ໃນຂະນະທີ່ບັນດາທະຫານຊົນເຜົ່າຕ່າງໆຂອງມຽນມາ ກຳລັງຮັກ
ສາການຢຸດຍິງທີ່ບອບບາງກັບລັດຖະບານຢູ່ນັ້ນ ພວກທະຫານ
ຈຳນວນນຶ່ງ ກໍສາມາດພາກັນລະບາຍຄວາມຕຶງຄຽດດ້ວຍການ
ແຂ່ງຂັນເຕະບານກັນ. Steve Sadford ລາຍງານມາຈາກລັດ
ກະຫລ່ຽງ ປະເທດມຽນມາ ກ່ຽວກັບການລິເລີ້ມສັນຕິພາບ ທີ່ແນ
ໃສ່ ເພື່ອສ້າງຄວາມໄວ້ເນື້ອເຊື່ອໃຈ ລະຫວ່າງພັກຝ່າຍທີ່ເປັນປໍ
ລະປັກທັງສອງ ຊຶ່ງເປັນນຶ່ງໃນບັນຫາຂັດແຍ້ງທີ່ດົນນານທີ່ສຸດໃນ
ໂລກ. ກິ່ງສະຫວັນ ມີລາຍລະອຽດກ່ຽວກັບເລື່ອງນີ້ມາສະເໜີທ່ານ.
ຢູ່ໃນລັດກະຫລ່ຽງ ປະເທດມຽນມາ ກອງທັບທີ່ເຄີຍເປັນຄູ່ຕໍ່ສູ້ກັນ ໄດ້ພົບພໍ້ກັນຫວ່າງມໍ່ໆມານີ້
ໃນອັນທີ່ຄາດກັນວ່າ ຈະປະທະກັນຢ່າງໃຫຍ່ນັ້ນ.
ແຕ່ວ່າມື້ນີ້ ທະຫານລັດຖະບານ ແລະກອງທັບຊົນເຜົ່າກະຫລ່ຽງ ທີ່ແຍກອອກເປັນອິດສະຫຼະ
ນັ້ນ ໄດ້ທຳການຕໍ່ສູ້ກັນດ້ວຍໝາກບານ ຢູ່ໃນການແຂ່ງຂັນເຕະ ບານມິດຕະພາບ. ທ່ານ Saw Nay So Mya ນຶ່ງໃນບັນດາຜູ້ບັງຄັບບັນຊາຂອງພວກກະບົດກະຫລ່ຽງກ່າວວ່າ ຢູ່ໃນ
ປະເທດທີ່ໄດ້ຖືກທຳລາຍຍ້ອນສົງຄາມກາງເມືອງມາເປັນເວລາດົນກວ່າ 60 ປີແລ້ວນັ້ນ
ການຈັດການແຂ່ງຂັນເຕະບານຂຶ້ນ ມັນບໍ່ແມ່ນເລື້ອງນ້ອຍໆເລີຍ.
ທ່ານ Saw Nay So Mya ຜູ້ບັນຊາການດ້ານຍຸດທະວີທີ ແລະສະມາຊິກສະພາສັນຕິພາບ
ກະຫລ່ຽງ ກ່າວວ່າ “ການແຂ່ງຂັນດັ່ງກ່າວນີ້ ເຮັດໃຫ້ຂ້າພະເຈົ້າມີ ຄວາມພາກພູມໃຈໃນໂຕຂອງຂ້າພະເຈົ້າເອງ ເພາະວ່າມັນບໍ່ແມ່ນເລື້ອງງ່າຍໆ ທີ່ເຫັນວ່າ ມີຫຍັງໄດ້
ເກີດຂື້ນໃນມື້ນີ້ ແຕ່ລະກຸ່ມຍັງບໍ່ເຊື່ອໃຈກັນ ແລະບໍ່ເຊື່ອໃຈລັດຖະບານມຽນມາ.”
ການສູ້ລົບກັນມາເປັນເວລາຫລາຍທົດສະວັດ ໄດ້ກໍ່ໃຫ້ເກີດການແບ່ງແຍກກັນຢ່າງເລິກເຊິ່ງ
ລະຫວ່າງບັນດາເຈົ້າໜ້າທີ່ທະຫານ ແລະບັນດາກຸ່ມກຳລັງປະກອບອາວຸດຊົນເຜົ່າຕ່າງໆ.
ທ່ານ Saw Eh Tha ນັກລົບກະຫລ່ຽງກ່າວວ່າ ການແຂ່ງຂັນຫຼືເຫດການແບບນີ້ ແມ່ນແນ
ໃສ່ເພື່ອສ້າງຄວາມໄວ້ເນື້ອເຊື່ອໃຈ ໃຫ້ແກ່ສອງກຳ້ສອງຝ່າຍ.
ທ່ານ Saw Eh Tha ຊຶ່ງເປັນທະຫານສັນຕິພາບຂອງກະຫລ່ຽງ ກ່າວວ່າ:
“ຂ້າພະເຈົ້າເປັນທະຫານກະຫລ່ຽງ ຈາກກອງພັນ 737. ມື້ນີ້ ພວກເຮົາມາຫລີ້ນ
ກິລາເຕະບານ ເພື່ອສັນຕິພາບ. ພວກເຮົາໄດ້ຮັບຄວາມມ່ວນຊື່ນ ແລະໂອ້ລົມກັນ
ຄືກັນກັບອ້າຍນ້ອງ ແລະພວກເຮົາຈັບມືກັນ.”
ໂດຍການລືມຄວາມຄຽດແຄ້ນໄປຊົ່ວຂະນະນຶ່ງ ອະດີດນັກຍິງປະຕູຈາກ Premier League
ທ່ານ Jaan Aage Fjortoff ໄດ້ເຂົ້າຮ່ວມຫລີ້ນກິລາຢູ່ ທີ່ລັດກະຫລ່ຽງ ໃນນາມໂຄສົກໃຫ້
ແກ່ ອົງການລິເລີ້ມສັນຕິພາບນໍເວ ຊຶ່ງເປັນຜູ້ອຸບປະຖຳການແຂ່ງຂັນໃນຄັ້ງນີ້.
ທ່ານ Jaan Aage Fjortoff ກ່າວວ່າ “ຂ້າພະເຈົ້າຄິດວ່າ ຄວາມຍິ່ງໃຫຍ່ກ່ຽວກັບເຕະບານ ແລະກິລາອຶ່ນໆນັ້ນ ເຮັດໃຫ້ເຮົາສາມາດເຂົ້າໄປເຖິງ ໄດ້ດົນນານກ່ອນ
ບັນດານັກການເມືອງ ບ່ອນພວກນັກການເມືອງຕ້ອງໄປຕາມເສັ້ນທາງການທູດ
ພວກເຮົາພຽງແຕ່ໄປຫາທີ່ນັ້ນ ແລະເຕະບານກັນ ດັ່ງທີ່ເຫັນໃນມື້ນີ້ ກັບບັນດາຊົນ
ເຜົ່າຕ່າງໆ ແລະພວກເຮົາກໍໄດ້ຮັບຄວາມມ່ວນຊື່ນທີ່ສຸດ.”
ໃນລະຍະຫລາຍອາທິດ ນັບຕັ້ງແຕ່ໄດ້ເຕະບານກັນມາ ລາຍງານກ່ຽວກັບການສູ້ລົບກັນ
ແບບກະຈັດກະຈາຍ ຢູ່ໃນລັດກະຫລ່ຽງແລະແຫ່ງອຶ່ນໆຂອງປະເທດ ໄດ້ສ້າງຄວາມເສຍ
ຫາຍໃຫ້ແກ່ຂັ້ນຕອນການສ້າງສັນຕິພາບ. ໃນຂະນະທີ່ ກຳນົດເສັ້ນຕາຍການຢຸດຍິງໃນທົ່ວ
ປະເທດ ຫຍັບໃກ້ເຂົ້າມາ ໃນເດືອນສິງຫານີ້ ປະກົດວ່າ ບໍ່ແມ່ນທຸກຄົນພ້ອມ ທີ່ຈະລົງຫລິ້ນ
ໃນທີມດຽວກັນນັ້ນ.
