ລິ້ງ ສຳຫລັບເຂົ້າຫາ

ພວກປະທ້ວງ ຫາ​ທາງ​ຍຸຕິ ​ການທັບ​ມ້າງ ກໍາ​ແພງ​ Berlin (ວີດິໂອ)


ເຈົ້ທີ່ໜ້າທີ່ຕໍາຫລວດເບິລິນ ພາກັນຮັກສາ ສວ່ນນຶ່ງຂອງຝາຮູບແຕ້ມ ທີ່ກຸງເບີລິນ
ພວກ​ປະ​ທ້ວງ​ໄດ້ພະຍາຍາມ​ຫາ​ທາງ​ຢຸດຕິ ການ​ທັບ​ມ້າງຊ່ວງ​
ສຸດ​ທ້າຍ​ຂອງກໍາ​ແພງ​ Berlin ​ໃນ​ວັນ​ສຸກ​ວານນີ້ ຫລາຍ​ໆທົດ​
ສະ​ວັດ​ຫລັງ​ຈາກ ສ່ວນ​ໃຫຍ່​ຂອງສັນ​ຍາ​ລັກ​ສົງຄາມ​ເຢັນ​ດັ່ງ
ກ່າວ ໄດ້​ຖືກ​ທັບມ້າງ​ເພ​ລົງ.

ພວກ​ປະ​ທ້ວງປະມານ 200 ຄົນ​ ພາກັນ​ເຕົ້າ​ໂຮມ​ກັນ​ໃນ​ວັນ​
ສຸກ​ວານ​ນີ້ ຢູ່​ຕໍ່ໜ້າກໍາ​ແພງ​ທີ່​ຍາວ​ 1,300 ແມັດ ຊຶ່ງ​ເປັນ​ຊ່ວງ​
ທີ່​ມີ​ຮູບ​ແຕ້ມ​ ທີ່ຮູ້​ກັນໃນ​ນາມ ບ່ອນ​ສະ​ແດງ​ຮູບ​ແຕ້ມ​ເບື້ອງ​ຕາ
​ເວັນ​ອອກ ທີ່​ເຕັ​ມ​ໄປ​ດ້ວຍ​ຮູບ​ແຕ້ມໃສ່​ຝາ​ຢ່າງງົດ​ງາມນັ້ນ.

​ໃນ​ຂະນະ​ທີ່​ບັນດາ​ນັກ​ພັດທະນາ ​ເລີ້ມ​ລົງມື​ເຮັດ​ວຽກ​ເພື່ອ​ປຸກ
​ເ​ຮື​ອນຢູ່​ໃກ້​ກັບ​ບ່ອນ​ສະ​ແດງ​ຮູບ​ແຕ້ມ​ນັ້ນ ພວກ​ປະ​ທ້ວງ​ພາ​ກັນ​ຖື​ປ້າຍ​ ທີ່​ມີ​ຄຳຂວັນ​ຕ່າງໆ​ ເຊັ່ນວ່າ “​ເບີ​ລິນຂາຍ​ໂຕເອງ ​ແລະ​ປະຫວັດ​ສາດ​ຂອງ​ຕົນ.” ​ເຈົ້າ​ໜ້າ​ທີ່​ຕໍາຫລວດ​ກ່າວ​ໃນ​ຕອນ​ແລງ​ຂອງ​ວັນ​ສຸກ​ວ່າ ການ​ພະຍາຍາມ​ທີ່​ຈະ​ທັບ​ມ້າງ​ກໍາ​ແພງ​ນັ້ນ​ລົງ ​ໄດ້​ຖືກໂຈະ​ເປັນ​ການ​ຊົ່ວຄາວ.

ກໍາ​ແພງ​ເບີ​ລິນ ​ໄດ້​ສ້າງ​ຂື້ນ​ໃນ​ປີ 1961 ເພື່ອ​ແບ່ງ​ນະຄອນ​ດັ່ງກ່າວ​ມາ​ເປັນ​ເວລາ​ເກືອບ​ສາມ​ທົດ​ສະ​ວັດ. ມັນ​ຍັງເປັນ​ເສັ້ນ​ແບ່ງ​ເຂດ​ລະຫວ່າງ ​ເຢຍຣະ​ມັນ​ຕາ​ເວັນ​ອອກ ​ແລະ​ເຢຍຣະ​ມັນ ຕາ​ເວັນ​ຕົກ ນຳ​ດ້ວຍ.

ຢູ່​ໃນຄໍາ​ຖະ​ແຫລ​ງທີ່​ມີ​ຊື່​ສຽງ​ທີ່​ສຸດ​ທີ່ ປະຕູ​ໂຂງ Brandenburg ​ໃກ້​ກັບ​ກໍາ​ແພງ ​ໃນ
​ປີ 1987 ປະທານາທິບໍດີສະຫະລັດ ທ່ານ Ronald Reagan ​ໄດ້​ຮຽກຮ້ອງ​ໃຫ້ປະ
ທານາທິບໍດີ ​ໂຊ​ຫວຽດ ທ່ານ Mikhail Gorbachev ຈົ່ງ “ທັບ​ມ້າງກໍາ​ແພງ​ນີ້​ລົງ.”

ກໍາ​ແພງ​ເກືອ​ບທັງ​ໝົດ​ໄດ້​ຖືກ​ທັບ​ມ້າງໄປ​ແລ້ວແລະ​ຕັດ​ເປັນ​ຕ່ອນ​ນ້ອຍໆ ​ອອກ​ໄປໃນ​ປີ 1989 ໂດຍຝູງ​ຊົນ​ທີ່​ດີີ​ອົກ​ດີ​ໃຈທັງ​ຈາກເຢຍຕະະ​ມັນຕາ​ເວັນ​ອອກ ​ແລະ​ຕາ​ເວັນ​ຕົກ ​ທີ່​ລຸ​ລັ່ງຜ່ານດ່ານ​ກວດ ​ແລະ​ເຂົ້າ​ໄປ​ຫາ​ກຳ ​ແພງ​ດັ່ງກ່າວ.

ພວກປະທ້ວງຂັດຂວາງ ການທັບມ້າງສ່ວນທີ່ຍັງເຫລືອ ຂອງກໍາແພງເບີລິນ:

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG