ທໍານຽບຂາວກ່າວວ່າ ທ່ານໄບເດັນ ມີກໍານົດຈະພົບປະກັບປະທານປະເທດຫວຽດນາມ ໃນວັນພຸດນີ້

ທຳນຽບຂາວ​ກ່າວ​ໃນ​ວັນອາທິດວານ​ນີ້​ວ່າ ປະທານາທິບໍດີ​ສະຫະລັດ ທ່ານ ໂຈ ໄບເດັນ ມີ​ກຳນົດ​ຈະ​ພົບ​ປະ​ກັບ ທ່ານ ໂຕ ລໍາ ເຊິ່ງເປັນ​ປະທານປະເທດ​ ​ແລະ​ຫົວ​ໜ້າ​ພັກ​ຄອມ​ມູນິສ​ຫວຽດນາມ, ອີງຕາມລາຍງານຂອງອົງການຂ່າວ Reuters.

ການ​ພົບ​ປະ​ກັນທີ່ລາຍງານ​ໂດຍ​ອົງການ​ຂ່າວ Reuters ວ່າເປັນຄັ້ງທໍາອິດນີ້ ຄາດ​ວ່າ​ຈະ​ຈັດ​ຂຶ້ນ​ຢູ່​ນອກ​ກອງ​ປະຊຸມ​ສະມັດຊາ​ໃຫຍ່​ອົງການ​ສະຫະ​ປະຊາ​ຊາດ​ໃນ​ນະຄອນ​ນິວຢອກ.

ທ່ານ ໄບເດັນ ມີຄວາມປາ​ຖະໜາ​ຢາກ​ມີສາຍ​ພົວພັນທີ່ເລິກເຊິ່ງ​ກັບ​ປະ​ເທດຍຸດ ທະສາດຂອງເ​ອເຊຍ​ຕາ​ເວັນ​ອອກ​ສ່ຽງ​ໃຕ້​ ​ແລະເປັນສູນກາງ​ການ​ຜະລິດແຫ່ງນີ້ ​ເພື່ອ​ແນເປົ້າໝາຍ​ໃສ່ການ​ຕ້ານ ​ຣັດ​ເຊຍ ​ແລະ ຈີນ, ​ເຊິ່ງ ຫວຽດນາມ ເອງ ຍັງ​ຄົງ​ຮັກສາ​ສາຍພົວພັນ​ກັບສອງປະເທດແຫ່ງນີ້ຢູ່.

ໃນເດືອນ​ກັນຍາທີ່​ຜ່ານ​ມາ, ທ່ານ ໄບເດັນ ​ໄດ້ເດີນທາງ​ໄປ​ຢ້ຽມຢາມ ​ຫວຽດນາມ ​ແລະ ​ໄດ້​ຮັບ​ປະ​ກັນ​ຂໍ້​ຕົກ​ລົງ​ກ່ຽວ​ກັບ​ semiconductors ​ພ້ອມທັງ ​ແຮ່​ທາດ ​ແລະຍົກສູງ​ສະຖານະທາງ​ການ​ທູດ​ສູງ​ສຸດ​ຂອງ​ ຮ່າ​ໂນ່ຍ, ຄຽງຄູ່ກັບ​ຈີນ ​ແລະ ຣັດ​ເຊຍ.

ໃນ​ການ​ເດີນທາງມາ​ ​ສະຫະລັດ ​ຄັ້ງ​ທຳ​ອິດ​ນັບ​ແຕ່​ທ່ານ​ໄດ້​ຮັບ​ການ​ເລືອກ​ຕັ້ງ​ໃນ​ຕົ້ນ​ເດືອນ​ສິງຫາທີ່​ຜ່ານ​ມາ​ໃນຖານະ​ຫົວໜ້າ​ພັກ, ເຊິ່ງ​ເປັນ​ໜ້າທີ່ບົດບາດ​ໃນອຳນາດ​ສູງສຸດ​ຂອງ​ປະ​ເທດ, ທ່ານ ລໍາ ຈະທໍາການ​ກ່າວ​ຄຳ​ປາ​ໄສ​ຢູ່​ທີ່​ກອງ​ປະຊຸມ​ສະຫະ​ປະຊາ​ຊາດ ແລະຈະ​ພົບ​ປະ​ກັບ​ຜູ້ຕາງໜ້າ​ຈາກບໍລິສັດຫຼາຍໆແຫ່ງ​ຂອງ ​ສະຫະລັດ, ​ໃນ​ນັ້ນ ລວມທັງ Alphabet ​ຂອງ Google ​ແລະ Meta ທີ່​ເປັນ​ເຈົ້າ​ຂອງ Facebook ນໍາອີກດ້ວຍ, ອີງຕາມລາຍງານໃນກ່ອນໜ້ານັ້ນ ຈາກອົງການຂ່າວ Reuters.

ກ່ອນ​ການ​ເດີນ​ທາງ​ໄປ​ ​ສະ​ຫະ​ລັດ ​ຂອງ ​ທ່ານ ໂຕ ລໍາ, ເຈົ້າ​ໜ້າ​ທີ່​ໃນພັກ​ຄອມ​ມູນິ​ສ​ຫວຽດ​ນາມທີ່ປົກຄອງປະເທດ ໄດ້ທໍາການ​ປ່ອຍໂ​ຕ​ນັກ​ເຄື່ອນ​ໄຫວ​ທີ່​ມີ​ຊື່​ສຽງ​ຈໍານວນນຶ່ງ​ອອກ​ຈາກ​ຄຸກ ກ່ອນ​ສິ້ນ​ສຸດກໍານົດ​ການ​ຈຳ​ຄຸກ​ຂອງ​ພວກເຂົາ​ເຈົ້າ, ອີງຕາມແຫຼ່ງ​ຂ່າວທີ່ກ່າວ​ຕໍ່ອົງການຂ່າວ Reuters.

ອ່ານຂ່າວດ້ານລຸ່ມນີ້ເປັນພາສາອັງກິດ

U.S. President Joe Biden is scheduled to meet Vietnam's President and ruling Communist Party Chief To Lam on Wednesday, the White House said on Sunday.

The meeting, reported first by Reuters, is expected to take place on the sidelines of the United Nations General Assembly in New York.

Biden has been eager to deepen relations with the strategic Southeast Asian country and manufacturing hub in a bid to counter Russia and China, with which Vietnam also retains ties.

Last September, Biden visited Vietnam and secured deals on semiconductors and minerals and an upgrade to Hanoi's highest diplomatic status, alongside China and Russia.

In his first U.S. trip since he was named in early August as head of the party, the country's most powerful job, Lam will speak at the U.N. event and meet with representatives from several U.S. corporations, including Alphabet's Google and Facebook owner Meta, Reuters previously reported.

Ahead of To Lam's trip to the United States, authorities in communist-ruled Vietnam had released some prominent activists from prison before the end of their jail terms, sources told Reuters.