ລິ້ງ ສຳຫລັບເຂົ້າຫາ

logo-print

ກຳປູເຈຍ ປະສົບຜົນສຳເລັດ ໃນການເກັບກູ້ ລະເບີດ ບໍ່ທັນແຕກ ຢູ່ໃຕ້ນ້ຳ (ວີດີໂອ ພາສາລາວ)


Cambodian Underwater Mine Team Finds Success
please wait

No media source currently available

0:00 0:02:18 0:00

ຊົມວິດີໂອກ່ຽວກັບຂ່າວນີ້

ທີມດຳນັກນ້ຳທີມໜຶ່ງໃນກຳປູເຈຍ ທີ່ໄດ້ທຳ​ການຝຶກຊ້ອມດ້ວຍ ທຶນກະຊວງການຕ່າງປະເທດສະຫະລັດ ເພື່ອເກັບກູ້ ລະເບີິດ ທີ່ຍັງບໍ່ທັນແຕກຈາກແມ່ນ້ຳແລະຫ້ວຍຮ່ອງຕ່າງໆໄດ້ເສັດສິ້ນ
ພາລະກິດ ຄັ້ງທຳອິດຂອງພວກເຂົາ ຢ່າງເປັນຜົນສຳເລັດ.
ເມື່ອເດືອນພຶດສະພາທີ່ຜ່ານມາ ພວກເຂົາໄດ້ກູ້ເອົາລະເບີດ
ທີ່ຜະລິດຈາກສະຫະລັດອາເມຣິກາ ນ້ຳໜັກ 500 ປອນ ຫຼື
226 ກິ​ໂລກຣາມ ຊຶ່ງຖືກຖິ້ມລົງໃນສະໄໝສົງຄາມເຢັນຂອງ
ປະເທດ. ຊາວປະມົງຄົນໜຶ່ງ ໄດ້ແຈ້ງບອກທີມນັກດຳນ້ຳ ຫຼັງ
ຈາກທີ່ລາວໄດ້ວ່ານແຫໄປຕິດໜ່ວຍລະເບີດຊຶ່ງໄດ້ນອນຢູ່ໃນ
ນ້ຳຕື້ນ ບໍ່ໄກຈາກແຄມຝັ່ງມາເປັນເວລາ 40 ປີ. Robert
Carmichael ມີບົດລາຍງານເລື້ອງນີ້ໃຫ້ ວີໂອເອ ຈາກແຂວງ
ການດານ (Kandal) ປະເທດກຳປູເຈຍ ດັ່ງ ພຸດທະສອນ ຈະນຳ ເອົາລາຍລະອຽດ ມາສະເໜີທ່ານ.

ເບິ່ງວີດີໂອ ພາສາລາວ ກ່ຽວກັບລາຍງານນີ້:

ມັນແມ່ນຕອນເຊົ້າມື້ໜຶ່ງຢູ່ແມ່ນ້ຳຂອງ, ປະມານ 30 ກິໂລແມັດທາງພາກຕາເວັນອອກ ສຽງໃຕ້ ຂອງ​ນະຄອນພະນົມເປັນ, ເຮືອໂດຍສານຂ້າມຟາກ ກໍຂ້າມແມ່​ນ້ຳຂອງໄປ-ມາ ເປັນປົກກະຕິ.

ຢູ່ໃກ້ໆກັນນັ້ນ, ແມ່ນທີມນັກດຳນ້ຳເກັບກູ້ລະເບີດ ທີ່ບໍ່ທັນແຕກຢູ່ໃຕ້ນ້ຳກຳລັງຕຽມພ້ອມ ທຳພາລະກິດຄັ້ງທຳອິດຂອງພວກເຂົາ.

ທີມນັກດຳນ້ຳ​ເຊິ່ງປະກ​ອບມີຜູ້ຊາຍເກົ້າຄົນ ກວ່າ​ພວກ​ເຂົາຈະມາຮອດລະດັບນີ້ ພວກເຂົາ​ໄດ້ໃຊ້ເວລາສອງປີໃນການຝຶກຊ້ອມ.

ຕອນທີ່ພວກເຂົາເລີ່ມຕົ້ນນັ້ນ, ພວກເຂົາລອຍນ້ຳບໍ່ໄດ້ ແລະ ວ່າແມ່ນ້ຳຂອງແມ່ນຂຸ່ນຫຼາຍ ເຊິ່ງເຮັດໃຫ້ບໍ່ສາມາດແນມເຫັນໄດ້ ແມ່ນແຕ່ໄລຍະໃກ້ໆ, ພວກເຂົາຈຶ່ງໄດ້ຝຶກຊ້ອມດ້ວຍ ການໃຊ້ໜ້າກາກດຳນ້ຳມືດສະໜິດ. ຕອນນີ້ພວກເຂົາແມ່ນໜຶ່ງໃນນັກດຳນ້ຳ ທີ່ມີຄວາມ ຊຳນານທີ່ສຸດໃນໂລກ.

ນັກດຳນ້ຳຄົນໜຶ່ງໄດ້ດຳລົງໄປໃນນ້ຳ ເພື່ອຂຸດເອົາດິນຕົມອອກເພື່ອການເກັບກູ້ເອົາ ລະເບີດ ເຊິ່ງມີນ້ຳໜັກ 500 ປອນ ຫຼື ​226 ກິ​ໂລກຣາມ ທີ່ຜະລິດ ຈາກສະຫະລັດ ຊຶ່ງຖືກ ຖິ້ມປັກຫົວ ລົງໃນນ້ຳຂອງເລິກ 20 ຟີ​ທ໌ ຫຼື 6 ​ແມັດ.

ພວກເຂົາໄດ້ຮັບການຝຶກຊ້ອມໂດຍ ມູນນິທິ Golden West Humanitarian, ຊຶ່ງເປັນ ອົງກອນບໍ່ຫວັງຜົນກຳລັງຂອງສະຫະ ລັດ ທີ່ເຮັດວຽກກ່ຽວກັບການເກັບກູ້ລະເບີດທີ່ ບໍ່ທັນແຕກ.

ຫົວໜ້າປະຈຳປະເທດ ທ່ານ Allen Dodgson Tan ໄດ້ກ່າວວ່າ ຄວາມສ່ຽງຕໍ່ຄວາມ ປອດ ໄພຂອງສາທາລະນະແມ່ນສຳຄັນສຸດ ຕໍ່ຈຸດປະສົງຂອງໂຄງການນີ້.

ທ່ານ Allen Tan ກ່າວວ່າ, “ແມ່ນຊາວປະມົງເອົາແຫໄປເກາະ ມັນຫວາ? ແມ່ນເຮືອຈະ ແລ່ນໄປຕຳມັນບໍ? ພວກເຂົາຈະກໍ່ສ້າງ ບາງຢ່າງ​ເ​ຊັ່ນຂົວ​ ເຊິ່ງພວກເຂົາຕ້ອງໄດ້ມ້ຽນມັດ ເພື່ອຝັງເສົາບໍ? ພວກເຂົາຈະຂຸດຄອງນ້ຳຢູ່ຫັ້ນບໍ? ສິ່ງແນວນີ້ແມ່ນ ສິ່ງ​ທີ່ພວກເຮົາຕ້ອງໄດ້ຊອກຫາ, ແມ່ນບໍ?.”

ວີດີໂອພາສາລາວ ກ່ຽວກັບການເຝິກແອບ ຂອງນັກເກັບກູ້ລະເບີດໃຕ້ນ້ຳ
ຂອງກຳປູເຈຍ ເມື່ອສອງປີກ່ອນ:

ມາຮອດຕອນທ່ຽງ ພວກເຂົາກໍ່ສາມາດດຶງເອົາລະເບີດຂຶ້ນມາ ໂດຍການນຳໃຊ້ປຸມເປົ້າ ໃຫຍ່ຟູນ້ຳ, ເຊິ່ງເປັນຂັ້ນຕອນທີ່ອັນຕະ ລາຍທີ່ສຸດ ຂອງການປະຕິບັດພາລະກິດ.

ຫລັງຈາກນັ້ນພວກເຂົາກໍໄດ້ດຶງເອົາລະເບີດຂຶ້ນມາ​ເທິງຝັ່ງ, ກວດ ກາສະພາບຂອງມັນ ແລະ ກວດສອບ​ເບິ່ງວ່າມັນຍັງໃຊ້ງານໄດ້ຫຼືບໍ່.

ຫົວໜ້າທີມດຳນ້ຳທ່ານ Sok Chenda ແມ່ນດີໃຈກັບຜົນງານ ຂອງທີມດຳນ້ຳຂອງລາວ.

ທ່ານ Sok Chenda ກ່າວວ່າ, “ມັນດີຫຼາຍ, ແລະ ກະເປັນ ຄັັ້ງທຳອິດ, ແລະ ມັນກະຍາກ ແລະ ອັນຕະລາຍ ແຕ່ວ່າ ພວກເຮົາກໍ່ສາມາດເຮັດໄດ້ດ້ວຍການສຳພັດເທົ່ານັ້ນ.”

ຕໍ່ມາລະເບີດກໍ່ໄດ້ຖືກນຳໄປທົ່ງນາ ບ່ອນທີ່ພວກ​ເຂົາເອົາເລື່ອຍໄຟຟ້າທີ່ໃຊ້ຣີໂໝດຄວບ ຄຸມ ຕັດເອົາຫົວ ແລະ ຫາງຂອງລະເບີດອອກໃຫ້ມັນປອດໄພ.

ທ່ານ Mike Nisi ຜູ້ແນະນຳເຕັກນິກການດຳນ້ຳຂອງມູນນິທິ Golden West ໄດ້ກ່າວວ່າ ທີມນັກດຳນ້ຳຈະສືບຕໍ່ສົ່ງຂ່າວໃຫ້ປະຊາຊົນໃນທົ່ວແຂວງໄດ້ຮັບຮູ້.

ທ່ານ Mike Nisi ກ່າວວ່າ, “ຖ້າພວກເຂົາ​ເຫັນຫຍັງພວກເຮົາກໍມີເບີໂທລະສັບໃຫ້ພວກເຂົາ ໂທຫາ, ພວກເຮົາກໍແຈກນາມບັດທຸກໆບ່ອນທີ່ພວກເຮົາໄປ.”

ແລະ ດັ່ງ​ກັບ​ໃນກໍລະນີຮູບແບບດັ້ງເດີມຂອງການປ່ຽນດາບ ໃຫ້ກາຍເປັນໝາກສົບໄຖ, Golden West ຈະປ່ຽນ ລະເບີດໜ່ວຍນີ້ໃຫ້ເປັນຊິ້ນສ່ວນນ້ອຍໆ 1000 ອັນ ເພື່ອນຳ ໄປລະເບີດພວກ ລະເບີດຝັງດິນທີ່ຍັງ​ຝັງກະຈັດກະຈາຍຢູ່ໃນຫຼາຍພາກສ່ວນ ຂອງປະເທດກຳປູເຈຍ.

ວີດີໂອພາສາອັງກິດ ກ່ຽວກັບການເຝິກແອບຂອງ ນັກເກັບກູ້ລະເບີດໃຕ້ນ້ຳ ຂອງກຳປູເຈຍ:

Cambodian Deminers Train for Underwater Mission
please wait

No media source currently available

0:00 0:02:38 0:00
ລິງໂດຍກົງ

In Cambodia a dive team trained with U.S. State Department funding to remove unexploded ordinance from rivers and waterways has successfully completed its first mission. On Thursday they made safe a 500-pound U.S.-made bomb dropped during the country's civil war. A fisherman tipped off the team after snagging his nets on the bomb, which had lain for 40 years in shallow waters just yards from the riverbank. Robert Carmichael reports for VOA from Kandal province.

((NARRATOR))
It's early morning on the Mekong river, some 30 kilometers southeast of Phnom Penh, as a passenger ferry makes its regular crossing.

Nearby, Cambodia's underwater unexploded ordnance team prepares for its first mission.

It's taken two years of training for the nine-man crew to reach this stage.

When they started, they couldn't swim. And, as there's typically zero visibility on the silt-heavy Mekong, they trained with scuba masks blacked out. Now they're among the most specialized divers in the world.

((mandatory cg: Golden West Humanitarian Foundation))
With the 500 pound, U.S.-made bomb nose-down at a depth of 20 feet, one diver descends to dig away the mud.

They were trained by the Golden West Humanitarian Foundation, a U.S. non-profit that works on demining.

Country director Allen Dodgson Tan says public safety risks are central to this program's purpose.

((ALLEN TANGOLDEN WEST HUMANITARIAN FOUNDATION))
"Is a fisherman getting his net caught in it? Is a boat going to hit it? Are they going to build something like a bridge where they need to clear an area for a pylon? Are they going to dredge there? These are the kinds of things we look at, right?"

By midday the team had lifted the bomb using an inflatable balloonthe most dangerous part of the operation.

They then towed the bomb to shore, checked its status and determined it was still live.

Dive unit leader Sok Chenda is pleased with his team's performance.

((SOK CHENDA, CMAC DIVE UNIT LEADER, (in English) ))
"It's good, and the first time, and it's difficult and dangerousbut we can do by feel."

((NARRATOR))
Next the bomb was driven to a rice field where a remote-controlled mobile cutter sawed off the nose and tail, rendering the device safe.

Mike Nisi, Golden West's Dive Technical Advisor, says the team will continue getting the word out to people in the provinces.

((MIKE NISIGOLDEN WEST HUMANITARIAN FOUNDATION))
"If they find anything we have numbers for them to callwe pass out cards everywhere we go."

And in a classic case of turning swords into plowshares, Golden West will convert this bomb into 1,000 small charges to blow up some of the landmines that still litter parts of Cambodia.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG