ລິ້ງ ສຳຫລັບເຂົ້າຫາ

logo-print

ຜູ້ຊົມຈີນມີອິດທິພົນ ຕໍ່ Hollywood (ວີດິໂອລາວ/ອັງກິດ)


ປ້າຍ Hollywood ທີ່ຕັ້ງຂອງອຸດສາຫະກໍາຮູບເງົາຂອງສະຫະລັດ ຢູ່ Los Angeles ລັດແຄລິຟໍເນຍ.

ອິດທິພົນຂອງຕະຫລາດຮູບເງົາຈີນ ໄດ້ພາໃຫ້ມີການດັດແກ້ ບົດຮູບເງົາຕ່າງໆຂອງຮອລລີວູດ ເພື່ອໃຫ້ຖືກໃຈຜູ້ຊົມຊາວຈີນ.

ປັດຈຸບັນນີ້ຈີນໄດ້ກາຍເປັນຕະຫຼາດຮູບເງົາທີ່ໃຫຍ່ທີ່ສຸດອັນດັບ
ສອງຂອງ ໂລກ ຮອງຈາກອະເມຣິກາເໜືອ ແລະລາຍໄດ້ຈາກ
ໂຮງສາຍຮູບ​ເງົາຕ່າງໆ ຂອງຈີນກໍເພິ່ມຂຶ້ນເຖິງ 30 ເປີເຊັນໃນ
ແຕ່ລະປີ. ນອກນີ້ແລ້ວຈີນຍັງເສີມຂະຫຍາຍການລົງທຶນຮ່ວມ
ໃນ ພາກສ່ວນການບັນເທີງກັບຕ່າງປະເທດ. ຜູ້ສື່ຂ່າວວີໂອເອ
Mike O’Sullivan ລາຍງານວ່າ ນັ້ນສົ່ງຜົນໃຫ້ມີການປ່ຽນແປງໃນວິທີການທີ່ອຸດສາຫະ
ກໍາຮູບເງົາ Hollywood ທໍາທຸລະກິດຂອງຕົນ. ທອງປານ ມີເລຶ່ອງນີ້ມາສະເໜີທ່ານ.

ເບິ່ງວີດິໂອ ພາສາລາວ:



ກອງທັບຕ່າງປະເທດບຸກລຸກສະຫະລັດໃນຮູບເງົາ ເລຶ່ອງ Red Dawn ທີ່ສ້າງຄືນໃໝ່ ໃນປີກາຍນີ້ ແຕ່ຜູ້ອໍານວຍການຜະລິດຮູບເງົາເລຶ່ອງນີ້ໄດ້ ປ່ຽນແປງບາງສາກ ກ່ອນຈະ
ນໍາອອກສາຍໃນທົ່ວໂລກ. ມັນເປັນເລຶ່ອງລາວ ຂອງຊາວອະເມລິກັນສູ້ລົບກັບກອງທັບ
ບຸກລຸກ ຊຶ່ງໃນເລຶ່ອງທໍາອິດນັ້ນແມ່ນເປັນທະຫານຈີນ ຊຶ່ງບັດນີ້ໄດ້ປ່ຽນມາເປັນທະຫານ
ເກົາຫຼີເໜືອແທນ ເພື່ອ ຫລີກລ່ຽງການສ້າງຄວາມບໍ່ພໍໃຈ ໃຫ້ແກ່ບັນດາຜູ້ເບິ່ງຫຼືພວກກວດ
ກາເຊັນເຊີ້ຊາວຈີນ.

ຮູບເງົາຫລື​ຊິ​ເນໃຫຍ່ໆປະເພດບູ້ຍິງຟັນກັນບາງເລຶ່ອງ ກໍມີການເຊື່ອມໂຍງກັບຈີນ. ເຊ່ນ
ເລຶ່ອງ Iron Man 3 ຫຼືມະນຸດເຫຼັກ ພາກສາມ ທີ່ຈະນໍາອອກສາຍ ໃນບໍ່ຊ້ານີ້ ມີບາງສາກ
ທີ່ຖ່າຍທໍາໃນຈີນ ແລະບົດຊີເນເລຶ່ອງນີ້ ກໍໄດ້ຖືກກວດສອບຢ່າງລະອຽດ ຖີ່ຖ້ວນໂດຍທາງການຈີນ.

Stanley Rosen ຈາກມະຫາວິທະຍໄລພາກໃຕ້ລັດແຄລິຟໍເນຍ ຫລື University of Southern California ທີ່ສຶກສາອຸດສາຫະກໍາຮູບເງົາ ຂອງຈີນ ເວົ້າວ່າ ຄວາມວິຕົກ
ຢ້ານວ່າ ຈະໄປແຕະຕ້ອງຄວາມຮູ້ສຶກອ່ອນໄຫວງ່າຍຂອງຊາວຈີນນັ້ນ ກໍໄດ້ມີອິດທິພົນ
ຕໍ່ບົດຂອງຮູບເງົາໃຫຍ່ກ່ຽວ​ກັບ ​ໄພພິບັດ ເລຶ່ອງ 2012. ທ່ານ ໂຣເຊິ່ນ ເວົ້າວ່າ:

“ເຖິງວ່າ ບໍ່​ໄດ້​ຖ່າຍ​ທໍາຢູ່ໃນຈີນກໍ​ຕາມ ​ແຕ່ຊິເນໃຫຍ່ໆ ເຊັ່ນເລຶ່ອງ 2012 ນີ້
ກໍຈະຕ້ອງ​ໄດ້ລະມັດລະວັງທີ່​ສຸດ​ແລະ​ຮວມ​ເອົາ
ການເອີ່ຍ​ເຕື້ອງ​ໄປ​ເຖິງຈີນ
ໃນ​ທາງ​ບວກ ຄືຖ້າມີຄວາມກ່ຽວພັນໃນທາງລົບແລ້ວ ມັນ​ກໍຈະທໍາລາຍ
ຕະຫຼາດໄດ້.


ຕົວຢ່າງ ຊີເນສາຍລັບເຈມສ໌ບອນ ເລຶ່ອງ Skyfall ກໍມີບາງສາກທີ່ຖືກຕັດອອກເພື່ອຜູ້ຊົມ
ຊາວຈີນ.

ແລະຮູບ​ເງົາອິງວິທະຍາສາດ ເລຶ່ອງ Cloud Atlas ກໍ​ໄດ້​ຖືກ​ຕັດບົດບູ້ສູ້ກັນອອກ ​ເຖິງ
40 ນາທີ.

ແຕ່ວ່າຜູ້ເບິ່ງຊິເນຊາວຈີນມັກເບິ່ງຊິເນເລຶ່ອງໃຫຍ່ໆທີ່ ເຕັມໄປດ້ວຍລະບົບເທັກນິກພິເສດ
ສະນັ້ນ ລາຍ​ຮັບ​ເຄິ່ງນຶ່ງ​ຂອງ​ໂຮງ​ຊິ​ເນ​ຈີນ​ທັງ​ໝົດ ກໍ​ແມ່ນໄດ້​ຈາກຮູບ​ເງົາ Hollywood.

ດາລາ​ຮູບ​ເງົາ Lisa Lu ທີ່ເກີດຢູ່ຈີນ ສະແດງເປັນຈັກກະພັດດິນີ ທີ່ຂຶ້ນ​ຄອງ​ບັນລັງ​ຮັກ
ສາ​ການ​ແທນ​ຈັກກະພັດທີ່​ຍັງ​ນ້ອຍ ໃນຊິເນເລຶ່ອງ The Last Emperor ຫຼືຈັກກະພັດ
ອົງສຸດທ້າຍ ທີ່​ສ້າງ​ຂຶ້ນ​ໃນປີ 1987 ຂອງ Bernardo Bertolucci ທີ່ມີຊາວຈີນຮ່ວມລົງ
ທຶນສ້າງນໍາ ​ແລະຖ່າຍທໍາຢູ່ ໃນຈີນ​ ເປັນສ່ວນໃຫຍ່.

Lisa Lu ເວົ້າວ່າ ຕະຫຼາດຮູບ​ເງົາສູ່ມື້ນີ້ ​ແມ່ນ​ໄດ້​ສ້າງ​ບົດ​ອັນ​ແໜ້ນໜາ ​ໃຫ້ນັກສະແດງ
ເອເຊຍ ຊຶ່ງບໍ່ເປັນຄວາມຈິງ ໃນຊຸມປີ 1950. Lisa Lu ເວົ້າວ່າ

“ພວກບົດທີ່ພວກເຂົາເຈົ້າຂຽນ​ໃນ​ສະ​ໄໝນັ້ນ ແມ່ນບົດກໍາມະກອນ
ຫຼືບໍ່ ກໍບົດແມ່ຍິງຊັກເຄື່ອງ ຫຼືບໍ່ຊັ້ນ ກໍແມ່ຍິງຮ້າຍໆ ທີ່​ເປັນ​ເຈົ້າ​ຂອງ
ຮ້ານອາຫານ.”


ເບິ່ງວີດິໂອ ພາສາອັງກິດ:

China-Hollywood Connection Changes Movie Business
please wait

No media source currently available

0:00 0:03:08 0:00
ລິງໂດຍກົງ


ພວກຊົນຊັ້ນກາງຈີນ ທີ່ເຕີບໃຫຍ່ຂຶ້ນໄປນັບມື້ຢູ່ໃນຂະນະນີ້ ກໍ​ມີ​ສ່ວນຊ່ວຍກະຕຸ້ນວົງການ
ອຸດສາຫະກໍາຮູບ​ເງົາຂອງຈີນຢ່າງໃຫຍ່.

ຮູບ​ເງົາແນວຕະຫຼົກ ເລຶ່ອງ Lost In Thailand ຂອງປີຜ່ານມາ ຈາກຜູ້ກໍາກັບ Xu Zheng
​ໄດ້ກາຍເປັນຊິເນທີ່ປະສົບຜົນສໍາເລັດ ຊຶ່ງໄຕ່ຂື້ນມາເປັນອັນດັບສອງ​ໃນ​ດ້ານສ້າງລາຍໄດ້
ຂອງຊິເນຈີນ ຮອງຈາກຊິເນ ເລຶ່ອງ Avatar ຂອງ Hollywood

Lisa Lu ເວົ້າວ່າ ນອກນີ້ ຈີນຍັງມີທິວທັດສໍາລັບສ້າງຊິເນທີ່ສວຍງາມ ແລະບໍ່ສິ້ນເປືອງ
ຄ່າໃຊ້ຈ່າຍຫຼາຍອີກ ແລະມີສະຖານ​ທີ່​ທີ່​ເໝາະ​ສົມ ​ສໍາລັບຫຼາຍໆສາກ ຊຶ່ງ Lisa Lu ເວົ້າວ່າ:

ຖ້າເຮົາໄປຖ່າຍທໍາຢູ່ທີ່ນັ້ນ ເຮົາຈະໄດ້ສາກທຸກຢ່າງທີ່ຕ້ອງການ.”

Stanley Rosen ປະຈໍາມະຫາວິທະຍາໄລ University of Southern Californina ເວົ້າອີກວ່າ ບໍລິສັດສ້າງຊິເນຂອງ Hollywood ກໍກໍາລັງດຶງເອົາບໍລິສັດຈີນມາຮ່ວມສ້າງ
ຫລາຍ​ຂຶ້ນ. ​ໃນ​ຂະນະ​ດຽວ​ກັນ ບໍລິສັດ Disney ແລະບໍລິສັດຮູບ​ເງົາ​ກາ​ຕຸ​ນ Dream
Work Animation ກໍກໍາລັງລົງທຶນໃສ່ການ​ກໍ່ສ້າງສະຖານ​ທີ່​ພັກຜ່ອນທ່ອງ​ທ່ຽວ ສໍາລັບດຶງດູດເອົານັກທ່ອງທ່ຽວ ໃນນະຄອນ​ຊຽງ​ໄຮ້. ທ່ານ ໂຣເຊິ່ນ ເວົ້າວ່າ:

“ມັນເປັນຄວາມສໍາພັນທີ່​ວິວັດທະນາ​ການ​ໄປ​ເລື້ອຍໆ ແລະ Hollywood ກໍຕ້ອງການຈີນ ​ເພາະວ່າຕະຫຼາດຊີເນຂອງອະເມຣິກາເໜືອ​ໄດ້ຊົບເຊົາ
ມາ​ດົນ​ແລ້ວ ແຕ່ຈີນກໍຕ້ອງການ Hollywood ຄືກັນ ດັ່ງທີ່ ຮົາເຫັນກັນ
ເນາະວ່າ ບໍລິສັດ DreamWorks ແລະ Disney ກໍກໍາລັງເຂົ້າໄປໃນຈີນ.”


ແລະຈີນກໍກໍາລັງເຂົ້າມາ​ຍັງ Hollywood ​ເຊ່ນ​ກັນ. ບໍລິສັດ TCL ຂອງຈີນ ໄດ້ຊື້ເອົາສິດ
ໃນການຕັ້ງຊື່​ໃໝ່ ໂຮງຊິເນຈີນ Grauman ທີ່ສໍາຄັນ ເກົ່​າແກ່ ຕັ້ງຢູ່ຖະໜົນ Hollywood
ນັ້ນ. ​ແລະ​ກຸ່ມບໍລິສັດຍັກ​ໃຫຍ່ Dalian Wanda Group ຂອງຈີນ ກໍໄດ້ຊື້​ເຄືອໂຮງຊິເນ
ຍັກໃຫຍ່ AMC ຂອງ​ສະຫະລັດ. ຄວາມສໍາພັນລະຫວ່າງຈີນ ແລະ Hollywood ຄາດວ່າ ຈະຈະເລີ​ນເຕີບໂຕຂຶ້ນໄປເລື້ອຍໆ ໃນອະນາຄົດ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG