ສານສູງສຸດຂອງບັງກລາແດັສ ໄດ້ປະຕິເສດຕໍ່ການຂໍອຸທອນ
ໂດຍຜູ້ນຳອະວຸໂສຂອງພັກສາສະໜາອິສລາມ ໂດຍເຫັນພ້ອມກັບ
ຄຳຕັດສິນໃຫ້ປະຫານຊີວິດຍ້ອນການກໍ່ອາຊະຍາກຳສົງຄາມ
ໃນລະຫວ່າງສົງຄາມ ເພື່ອຄວາມເປັນເອກກະລາດຂອງປະເທດ
ເມື່ອປີ 1971 ກັບປາກິສຖານ.
ຫົວໜ້າຜູ້ພິພາກສາສານສູງສຸດ ທ່ານ Surendra Kumar
Sinha ໄດ້ປະກາດກ່ຽວການຕັດສິນດັ່ງກ່າວ ຕໍ່ທ່ານ Mik
Quasem Ali ໃນວັນອັງຄານມື້ນີ້.
ທ່ານ Mik Quasem Ali ໄວ 63 ປີ ເປັນນຳຂອງພັກ Jamaat-
e-Islami ແລະໄດ້ຖືກພົບເຫັນວ່າມີຄວາມຜິດ ໃນປີ 2014 ໃນຄວາມຜິດ 8 ກະໂທງ ຊຶ່ງຮວມທັງ ການລັກພາຕົວຊາຍໜຸ່ມຄົນນຶ່ງແລະການສັງຫານຊາຍໜຸ່ມຄົນນີ້ ໂດຍໃຊ້ການທໍ
ລະມານ.
ບັງກລາແດັສ ກ່າວວ່າ ພວກຮ່ວມມືຢູ່ໃນທ້ອງຖິ່ນ ແລະທະຫານປາກິສຖານ ໄດ້ສັງຫານ 3 ລ້ານຄົນ ໃນຂະນະທີ່ຕໍ່ສູ້ເພື່ອຄວາມເປັນເອກະລາດ ຊຶ່ງທາງພັກ Jamaat-e-Islami ຄັດຄ້ານນັ້ນ.
ພວກຜູ້ນຳພັກສາສະໜາອິສລາມຫລາຍຄົນແມ່ນໄດ້ຖືກປະຫານຊີວິດໄປແລ້ວຍ້ອນ ກໍ່ອາຊະ
ຍາກຳສົງຄາມ. ພັກ Jamaat-e-Islami ແລະພັກຊາດນິຍົມບັງກລາແດັສ ຊຶ່ງເປັນພັກຝ່າຍ
ຄ້ານ ໄດ້ຕຳນິຕິຕຽນສານຂອງລັດຖະບານນັ້ນວ່າ ມີຈຸດປະສົງໃນທາງການເມືອງ.
