ລິ້ງ ສຳຫລັບເຂົ້າຫາ

logo-print

ອົງການອະນາໄມໂລກ ເປັນຫ່ວງ ກ່ຽວກັບ ບັນຫາໂຣກຈິດ ທີ່ຖືກປະປ່ອຍ ຢູ່ໃນ ກຳປູເຈຍ


ກຳ​ປູ​ເຈຍມີ​ສະ​ຖິຕິກ່ຽວ​ກັບ​ບັນຫາ​ໂຣກ​ຈິດ ຮ້າຍແຮງທີ່​ສຸດໃນ​
ໂລກ ​ສ່ວນ ໃຫຍ່ ກໍເນື່ອງ​ມາ​ຈາກຜົນ​ກະທົບ ໃນການ​ຂ້າ​ລ້າງ
​ ໂດຍອຳນາດການປົກຄອງ ປອນ​ປົດ ຂອງພວກຂະ​ເໝນ​ແດງ.
ບໍ່​ພໍ​ພຽງ​ແຕ່ເທົ່າ​ນັ້ນ ​ການໃຫ້​ບໍລິການດ້ານ ໂຣກ​ຈິດ ຍັງບໍ່ໄດ້
ຮັບເງິນສະໜັບສະໜຸນພຽງພໍ ​ແລະ​ອີງຕາມ​ຄຳ​ເວົ້າ​ ຂອງອົງ
ການ​ອະນາ​ໄມ​ໂລກແລ້ວ ແມ່ນ “ບໍ່ໄດ້ຮັບການເອົາໃຈໃສ່ ຢ່າງ
​ຮ້າຍ​ແຮງ.” ມີ​ຮ່ອງ​ຮອຍເລັກນ້ອຍທີ່ສະແດງໃຫ້ເຫັນວ່າ ຈະມີ
ການ​ປ່ຽນ​ແປງ​ໃນ​ອະນາ​ຄົດອັນໃກ້​ນີ້ ສ່ວນນຶ່ງກໍເນື່ອງຈາກ​ວ່າ
ບັນດາ​ນັກສຶກສາ​ກຳປູ​ເຈຍ ພາກັນ​ມີ​ຄວາມ​ສົນ​ໃຈທາງ​ດ້ານ
ວິຊາອາຊີບຈິດຕະແພດ. Robert Carmichael ມີລາຍງານ
ຈາກ ນະຄອນພະນົມ​ເປັນ ຊຶ່ງ​ ກິ່ງ​ສະຫວັນ ຈະ​ນຳ​ມາສະ​ເໜີ​ທ່ານ.

ຄລິ​ນິກຈິດຕະແພດ ຢູ່​ໂຮງໝໍ ຂະແມ-​ໂຊ​ວຽດ ຂອງລັດຖະບານ ໃນນະຄອນ​ຫຼວງພະນົມ​ເປັນ
​ເປັນ​ບ່ອນ​ນຶ່ງ​ທີ່​ມີ​ຄົນມາ​ປິ່ນ​ປົວ​ຫລາຍ​ທີ່​ສຸດໃນກຳປູ​ເຈຍ.

​ຜູ້ອຳນວຍການ​ຄລິ​ນິກ ທ່ານ Yem Sobotra ກ່າວ​ວ່່າ ເມື່ອສິບ​ຫ້າ​ປີ​ກ່ອນ ​ມີຜູ້ມາປິ່ນປົວ​ລະຫວ່າງ 70 ຫາ 150 ຄົນຕໍ່ມື້. ​ເວລາວີໂອ​ເອ ໄປ​ຢ້ຽມຢາມ​ໃນ​ເດືອນ​ເມສາທີ່​ຜ່ານ​ມາ ມີ
ຜູ້ໄປປົວສະ​ເຫ​ລ່ຍ​ແລ້ວ 400 ຄົນໃນແຕ່ລະມື້.

ມີ​ການ​ບໍລິການ​ໃນດ້ານໂຣກຈິດແຕ່ພຽງ​ເລັກ​ນ້ອຍ​ຢູ່​ຕາມ​ຊົນນະບົດ ບ່ອນ​ທີ່​ຊາວ​ກຳປູ
​ເຈຍສ່ວນໃຫຍ່ພາກັນອາ​ໄສ​ຢູ່ ​ແລະບັນດາ​ຄົນ​ປ່ວຍ ​ຕ້ອງ​ໄດ້ພາກັນ​ມາຫາ ສູນ​ກາງ
ແບບນີ້ເພື່ອ​ທຳ​ການ​ປິ່ນປົວ.

​ແຕ່​ວ່າມີຈິດຕະແພດພຽງ​ແຕ່ 10 ຄົນ​ ​ແລະ​ນາງພະຍາບານ​ໃນຈຳນວນເກືອບທໍ່ກັນ ຄົນ​ປ່ວຍເກືອບທັງໝົດ ມີເວລາ​ພຽງ​ແຕ່​ບໍ່​ເທົ່າ​ໃດ​ນາ​ທີ ກ່ອນ​ອອກ​ຈາກໂຮງ ໝໍໄປພ້ອບ​ກັບ
ຢາກ່ອງ​ນຶ່ງ.

ດຣ​. Yom Sobotra ກ່າວ​ວ່າ ​ເຂົາ​ເຈົ້າ​ສາມາ​ດ​ເຮັດ​ໃຫ້​ດີ​ຂື້ນໄດ້ກວ່ານີ້ ຖ້າໄດ້ ຮັບທຶນ
ຮອນຕື່ມຂຶ້ນ.

ດຣ. Yom Sobotra ກ່າວວ່າ “ພວກ​ເຮົາ​ບໍ່​ມີ​ເວລາ​ພຽງພໍ ທີ່​ຈະໃຫ້ບໍລິການ​ຢ່າງດີ​
ແກ່​ເຂົາ​ເຈົ້າ ​ໂດຍ​ສະ​ເພາະການ​ປິ່ນປົວໂຣກ​ຈິດ. ພວກ​ເຮົາ​ພຽງ​ແຕ່​ໃຫ້​ຄຳແນະ
ນຳ​ເລັກ​ໆ​ນ້ອຍໆ ​ໃຫ້ຄຳປຶກສາສັ້ນໆ ກ່ຽວກັບຟື້ນຟູສະພບຈິດແກ່​ຄົນ​ປ່​ວຍ.
ນັ້ນແມ່ນ​ຄວາມຄິດ​ຂອງຂ້າພະ​ເ​ຈົ້າ ທີ່​ບໍ່ແມ່ນ​ການ​ບໍລິການ​ຢ່າງພຽງພໍ ບໍ່​ມີ​ຊັບ
ພະຍາກອນ​ມະນຸດຢ່າງພຽງພໍ.”

ບັນຫາ​ທ້າ​ທາຍ ​ບໍ່​ໄດ້​ຢຸດ​ຢູ່​ທີ່​ນັ້ນ ກຳ​ປູ​ເຈຍ ຂາດ​ຢາ​ສະ​ໄໝໃໝ່ ທີ່ໃຊ້ກັນຢູ່​ໃນ​ ຫວຽດ
ນາມ ​ແລະ​ໄທ ທີ່ເປັນປະ​ເທດ​ເພື່ອນ​ບ້ານ ​ບັນຫາໂດຍ​ສະ​ເພາະ ກໍແມ່ນ ໃນເວລາສັ່ງ​ຢາ
​ໃຫ້​ຄົນ​ປ່ວຍ ທີ່​ມີ​ສະພາບບັນຫາ​ຫົວ​ໃຈ.

ນອກນັ້ນ ກໍຍັງມີຄວາມ​ຕ້ອງການ​ຈິດຕະແພດຫລາຍ​ຂື້ນ ​ແຕ່ກໍມີບັນດາຊາວໜຸ່ມ ​ທີ່ເບິ່ງ
ຄື​ວ່າ​ມີ​ຄວາມ​ສົນ​ໃຈໃນເລື້ອງນີ້.

ໃນ​ທົ່ວ​ປະ​ເທດ ມີ​ພຽງ​ແຕ່​ນັກ​ສຶກສາ​ຫົກ​ຄົນ ທີ່​ກຳລັງ​ຮຽນວິຊານີ້ ຊຶ່ງ​ຈະໃຊ້​ເວລາ​ ຢູ່​ສາມ​
ປີ. ບັນດາ​ຜູ້​ຊ່່ຽວຊານ ​ໄດ້ຖິ້ມໂທດໃສ່​ເລື້ອງເງິນ​ເດືອນ​ຕຳ່ໂພດ ​ແລະ​ບັນຫາທ້າ​ທາຍ​
ຂອງ​ການ​ຮຽນ​ຈິດຕະແພດ.

ອົງການ TPO ກຳປູ​ເຈຍ ​ເປັນອົງການທີ່ໄດ້ຮັບ ຄວາມ​ເຄົາລົບ​ນັບຖືໃນດ້ານໂຣກຈິດ ທີ່
​ບໍ່​ຫວັງ​ຜົນ​ກຳ​ໄລ.

ດຣ. Chhim Sotheara ຫົວໜ້າອົງການ TPO ກ່າວ​ວ່າ ກຳປູ​ເຈຍ ມີ​ຄວາມ​ຕ້ອງການ​ຫລາຍຢ່າງ ແຕ່ມີຊັບພະ​ຍາກ​ອນ​ພຽງ​ເລັກນ້ອຍ ​ໂດຍ​ສະ​ເພາະຢູ່ຕາມ​ເຂດຊົນນະບົດ
​ແລະ​ ລັດຖະບານ​ກໍບໍ່ໄດ້ໃຫ້ການຊ່ວຍເຫລືອຢ່າງ​ພຽງພໍ.

​ໂຄ​ງການ​ທີ່​ມີການໂອນ​ຄວາມຊຳນິ​ຊຳນານ ອາດຈະຊ່ວຍ​ເຫລືອໄດ້.

ດຣ. Chhim Sotheara ກ່າວ​ວ່າ “ພວກ​ເຮົາ​ບໍ່​ມີ​ໃຜ​ເຂົ້າຮຽນ ​ໃນໂຄ​ງການ​ເຝິກ​ອົບຮົມດ້ານໂຣກຈິດ ​ເພາະສະ​ນັ້ນ ​ມັນ​ກໍ​ຈະ​ບໍ່​ເກີດ​ຂື້ນ. ຂ້າພະ​ເຈົ້າຄິດ​ວ່າ ການ​
ມອບ​ໂອນຄວາມ​ຊຳນິ​ຊຳນານ​ຈາກ ພວກນັກ​ຊ່ຽວຊານ​ດ້ານໂຣກຈິດ ​ໄປ​ຫານາຍ
ໝໍເຝິກແອບຫຼື GP ຈາກ GP ​ໄປ​ຫາ​ນາງພະຍາບານ ​ໄປ​ຫາ​ກຸ່ມ​ສະໜັບສະໜຸນ​ຢູ່ຕາມ​ໝູ່​ບ້ານ ບັນດາ​ໝໍ​ແຜນໂບຮານ ພະສົງອົງຄະເຈົ້າ ​ແມ່​ຊີ ​ແລະ​ທັງ​ໝົດ​ນີ້​
ຈະ​ເປັນ​ການ​ດີ.”

ຢູ່​ທີ່ ກະຊວງໂຣກຈິດ ​ແລະ​ຕິດສິ່ງເສບຕິດ ທີ່ຫາກໍສ້າງຕັ້ງຂຶ້ນໃໝ່ ຂອງລັດຖະບານ
ຮ​ອງຜູ້ອຳນວຍການ ດຣ. Muny Sothara ກ່າວ​ວ່າ ບັນຫາ​ຕ່າງໆ​ໄດ້​ດີ​ຂື້ນ​ຫວ່າງ​ບໍ່​
ເທົ່າ​ໃດ​ປີ​ທີ່​ຜ່ານ​ມາ ​ແຕ່​ກໍ​ຮັບ​ຮູ້ວ່າຍັງຕ້ອງ​ເພີ້​ມ​ເຕີມອີກຫຼາຍສິ່ງຫຼາຍຢ່າງ.

ດຣ. Muny Sothara ກ່າວ​ວ່າ “​ໃນ​ອະນາຄົດ​ນີ້ ພວກ​ເຮົາ​ຕ້ອງໄດ້​ປັບປຸງ​ຄຸນ​ນະພາ​ບ​
ຂອງບັນດາ​ພະນັກງານ​ທີ່​ໄດ້ຮັບການເຝິກແອບ​ຢູ່​ໃນ​ປັດຈຸບັນແທນແລະ ​ນອກນັ້ນຍັງ
ຕ້ອງໝູນໃຊ້ບັນດາ​ນາຍ​ໝໍທີ່ຈົບໃໝ່​ ​ແລະ​ນາງພະຍາບານ ​ເພື່ອ​ຈະ​ບໍລິຫານງານໜ່ວຍ​
ຈິດຕະແພດ​ຫລາຍ​ຂື້ນຢູ່​ໃນ​ເຂດ​ຕ່າງໆ.”

​ເຖິງ​ແມ່ນ​ວ່າ​ໄດ້​ມີຮ້ອງ​ຂໍ​ຊຳ້​ແລ້ວ ຊຳ້ອິກກໍຕາມ ແຕ່ບັນດາ​ເຈົ້າ​ໜ້າ​ທີ່ ກໍບໍ່​ສາມາດ​ບອກ
ວີ​ໂອ​ເອ ​ໄດ້​ວ່າມີນາ​ຍ​ໝໍ ​ແລະ​ນາງພະຍາບານ​ຈັກ​ຄົນ ທີ່​ໄດ້​ຮັບ​ການເຝິກ​ອົບຮົມກ່ຽວ
ກັບພື້ນຖານ​ຂອງໂຣກຈິດ.

​ແລະ​ຈາກການ​ໄດ້​ຮັບ​ທຶນ​ທີ່​ຢູ່ໃນ​ຂອບ​ເຂດຈຳກັດ ບາງ​ທີ ນຶ່ງ​ລ້ານ​ໂດລາ​ຕໍ່ປີນັ້ນ ຈຶ່ງມີ
ທ່າທາງວ່າ ບັນດາ​ຜູ້ຕ້ອງການຢາກໄດ້ຮັບບໍລິການ​ດ້ານໂຣກຈິດ​ທີ່​ດີ​ຂື້ນນັ້ນ ຄົງຈະ​ບໍ່
ໄດ້​ເຫັນ​ການ​ປັບ​ປຸງ​ໃຫ້​ດີຂື້ນ​ໃນ​ໄວໆນີ້ ແຕ່ຢ່າງໃດເລີຍ. ​

Cambodia has some of the world’s worst mental health statistics – largely due to the effects of Pol Pot’s murderous Khmer Rouge regime. Yet mental health services remain underfunded and – in the words of the World Health Organization – “critically neglected." There’s little sign of that changing in the near future, in part because few Cambodian students are interested in psychiatry as a career.

The psychiatric clinic at the government’s Khmer-Soviet Hospital in Phnom Penh is one of Cambodia’s busiest.

Fifteen years ago, said clinic director Yem Sobotra, it saw between 70 and 150 patients a day. When VOA visited in April, the daily average was 400.

With few mental health services in rural areas, where most Cambodians live, patients have to come to centers like this for treatment.

But with just 10 psychiatrists and as many nurses, most get just a few minutes before leaving with a bottle of pills.

Dr. Yem Sobotra said they could do better with more resources.

“So we [have] not much time to give good service for them – especially for psychotherapy. We just only [offer] some short [term] counseling, short [term] psychotherapy for the patient. That is my idea – not enough for service, not enough for human resources,” he said.

The challenges do not end there: Cambodia lacks the advanced drugs used in neighboring Vietnam and Thailand – a particular problem when prescribing for patients with heart conditions.

It also needs more psychiatrists – yet few youngsters seem interested.

Nationwide just six students are taking the three-year course. Experts blame low salaries and the challenges of studying psychiatry.

TPO-Cambodia is a respected mental health non-profit.

Dr. Chhim Sotheara, who heads TPO, said Cambodia had many needs, few resources – particularly in rural areas – and a government that was not doing enough.

A skills-transfer program would help, he said.

“We don’t have anyone enrolling in the psychiatry training program, so that’s not going to happen. So I think the transferring skills from the specialist psychiatrist to GP, GP to nurse, to village health support groups, traditional healers, the monks, the nuns – and all this would be good,” he said.

At the government’s newly formed Department of Mental Health and Substance Abuse, Deputy Director Dr. Muny Sothara said matters have improved in recent years, but acknowledged more was needed.

“For the coming future we need to improve the quality of the existing trained staff instead, and also additional mobilize new general practitioners and nurses in order to operate more mental health units in other sectors down,” he said.

Yet despite repeated requests, officials were unable to tell VOA how many doctors and nurses it has trained in mental health basics.

And with limited funds allocated – perhaps $1 million a year – it is unlikely that those in need of better mental health services will see improvements soon.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG