ລິ້ງ ສຳຫລັບເຂົ້າຫາ

site logo
ວັນອາທິດ, 29 ພຶດສະພາ 2022

ເດັກນ້ອຍ ອົບພະຍົບລາວ ພະຍາຍາມ ບັນລຸ ຄວາມຝັນ ຂອງ ອາເມຣິກັນ


Child of Lao Refugees Reaches for the American Dream
please wait

No media source currently available

0:00 0:02:23 0:00

ຢູ່​ໃນ​ສະຫະລັດ ພວກ​ເດັກນ້ອຍ​ອົບ​ພະ​ຍົບ ມັກ​ຈະ​ເຕີບ​ໃຫຍ່ມາ​ໂດຍບໍ່​ມີ​ໂອກາດ ​ໃນ​ຂະນະ​ທີ່ພໍ່​ແມ່​ເຂົາ​ເຈົ້າ​ພາກັນ​ດິ້ນລົນ ​ປັບໂຕ​ໃຫ້​ເຂົ້າ​ກັບ​ຊີວິດ​ໃໝ່ ​ແລະ​ຊຸກຍູ້​ຄອບຄົວ. ນັ້ນ​ແມ່ນ​ເລື້ອງ​ຄວາມ​ເປັນ​ມາ​ ຂອງນາງ Xiao Hoa Michelle Ching.

ພໍ່​ແມ່​ຂອງ​ນາງ Ching ​ເປັນ​ອົບ​ພະຍົບມາ​ຈາກ​ປະ​ເທດ​ລາວ. ​ເຂົາ​ເຈົ້າ​ໄດ້​ນຳ ພາ​ລູກ​ສາວ​ສອງ​ຄົນ​ມາຢູ່ສະ​ຫະລັດ. ນາງ Ching ລູກ​ສາວ​ຜູ້​ທີ່​ສາມແລະ​ເປັນ ລູກ​ສາວ​ຫລ້າ ​ແມ່ນ​ຜູ້​ດຽວ​ເທົ່າ​ນັ້ນ ​ທີ່​ເກີດ​ຢູ່​ໃນ​ສະຫະລັດ. ນາງ​ກ່າວ​ວ່າ ການ​ເອົາ​ໂຕ​ລອດ​ຢູ່​ໃນ​ສະຫະລັດ ​ບໍ່ແມ່ນຂອງ​ງ່າຍໆ​ສຳລັບພໍ່​ແມ່​ຂອງ​ນາງ​ເລີຍ.

ນາງ​ກ່າວ​ວ່າ “​ເຂົາ​ເຈົ້າ​ມາ​ທີ່​ນີ້ ​ແລະ​ເຂົາ​ເຈົ້າ​ໄດ້​ດິ້ນລົນ​ແທ້​ໆ. ດິ້ນລົນຈົນ​ເທົ່າ ທຸກ​ວັນ​ນີ້ ບໍ່​ມີ​ຫລາຍ​ສິ່ງ​ຫລາຍ​ຢ່າງ ບໍ່​ມີ​ຊັບ​ສົມບັດ​ໃດໆ ບໍ່​ມີ​ສິ່ງ​ຂອງມີຄ່າທີ່​ຈະ​ອ້າງອວດ​ ​ເພື່ອຈະ​ເວົ້າ​ວ່າ ພວກ​ເຮົາ​ໄດ້​ສ້າງ​ຄວາ​ມຮັ່ງມີ ຫລື​ສ້າງ​ໝັ້ນຄົງ​ຂອງ ພວກ​ເຮົາ​ແລ້ວ.”

ໃນ​ຂະນະ​ທີ່​ພວມເຕີບ​ໃຫຍ່​ຢູ່​ນັ້ນ ນາງ Ching ​ເອື້ອຍຂອງນາງ​ສອງ​ຄົນ ​ແລະ​ພໍ່ແມ່​ໄດ້​ຍົກ ຍ້າຍ​ຫລາຍ​ເທື່ອ ​ໄປຢູ່ຫລາຍເມືອງ​ໃນ​ສະຫະລັດ. ນາງ​ຈື່​ໄດ້​ວ່າ​ມັນ​ໄດ້​ມີ​ຄວາມ​ຍາກ​ລຳ ບາກ​ພຽງ​ໃດ​ກັບ​ໂຮ​ງຮຽນ​ຂອງ​ນາງ.

ນາງ​ກ່າວ​ວ່າ “ສິ່ງ​ແວດ​ລ້ອມ​ຄື​ກັນ​ກັບ​ຢູ່​ໃນ​ຄຸກ. ມີ​ດິ້ວ​ເຫລັກ​ຢູ່​ທຸກໆ​ປ່ອງຢ້ຽມ. ພວກ​ນາຍ​ຄູ​ມັກ​ຈະ​ບໍ່​ມາ​ປາກົດ​ໂຕ​ໃນ​ໂຮງ​ຮຽນ.”

ນາງ Ching ກ່າວ​ວ່າ ນາງ​ຕ້ອງການ​ຢ່າ​ກ​ເຮັດ​ໃຫ້ມີ​ຄວາມ​ແຕກ​ຕ່າງ ​ເພາະສະ​ນັ້ນ​ນາງໄດ້​ເລືອກ​ເອົາ​ການ​ສອນ​ຢູ່​ໂຮງຮຽນ​ຢູ່​ໃນເທດສະບານ. ຢູ່​ທີ່​ນີ້ ນາງ​ໄດ້​ເຫັນ​ການ​ທ້າ​ທາຍ​ ທີ່​ພວກ​ນາຍຄູ​ປະ​ເຊີນ​ໜ້າ​ກັບ​ການ​ເຮັດ​ໃຫ້​ບັນດາ​ນັກຮຽນ​ໄດ້​ຮັບ​ການ​ສຶຶກສາຂອງ​ເຂົາ​ເຈົ້າ​ຫລາຍ​ທີ່​ສຸດ.

ນາງ​ກ່າວ​ວ່າ “ຫລາຍໆ​ໂຮງຮຽນ​ຍັງ​ພາກັນ​ສິດສອນ​ໂດຍ​ການ​ໃຊ້ແບບແຜນ​ຈາກ​ໂຮງງານ ບ່ອນ​ທີ່​ບົດຮຽນ​ດຽວ​ສອນ​ໝົດ​ຫ້ອງ ​ເຖິງ​ແມ່ນ​ວ່າ​ນັກຮຽນ​ແຕ່​ລະ​ຄົນ​ມີ​ຄວາມ​ແຕກ​ຕ່າງ ກັນ.”

ນາຍຄູ​ຊັ້ນ ປ. ​ສີ່​ ຍານາງ Chasmin Moses ກ່າວ​ວ່າ “ພວກ​ນັກຮຽນ​ຢູ່​ໃນ​ຫ້ອງ​ຮຽນ​ຂອງ​ຂ້າພະ​ເຈົ້າ ພາກັນ​ອ່ານ​ຈາກ​ຊັ້ນ​ອານຸບານ​ຈົນ​ຮອດຊັ້ນ ປ. ​ຫ້າ” ມັນ​ຫຍຸ້ງ​ຍາກ​ຫຼາຍທີ່​ຈະ​ເປັນ​ນາຍຄູ​ທີ່​ດີ​ເລີດ​ສາ​ມ​າດເທົ່າ​ທີ່​ເຮັດ​ໄດ້​ສຳລັບບັນດານັກຮຽນ​ເຫລົ່າ​ນີ້ ທີ່​ອ່ານ​ຢູ່​ໃນ​ລະດັບ​ແຕກ​ຕ່າງ​ກັນ.

ຍານາງ Moses ຜູ້​ທີ່​ເຮັດ​ວຽກໃນ​ເມືອງ Oakland ບ່ອນ​ທີ່ສ່ວນ​ໃຫຍ່ ​ຂອງ ພວກ​ນັກຮຽນເປັນ​ຄົນ​ຜີວດຳຫລື​ຄົນ​ມາ​ຈາກ​ອາ​ເມຣິກາ​ກາງ​ແລະ​ອາ​ເມ​ຣິກາ​ໃຕ້ ​ແລະ​ມາ​ຈາກ​ຄອບຄົວ​ທີ່​ມີ​ລາຍ​ໄດ້​ຕໍ່າ ກ່າວ​ວ່າ “ການ​ສອນ​ປີ​ທຳ​ອິດ​ຂອງ​ຂ້ອຍນັ້ນ ຂ້ອຍ​ບໍ່​ຮູ້ຈັກ​ວ່າຈະ​ເຮັດ​ຫຍັງ.”

ຄຳ​ຕອບ​ຂອງ​ນາງ Ching ກໍ​ຄື Mobile application ທີ່​ມີໜ້າ​ທີ່​ເປັນ​ຄື​ກັນ​ກັບ​ຄູ​ຝຶກ​ຫລື​ຜູ້​ຊ່ອຍ​ສ່ວນ​ຕົວ​ສຳລັບ​ພວກ​ນາຍຄູ ຂະນະ​ທີ່​ພວກ​ເຂົາ​ເຈົ້າ​ເຮັດ​ວຽກ​ກັບ ນັກຮຽນ​ທີ່​ກຳລັງ​ຮຽນ​ອ່ານ.

ໂດຍ​ມີ​ຄວາມ​ຄິດ​ຢ່າງ​ຫຼວງຫຼາຍ​ແຕ່​ບໍ່​ມີ​ພື້ນຖານ​ທາງ​ດ້ານ​ເທັກ​ນິກ ນາງ Ching ຈຶ່ງ​ໄດ້​ຈຶ່ງ​ຮ່ວມ​ສົມທົບ​ກັບ​ພວກ​ນັກ​ຊ່ຽວຊານ​ດ້ານ​ເທັກ​ນິກຈາກ Silicon Valley ​ເພື່ອ​ສ້າງ​ app ​ເອີ້ນວ່າ Literator ຊຶ່ງ app ດັ່ງກ່າວຈະ​ສະໜອງ​ຄຳ​ແນະນຳ ຕໍ່​ພວກ​ນັກຮຽນ​ເປັນ​ສ່ວນ​ບຸກຄົນ ອີງ​ຕາມ​ຄວາມ​ສາມາດ​ໃນ​ການ​ອ່ານ​ຂອງ​ພວກ​ເຂົາ ​ແລະ​ໄດ້ສະ​ແດງ​ໃຫ້​ພວກ​ນາຍຄູ​ແຕ່ລະຄົນ​ເຫັນ​ເຖິງ​ຈຸດ​ອ່ອນ​ແລະ​ຈຸດ​ແຂງ ຂອງ​ພວກ​ນັກຮຽນ.

ທ່ານອາດຈະມັກເລື້ອງນີ້ຄືກັນ

XS
SM
MD
LG