ລິ້ງ ສຳຫລັບເຂົ້າຫາ

ຈີນ ຈະເລີ້ມ ກວດຄົ້ນເຮືອ ໃນເຂດ ທະເລຈີນໃຕ້


ເຮືອຫາປາຈີນ ທີ່ພວມແລ່ນຢູ່ໃນບໍລິເວນເກາະຫີນ Meiji ນອກແແຄມຝັ່ງຂອງເກາະໃຫຍ່ໄຮນັງ ໃນເຂດທະເລຈີນໃຕ້ (20 ກໍລະກົດ 2012)
ໃນ​ບໍ່​ຊ້າ​ນີ້ ຈີນ ຈະ​ອະ​ນຸຍາດ​ໃຫ້ ຕໍາຫລວດ​ຊາຍ​ແດນ ຂື້ນ​
ກວດ​ບັນດາ​ເຮືອ​ຕ່າງ​ປະ​ເທດ ທີ່ເດີນ​ທາງເຂົ້າ​ໄປ ​ໃນ​ເຂດ
ທີ່ປັກ​ກິ່ງຖື​ວ່າ ເປັນນ່ານນໍ້າຂອງ​ຕົນ ຢູ່​ໃນເຂດທະ​ເລຈີນ​ໃຕ້.


ໃນການເຄື່ອນ​ໄຫວ​ດັ່ງກ່າວອາດ​ຈະ​ເຮັດ​ໃຫ້​ເກີດ​ຄວາມເຄັ່ງຕຶງຢູ່ໃນ​ຂົງ​ເຂດນີ້ ສື່​ມວນຊົນ​ລັດຖະບານຈີນ ກ່າວ​ວ່າ ຕໍາຫລວດທີ່​ແຂວງ Hainan ທາງ​ພາກ​ໃຕ້​ຂອງ​ຈີນ ​ໃນ​ບໍ່ຊ້າ​ນີ້​ຈະໄດ້​ຮັບອະນຸຍາດ​ໃຫ້ “ຂື້ນໄປເທິງເຮືອ ຄົ້ນ​ຫາ ຍຶດ​ເອົາ ​ແລະ​ຂັບ​ໄລ່​ເຮືອ​ຕ່າງປະ​ເທດ ທີ່​ເຂົ້າ​ໄປ​ໃນຂົງ​ເຂດດັ່ງກ່າວ​ແບບຜິດ​ກົດໝາຍ.

​ໜັງສືພິມ China Daily ຂອງ​ທາງ​ການ​ຈີນກ່າວ​ວ່າ ການ​ເຄື່ອນ​ໄຫວ​ທີ່ “ຜິດ​ກົດໝາຍ” ຕ່າງໆ ຮວມ​ທັງ​ການ​ເຂົ້າ​ໄປ​ໃນ​ເຂດ​ນ່ານ​ນໍ້າຂອງ​ແຂວງ ທີ່ບໍ່​ໄດ້​ຮັບ​ອະນຸ​ຍາດ ​ແລະ “​ພົວພັນ​ຢ່າງ​ເປັນ​ການ​ເປີດ​ເຜີຍ​ທີ່​ເປັນ​ອັນຕະລາຍ​ຕໍ່ຄວາມໝັ້ນຄົງ​ແຫ່ງ​ຊາດ​ຂອງຈີນ.” ຈີນ ກ່າວ​ວ່າ ກົດ​ລະບຽບ​ໃໝ່​ຈະ​ເລີ້ມ​ອອກນໍາ​ໃຊ້​ໃນ​ວັນ​ທີ 1 ​ເດືອນ​ມັງກອນ ຈະ​ມາ​ເຖິງ​ນີ້.
Hainan ​ແມ່ນ​ແຂວງຢູ່​ໃຕ້​ສຸດ​ຂອງຈີນ ຊຶ່ງ​ເປັນ​ຜູ້ປົກ​ຄອງພື້ນທີ່​ທາງ​ທະ​ເລເກືອບສອງ​ລ້ານກິ​ໂລ​ແມັດ​ມົນທົນ. ​

ໃນ​ເດືອນ​ກໍລະກົດ ທີ່​ຜ່ານ​ມາ ກອງ​ທັບຈີນ ໄດ້​ສ້າງ​ຄວາມ​ໂກດ​ແຄ້ນ​ໃຫ້ແກ່​ບັນດາ​ເພື່ອນ​ບ້ານ ​ໂດຍ​ຕັ້ງ​ຄ້າຍ​ທະ​ຫານຂຶ້ນທີ່ເມືອງ Sansha ຂອງ​ແຂວງ​ໄຮ​ນັງ ໃນ​ຄວາມ​ພະຍາຍາມທີ່ຈະ​ໃຫ້​ມີ​ການ​ບັງຄັບ​ກ່ຽວ​ກັບ​ການ​ອ້າງ​ກຳມະສິດ​ຂອ​ງຕົນ.

ບັນດາ​ປະ​ເທດ​ທີ່​ອ້າງ​ກຳມະສິດ​ແຂ່ງກັບຈີນທັງຫລາຍ ​ຮວ​ມທັງ ​ຟິລິບ​ປີນ ຫວຽດນາມ ບຣູ​ນາຍ ມາ​ເລ​ເຊຍ ​ແລະ​ໄຕ້​ຫວັນ ພາກັນ​ມີຄວາມ​ເປັນຫ່ວງກ່ຽວ​ກັບສິ່ງ​ທີເຂົາ​ເຈົ້າ​ເຫັນວ່າ ​ເປັນ​ການ​ດຳ​ເນີນ​ການ​ເພີີ້ມຂຶ້ນ ຂອງປັກ​ກິ່ງ ໃນ​ການ​ປ້ອງ​ກັນ ການ​ອ້າງ​ກຳມະສິດ​ຂອງ​ຕົນ​ໃນ ​ເຂດ​ທະ​ເລ​ຈີນ​ໃຕ້ ທີ່ອຸດົມ​ສົມ​ບຸນ​ໄປ​ດ້ວຍພະລັງງານ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG