ໃນຂະນະທີ່ ກຳປູເຈຍກຳລັງກະກຽມ ຈັດກອງປະຊຸມປະຈຳ
ຂົງເຂດຂຶ້ນ ກ່ຽວ ກັບໂຄງການສ້າງເຂື່ອນໄຟຟ້າແຫ່ງໜຶ່ງຂອງ
ລາວ ທີ່ເປັນຫົວຂໍ້ຖົກຖຽງກັນ ຢູ່ລຳແມ່ນຳ້ຂອງນັ້ນ ບັນດາປະ
ຊາຄົມຊາວມົງຂະເໝນ ຢູ່ແຂວງ Stung Treng ໄດ້ພາກັນ
ອຸທອນຕໍ່ປະເທດລາວ ເພື່ອໃຫ້ລົບລ້າງໂຄງການດັ່ງກ່າວ.
ເຂື່ອນດອນສະຫົງແມ່ນຈະສ້າງຂື້ນຢູ່ແມ່ນຳ້ຂອງ ໃນພາກໃຕ້
ຂອງລາວ ສອງກິໂລແມັດຫ່າງຈາກຊາຍແດນກຳປູເຈຍ. ບັນ
ດາຜູ້ຕິຕຽນເຕືອນວ່າ ມັນອາດຈະເປັນອັນຕະລາຍຕໍ່ຊີວິດ
ການເປັນຢູ່ ຂອງຜູ້ທີ່ຢູ່ລຸ່ມແມ່ນໍ້າຂອງລົງໄປ. ພວກຕິ ຕຽນ
ກ່າວວ່່າ ບັນດາປະຊາຄົມທີ່ຢູ່ເໜືອເຂດນັ້ນຂອງແມ່ນໍ້າ ຂອງ
ຂຶ້ນໄປ ໃນປະເທດໄທ ແລະຢູ່ລຸ່ມລົງໄປໃນກຳປູເຈຍ ແມ່ນຈະປະເຊີນກັບຄວາມສ່ຽງຕໍ່
ການຂາດແຄນປາ ຖ້າຫາກເຂື່ອນສ້າງສຳເລັດລົງ.
ຊາວປະມົງຜູ້ນຶ່ງ ທ້າວ Kong Chanthy ທີ່ເມືອງThala Barivat ຂອງແຂວງ Stung
Treng ຕິດກັບຊາຍແດນລາວ ກ່າວຕໍ່ ວີໂອເອ ພະແນກ ພາສາຂະແມ ວ່າ ລັດຖະບານ
ລາວຄວນຈະທຳການສຶກສາເບິ່ງຄວາມອາດສາມາດເປັນໄປໄດ້ຂ້າມຊາຍແດນ ກ່ອນທີ່
ຈະດຳເນີນໄປຕາມແຜນນັ້ນ.
ຊາວປະມົງ Kong Chanthy ກ່າວວ່າ: “ມັນຢູ່ໃກ້ກັບຊາຍແດນທີ່ສຸດ. ມັນຢູ່ເຂດ
ຂາວຂ້າພະເຈົ້າຢາກຂໍຮ້ອງ ລັດຖະບານກຳປູເຈຍ ໃຫ້ພິຈາລະນາກ່ຽວກັບບັນຫາ
ດັ່ງກ່າວຄືນໃໝ່ອີກ ແລະສົນທະນາກັບ ລັດລະບານລາວ ເພື່ອຊອກຫາທາງແກ້
ໄຂຮ່ວມກັນ. ຂ້າພະເຈົ້າຢາກຂໍສົ່ງຂໍ້ຄວາມນີ້ ໄປຫາລັດຖະບານລາວ ທັງພວກທີ່
ມີສ່ວນໄດ້ສ່ວນເສຍ ແລະບັນດາຜູ້ຕັດສິນໃຈ ແລະຖາມວ່າ ເຂົາເຈົ້າໄດ້ທຳການ
ສຶກສາເບິ່ງຄູວາມເປັນໄປໄດ້ ກ່ຽວກັບຜົນກະທົບທີ່ຈະເກີດຂື້ນແກ່ປະຊາຊົນທີ່ຢູ່
ລຸ່ມແມ່ນຳ້ຂອງ ແລ້ວບໍ?”
ຫົວໜ້າປະຊາຄົມປະມົງ ທີ່ຢູ່ລຸ່ມແມ່ນໍ້າຂອງ ບໍ່ຫ່າງໃກເທົ່າໃດຈາກບ່ອນທີ່ສະເໜີຈະສ້າງ
ເຂື່ອນ ທ່ານ Sek Sophat ກ່າວວ່າ 200 ຄອບຄົວຈະໄດ້ຮັບຜົນສະທ້ອນຈາກການສ້າງ
ເຂື່ອນດັ່ງກ່າວ.
ຄະນະກຳມາທິການແມ່ນໍ້າຂອງ ຈະຈັດກອງປະຊຸມເປີດກ້ວາງປະຈຳຂົງເຂດ ຂຶ້ນ ໃນວັນທີ
12 ທັນວານີ້ ເພື່ອສົນທະນາກ່ຽວກັບໂຄງການດັ່ງກ່າວ.
