ໃນປີທໍາອິດຂອງລັດຖະບານຂອງທ່ານນັ້ນ ປະທານປະເທດຈີນ
ທ່ານ ຊີ ຈິນຜິງ ໄດ້ອວດອ້າງເຖິງການດໍາເນີນຄວາມພະຍາຍາມ
ເພື່ອກໍາຈັດການສໍ້ລາດບັງຫຼວງໃນກຸ່ມເຈົ້າໜ້າທີ່ລະດັບສູງຂອງ
ຈີນ. ຄວາມພະຍາຍາມ ເພື່ອຕັດຄວາມຟຸມເຟືອຍ ຂອງລັດຖະ
ບານລົງ ແລະຈັດການ ກັບພວກເຈົ້າໜ້າທີ່ ລະດັບສູງ ທີ່ທຸດຈະ
ລິດນັ້ນໄດ້ເຮັດໃຫ້ທ່ານໄດ້ຮັບຄໍາຍ້ອງຍໍ ແລະປະສົບຜົນສໍາເລັດ
ບາງປະການ ແຕ່ບາງຄົນກໍເວົ້າວ່າ ທ່ານຍັງຕ້ອງ ໄດ້ເຮັດອີກ
ຫຼາຍສິ່ງຫຼາຍຢ່າງຢູ່. ຜູ້ສື່ຂ່າວວີໂອເອ ບິລ ໄອ ລາຍງານເລຶ່ອງ
ນີ້ຈາກປັກກິ່ງ ຊຶ່ງທອງປານ ຈະນໍາມາສະເໜີທ່ານ ໃນອັນດັບ
ຕໍ່ໄປ
ທ່ານ He Bing ນັກວິຊາການດ້ານກົດໝາຍ ປະຈໍາມະວິທະຍາໄລລັດຖະສາດການເມືອງ
ແລະກົດໝາຍຂອງຈີນ ເວົ້າວ່າ ວິທີທາງສໍາຄັນຢ່າງນຶ່ງ ທີ່ປະທານ ຊີ ຈິນຜິງ ພະຍາຍາມ
ທີ່ຈະນໍາເອົາຄວາມເປັນລະບຽບຮຽບຮ້ອຍ ມາສູ່ຖັ້ນແຖວຂອງພວກຄອມມີວນີສຈີນ ກໍຄືການຈັບພວກເຈົ້າໜ້າທີ່ທີ່ສໍ້ລາດບັງຫຼວງທັງຫຼາຍ ເຂົ້າຄຸກ ຈາກຕັ້ງແຕ່ການດໍາເນີນຄະດີ
ເຈົ້າໜ້າທີ່ລະດັບສູງ ເຊັ່ນທ່ານ Bo Xilai ລົງໄປຫາເຈົ້າໜ້າທີ່ລະດັບຕໍ່າໆ ຊຶ່ງວິທີການຂອງ
ທ່ານ ຊີ ນັ້ນ ແມ່ນແຕກຕ່າງກັບການປຸກ ລະດົມຕໍ່ຕ້ານການສໍ້ລາດບັງຫຼວງ ໃນເມື່ອກ່ອນ.
ທ່ານ ບິງ ເວົ້າວ່າ: “ໃນໄລຍະນຶ່ງປີຜ່ານມານີ້ ມີເຈົ້າໜ້າທີ່ລະດັບຮອງລັດຖະມົນຕີ
ຫຼືສູງກວ່ານັ້ນ ປະມານ 10 ຫາ 20 ຄົນ ຖືກຈັບກຸມ. ນັບວ່າມັນເປັນກວດລ້າງທີ່
ຮຸນແຮງສົມຄວນ. ໃຜຈະເວົ້າເລຶ່ອງການກວດລ້າງການສໍ້ລາດບັງຫຼວງກໍໄດ້
ແຕ່ສິ່ງສໍາຄັນ ກໍຄືຈັບກຸມພວກໃດທີ່ສໍ້ລາດບັງຫຼວງໃຫ້ໄດ້.”
ນອກນີ້ແລ້ວ ບັນດາເຈົ້າໜ້າທີ່ຈີນຍັງຕ້ອງປະເຊີນ ກັບການຖືກຈັບຕາເບິ່ງໂດຍປະຊາ
ຊົນເພີ່ມຂຶ້ນ. ລາຍງານຂອງສະຖານີໂທລະພາບແຫ່ງນຶ່ງຂອງປັກກິ່ງ ກ່ຽວກັບການຈັດ ງານລ້ຽງງານແຕ່ງງານ ຢ່າງເອີກກະເຫຼີກ ສາມມື້ຕິດກັນ ໃຫ້ລູກຊາຍ ຂອງເຈົ້າໜ້າທີ່ທ້ອງຖິ່ນຄົນນຶ່ງ ໄດ້ຍັງຜົນໃຫ້ມີການປ້ອຍດ່າຈາກມະຫາຊົນຢ່າງກວ້າງຂວາງ ຊຶ່ງໃນເວລາຕໍ່ມາ ຜູ້ກ່ຽວກໍຖືກປົດອອກຈາກຕໍາແໜ່ງ.
ແຫຼ່ງຂ່າວບາງແຫ່ງ ເຊັ່ນ ໂທລະພາບຊ່ອງ Dragon TV ຂອງເມືອງ ຊຽງໄຮ້ ໄດ້ປອມ ຕົວໄປສືບຂ່າວ ເພື່ອສະແດງໃຫ້ເຫັນວ່າ ບັນດາເຈົ້າໜ້າທີ່ທັງຫຼາຍຍັງພາກັນຊອກຫາວິທີຕ່າງໆ ເພື່ອຫຼີກລ່ຽງຂໍ້ຫ້າມຈັດງານລ້ຽງໃຫຍ່ໂຕ ແລະໃຊ້ເງິນຫຼວງຢ່າງບໍ່ຖືກບໍ່ຕ້ອງ ນັ້ນ ຊຶ່ງທ່ານ He Bing ມີຄວາມເຫັນອີກວ່າ:
ທ່ານ ບິງ ເວົ້າວ່າ: “ເລຶ່ອງການຍຸຕິການໃຊ້ຈ່າຍເງິນຫຼວງຢ່າງບໍຖືກຕ້ອງ ແລະ
ການຈັດງານລ້ຽງນັ້ນ ແມ່ນເປັນບັນຫາທີ່ເຮັດບໍ່ໄດ້ມາດົນນານແລ້ວ ແຕ່ໃນ
ໄລຍະນຶ່ງປີຜ່ານມານີ້ ເຮົາໄດ້ເຫັນວ່າມີການປັບປຸງດີຂຶ້ນແດ່. ຕົວຢ່າງ ທຸລະ
ກິດຂອງພວກຮ້ານອາຫານໃຫຍ່ໆ ໄດ້ຖືກຕັດລົງເກືອບວ່າເຄິ່ງນຶ່ງ.”
ຢູ່ຖະໜົນ Yuetan ຂອງປັກກິ່ງ ທີ່ຮູ້ກັນອີກຊື່ນຶ່ງວ່າ ຖະໜົນກະຊວງ ຍ້ອນວ່າມີຕຶກໂຮງ
ການລັດຖະບານຫຼາຍແຫ່ງ ຕັ້ງລຽນກັນຢູ່ນັ້ນ ພວກຮ້ານຂາຍເຫຼົ້າລາຄາແພງໆຂອງຈີນ
ເວົ້າວ່າ ປີນີ້ເຫຼົ້າບໍ່ຄ່ອຍໄດ້ຂາຍດີປານໃດ. ຜູ້ຈັດການຮ້ານອາຫານຈັດງານລ້ຽງລາຄາ
ແພງແຫ່ງນຶ່ງ ບໍ່ຍອມໃຫ້ຖ່າຍຮູບ ແຕ່ກໍເວົ້າວ່າ ທຸລະກິດແມ່ນຕົກຕໍ່າລົງປະມານ 30 ເປີເຊັນ
ແລະບັດນີ້ ທາງຮ້ານອາຫານກໍໄດ້ເອົາຊັ້ນເທິງໃຫ້ຄົນເຊົ່າ.
ນັກເສດຖະສາດ Hu Xingdou ເວົ້າວ່າ ເສດຖະກິດທີ່ຕຶງຄຽດແບບນັ້ນ ເຖິງແມ່ນຈະສ້າງຄວາມເຈັບປວດໃຫ້ແກ່ບາງພາກສ່ວນ ແຕ່ກໍນັບວ່າເປັນສິ່ງທີ່ດີ.
ທ່ານ ຫູ ຊິງໂດ ເວົ້າວ່າ: “ຄ່າໃຊ້ຈ່າຍດ້ານການບໍລິຫານປະເທດຂອງຈີນແມ່ນສູງ
ຫຼາຍ. ອີງຕາມສະຖິຕິຂອງທາງການນັ້ນ ປະມານ 25 ເປີເຊັນຂອງລາຍຮັບຂອງ
ລັດຖະບານ ແມ່ນເປັນຄ່າໃຊ້ຈ່າຍໃນການບໍລິຫານປະເທດ. ນັກວິຊາການບາງ
ຄົນຄິດວ່າ ຫຼາຍກວ່ານັ້ນຊໍ້າ ຄືປະມານ 35 ເປີເຊັນ ແລະກໍຍັງຮອດມີຄົນທີ່ຄິດ
ວ່າ ຫຼາຍເຖິງ 50 ເປີເຊັນ. ສະນັ້ນ ກໍໝາຍຄວາມວ່າ ເຄິ່ງນຶ່ງ ຫຼືປະມານເຄິ່ງນຶ່ງ
ຂອງຄ່າໃຊ້ຈ່າຍທັງໝົດຂອງຫຼວງ ແມ່ນເປັນຄ່າໃຊ້ຈ່າຍຕ່າງໆຂອງລັດຖະບານ
ທັງນັ້ນ.”
ໃນກອງປະຊຸມຫຼາຍບັ້ນເມື່ອບໍ່ດົນມານີ້ ບັນດາຜູ້ນໍາຈີນໄດ້ເຫັນພ້ອມ ທີ່ຈະປ່ອຍໃຫ້ມີຄວາມໂປ່ງໃສຫຼາຍຂຶ້ນ ໃນດ້ານການເງິນຂອງລັດຖະບານ ແຕ່ ທ່ານ Hu Xingdou ເວົ້າວ່າ ຍັງຈໍາເປັນຕ້ອງມີການຄວບຄຸມກໍາກັບເບິ່ງນໍາ ໂດນກຸ່ມທີ່ເປັນອິດສະຫຼະ.
ທ່ານ Hu Xingdou ເວົ້າວ່າ: “ຍ້ອນວ່າລັດຖະບານບໍ່ສາມາດລິເລີ່ມການປະຕິຮູບ
ການເມືອງໃດໆໄດ້ເທື່ອນັ້ນ ມັນກໍເປັນເລຶ່ອງຍາກທີ່ສຸດ ທີ່ຈະປະຕິຮູບລະບົບຕໍ່
ຕ້ານການສໍ້ລາດບັງຫຼວງໄດ້. ມັນຍາກທີ່ຈະມີອົງກອນອິດສະຫຼະ ເພື່ອຕິດຕາມ
ຄວບຄຸມເບິ່ງການສໍ້ລາດບັງຫຼວງຂອງເຈົ້າໜ້າທີ່ຂອງພັກໄດ້ ມັນ ຍາກທີ່ຈະມີ
ເສລີພາບໃນການອອກຂ່າວ ແລະກໍຍາກທີ່ຈະມີກົດໝາຍບັງຄັບ ໃຫ້ເປີດເຜີຍ
ຊັບສິນຂອງເຈົ້າໜ້າທີ່.“
ພວກນັກວິເຄາະເວົ້າວ່າ ແທນທີ່ຈະໃຊ້ວິທີປາບປາມການສໍ້ລາດບັງຫຼວງ ຕັ້ງແຕ່ເຈົ້າໜ້າ
ທີ່ຂັ້ນເທິງລົງມາ ຂໍ້ຈໍາກັດຮັດແຄບເສລີພາບໃນການສະແດງຄວາມຄິດຄວາມເຫັນ ກໍໜ້າ
ຈະຖືກໂຍະຍານລົງແດ່ ເພື່ອປ່ອຍໃຫ້ມະຫາຊົນມີບົດບາດຫຼາຍຂຶ້ນ ໃນການຕິດຕາມ
ເບິ່ງແລະຍັບຍັ້ງຄວາມປະພຶດອັນບໍ່ຖືກຕ້ອງ ຂອງພວກເຈົ້າໜ້າທີ່ລັດຖະບານນັ້ນ.
ທ່ານ ຊີ ຈິນຜິງ ໄດ້ອວດອ້າງເຖິງການດໍາເນີນຄວາມພະຍາຍາມ
ເພື່ອກໍາຈັດການສໍ້ລາດບັງຫຼວງໃນກຸ່ມເຈົ້າໜ້າທີ່ລະດັບສູງຂອງ
ຈີນ. ຄວາມພະຍາຍາມ ເພື່ອຕັດຄວາມຟຸມເຟືອຍ ຂອງລັດຖະ
ບານລົງ ແລະຈັດການ ກັບພວກເຈົ້າໜ້າທີ່ ລະດັບສູງ ທີ່ທຸດຈະ
ລິດນັ້ນໄດ້ເຮັດໃຫ້ທ່ານໄດ້ຮັບຄໍາຍ້ອງຍໍ ແລະປະສົບຜົນສໍາເລັດ
ບາງປະການ ແຕ່ບາງຄົນກໍເວົ້າວ່າ ທ່ານຍັງຕ້ອງ ໄດ້ເຮັດອີກ
ຫຼາຍສິ່ງຫຼາຍຢ່າງຢູ່. ຜູ້ສື່ຂ່າວວີໂອເອ ບິລ ໄອ ລາຍງານເລຶ່ອງ
ນີ້ຈາກປັກກິ່ງ ຊຶ່ງທອງປານ ຈະນໍາມາສະເໜີທ່ານ ໃນອັນດັບ
ຕໍ່ໄປ
ທ່ານ He Bing ນັກວິຊາການດ້ານກົດໝາຍ ປະຈໍາມະວິທະຍາໄລລັດຖະສາດການເມືອງ
ແລະກົດໝາຍຂອງຈີນ ເວົ້າວ່າ ວິທີທາງສໍາຄັນຢ່າງນຶ່ງ ທີ່ປະທານ ຊີ ຈິນຜິງ ພະຍາຍາມ
ທີ່ຈະນໍາເອົາຄວາມເປັນລະບຽບຮຽບຮ້ອຍ ມາສູ່ຖັ້ນແຖວຂອງພວກຄອມມີວນີສຈີນ ກໍຄືການຈັບພວກເຈົ້າໜ້າທີ່ທີ່ສໍ້ລາດບັງຫຼວງທັງຫຼາຍ ເຂົ້າຄຸກ ຈາກຕັ້ງແຕ່ການດໍາເນີນຄະດີ
ເຈົ້າໜ້າທີ່ລະດັບສູງ ເຊັ່ນທ່ານ Bo Xilai ລົງໄປຫາເຈົ້າໜ້າທີ່ລະດັບຕໍ່າໆ ຊຶ່ງວິທີການຂອງ
ທ່ານ ຊີ ນັ້ນ ແມ່ນແຕກຕ່າງກັບການປຸກ ລະດົມຕໍ່ຕ້ານການສໍ້ລາດບັງຫຼວງ ໃນເມື່ອກ່ອນ.
ທ່ານ ບິງ ເວົ້າວ່າ: “ໃນໄລຍະນຶ່ງປີຜ່ານມານີ້ ມີເຈົ້າໜ້າທີ່ລະດັບຮອງລັດຖະມົນຕີ
ຫຼືສູງກວ່ານັ້ນ ປະມານ 10 ຫາ 20 ຄົນ ຖືກຈັບກຸມ. ນັບວ່າມັນເປັນກວດລ້າງທີ່
ຮຸນແຮງສົມຄວນ. ໃຜຈະເວົ້າເລຶ່ອງການກວດລ້າງການສໍ້ລາດບັງຫຼວງກໍໄດ້
ແຕ່ສິ່ງສໍາຄັນ ກໍຄືຈັບກຸມພວກໃດທີ່ສໍ້ລາດບັງຫຼວງໃຫ້ໄດ້.”
ນອກນີ້ແລ້ວ ບັນດາເຈົ້າໜ້າທີ່ຈີນຍັງຕ້ອງປະເຊີນ ກັບການຖືກຈັບຕາເບິ່ງໂດຍປະຊາ
ຊົນເພີ່ມຂຶ້ນ. ລາຍງານຂອງສະຖານີໂທລະພາບແຫ່ງນຶ່ງຂອງປັກກິ່ງ ກ່ຽວກັບການຈັດ ງານລ້ຽງງານແຕ່ງງານ ຢ່າງເອີກກະເຫຼີກ ສາມມື້ຕິດກັນ ໃຫ້ລູກຊາຍ ຂອງເຈົ້າໜ້າທີ່ທ້ອງຖິ່ນຄົນນຶ່ງ ໄດ້ຍັງຜົນໃຫ້ມີການປ້ອຍດ່າຈາກມະຫາຊົນຢ່າງກວ້າງຂວາງ ຊຶ່ງໃນເວລາຕໍ່ມາ ຜູ້ກ່ຽວກໍຖືກປົດອອກຈາກຕໍາແໜ່ງ.
ແຫຼ່ງຂ່າວບາງແຫ່ງ ເຊັ່ນ ໂທລະພາບຊ່ອງ Dragon TV ຂອງເມືອງ ຊຽງໄຮ້ ໄດ້ປອມ ຕົວໄປສືບຂ່າວ ເພື່ອສະແດງໃຫ້ເຫັນວ່າ ບັນດາເຈົ້າໜ້າທີ່ທັງຫຼາຍຍັງພາກັນຊອກຫາວິທີຕ່າງໆ ເພື່ອຫຼີກລ່ຽງຂໍ້ຫ້າມຈັດງານລ້ຽງໃຫຍ່ໂຕ ແລະໃຊ້ເງິນຫຼວງຢ່າງບໍ່ຖືກບໍ່ຕ້ອງ ນັ້ນ ຊຶ່ງທ່ານ He Bing ມີຄວາມເຫັນອີກວ່າ:
ທ່ານ ບິງ ເວົ້າວ່າ: “ເລຶ່ອງການຍຸຕິການໃຊ້ຈ່າຍເງິນຫຼວງຢ່າງບໍຖືກຕ້ອງ ແລະ
ການຈັດງານລ້ຽງນັ້ນ ແມ່ນເປັນບັນຫາທີ່ເຮັດບໍ່ໄດ້ມາດົນນານແລ້ວ ແຕ່ໃນ
ໄລຍະນຶ່ງປີຜ່ານມານີ້ ເຮົາໄດ້ເຫັນວ່າມີການປັບປຸງດີຂຶ້ນແດ່. ຕົວຢ່າງ ທຸລະ
ກິດຂອງພວກຮ້ານອາຫານໃຫຍ່ໆ ໄດ້ຖືກຕັດລົງເກືອບວ່າເຄິ່ງນຶ່ງ.”
ຢູ່ຖະໜົນ Yuetan ຂອງປັກກິ່ງ ທີ່ຮູ້ກັນອີກຊື່ນຶ່ງວ່າ ຖະໜົນກະຊວງ ຍ້ອນວ່າມີຕຶກໂຮງ
ການລັດຖະບານຫຼາຍແຫ່ງ ຕັ້ງລຽນກັນຢູ່ນັ້ນ ພວກຮ້ານຂາຍເຫຼົ້າລາຄາແພງໆຂອງຈີນ
ເວົ້າວ່າ ປີນີ້ເຫຼົ້າບໍ່ຄ່ອຍໄດ້ຂາຍດີປານໃດ. ຜູ້ຈັດການຮ້ານອາຫານຈັດງານລ້ຽງລາຄາ
ແພງແຫ່ງນຶ່ງ ບໍ່ຍອມໃຫ້ຖ່າຍຮູບ ແຕ່ກໍເວົ້າວ່າ ທຸລະກິດແມ່ນຕົກຕໍ່າລົງປະມານ 30 ເປີເຊັນ
ແລະບັດນີ້ ທາງຮ້ານອາຫານກໍໄດ້ເອົາຊັ້ນເທິງໃຫ້ຄົນເຊົ່າ.
ນັກເສດຖະສາດ Hu Xingdou ເວົ້າວ່າ ເສດຖະກິດທີ່ຕຶງຄຽດແບບນັ້ນ ເຖິງແມ່ນຈະສ້າງຄວາມເຈັບປວດໃຫ້ແກ່ບາງພາກສ່ວນ ແຕ່ກໍນັບວ່າເປັນສິ່ງທີ່ດີ.
ທ່ານ ຫູ ຊິງໂດ ເວົ້າວ່າ: “ຄ່າໃຊ້ຈ່າຍດ້ານການບໍລິຫານປະເທດຂອງຈີນແມ່ນສູງ
ຫຼາຍ. ອີງຕາມສະຖິຕິຂອງທາງການນັ້ນ ປະມານ 25 ເປີເຊັນຂອງລາຍຮັບຂອງ
ລັດຖະບານ ແມ່ນເປັນຄ່າໃຊ້ຈ່າຍໃນການບໍລິຫານປະເທດ. ນັກວິຊາການບາງ
ຄົນຄິດວ່າ ຫຼາຍກວ່ານັ້ນຊໍ້າ ຄືປະມານ 35 ເປີເຊັນ ແລະກໍຍັງຮອດມີຄົນທີ່ຄິດ
ວ່າ ຫຼາຍເຖິງ 50 ເປີເຊັນ. ສະນັ້ນ ກໍໝາຍຄວາມວ່າ ເຄິ່ງນຶ່ງ ຫຼືປະມານເຄິ່ງນຶ່ງ
ຂອງຄ່າໃຊ້ຈ່າຍທັງໝົດຂອງຫຼວງ ແມ່ນເປັນຄ່າໃຊ້ຈ່າຍຕ່າງໆຂອງລັດຖະບານ
ທັງນັ້ນ.”
ໃນກອງປະຊຸມຫຼາຍບັ້ນເມື່ອບໍ່ດົນມານີ້ ບັນດາຜູ້ນໍາຈີນໄດ້ເຫັນພ້ອມ ທີ່ຈະປ່ອຍໃຫ້ມີຄວາມໂປ່ງໃສຫຼາຍຂຶ້ນ ໃນດ້ານການເງິນຂອງລັດຖະບານ ແຕ່ ທ່ານ Hu Xingdou ເວົ້າວ່າ ຍັງຈໍາເປັນຕ້ອງມີການຄວບຄຸມກໍາກັບເບິ່ງນໍາ ໂດນກຸ່ມທີ່ເປັນອິດສະຫຼະ.
ທ່ານ Hu Xingdou ເວົ້າວ່າ: “ຍ້ອນວ່າລັດຖະບານບໍ່ສາມາດລິເລີ່ມການປະຕິຮູບ
ການເມືອງໃດໆໄດ້ເທື່ອນັ້ນ ມັນກໍເປັນເລຶ່ອງຍາກທີ່ສຸດ ທີ່ຈະປະຕິຮູບລະບົບຕໍ່
ຕ້ານການສໍ້ລາດບັງຫຼວງໄດ້. ມັນຍາກທີ່ຈະມີອົງກອນອິດສະຫຼະ ເພື່ອຕິດຕາມ
ຄວບຄຸມເບິ່ງການສໍ້ລາດບັງຫຼວງຂອງເຈົ້າໜ້າທີ່ຂອງພັກໄດ້ ມັນ ຍາກທີ່ຈະມີ
ເສລີພາບໃນການອອກຂ່າວ ແລະກໍຍາກທີ່ຈະມີກົດໝາຍບັງຄັບ ໃຫ້ເປີດເຜີຍ
ຊັບສິນຂອງເຈົ້າໜ້າທີ່.“
ພວກນັກວິເຄາະເວົ້າວ່າ ແທນທີ່ຈະໃຊ້ວິທີປາບປາມການສໍ້ລາດບັງຫຼວງ ຕັ້ງແຕ່ເຈົ້າໜ້າ
ທີ່ຂັ້ນເທິງລົງມາ ຂໍ້ຈໍາກັດຮັດແຄບເສລີພາບໃນການສະແດງຄວາມຄິດຄວາມເຫັນ ກໍໜ້າ
ຈະຖືກໂຍະຍານລົງແດ່ ເພື່ອປ່ອຍໃຫ້ມະຫາຊົນມີບົດບາດຫຼາຍຂຶ້ນ ໃນການຕິດຕາມ
ເບິ່ງແລະຍັບຍັ້ງຄວາມປະພຶດອັນບໍ່ຖືກຕ້ອງ ຂອງພວກເຈົ້າໜ້າທີ່ລັດຖະບານນັ້ນ.
