັນ ໄປປົກປ້ອງ
ແທ່ນເຈາະດັ່ງກ່າວ ທີ່ຕັ້ງຢູ່ເລິກເຂົ້າໄປ ໃນເຂດໄຫລ່ທະວີບ ແລະ ເຂດເສດ
ຖະກິດພິເສດ ຂອງຫວຽດນາມນັ້ນ ເປັນໄພຂົ່ມຂູ່ຢ່າງຮ້າຍແຮງ ຕໍ່ສັນຕິພາບ ສະຖຽນລະພາບ ແລະ ຄວາມໝັ້ນຄົງທາງທະເລ."
ຊາວປະມົງຫວຽດນາມ ຊ້ອມແປງເຮືອ ຫຼັງຈາກຖືກເຮືອລົບ ຂອງຈີນ ຕຳ ເພາະປົກປ້ອງ ເຂດນ່ານນ້ຳ ທີ່ມີຂໍ້ຂັດແຍ້ງກັນ ກ່ຽວກັບ ແທ່ນເຈາະນ້ຳມັນ.
ໂຄສົກກະຊວງການຕ່າງປະເທດຈີນ ທ່ານ Hong Lei ກ່າວວ່າ ມັນແມ່ນຫວຽດນາມເອງທີ່ເປັນຜູ້ກໍ່ໃຫ້ເກີດ ຄວາມເຄັ່ງຕຶງຕ່າງໆ
ດ້ວຍການຕັ້ງຄຳຖາມ ກ່ຽວກັບ ອະທິປະໄຕຂອງຈີນ.
ທ່ານ Hong Lei ເວົ້າວ່າ: "ຫວຽດນາມ ກຳລັງບິດເບືອນ
ຄວາມຈິງ ບໍ່ສາມາດໃຈ້ແຍກໄດ້ວ່າ ອັນໃດເປັນຄວາມ
ຖືກຕ້ອງ ແລະອັນໃດ ເປັນຄວາມຜິດໃນເວທີຂອງໂລກ ແລ້ວເຮັດໃຫ້ຈີນກາຍເປັນຝ່າຍຜິດ ໂດຍການກ່າວຫາ ແລະໃສ່ຮ້າຍຢ່າງບໍ່ມີເຫດຜົນ."
ສາດສະດາຈານ Hillary Mann Leverett ຈາກມະຫາວິທະຍາໄລອາເມຣິກັນກ່າວວ່າ
ການປະເຊີນໜ້າດັ່ງກ່າວແມ່ນສ່ວນໜຶ່ງໃນການ ຕ້ານຢັນຂອງຈີນ ຕໍ່ການມີໜ້າ ທີ່ໃຫຍ່
ຂຶ້ນກວ່າເກົ່າຂອງສະຫະລັດໃນ ເຂດມະຫາສະມຸດປາຊີຟິກ.
ທ່ານນາງ Leverett ເວົ້າວ່າ: "ຈີນ ຄວາມຈິງແລ້ວ ໄດ້ກົດດັນຫວຽດນາມ ທີ່ຢູ່ແນວ
ໜ້າ ຂອງການຕໍ່ສູ້ ຊຶ່ງແທ້ຈິງນັ້ນ ແມ່ນລະຫວ່າງສະຫະລັດກັບຈີນ ກ່ຽວກັບວ່າ ຜູ້ໃດຈະສາມາດໃຊ້ອິດທິພົນ ໃນທຸກມື້ນີ້ ແລະ ໃນໄລຍະອັນຍາວນານ ຢູ່ໃນຂົງເຂດທີ່ມີ ຄວາມຫລໍ່ແຫຼມສຳຄັນ ຂອງໂລກນັ້ນ."
ສາດສະດາຈານ Carl Thayer ຈາກມະຫາວິທະຍາໄລ New South Wales ກ່າວວ່າ
ມັນແມ່ນການເຕືອນ ຕໍ່ບັນດາປະເທດທີ່ມີ ການອ້າງກຳມະສິດ ເອົາເຂດນ້ຳແດນດິນ ແຂ່ງ
ກັບຈີນນັ້ນເອງ.
ທ່ານ Carl Thayer ເວົ້າວ່າ: "ບັນດາປະເທດແກນກາງຂອງອາຊ່ຽນ ບໍ່ແມ່ນພຽງແຕ່ຟີລິປິນ ແລະ ຫວຽດນາມທໍ່ນັ້ນ ທີ່ຈະຕ້ອງກັງວົນເປັນຢ່າງສູງ ເພາະວ່າມັນບໍ່ແມ່ນແຕ່ເລື່ອງແທ່ນເຈາະນ້ຳມັນຢ່າງດຽວ ແຕ່ມັນໝາຍເຖິງແສນຍານຸພາບທາງທະຫານ
ທີ່ດຳເນີນການໄປພ້ອມນັ້ນ ແລະ ທຸກໆປະເທດຈະຕ້ອງ ຮູ້ສຶກບໍ່ມີຄວາມໝັ້ນຄົງ
ກັບຈີນເລີຍ."
ປະທານປະເທດຈີນ ທ່ານ Xi Jinping ກ່າວວ່າ ຈີນພະຍາຍາມ ສະເໝີມາ ເພື່ອແກ້ໄຂບັນຫາອະທິປະໄຕທາງທະເລດ້ວຍສັນຕິວິທີ ແລະມີຄຳຖາມຕໍ່ບັນດາປະເທດ ໃນເອເຊຍ
ກ່ຽວກັບການສະແຫວງ ຫາພັນທະມິດເພື່ອຕ້ານກັບປະເທດເພື່ອນບ້ານຂອງຕົນ.
ທ່ານ Xi Jinping ເວົ້າວ່າ: "ບັນດາປະເທດ ທີ່ເສີມຂະຫຍາຍ ພັນທະມິດທາງທະຫານ ເພື່ອຕໍ່ ຕ້ານກັບປະເທດທີ 3 ນັ້ນ ບໍ່ໄດ້ເປັນຜົນປະໂຫຍດຕໍ່ຄວາມໝັ້ນຄົງຢູ່ໃນຂົງເຂດເລີຍ."
ປັກ ກິ່ງ ກຳລັງພະຍາຍາມເຄື່ອນໄຫວທຳລາຍຕໍ່ອັນທີ່ເອີ້ນວ່າການຫັນໄປເອເຊຍຂອງ ສະຫະລັດ ຊຶ່ງອີງຕາມຄຳເວົ້າ ຂອງທ່ານນາງ Leverett ແລ້ວ ເປັນການຄາດຄະເນວ່າ
ວໍຊິງຕັນຈະບໍ່ທຳການຕໍ່ສູ້.
ທ່ານນາງ Leverett ເວົ້າວ່າ: "ແນວຄິດຂອງຈີນນັ້ນ ທີ່ຈິງແລ້ວເປັນການໃຫ້ທາງ
ເລືອກແກ່ສະຫະລັດ ທີ່ວ່າ ສະຫະລັດ ບໍ່ມີທາງຊະນະໄດ້. ບໍ່ວ່າຈະເປັນການຕໍ່ສູ້
ກັບ ຈີນ ເພື່ອໝູ່ເກາະທີ່ຕົນ ບໍ່ໄດ້ໃຫ້ຄວາມສຳຄັນເລີຍ ຫຼື ບໍ່ໃຫ້ການສະໜັບ
ສະໜຸນ ຕໍ່ບັນດາພັນທະມິດຂອງຕົນ ຊຶ່ງເປັນການສົ່ງສັນຍານ ແບບແຮງສຸດເຖິງ
ບັນດາພັນທະມິດວ່າ ພວກເຂົາບໍ່ມີ ສະຫະລັດເປັນບ່ອນອີງ ການຫັນໄປເອເຊຍ
ນັ້ນ ບໍ່ແມ່ນເປັນເລື່ອງຈິງ ເພື່ອນບ້ານພຽງປະເທດນຶ່ງ ປະເທດດຽວເທົ່ານັ້ນ ທີ່
ພວກເຂົາ ຕ້ອງພົວພັນນຳໃນຂະນະນີ້ ແລະ ຕະຫຼອດໄປ ກໍຄືຈີນນັ້ນເອງ."
ວໍຊິງຕັນ ກ່າວວ່າ ຕົນຈະສະໜັບສະໜຸນໃນການດຳເນີນການທາງດ້ານກົດໝາຍຂອງຮາໂນ່ຍ ຕໍ່ແທ່ນເຈາະນ້ຳມັນຂອງຈີນ ຊຶ່ງເປັນພາກສ່ວນ ທີ່ສະຫະລັດກ່າວວ່າ: “"ເປັນຜົນປະໂຫຍດແຫ່ງຊາດ ໃນການຮັກສາ ສັນຕິພາບ ແລະ ສະຖຽນລະພາບ" ຢູ່ໃນທະເລຈີນໃຕ້.
![Images from the South China Sea]()
Photo Gallery:
ນ່ານນ້ຳທີ່ມີການຂັດແຍ້ງກັນ ນອກຝັ່ງທະເລຫວຽດນາມ ແມ່ນ
ເປັນການທົດສອບ ຕໍ່ອັນທີ່ ລັດຖະບານທ່ານໂອບາມາ ເອີ້ນກັນ
ວ່າ "ການຫັນ ຫຼື Pivot" ຊັບພະຍາກອນດ້ານກຳລັງທະຫານ
ແລະ ດ້ານການທູດ ໄປຍັງຂົງເຂດເອເຊຍນັ້ນເອງ. ຜູ້ສື່ຂ່າວ
ວີໂອເອ ປະຈຳ ກະຊວງການຕ່າງປະເທດສະຫະລັດ Scott
Stearns ລາຍງານໃຫ້ ຊາບກ່ຽວກັບຜົນກະທົບຈາກເຫດການ
ຫຼ້າສຸດ ທີ່ລະເບີດຂຶ້ນ ໃນທະເລຈີນໃຕ້ ຊຶ່ງ ໄຊຈະເຣີນສຸກ ຈະ
ນຳມາສະເໜີທ່ານ.
ຫວຽດນາມກ່າວວ່າ ແທ່ນເຈາະນ້ຳມັນຂອງຈີນ ຢູ່ໃນນ່ານນ້ຳ ທີ່ມີການແຍ້ງກັນນັ້ນ ເປັນໄພຂົ່ມຂູ່ຕໍ່ສິດເສລີພາບໃນການເດີນເຮືອ.
ນາຍົກລັດຖະມົນຕີຫວຽດນາມ ທ່ານຫງຽນ ຕັນ Dung ກ່າວວ່າ: "ການຕິດຕັ້ງແທ່ນ
ເຈາະນ້ຳມັນຢ່າງຜິດກົດໝາຍຂອງຈີນ ແລະການ ສົ່ງເຮືອຄຸ້ມກັນ ໄປປົກປ້ອງ
ແທ່ນເຈາະດັ່ງກ່າວ ທີ່ຕັ້ງຢູ່ເລິກເຂົ້າໄປ ໃນເຂດໄຫລ່ທະວີບ ແລະ ເຂດເສດ
ຖະກິດພິເສດ ຂອງຫວຽດນາມນັ້ນ ເປັນໄພຂົ່ມຂູ່ຢ່າງຮ້າຍແຮງ ຕໍ່ສັນຕິພາບ ສະຖຽນລະພາບ ແລະ ຄວາມໝັ້ນຄົງທາງທະເລ."
ໂຄສົກກະຊວງການຕ່າງປະເທດຈີນ ທ່ານ Hong Lei ກ່າວວ່າ ມັນແມ່ນຫວຽດນາມເອງທີ່ເປັນຜູ້ກໍ່ໃຫ້ເກີດ ຄວາມເຄັ່ງຕຶງຕ່າງໆ
ດ້ວຍການຕັ້ງຄຳຖາມ ກ່ຽວກັບ ອະທິປະໄຕຂອງຈີນ.
ທ່ານ Hong Lei ເວົ້າວ່າ: "ຫວຽດນາມ ກຳລັງບິດເບືອນ
ຄວາມຈິງ ບໍ່ສາມາດໃຈ້ແຍກໄດ້ວ່າ ອັນໃດເປັນຄວາມ
ຖືກຕ້ອງ ແລະອັນໃດ ເປັນຄວາມຜິດໃນເວທີຂອງໂລກ ແລ້ວເຮັດໃຫ້ຈີນກາຍເປັນຝ່າຍຜິດ ໂດຍການກ່າວຫາ ແລະໃສ່ຮ້າຍຢ່າງບໍ່ມີເຫດຜົນ."
ສາດສະດາຈານ Hillary Mann Leverett ຈາກມະຫາວິທະຍາໄລອາເມຣິກັນກ່າວວ່າ
ການປະເຊີນໜ້າດັ່ງກ່າວແມ່ນສ່ວນໜຶ່ງໃນການ ຕ້ານຢັນຂອງຈີນ ຕໍ່ການມີໜ້າ ທີ່ໃຫຍ່
ຂຶ້ນກວ່າເກົ່າຂອງສະຫະລັດໃນ ເຂດມະຫາສະມຸດປາຊີຟິກ.
ທ່ານນາງ Leverett ເວົ້າວ່າ: "ຈີນ ຄວາມຈິງແລ້ວ ໄດ້ກົດດັນຫວຽດນາມ ທີ່ຢູ່ແນວ
ໜ້າ ຂອງການຕໍ່ສູ້ ຊຶ່ງແທ້ຈິງນັ້ນ ແມ່ນລະຫວ່າງສະຫະລັດກັບຈີນ ກ່ຽວກັບວ່າ ຜູ້ໃດຈະສາມາດໃຊ້ອິດທິພົນ ໃນທຸກມື້ນີ້ ແລະ ໃນໄລຍະອັນຍາວນານ ຢູ່ໃນຂົງເຂດທີ່ມີ ຄວາມຫລໍ່ແຫຼມສຳຄັນ ຂອງໂລກນັ້ນ."
ສາດສະດາຈານ Carl Thayer ຈາກມະຫາວິທະຍາໄລ New South Wales ກ່າວວ່າ
ມັນແມ່ນການເຕືອນ ຕໍ່ບັນດາປະເທດທີ່ມີ ການອ້າງກຳມະສິດ ເອົາເຂດນ້ຳແດນດິນ ແຂ່ງ
ກັບຈີນນັ້ນເອງ.
ທ່ານ Carl Thayer ເວົ້າວ່າ: "ບັນດາປະເທດແກນກາງຂອງອາຊ່ຽນ ບໍ່ແມ່ນພຽງແຕ່ຟີລິປິນ ແລະ ຫວຽດນາມທໍ່ນັ້ນ ທີ່ຈະຕ້ອງກັງວົນເປັນຢ່າງສູງ ເພາະວ່າມັນບໍ່ແມ່ນແຕ່ເລື່ອງແທ່ນເຈາະນ້ຳມັນຢ່າງດຽວ ແຕ່ມັນໝາຍເຖິງແສນຍານຸພາບທາງທະຫານ
ທີ່ດຳເນີນການໄປພ້ອມນັ້ນ ແລະ ທຸກໆປະເທດຈະຕ້ອງ ຮູ້ສຶກບໍ່ມີຄວາມໝັ້ນຄົງ
ກັບຈີນເລີຍ."
ປະທານປະເທດຈີນ ທ່ານ Xi Jinping ກ່າວວ່າ ຈີນພະຍາຍາມ ສະເໝີມາ ເພື່ອແກ້ໄຂບັນຫາອະທິປະໄຕທາງທະເລດ້ວຍສັນຕິວິທີ ແລະມີຄຳຖາມຕໍ່ບັນດາປະເທດ ໃນເອເຊຍ
ກ່ຽວກັບການສະແຫວງ ຫາພັນທະມິດເພື່ອຕ້ານກັບປະເທດເພື່ອນບ້ານຂອງຕົນ.
ທ່ານ Xi Jinping ເວົ້າວ່າ: "ບັນດາປະເທດ ທີ່ເສີມຂະຫຍາຍ ພັນທະມິດທາງທະຫານ ເພື່ອຕໍ່ ຕ້ານກັບປະເທດທີ 3 ນັ້ນ ບໍ່ໄດ້ເປັນຜົນປະໂຫຍດຕໍ່ຄວາມໝັ້ນຄົງຢູ່ໃນຂົງເຂດເລີຍ."
ປັກ ກິ່ງ ກຳລັງພະຍາຍາມເຄື່ອນໄຫວທຳລາຍຕໍ່ອັນທີ່ເອີ້ນວ່າການຫັນໄປເອເຊຍຂອງ ສະຫະລັດ ຊຶ່ງອີງຕາມຄຳເວົ້າ ຂອງທ່ານນາງ Leverett ແລ້ວ ເປັນການຄາດຄະເນວ່າ
ວໍຊິງຕັນຈະບໍ່ທຳການຕໍ່ສູ້.
ທ່ານນາງ Leverett ເວົ້າວ່າ: "ແນວຄິດຂອງຈີນນັ້ນ ທີ່ຈິງແລ້ວເປັນການໃຫ້ທາງ
ເລືອກແກ່ສະຫະລັດ ທີ່ວ່າ ສະຫະລັດ ບໍ່ມີທາງຊະນະໄດ້. ບໍ່ວ່າຈະເປັນການຕໍ່ສູ້
ກັບ ຈີນ ເພື່ອໝູ່ເກາະທີ່ຕົນ ບໍ່ໄດ້ໃຫ້ຄວາມສຳຄັນເລີຍ ຫຼື ບໍ່ໃຫ້ການສະໜັບ
ສະໜຸນ ຕໍ່ບັນດາພັນທະມິດຂອງຕົນ ຊຶ່ງເປັນການສົ່ງສັນຍານ ແບບແຮງສຸດເຖິງ
ບັນດາພັນທະມິດວ່າ ພວກເຂົາບໍ່ມີ ສະຫະລັດເປັນບ່ອນອີງ ການຫັນໄປເອເຊຍ
ນັ້ນ ບໍ່ແມ່ນເປັນເລື່ອງຈິງ ເພື່ອນບ້ານພຽງປະເທດນຶ່ງ ປະເທດດຽວເທົ່ານັ້ນ ທີ່
ພວກເຂົາ ຕ້ອງພົວພັນນຳໃນຂະນະນີ້ ແລະ ຕະຫຼອດໄປ ກໍຄືຈີນນັ້ນເອງ."
ວໍຊິງຕັນ ກ່າວວ່າ ຕົນຈະສະໜັບສະໜຸນໃນການດຳເນີນການທາງດ້ານກົດໝາຍຂອງຮາໂນ່ຍ ຕໍ່ແທ່ນເຈາະນ້ຳມັນຂອງຈີນ ຊຶ່ງເປັນພາກສ່ວນ ທີ່ສະຫະລັດກ່າວວ່າ: “"ເປັນຜົນປະໂຫຍດແຫ່ງຊາດ ໃນການຮັກສາ ສັນຕິພາບ ແລະ ສະຖຽນລະພາບ" ຢູ່ໃນທະເລຈີນໃຕ້.
