ລິ້ງ ສຳຫລັບເຂົ້າຫາ

ວັນຄົບຮອບ 24 ປີ ໃນການປາບປາມ ທີ່ຈະຕຸລັດ ທຽນ ອັນ ເໝິນ (ສະໄລດ໌/ວີດີໂອ)


​ນີ້​ເປັນ​ວັນ​ຄົບຮອບ 24 ປີ​ ໃນການທັບ​ມ້າງປາບ​ປາມ​ຢ່າງ​ນອງ​ ເລືອດ ທີ່ຈະຕຸ​ລັດ Tiananmen ຢູ່​ປະ​ເທດ​ຈີນ
​ນີ້​ເປັນ​ວັນ​ຄົບຮອບ 24 ປີ​ ໃນການທັບ​ມ້າງປາບ​ປາມ​ຢ່າງ​ນອງ​
ເລືອດ ທີ່ຈະຕຸ​ລັດ Tiananmen ຢູ່​ປະ​ເທດ​ຈີນ ທ່າມກາງ​ການ
​ຮັກສາ​ຄວາ​ມປອດ​ໄພ​ຢ່າງ​ເຄັ່ງ​ຄັດ​ໃນ​ກຸງ​ປັກ​ກິ່ງແລະ​ ການກວດ
ກາຢ່າງ​ເຂັ້ມງວດທາງຕາໜ່າງອິນ​ເຕີ​ແນັດ.

ບັນດາ​ເຈົ້າ​ໜ້າ​ທີ່ ​ແມ່ນພາກັນ​ເຮັດ​ວຽກ​ໜັກ​ໃນ​ແຕ່ລະ​ປີ​ເພື່ອ
ປ້ອງ​ກັນບໍ່​ໃຫ້ມີ​ການ​ໄວ້ອາ​ໄລ​ຫຼື​ລະນຶກ​ເຖິງ​ພວກ​ທີ່​ເສຍ​ຊີວິດ ​
ແລະຫ້າມ​ບໍ່​ໃຫ້ສົນທະນາ​ກັນ​ໃນທີ່​ສາທາລະນະ​ ກ່ຽວ​ກັບ​ການ​
ປາບ​ປາມ​ຢ່າງ​ໂຫດຮ້າຍ​ປ່າ​ເຖື່ອນຂອງພວກ​ທະຫານ ໃນ​ວັນ
​ທີ 4 ມິຖຸນາປີ 1989 ທີ່ເຮັດ​ໃຫ້​ການ​ປະ​ທ້ວງ​ຮຽກຮ້ອງ​ເອົາປະ
ຊາທິປະ​ໄຕ ທີ່​ດຳ​ເນີນ​ມາ​ເປັນ​ເວລາ​ຫຼາຍໆ​ອາທິດ​ນັ້ນ ສິ້ນ
ສຸດ​ລົງ.

​ໃນ​ວັນ​ສຸກ​ທີ່​ຜ່ານ​ມາ ຕໍາ​ຫລວດຢູ່ທີ່ຈະ​ຕຸ​ລັດ Tiananmen ​
ແລະ​ເຂດ​ສໍາຄັນຕ່າງໆ ພາກັນ​ຢືນ​ຍາມເພື່ອ​ຮັບ​ມື​ກັບ​ການ​ປະ
​ທ້ວງທີ່​ອາດ​ເກີດ​ຂື້ນ. ບັນດາ​ນັກ​ເຄື່ອນ​ໄຫວ​ຫລາຍຄົນ​ໄດ້​ຖືກ
​ຄຸມ​ຂັງ​ໄວ້ ​ຖືກ​ກັກ​ບໍລິ​ເວນ​ໃຫ້​ຢູ່​ແຕ່​ໃນ​ບ້ານເຮືອນ ຫລືໄດ້​ຖືກ​
ຕິດຕາມ​ເບິ່ງຢ່າງໃກ້​ຊິດ ກ່ອນຈະ​ຮອດ​ວັນ​ຄົບຮອບ ທີ່​ມີ​ຄວາມ​ຫຼໍ່​ແຫຼມສຳຄັນ​ດັ່ງກ່າວ.


ນອກ​ນັ້ນ​ແລ້ວ ພວກ​ກວດກາ​ຂອງ​ລັດຖະບານຍັງ​ເຮັດ​ວຽກ​ໜັກ​ເພື່ອ​ສຳ​ລະສະ​ສາງ​ບໍ່​
ໃຫ້​ສື່​ສັງຄົມຈີນກ່າວ​ເຖິງ​ເຫດ​ຮ້າຍ​ນີ້. ຢູ່​ເວັບ​ໄຊຂ່າວ Sina Weibo ຊຶ່ງ​ໄດ້​ຮັບ​ຄວາມ
ນິຍົມ​ສູງແລະມີ​ລັກສະ​ນະ​ຄ້າຍຄື​ກັນ​ກັບ Twitter ຂອງ​ຈີນ ການ​ຊອກ​ຄົ້ນຫາ​ຄຳ​ເວົ້າ
ຕ່າງໆ ທີ່​ພົວພັນກັບຈະຕຸ​ລັດ Tiananmen ​ແມ່ນໄດ້​ຖືກ​ກີດ​ກັ້ນ​. ການ​ບໍລິການ​ຍັງ​ໄດ້
ຍົກຍ້າຍຮູບ​ພາບທຽນ​ໄຂ ​ທີ່​ໃຊ້​ໂດຍ​ຫລາຍໆ​ຄົນ​ໃນ​ການ​ໄວ້​ທຸກທາງ​ຄອມ​ພິວ​ເຕີ.

ໃນຄວາ​ມພະ​ຍາ​ມ​ເພື່ອຫລີກ​ລ່ຽງຈາກການ​ຈຳກັດ​ຮັດ​ແຄບ​ທີ່​ວ່າ​ນີ້ປະຊາຊົນ​ຈີນຫລາຍ​
ຄົນພາ ກັນພິມ​ເຜີຍ​ແຜ່ຮູບ​ທຽນ​ໄຂຫລືອ້າງ​ອີງ​ແບບ​ເຍາະ​ເຍີ້​ຍ​ໃສ່​ວັນ​ທີ 35 ​ເດືອນ​ພຶດ
ສະພາ ​ແທນ ​ທີ່​ຈະ​ເປັນວັນ​ທີ 4 ​ເດືອນ​ມິຖຸນາ ຊຶ່ງ​ເປັນຄວາມ​ເວົ້າ​ທີ່​ຖືກ​ກີ​ດກັ້ນໃນ​ການ​
ຊອກຄົນ​ຫາຄື​ກັນ.​ ສ່ວນ​ອີກຫລາຍໆ​ຄົນ​ ໄດ້​ຊັກ​ຊວນ​ໃຫ້ພາກັນ​ນຸ່ງ​ເຄື່ອງສີດໍາເພື່ອ​ເປັນ​
ສັນຍາ​ລັກ​ໃນ​ການ​ໄວ້ ອາ​ໄລໃຫ້ແກ່​ຜູ່​ເຄາະຮ້າຍ​ຈາກເຫດ​ຮ້າຍ​ດັ່ງກ່າວ.

XS
SM
MD
LG