ລິ້ງ ສຳຫລັບເຂົ້າຫາ

ວັນຈັນ, ໐໔ ມີນາ ໒໐໒໔

ຝ່າຍຄ້ານ ບັງກລາແດັສ ນັດຢຸດງານ ປະທ້ວງ ການປ່ອນບັດ (ວີດີໂອ)


ຕຳຫຼວດ ຫາມຫີບບັດ ໄປຍັງສູນກາງປ່ອນບັດແຫ່ງນຶ່ງ ກ່ອນການປ່ອນບັດ ເລືອກຕັ້ງສະພາແຫ່ງຊາດ ທີ່ນະຄອນດາກາ (4 ມັງກອນ 2014)
ຕຳຫຼວດ ຫາມຫີບບັດ ໄປຍັງສູນກາງປ່ອນບັດແຫ່ງນຶ່ງ ກ່ອນການປ່ອນບັດ ເລືອກຕັ້ງສະພາແຫ່ງຊາດ ທີ່ນະຄອນດາກາ (4 ມັງກອນ 2014)
ຝ່າຍ​ຄ້ານ ​ໃນບັງ​ກລາ​ແດັສ ຮຽກຮ້ອງ​ໃຫ້​ນັດ​ຢຸດ​ງານ​ເປັນ​ເວລາ
48 ຊົ່ວ​ໂມງ​ ​ໃນ​ວັນ​ເສົາ​ມື້​ນີ້ ນຶ່ງມື້ກ່ອນການ​ເລືອກ​ຕັ້ງ​ແຫ່ງ​ຊາດ.

ພັກ​ຊາດ​ນິຍົມບັງ​ກລາ​ແດັສ ​ຫລື BNP ກ່າວ​ວ່າ ຕົນ​ຈະ​ບໍ່​ຮ່ວມ
​ການ​ປ່ອນ​ບັດ ເລືອກ​ຕັ້ງ​ໃນ​ວັນ​ອາທິດ ຊຶ່ງ​ເປັນການ​ເຄຶ່ອນ​ໄຫວ
​ເພື່ອ​ບ່ອນ​ທຳລາຍ​ຄວາມ​ຖືກ ຕ້ອງ​ຊອບ​ທຳ​ໃນການ​ເລືອກ​ຕັ້ງ.
ພັກ​ສັນນິບາດ​ອາວາ​ມີຊຶ່ງ​ເປັນ​ພັກ​ລັດຖະບານ ​ແນ່ນອນຈະ​ເປັນ​
ຜູ້​ໄດ້​ຮັບ​ໄຊຊະນະ​ໃນ​ການ​ປ່ອນ​ບັດຖ້າ​ຫາກ​ບໍ່​ມີ​ພັກ BNP ​
ເຂົ້າຮ່ວມ.

ການ​ບໍ່​ເຂົ້າຮ່ວມ​ ແລະ​ການ​ເຄື່ອນ​ໄຫວ​ເພື່ອ​ຕໍ່ຕ້ານ​ລັດຖະບານ
​ອື່ນໆ​ຂອງ​ພວກ​ຝ່າຍ​ຄ້ານບໍ່​ມີ​ທ່າ​ທາງ​ວ່າ​ຈະ​ສາມາດຍຸຕິ​ຄື້ນຟອງ​ຄວາມ​ຮຸນ​ແຮງ​ທາງ​ດ້ານ​
ການ​ເມືອງທີ່ເຮັດໃຫ້​ມີ​ຜູ້​ເສຍ​ຊີວິດ​ໄປ​ແລ້ວ ​ຫລາຍ​ກວ່າ 150 ຄົນ ​ຫວ່າງ​ບໍ່​ເທົ່າໃດ​ເດືອນທີ່
​ຜ່ານ​ມານີ້.

ພັກ​ BNP ​ແລະ​ພັນ​ລະ​ມິດ​ຈໍານວນ​ນຶ່ງ ຕ້ອງການ​ຢາກ​ໃຫ້ ນາຍົກລັດຖະມົນຕີ Sheik
Hasina ລາ​ອອກ​ຈາກ​ຕໍາ​ແໜ່​ງ ​ແລ້ວ​ແຕ່ງ​ຕັ້ງ ລັດຖະບານທີ່​ເປັນກາງ ເປັນ​ຜູ້​ກໍາກັບການ
​ເລືອກ​ຕັ້ງ. ​ແຕ່ນາຍົກລັດຖະມົນຕີ​ໄດ້​ປະຕິ​ເສດທີ່​ຈະລາ​ອອກ.

​ຜູ້ນໍາພັກ​ BNP ທ່ານນາງ Khaleda Zia ຊຶ່ງ​ເຄີຍ​ເປັນ​ນາຍົກລັດຖະມົນຕີມາ ​ແລ້ວນັ້ນ
​ຮ້ອງ​ການປ່ອນ​ລັດ​ລົງ​ຄະ​ແນນ​ສຽງໃນວັນ​ອາທິດ​ນີ້ວ່າ “​ເປັນ​ລະຄອນ ຕະລົກ​” ​ແລະ​ກ່າວ
​ຫາ​ລັດຖະບານ​ວ່າ ກັກ​ບໍລິ​ເວ​ນ​ທ່ານ​ນາງ.

ທະຫານ​ຫລາຍ​ສິບ​ພັນ​ຄົນ ​ໄດ້​ຖືກ​ສົ່ງອອກໄປ​ປະຕິບັດ​ໜ້າ​ທີ່​ຢູ່​ທົ່ວ​ປະ​ເທດ ​ເພື່ອ ຍຸຕິຄື້ນ
ຟອງຄວາມ​ຮຸນ​ແຮງ​ທາງ​ການ​ເມືອງ.

ສະຫະລັດ ສະຫະພາບ​ຢູ​ໂຣບ ​ແລະ​ເຄືອຈັກກະ​ພົບອັງກິດ ​ໄດ້​ພາກັນ​ປະຕິ​ເສດ ບໍ່ຍອມ
​ສົ່ງ​ຜູ້​ສັງ​ເກດ​ການ ​ໄປ​ຕິດຕາມເບິ່ງການ​ເລືອກ​ຕັ້ງ.

Bangladesh
please wait
Embed

No media source currently available

0:00 0:01:08 0:00
XS
SM
MD
LG