ລິ້ງ ສຳຫລັບເຂົ້າຫາ

ມຽນມາຢູ່ໃນທ່າໄດ້ປຽບ ຈາກການຢູ່ໃກ້ ຕະຫລາດໃຫຍ່ ໃນຂົງເຂດ (ວີດິໂອຮຽນພາສາອັງກິດ)


ສະຖານທີ່ສວດມົນຂອງຊາວພຸດ ໃນວັດແຫ່ງນຶ່ງ ໃນນະຄອນຢາງກຸ້ງ ເມືອງໃຫຍ່ສຸດຂອງມຽນມາ.
ມຽນມາແມ່ນຢູ່ໃນທ່າໄດ້ປຽບ ທີ່ຈະໄດ້ຮັບຜົນປະໂຫຍດຈາກ ຕະຫລາດທີ່ກໍາລັງເຕີບໂຕຢ່າງວ່ອງໄວ ຂອງຂົງເຂດເອເຊຍ.
ແຕ່ວ່າ ການພັດທະນາຕ້ອງກວາມລວມເອົາໝົດທຸກພາກສ່ວນ
ໃນສັງຄົມແລະ ຈະຕ້ອງຍືນຍົງ ເພື່ອຈະເຮັດໃຫ້ມຽນມາ ບັນລຸເປົ້າ
ໝາຍຂອງຕົນໄດ້.

ນັ້ນຄືຄໍາເວົ້າຂອງທະນາຄານພັດທະນາເອເຊຍ ຫລື ADB ທີ່ກ່າວ ຢູ່ໃນລາຍງານຂອງຕົນ ເມື່ອໝໍ່ໆມານີ້.

ທ່ານນາງ Cyn-Young Park ຊຶ່ງເປັນນັກເສດຖະສາດປະຈໍາ
ທະນາຄານພັດທະນາ​ເອ​ເຊຍ ເວົ້າວ່າ ທ່າ​ທີທາງເສດຖະກິດ
ຂອງມຽນມາ ໄດ້ເພີ້ມຄວາມເຂັ້ມແຂງຂຶ້ນ ຍ້ອນມີແຫລ່ງຊັບ
ພະຍາກອນທໍາມະຊາດເຊັ່ນວ່າ ນໍ້າມັນ, ອາຍແກັສທໍາມະຊາດ
ແລະແຮ່ທາດຕ່າງໆ. ນອກ​ນັ້ນປະເທດນີ້ຍັງມີເພື່ອນບ້ານສອງປະເທດ ທີ່ມີເສດຖະກິດ ໃຫຍ່ ແລະກໍາລັງຂະຫຍາຍໂຕ ຄືອິນເດຍແລະຈີນ. ແລະກໍເປັນປະເທດທີ່ປະກອບ​ດ້ວຍ ຄົນ​ໜຸ່ມນ້ອຍ​ເປັນ​ສ່ວນ​ໃຫຍ່ ຄື ¼ ຂອງພົນລະເມືອງໃນປະເທດແມ່ນມີອາຍຸຕໍ່ກວ່າ 30 ປີ.

ເບິ່ງວີດິໂອ ພາສາອັງກິດພິເສດ:



ແຕ່ວ່າມຽນມາ ຍັງໄກຫລາຍທີ່ຈະສາມາດເຮັດແນວນັ້ນໄດ້. ພາຍຫລັງ ໄດ້ຕົກຢູ່ໃຕ້ການ ປົກຄອງຂອງພວກທະຫານມາໄດ້ 50 ປີ ມຽນມາກໍກາຍເປັນປະເທດນຶ່ງ ທີ່ທຸກທີ່ສຸດຢູ່ໃນ ພາກພື້ນເອເຊຍ. ໂຄງລ່າງພື້ນ ຖານທີ່​ສຳຄັນ ເຊັ່ນຖະໜົນຫົນທາງ ແລະຂົວ ແມ່ນບໍ່ໄດ້ ຮັບການພັດທະນາ​ເລີຍ. ແລະມີແຕ່ 30% ຂອງປະຊາຊົນ ຢູ່ໃນເຂດຊົນນະບົດທໍ່​ນັ້ນ ມີ ໄຟຟ້າໃຊ້.

ມຽນມາ ກໍາລັງພະຍາຍາມ ຈະເພີ້ມການລົງທຶນຕ່າງປະເທດຂຶ້ນ. ແຕ່ວ່າ ລັດຖະບານພົນ ລະ​ເຮືອນ​ຂອງປະເທດດັ່ງກ່າວ ຍັງ​ຕົກລົງ​ກັນ​ບໍ່​ໄດ້ ກ່ຽວກັບກົດໝາຍລົງທຶນຕ່າງປະເທດ ສະບັບໃໝ່. ສະບັບດັດແກ້ເມື່ອໝໍ່ ໝໍ່ມານີ້ ແມ່ນຈໍາກັດສິດເປັນເຈົ້າຂອງ ຂອງນັກລົງ ທຶນຕ່າງປະເທດ ຢູ່ ໃນບາງຂະແໜງການ ແລະເກືອດຫ້າມຢ່າງສິ້ນເຊີງຢູ່ໃນຂະແໜງ ການ ອື່ນໆ.

ທ່ານ Sean Turnell ນັກເສດຖະສາດ ທີ່ມະຫາວິທະຍາໄລ Macquarie ຂອງອັອສ ເທຣເລຍ ເວົ້າວ່າ ກົດໝາຍລົງທຶນຕ່າງປະເທດ ສະບັບປັດຈຸບັນນີ້ ກໍາລັງປະເຊີນກັບ ການບໍ່ເຫັນພ້ອມນໍາຈາກ ອໍານາດການປົກຄອງທ້ອງຖິ່ນ ຫລືພາກັນ​ຕ້ານ​ຢັນ. ທ່ານ Sean Turnell ເວົ້າວ່າ:

“ມີການຕ້ານຢັນ ຕໍ່ການຜ່ອນຜັນ​ບາງ ຢ່າງ ໃຫ້ແກ່ນັກລົງທຶນຕ່າງປະເທດ. ໂດຍສະເພາະ ແມ່ນປະກົດວ່າ ມີການສະກັດກັ້ນ ບໍ່ໃຫ້ມີລົງທຶນຂອງຕ່າງປະ ເທດ ຢູ່​ໃນ​ບາງ​ຂະ​ແໜງການ.”

ເປັນເວລາຫລາຍປີມາແລ້ວ ທີ່ກອງທັບມຽນມາໄດ້ຄວບຄຸມເສດຖະກິດຢ່າງຮັດແໜ້ນ ຊຶ່ງ ໄດ້ເຮັດໃຫ້ພວກພີ່ນ້ອງແລະໝູ່ເພື່ອນຂອງສະມາຊິກທະຫານໄດ້ຮັບສັນຍາຮັບເໝົາທີ່ ລໍ້າລວຍກັນ.

ມາບັດນີ້ ລັດຖະບານພົນລະເຮືອນ ຢາກຂະຫຍາຍຂະແໜງການບໍລິການ ແລະການຜະ ລິດ ຊຶ່ງກໍາລັງພິຈາລະນາໃຫ້ບໍລິສັດຕ່າງປະເທດໄດ້ເສຍພາສີຕໍ່າ ເພື່ອວ່າເຂົາເຈົ້າຈະໄດ້​ເຂົ້າມາ​ລົງທຶນ.

ແຕ່ພວກນັກຊ່ຽວຊານເວົ້າວ່າ ການເຮັດແບບນັ້ນ ອາດເປັນການຜິດ ພາດ. ທ່ານ Sean Turnell ເວົ້າວ່າ ພວກນັກລົງທຶນແມ່ນມີຄວາມ ເປັນຫ່ວງກ່ຽວ​ກັບບັນຫາໂຄງລ່າງພື້ນ ຖານ
ບໍ່ແມ່ນເລື້ອງພາສີ. ນອກນັ້ນ ພວກນັກເສດຖະສາດຍັງເວົ້າວ່າ ການບໍ່ໃຫ້ເສຍພາສີຊົ່ວ ຄາວ ກໍອາດຈະບໍ່ແມ່ນຄໍາຕອບ ສໍາລັບນັກລົງທຶນໃນປະເທດເຊັ່ນກັນ. ພວກເຂົາເຈົ້າເວົ້າ ວ່າ ການທີ່ບໍ່ສາມາດເຂົ້າເຖິງເງິນສິນເຊື່ອ ຫລືກູ້ຢືມໄດ້ຂອງພວກຊາວນາ ຊາວສວນ ແລະ ນັກທຸລະກິດ ຢູ່ໃນມຽນມາ ແມ່ນເປັນບັນຫາທີ່ຍິ່ງໃຫຍ່ກວ່ານັ້ນອີກ.

ການປະຕິຮູບຢູ່ໃນມຽນມາ ຍັງຢູ່ຂັ້ນຕອນເລີ້ມຕົ້ນຢູ່. ປະເທດດັ່ງກ່າວ ໃນໝໍ່ໆມານີ້ ໄດ້ປະ ກາດກົດລະບຽບໃໝ່ອອກມາ ເພື່ອເຮັດໃຫ້ການ ກວດກາໂດຍກົງຂອງລັດຖະບານຕໍ່ສື່​ມວນ​ຊົນ ​ສິ້ນສຸດ​ລົງ. ພວກນັກ ຂ່າວດຽວນີ້ ຕ້ອງໄດ້ສົ່ງບົດຂຽນ ຫລືຂ່າວຂອງພວກເຂົາ ເຈົ້າໄປໃຫ້ຜູ້ກວດກາ ລຸນຫລັງທີ່ພວກເຂົາເຈົ້າໄດ້ພິມເຜີຍແຜ່ໄປແລ້ວ ແທນ ທີ່ຈະສົ່ງໃຫ້ ກ່ອນຈະນໍາອອກເຜີຍແຜ່. ພວກນັກຂ່າວບາງຄົນ ເວົ້າວ່າ ພວກເຂົາເຈົ້າຈະລໍຖ້າເບິ່ງວ່າ ການເຮັດແນວນັ້ນ ຈະໝາຍເຖິງການມີ ສິດ​ເສລີພາບເພີ້ມຂຶ້ນຫລືບໍ່.

ທ່ານນາງ Cyn-Young Park ກ່າວມ້ວນທ້າຍວ່າ ນັກລົງທຶນກໍເຊັ່ນກັນ ກໍາລັງລໍຖ້າ ເບິ່ງວ່າ ການປະຕິຮູບຈະໄດ້ຮັບຜົນສໍາເລັດ ຫລືບໍ່. ທ່ານ​ນາງ​ກ່າວ​ກ່ຽວ​ກັບ​ເລື່ອງ​ນີ້ວ່າ.

“ມັນຈະຕ້ອງໃຊ້ເວລາຊົ່ວ​ໄລຍະ​ນຶ່ງ ເພື່ອຈະເຮັດໃຫ້ພວກນັກລົງທຶນ ເຊື່ອຖື ໄດ້ວ່າ ການປະຕິຮູບແມ່ນແນ່ແທ້ ແລະລັດຖະບານຈະບໍ່ຖອຍຄືນຫລັງ.”

ຮ່າງ​ນິຕິ​ບັດ​ຢັດ ​ກ່ຽວກັບການລົງທຶນຕ່າງປະເທດ ສາມາດຖືກເຊັນຮັບຮອງໃຫ້ເປັນກົດ ໝາຍ​ໄດ້ ພາຍໃນເດືອນນີ້.”

ແລະນັ້ນກໍຄື ສາລະຄະດີເລື້ອງເສດຖະກິດຂອງມຽນມາ ຂອງພະ​ແນ​ກພາສາ​ອັງກິດພິ​ເສດ​ ຫລື Special English Economics Report ຂອງວີໂອເອ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG