ລິ້ງ ສຳຫລັບເຂົ້າຫາ

ວັນອັງຄານ, ໒໕ ມິຖຸນາ ໒໐໒໔

ຈີນ ແລະ ກຳປູເຈຍ ເລີ້ມການຊ້ອມລົບທາງທະຫານປະຈຳປີ


ຜູ້ບັນຊາການກອງທັບປົດປ່ອຍປະຊາຊົນຈີນ ແລະ ກອງທັບກຳປູເຈຍກວດກາກຳລັງທະຫາຍ ໃນຂະນະທີ່ໄດ້ເດີນທາງມາເຖິງ ເພື່ອດຳເນີນການຊ້ອມລົບ ມັງກອນທອງ ຢູ່ບ້ານ Svay Chok, ແຂວງ Kampong Chhnang, ທາງພາກເໜືອຂອງນະຄອນຫຼວງພະນົມເປັນ, ປະເທດກຳປູເຈຍ, ວັນທີ 16 ພຶດສະພາ 2024.
ຜູ້ບັນຊາການກອງທັບປົດປ່ອຍປະຊາຊົນຈີນ ແລະ ກອງທັບກຳປູເຈຍກວດກາກຳລັງທະຫາຍ ໃນຂະນະທີ່ໄດ້ເດີນທາງມາເຖິງ ເພື່ອດຳເນີນການຊ້ອມລົບ ມັງກອນທອງ ຢູ່ບ້ານ Svay Chok, ແຂວງ Kampong Chhnang, ທາງພາກເໜືອຂອງນະຄອນຫຼວງພະນົມເປັນ, ປະເທດກຳປູເຈຍ, ວັນທີ 16 ພຶດສະພາ 2024.

ຈີນ​ແລະ​ກຳປູ​ເຈຍ​ ໄດ້ເລີ່​ມ​ການ​ຊ້ອມ​ລົບ​ປະຈຳ​ປີ​ໃນ​ວັນ​ພະຫັດ​ວານ​ນີ້ ​ເພື່ອເສີມ ຂະຫຍາຍ​ການ​ຮ່ວມ​ມື​ ແລະ​ຄວາມ​ໄວ້​ເນື້ອ​ເຊື່ອ​ໃຈ​ລະຫວ່າງ​ກຳລັງ​ຂອງ​ທັງສອງ ປະ​ເທດ.

​ແຕ່​ຫຼາຍ​ປະ​ເທດ, ​ລວມເຖິງສະຫະລັດ, ມີ​ຄວາມກັງວົນ​ກ່ຽວ​ກັບ​ອິດ​ທິພົນ​ທີ່ເພີ້ມ ຂຶ້ນຂອງ​ຈີນ​ຢູ່​ໃນກຳປູ​ເຈຍ.

ການ​ຊ້ອມ​ລົບເປັນ​ເວລາ 15 ວັນ​ທີ່​ມີ​ຊື່ວ່າ "ມັງກອນ​ຄຳ" ລວມມີ​ກຳລັງພົນ 1,315 ຄົນ ​ຈາກ​ກຳປູ​ເຈຍ ​ແລະ 760 ຄົນ​ຈາກ​ຈີນ, ພ້ອມກັບກຳ​ປັ່ນ​ກຳປູ​ເຈຍ 11 ລຳ ​ແລະ ກຳ​ປັ່ນ​ຈີນ 3 ລຳ.

ການ​ຊ້ອມ​ລົບ​ທາງ​ບົກ ​ແລະ​ທາງ​ທະ​ເລ​ໄດ້​ເລີ່​ມຂຶ້ນ​ຢູ່ທີ່​ຖານ​ທັບ​ທະຫານ ​ກຳປູ​ເຈຍ ຢູ່ທາງ​ພາກ​ຕາ​ເວັນ​ຕົກ​ສຽງ​ເໜືອ​ຂອງ​ນະຄອນຫຼວງ ພະນົມ​ເປັນ.

​ໂຄສົກ​ກອງທັບ​ກຳປູ​ເຈຍ ພົນ​ຕີ ທອງ ​ໂຊ​ລິ​ໂມ ກ່າວ​ວ່າການ​ຊ້ອມລົບ​ດັ່ງກ່າວ​ມີ​ຈຸດປະສົງ​ເພື່ອ​ຝຶກ​ຊ້ອມ​ກຳລັງເພື່ອຕໍ່ສູ້ກັບ​ລັດ​ທິກໍ່​ການ​ຮ້າຍ ​ແລະ ສະໜອງ​ການ​ຊ່ວຍ​ເຫຼືອ​ດ້ານ​ມະນຸດສະທຳ​ຢູ່​ທັງ​ສອງ​ປະ​ເທດ.

ນາຍພົນ ວົງ ປິເຊນ ຂອງກໍາປູເຈຍ ໄດ້ຂອບໃຈ ຈີນ ທີ່ໄດ້ໃຫ້ການສະໜັບ ສະໜູນທາງດ້ານການເງິນ ສຳລັບອຸປະກອນການທະຫານໃໝ່ ແລະ ໃຫ້ການ ຊ່ວຍເຫລືອໃນການຍົກລະດັບ ສິ່ງອຳນວຍຄວາມສະດວກທາງດ້ານການ ທະຫານເຊັ່ນ ຖານທັບເຮືອ ຣຽມ (Ream) ທີ່ຢູ່ຝັ່ງຕາເວັນຕົກສຽງໃຕ້ຂອງ ກຳປູເຈຍ.

​ບັນດາ​ນັກວິ​ເຄາະ​ດ້ານຄວາມໝັ້ນຄົງຂອງ​ສະຫະລັດ ​ແລະສາກົນ ​ໄດ້​ສະ​ແດງ​ຄວາມ​ກັງວົນ ​ກ່ຽວ​ກັບ​ການມີສ່ວນຮ່ວມຂອງ​ຈີນ​ໃນ​ຖານທັບ​ດັ່ງກ່າວ, ​ໂດຍ​ກ່າວ​ເຕືອນ​ວ່າ ສະຖານທີ່ດັ່ງກ່າວ​ອາດ​ຈະ​ກາຍ​ເປັນປ້ອມດ່ານໜ້າທາງ​ຍຸດ​ທະ​ສາດ​ຂອງ​ກອງທັບ​ເຮືອ​ປັກ​ກິ່ງ.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG