ອັງກິດກ່າວວ່າ ຕົນຈະອະນຸຍາດ ໃຫ້ບໍລິສັດຈີນຖືຮຸ້ນສ່ວນໃຫຍ່
ໃນໂຄງການພະລັງນີວເຄລຍຂອງຕົນໃນຖານະເປັນພາກສ່ວນ
ນຶ່ງຂອງຄວາມພະຍາຍາມ ເພື່ອເລັ່ງລັດສະມັດຖະພາບໃນການ
ຜະລິດໄຟຟ້າພະລັງນີວເຄລຍຂອງກຸງລອນດອນນັ້ນ.
ທ່ານ George Osborne ລັດຖະມຸນຕີການເງິນອັງກິດ ໄດ້ປະ
ກາດຂ່າວນີ້ໃຫ້ຊາບໃນວັນພະຫັດມື້ນີ້ ໃນລະຫວ່າງທຳການຢ້ຽມ
ຢາມຈີນ ຊຶ່ງທ່ານເວົ້າວ່າ ສອງປະເທດໄດ້ລົງນາມໃນບັນທຶກ
ຄວາມເຂົ້າໃຈ ວ່າດ້ວຍຄວາມຮ່ວມມືດ້ານນີວເຄລຍ.
ຖະແຫຼງການຂອງກະຊວງການເງິນຂອງອັງກິດກ່າວວ່າ ການລົງທຶນຂັ້ນທຳອິດຂອງຈີນ
ໃນໂຄງການພະລັງນີວເຄລຍ ມີທ່າທາງວ່າ ເປັນການຖືຮຸ້ນໃນລະດັບນ້ອຍ ແຕ່ການຖືຮຸ້ນ
ໃນລະດັບໃຫຍ່ນັ້ນ ມີທາງເປັນໄປໄດ້ ໃນອະນາຄົດ.
ໃນຕົ້ນສັບປະດານີ້ ກຸງລອນດອນກ່າວວ່າ ຕົນໃກ້ຈະຕົກລົງກັນໄດ້ ກັບກຸ່ມບໍລິສັດ General Nuclear Power ຂອງຈີນ ແລະບໍລິສັດນີວເຄລຍຂອງຝຣັ່ງ EDF ກ່ຽວກັບການສ້າງໂຮງໄຟຟ້ານີວເຄລຍແຫ່ງທຳອິດຂອງອັງກິດ ຕັ້ງແຕ່ປີ 1995 ເປັນຕົ້ນມາ.
ອັງກິດກຳລັງພະຍາຍາມຢ່າງໜັກ ເພື່ອດຶງດູດເອົາການລົງທຶນຈາກຕ່າງປະເທດເຂົ້າໃນ
ໂຄງລ່າງພື້ນຖານຂະໜາດໃຫຍ່ຂອງຕົນ. ໂດຍສະເພາະແລ້ວ ອັງກິດກ່າວວ່າ ຕົນຕ້ອງ
ການໂຮງໄຟຟ້ານີວເຄລຍຕື່ມອີກ ເພື່ອຊ່ອຍແກ້ໄຂອັນທີ່ຕົນກ່າວວ່າ ຄວາມສ່ຽງທີ່ກຳລັງ
ເພີ່ມຂຶ້ນນັບມື້ ຕໍ່ການຂາດເຂີນພະລັງໄຟຟ້າ ໃນອີກບໍ່ເທົ່າໃດປີຂ້າງໜ້ານີ້.
ໃນໂຄງການພະລັງນີວເຄລຍຂອງຕົນໃນຖານະເປັນພາກສ່ວນ
ນຶ່ງຂອງຄວາມພະຍາຍາມ ເພື່ອເລັ່ງລັດສະມັດຖະພາບໃນການ
ຜະລິດໄຟຟ້າພະລັງນີວເຄລຍຂອງກຸງລອນດອນນັ້ນ.
ທ່ານ George Osborne ລັດຖະມຸນຕີການເງິນອັງກິດ ໄດ້ປະ
ກາດຂ່າວນີ້ໃຫ້ຊາບໃນວັນພະຫັດມື້ນີ້ ໃນລະຫວ່າງທຳການຢ້ຽມ
ຢາມຈີນ ຊຶ່ງທ່ານເວົ້າວ່າ ສອງປະເທດໄດ້ລົງນາມໃນບັນທຶກ
ຄວາມເຂົ້າໃຈ ວ່າດ້ວຍຄວາມຮ່ວມມືດ້ານນີວເຄລຍ.
ຖະແຫຼງການຂອງກະຊວງການເງິນຂອງອັງກິດກ່າວວ່າ ການລົງທຶນຂັ້ນທຳອິດຂອງຈີນ
ໃນໂຄງການພະລັງນີວເຄລຍ ມີທ່າທາງວ່າ ເປັນການຖືຮຸ້ນໃນລະດັບນ້ອຍ ແຕ່ການຖືຮຸ້ນ
ໃນລະດັບໃຫຍ່ນັ້ນ ມີທາງເປັນໄປໄດ້ ໃນອະນາຄົດ.
ໃນຕົ້ນສັບປະດານີ້ ກຸງລອນດອນກ່າວວ່າ ຕົນໃກ້ຈະຕົກລົງກັນໄດ້ ກັບກຸ່ມບໍລິສັດ General Nuclear Power ຂອງຈີນ ແລະບໍລິສັດນີວເຄລຍຂອງຝຣັ່ງ EDF ກ່ຽວກັບການສ້າງໂຮງໄຟຟ້ານີວເຄລຍແຫ່ງທຳອິດຂອງອັງກິດ ຕັ້ງແຕ່ປີ 1995 ເປັນຕົ້ນມາ.
ອັງກິດກຳລັງພະຍາຍາມຢ່າງໜັກ ເພື່ອດຶງດູດເອົາການລົງທຶນຈາກຕ່າງປະເທດເຂົ້າໃນ
ໂຄງລ່າງພື້ນຖານຂະໜາດໃຫຍ່ຂອງຕົນ. ໂດຍສະເພາະແລ້ວ ອັງກິດກ່າວວ່າ ຕົນຕ້ອງ
ການໂຮງໄຟຟ້ານີວເຄລຍຕື່ມອີກ ເພື່ອຊ່ອຍແກ້ໄຂອັນທີ່ຕົນກ່າວວ່າ ຄວາມສ່ຽງທີ່ກຳລັງ
ເພີ່ມຂຶ້ນນັບມື້ ຕໍ່ການຂາດເຂີນພະລັງໄຟຟ້າ ໃນອີກບໍ່ເທົ່າໃດປີຂ້າງໜ້ານີ້.
