ລິ້ງ ສຳຫລັບເຂົ້າຫາ

logo-print

ຈີນ ເປີດການເຈລະຈາ ຢ່າງເປັນທາງການ ກັບ ໄຕ້ຫວັນ ເປັນເທື່ອທຳອິດ (ວີດີໂອ)


ທ່ານ Wang Yu-chi (ຊ້າຍ) ຫົວໜ້າສະພາກິດຈະການ ຈີນແຜ່ນດິນໃຫຍ່ ຂອງໄຕ້ຫວັນ ຈັບມືກັບ ທ່ານ Zhang Zhijun ຜູ້ອຳນວຍການພະແນກການກິດຈະການໄຕ້ຫວັນຂອງຈີນ ກ່ອນປະຊຸມກັນ ຢູ່ນະຄອນນານຈິ່ງ (11 ກຸມພາ 2014)
ເຈົ້າໜ້າທີ່ຈີນ ແລະໄຕ້ຫວັນ ທຳການເຈລະຈາກັນ ເປັນເທື່ອທຳ
ອິດໃນຮອບ 65 ປີ ໃນວັນອັງຄານວານນີ້ ເພື່ອເລີ້ມບົດຕອນໃໝ່
ຂອງຄວາມສໍາພັນ ທີ່ບາງຄັ້ງບາງຄາວ ກໍມີ ການກະທົບກະແທກ
ກັນ. ໃນລະຫວ່າງການພົບປະກັນນັ້ນ ທັງສອງຝ່າຍຕ່າງກໍໄດ້ສະ
ແດງຄວາມເຕັມໃຈທີ່ຈະສ້າງຕັ້ງຫ້ອງການຜູ້ຕາງໜ້າຂຶ້ນໂດຍໄວ
ເທົ່າທີ່ຈະໄວໄດ້ ແຕ່ກໍໄດ້ຫລີກລ່ຽງ ຫົວຂໍ້ທີ່ມີຄວາມຫຼໍ່ແຫຼມທາງ
ການເມືອງ. ຜູ້ສື່ຂ່າວວີໂອເອ William Ide ມີລາຍງານເລື່ອງນີ້
ຈາກກຸງປັກກິ່ງດັ່ງໄພສານຈະນຳເອົາລາຍລະອຽດມາສະເໜີທ່ານ
ໃນອັນດັບຕໍ່ໄປ.


ສຳລັບເຈົ້າໜ້າທີ່ຂອງໄຕ້ຫວັນ ແລະຈີນແລ້ວ ຜົນສຳເລັດທີ່ໃຫຍ່
ທີ່ສຸດກໍຄືການເຈລະຈາກັນໃນຄັ້ງນີ້ສາມາດເກີດຂຶ້ນໄດ້. ທ່ານ Wang Yu-chi ປະທານສະ
ພາກິດຈະການຈີນແຜ່ນດິນໃຫຍ່ ຂອງໄຕ້ຫວັນ ແລະ ທ່ານ Zhang Zhijun ຫົວໜ້າຫ້ອງ ການຮັບຜິດຊອບກິດຈະການໄຕ້ຫວັນຂອງຈີນຕ່າງກໍໄດ້ສະແດງຄວາມຕື່ນເຕັ້ນປະຫຼາດໃຈ ທີ່ພວກທ່ານສາມາດຈັດແຈງໃຫ້ມີການພົບປະພາຍໃນໄລຍະເວລາ 4 ເດືອນ.

ນອກນັ້ນ ພວກທ່ານຍັງໄດ້ເປີດເຜີຍໃຫ້ຊາບວ່າ ຢູ່ຂ້າງນອກຂອງກອງປະຊຸມເສດຖະກິດເອ ເຊຍ-ປາຊີຟິກ ຫຼື APEC ທີ່ອິນໂດເນເຊຍ ໃນເດືອນຕຸລາປີກາຍນີ້ ທັງສອງຝ່າຍໄດ້ພົບປະ ກັນເປັນເວລາສັ້ນໆ ປະມານ 5 ນາທີ ແລະໄດ້ຕົກລົງທີ່ຈະຈັດໃຫ້ມີການພົບປະກັນແບບທຳ ມະດາ ເປັນຄວາມຈິງຂຶ້ນມາໃຫ້ໄດ້.

ທ່ານ Zhang Zhijun ຜູ້ຕາງໜ້າຂອງຈີນກ່າວວ່າ ຄວາມສຳພັນຈຳເປັນຕ້ອງໄດ້ມີການໃຊ້ ວີທີການແບບໃໝ່.

ທ່ານ Zhang ເວົ້າວ່າ “ມັນເປັນໄປບໍ່ໄດ້ທີ່ຈະວາດມະໂນພາບໃນອະດີດຜ່ານມາວ່າ ພວກເຮົາສາມາດນັ່ງລົງແລະພົບພໍ້ກັນໄດ້ ໃນມື້ນີ້. ພວກເຮົາຕ້ອງວາດມະໂນພາບ ບາງຢ່າງໄວ້ຖ້າພວກເຮົາຢາກແກ້ໄຂບັນຫາທີ່ຍຸ່ງຍາກບໍ່ແມ່ນແຕ່ການພົບປະແບບ ນີ້. ພວກເຮົາຄວນຈະມີມະໂນພາບ ທີ່ໃຫຍ່ກວ່ານີ້ ເພື່ອການພັດທະນາ ຂ້າມຊ່ອງ ແຄບ ໃນອະນາຄົດ.”

ໄຕ້ຫວັນແລະຈີນ ບໍ່ໄດ້ຮັບຮູ້ຊຶ່ງກັນແລະກັນຢ່າງເປັນທາງການແຕ່ປະການໃດ. ປະເທດທັງ ສອງໄດ້ແຍກອອກຈາກກັນ ໃນຕອນທ້າຍຂອງສົງຄາມກາງເມືອງ ປີ 1949 ເວລາພວກຈີນ ຄະນະຊາດໄດ້ຫລົບໜີໄປຢູ່ເກາະໄຕ້ຫວັນ ຫລັງຈາກເສຍໄຊໃຫ້ແກ່ພວກຄອມມູນິສ ທີ່ນຳ ພາໂດຍທ່ານເໝົາ-ເຈີ-ຕຸງ.

ຈີນໄດ້ອ້າງມາເປັນເວລາດົນນານແລ້ວວ່າ ເກາະໄຕ້ຫວັນທີ່ປົກຄອງຕົນເອງນັ້ນແມ່ນສ່ວນ ນຶ່ງຂອງດິນແດນຈີນແລະໄດ້ຊອກຫາຊ່ອງທາງທີ່ຢູ່ເໜືອການຂັດແຍ້ງທາງການເມືອງຂອງ ພວກເຂົາເຈົ້າ ໂດຍບໍ່ຕ້ອງເວົ້າເຖິງວ່າ ພວກເຂົາເຈົ້າອາດຈະທັກທາຍກັນແລະກັນແບບໃດ ຖ້າພວກເຂົາເຈົ້າຈະພົບປະກັນ ນັ້ນຄືບັນຫາທີ່ຍັງແກ້ບໍ່ຕົກມາເປັນນານແລ້ວ.

ໃນການຖະແຫຼງຕໍ່ພວກນັກຂ່າວ ລຸນຫລັງການເຈເລຈາກັນແລ້ວ ທ່ານ Wang Yu-chi ຜູ້ ຕາງໜ້າຂອງໄຕ້ຫວັນກ່າວວ່າ ທັງສອງປະເທດຄູ່ປໍລະປັກໃນເອເຊຍມີໂອກາດທີ່ຈະໂອ້ລົມ ກັນແບບເປີດເຜີຍກົງໄປກົງມາ.

ທ່ານ Wang ກ່າວວ່າ “ການພົບປະທີ່ວ່ານີ້ແມ່ນການເຄື່ອນໄຫວໄປໃນທາງບວກສຳ ລັບຄວາມສຳພັນຂ້າມຊ່ອງແຄບ ແລະເປັນຄວາມກ້າວໜ້າທີ່ສຳຄັນໃນການປັບປຸງ ຄວາມສຳພັນລະຫວ່າງສອງຝ່າຍ. ຄວາມສາມາດໃນການນັ່ງລົງຮ່ວມໂຕະດຽວກັນ ແລະຫາລືກ່ຽວກັບສະພາບຄວາມເປັນຈິງຂອງຄວາມສຳພັນນັ້ນບໍ່ແມ່ນເລື່ອງງ່າຍໆ ທີ່ຈະເຮັດໄດ້.”

ແຕ່ແນວໃດກໍຕາມໃນເວລານີ້ຍັງບໍ່ທັນເປັນທີ່ຈະແຈ້ງເທື່ອວ່າການພົບປະກັນໃນວັນອັງຄານ ວານນີ້ ຈະສາມາດ ເຮັດໃຫ້ຄວາມສຳພັນ ກ້າວໜ້າໄດ້ຫຼາຍສໍ່າໃດ. ທັງສອງຝ່າຍຕ່າງກໍບໍ່ໄດ້ ຕອບຄຳຖາມກ່ຽວກັບວ່າ ມີຄວາມເປັນໄດ້ຫລືບໍ່ ທີ່ປະທານາທິບໍດີໄຕ້ຫວັນ ທ່ານ Ma Ying- jeou ອາດຈະພົບປະ ກັບປະທານປະເທດຈີນ ທ່ານສີ ຈິ້ນຜິງ ພາຍໃນທ້າຍປີນີ້ ຢູ່ຂ້າງນອກ ຂອງກອງປະຊຸມສຸດຍອດຜູ້ນຳອົງການ APEC ທີ່ກຸງປັກກິ່ງ.

ມີການຕັ້ງຄຳຖາມ ຕໍ່ທ່ານ Ma Xiaoguang ໂຄສົກພະແນກກິດຈະການໄຕ້ຫວັນ ທີ່ພົບປະ ກັບພວກນັກຂ່າວ ຕາງໜ້າໃຫ້ທ່ານ Zhang Zhijun ຜູ້ນຳຂອງກຸ່ມນັ້ນ ກ່ຽວກັບການພົບປະ ສຸດຍອດລະຫວ່າງປະເທດທັງສອງ.

ທ່ານ Ma ເວົ້າວ່າ “ຫົວໜ້າຂອງພະແນກການ ລັດຖະບານທັງສອງ ທີ່ຮັບຜິດຊອບ
ກ່ຽວກັບກິດຈະການຂ້າມຊ່ອງແຄບ ດັ່ງທີ່ໄດ້ກ່າວມາແລ້ວນັ້ນຫາກໍເອົາບາດກ້າວ ທີ່ສຳຄັນ ແລະບ່ອນໃດທີ່ໄດ້ມີການເອົາບາດກ້າວຂັ້ນທຳອິດມັນກໍຈະມີຂັ້ນທີສອງ. ຈາກທັດສະນະຄວາມເຫັນໄລຍະຍາວ ກ່ຽວກັບຄວາມສຳພັນຂ້າມຊ່ອງແຄບນັ້ນ ກົນໄກນີ້ຊຶ່ງໄດ້ມີການສ້າງຕັ້ງຂຶ້ນມາ ແມ່ນເປັນວິທີທີ່ເປີດກວ້າງຢູ່ແລ້ວ.”


ໃນທ້າຍປີກາຍນີ້ ປະທານປະເທດຈີນ ໄດ້ຮຽກຮ້ອງໃຫ້ທັງສອງຝ່າຍ ດຳເນີນງານເພື່ອແກ້
ໄຂບັນຫາຄວາມແຕກຕ່າງ ທາງດ້ານການເມືອງ ໂດຍເວົ້າວ່າ ບັນຫາດັ່ງກ່າວນີ້ ບໍ່ສາມາດ ເລື່ອນເວລາອອກໄປຢ່າງບໍ່ມີກຳນົດ. ແຕ່ແນວໃດກໍຕາມ ປະທານາທິບໍດີໄຕ້ຫວັນກ່າວວ່າ ບໍ່ມີຄວາມຮີບດ່ວນໃດໆ ທີ່ຈະເປີດການເຈລະຈາ ທາງດ້ານການເມືອງ ແລະທ່ານເອງຍັງ ຢາກໃຫ້ເພັ່ງເລັງໃສ່ເລື່ອງການຄ້າຢູ່ຄືເກົ່າ.

ແຕ່ແນວໃດກໍຕາມທັງສອງຝ່າຍຕ່າງກໍກ່າວຢໍ້າວ່າ ການພົບປະກັນເປັນປະຈຳຈະບໍ່ສາມາດ ໃຊ້ແທນອົງການຈັດຕັ້ງເຄິ່ງທາງການທີ່ເປັນຜູ້ຈັດແຈງເລື່ອງຄວາມສຳພັນລະຫວ່າງຈີນແລະ ໃຕ້ຫວັນມາໄດ້ສອງທົດສະວັດກວ່າໆແລ້ວນັ້ນ.

ໃນລະຫວ່າງການພົບປະ ທີ່ນະຄອນນານຈິ່ງ ຈີນໄດ້ສະແດງຄວາມປະສົງຢາກໃຫ້ໄຕ້ຫວັນ ແກ້ໄຂບັນຫາທີ່ແກ່ຍາວມາເປັນເວລາດົນນານ ກ່ຽວກັບຂໍ້ຕົກລົງການຄ້າແລະການບໍລິການ ຊຶ່ງໃນເວລານີ້ກຳລັງຄ້າງຄາຢູ່ທີ່ສະພາໄຕ້ຫວັນ. ຈີນເວົ້າວ່າ ມັນຄວນຈະໄດ້ຮັບການແກ້ໄຂ ກ່ອນທ້າຍປີນີ້. ສ່ວນທ່ານ Wang Yu-Chi ຜູ້ຕາງໜ້າໄຕ້ຫວັນກ່າວວ່າ ທ່ານໄດ້ຮ້ອງຂໍໃຫ້ ສະມາຊິກຂອງພະແນກກິດຈະການໄຕ້ຫວັນໃນວັນອັງຄານວານນີ້ໃຫ້ເຂົ້າໃຈກ່ຽວກັບຄວາມ ແຕກຕ່າງ ລະຫວ່າງລະບົບການເມືອງ ຂອງທັງສອງຝ່າຍ ແລະດັ່ງດຽວກັນກັບສະພາກິດຈະ ການຈີນແຜ່ນດິນໃຫຍ່ ຕ້ອງໄດ້ເຄົາລົບທັດສະນະຄວາມເຫັນ ຂອງສະພາໄຕ້ຫວັນ.

ໃນລະຫວ່າງການພົບປະກັນນັ້ນທ່ານ Wang Yu-Chi ໄດ້ເຊື້ອເຊີນໃຫ້ຄູ່ຕຳແໜ່ງຝ່າຍຈີນ ທ່ານ Zhang Zhijun ເດີນທາງໄປຍັງໄຕ້ຫວັນ ໃນການເຈລະຈາຮອບໜ້າ ຊຶ່ງຍັງບໍ່ທັນມີ ການກຳນົດວັນເວລາ ໃນການປະຊຸມກັນເທື່ອ. ນອກນັ້ນ ພວກທ່ານຍັງໄດ້ຫາລືກັນ ກ່ຽວກັບ ບັນຫາພວກນັກຂ່າວ ທີ່ລາຍງານທັງຈາກຈີນແລະໄຕ້ຫວັນ. ປັດຈຸບັນນີ້ ພວກນັກຂ່າວຈາກ ອີກຝັ່ງນຶ່ງ ຂອງຊ່ອງແຄບໄຕ້ຫວັນ ສາມາດເຂົ້າໄປລາຍງານຂ່າວໄດ້ ແຕ່ພຽງ 3 ເດືອນ ໃນ ອີກຝັ່ງນຶ່ງຂອງຊ່ອງແຄບນັ້ນ.

Taiwan, China to Hold First Official Talks
please wait

No media source currently available

0:00 0:02:47 0:00
ລິງໂດຍກົງ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG