ຊັ້ນດາດຟ້າຂອງໂຮງແຮມແຫ່ງນຶ່ງ ໃນນະຄອນຫລວງ ບາງກອກ
ຂອງໄທ ໄດ້ກາຍມາເປັນບ່ອນເພາະປູກສາລ່າຍນໍ້າຈືດສໍາລັບໃຊ້
ເປັນອາຫານ ຊຶ່ງພວກທີ່ສະໜັບສະໜຸນເອີ້ນວ່າ ເປັນອາຫານທີ່ດີ
ເລີດ ຫຼື super food ສໍາລັບທັງພວກປະເທດທີ່ຈະເລີນແລ້ວແລະ
ພວກປະເທດພວກພັດທະນາ. Steve Herman ຜູ້ສື່ຂ່າວວີໂອເອ
ສົ່ງລາຍງານມາຈາກບາງກອກ. ຊຶ່ງ ທອງປານຈະນໍາມາສະເໜີ
ທ່ານໃນອັນດັບຕໍ່ໄປ
ເບິ່ງວີດີໂອລາຍງານນີ້ ເປັນພາສາລາວ:
ພໍ່ຄົວຄົນນຶ່ງຢູ່ໂຮງແຮມແຫ່ງນຶ່ງໃນບາງກອກ ກໍາລັງຜະສົມສ່ວນປຸງແຕ່ງອາຫານທີ່ຜິດ
ທໍາມະດາໃສ່ໃນອາຫານຫຼາຍຊະນິດ ທີ່ຈະນໍາອອກໄປວາງໄວ້ເທິງໂຕະອາຫານບຸຟເຟ່ ຂອງໂຮງແຮມ.
ສ່ວນປຸງແຕ່ງອາຫານທີ່ວ່ານີ້ກໍຄືສາລ່າຍ spirulina (ສະປາຍຣູລິນາ) ອັນເປັນພືດພັນ
ທີ່ໃຫ້ຄຸນຄ່າທາງອາຫານຫຼາຍ ທີ່ເກັບກ່ຽວມາຈາກຖັງເພາະປູກ ຢູ່ເທິງຊັ້ນດາດຟ້າຂອງ
ໂຮງແຮມ 27 ຊັ້ນ ຢູ່ຄຸ້ມສະຢາມສະແຄວ ໃນນະຄອນຫລວງບາງກອກ ຫລືກຸງເທບ ນັ້ນເອງ.
ທ່ານ Manuel Reymondin ຜູ້ຈັດການໂຮງແຮມ Novotel ຢູ່ຄຸ້ມ Siam Square ຢືນຢັນວ່າ ສາລ່າຍທີ່ວ່ານີ້ ທັງສົ່ງເສີມສຸຂະພາບແລະເປັນແຫຼ່ງທົດແທນຂອງໂປຣຕີນ.
ທ່ານ Reymondin ເວົ້າວ່າ “ມັນເປັນພືດພັນທີ່ຊ່ວຍເພີ່ມພະລັງໃຫ້ເຮົາແທນກາ
ເຟໄດ້ເປັນຢ່າງດີ. ສໍາລັບຜູ້ທີ່ບໍ່ມັກກິນຊີ້ນຫຼາຍ ຄືພວກທີ່ມັກກິນຜັກຫຼາຍກ່ວາ
ນັ້ນ ສາລ່າຍນີ້ແມ່ນຊ່ວຍໄດ້ຫຼາຍ ເພາະວ່າເຮົາສາມາດບໍລິໂພກສາລ່າຍ
spirulina ນີ້ ແທນໂປຣຕີນໄດ້ ຢ່າງງ່າຍໆ.”
ຫ້ອງນວດສະປາຂອງໂຮງແຮມ ກໍອາໄສຄຸນສົມບັດຕໍ່ຕ້ານອາການອັກເສບຂອງສາລ່າຍ
ສີຂຽວອົມສີຟ້ານີ້ ໂດຍໃຊ້ເຮັດ mask ສໍາລັບທາໜ້າ ເພື່ອເຮັດໃຫ້ໜ້າອ່ອນນຸ່ມ ແລະສົດຊື່ນ.
ນອກນັ້ນແລ້ວ ພວກໂຮງໝໍນັງໄດ້ເອົາສາລ່າຍ spirulina ນີ້ໃຫ້ພວກຄົນເຈັບ ທີ່ກໍາລັງຮັບ
ການປິ່ນປົວດ້ວຍການສາຍແສງ ຫຼືພວກຄົນເຈັບອື່ນໆ ທີ່ມີບັນຫາກິນອາຫານແບບປົກກະຕິ
ບໍ່ໄດ້ນັ້ນ ຍ້ອນວ່າສາລ່າຍດັ່ງກາວນີ້ ອຸດົມສົມມູນດ້ວຍ ໄວຕາມິນຊີ cyanobac terium
ແລະຊ່ວຍໃຫ້ຍ່ອຍອາຫານໄດ້ງ່າຍຂຶ້ນ.
ໂຄງການປູກສາລ່າຍ spirulina ຢູ່ເທິງຊັ້ນດາດຟ້າ ຍັງໄດ້ກາຍເປັນປັດໄຈຫຼັກ ສໍາລັບ
ພາລະຮັບຜິດຊອບຕໍ່ສັງຄົມຂອງບໍລິສັດ Accor ທີ່ເປັນບໍລິສັດແມ່ຂອງໂຮງແຮມ Novotel ນັ້ນນໍາ.
Reymondin ເວົ້າວ່າ: “ມັນເປັນຜະລິດຕະພັນ ທີ່ຄົນຫຼົງຮັກໄດ້ງ່າຍໆ ຄື ເວລາເຮົາ
ເຫັນມັນ ເຮົາກໍຄິດຢາກຊິມລອງເບິ່ງໂລດ ດັ່ງທີ່ພວກເຮົາເປັນກ່ອນ ພວກເຮົາຈະ
ເລີ່ມໂຄງການປູກສາລ່າຍ ສະປາຍຣູລີນາ ນີ້ ພວກເຮົາສ່ວນຫຼາຍບໍ່ຮູ້ວ່າ ມັນແມ່ນ
ຫຍັງແທ້.”
ບໍລິສັດ Energaia ຊຶ່ງເປັນວິສາຫະກິດທ້ອງຖິ່ນທີ່ຫາກໍາໄລແລະຫາກໍຕັ້ງຂຶ້ນໃໝ່ ໄດ້
ແນະນໍາສາລ່າຍ spirulina ນີ້ ໃຫ້ທາງໂຮງແຮມ ດ້ວຍເຫັນວ່າມັນສາມາດປູກໄດ້ ຢູ່ໃນ
ໃຈກາງເມືອງຫຼວງບາງກອກ ຊຶ່ງເປັນສະພາບແວດລ້ອມທີ່ແຕກຕ່າງກັນຫຼາຍຈາກແຫຼ່ງນໍ້າ
ທໍາມະຊາດບ່ອນເກີດແຕ່ໂບ ຮານຂອງມັນ. ຄັ້ງນຶ່ງ ສາລ່າຍທີ່ວ່ານີ້ແມ່ນມີຢ່າງຫຼວງຫຼາຍ
ຢູ່ຕາມບຶງໜອງບໍ່ເທົ່າໃດແຫ່ງ ຢູ່ໃນບໍ່ເທົ່າໃດປະເທດ ເຊັ່ນປະເທດ Chad ໃນອາຟຣິກາ
ແລະໃນປະເທດມຽນມາ ກັບ ເມັກຊິໂກ.
ເວລານີ້ ຍັງບໍ່ທັນມີປະເທດໃດທີ່ຜະລິດສາລ່າຍ spirulina ນີ້ອອກຂາຍຢ່າງຂະໜານ
ໃຫຍ່ໃນລະດັບໂລກ. ຈີນ ແລະອິນເດຍ ເປັນສອງປະເທດທີ່ປູກສາລ່າຍລາຍໃຫຍ່ທີ່ສຸດ
ຕິດຕາມມາດ້ວຍ ໄທ ແລະສະຫະລັດ.
ຢູ່ໃນບາງກອກນັ້ນ ສາລ່າຍທີ່ວ່ານີ້ ປູກແລະຈະເລີນງອກງາມດີ ຢູ່ໃນຖັງປະຕິກອນຊີວະ
ພາບທີ່ເປັນພະລາສຕິກທີ່ອອກແບບໂດຍຊາວອາເມຣິກັນ Derek Blitz ລະບົບເພາະ
ປູກດັ່ງກ່າວນີ້ ແມ່ນອາໄສແສງຕາເວັນເປັນຫຼັກ ຄືໃຊ້ແສງຕາເວັນຜະສົມເຂົ້າກັບພະລັງ
ງານເຄມີ ມີລະບົບນໍ້າດ່າງ ໄຫຼໝຸນວຽນທົ່ວໝົດທຸກຖັງເພາະປູກ ແລະເອົາເຊື້ອສາລ່າຍ
ໃນປະລິມານນ້ອຍໆລົງໄປເພາະໄວ້. ເຊື້ອສາລ່າຍນີ້ແມ່ນເອົາມາຈາກແຫຼ່ງຜະສົມພືດ
ພັນແຫ່ງນຶ່ງໃນບາງກອກ ໂດຍເກັບໄວ້ຢູ່ໃນຫຼອດແກ້ວທົດລອງ ຂະນະທີ່ລໍາລຽງມາ.
ຫຼັງຈາກໃຊ້ເວລາສຶກສາຄົ້ນຄວ້າແລະພັດທະນາມາໄດ້ຫຼາຍປີ ໂດຍໄດ້ໃຊ້ນັກຊີວະວິທະຍາ
ສີ່ຄົນນັ້ນ ບັດນີ້ ບໍລິສັດ Energaia ແມ່ນຜະລິດສາລ່າຍ ອອກຂາຍໃນປະລິມານ 80 ຫາ 100 ກິໂລໃນແຕ່ລະອາທິດ ໂດຍໃຊ້ພື້ນທີ່ ກວ້າງ 130 ແມັດມົນທົນ ຢູ່ເທິງຊັ້ນດາດຟ້າຂອງ
ໂຮງແຮງ Novotel.
![Spirulina Cultivation in Bangkok]()
Photo Gallery:
ຊັ້ນດາດຟ້າ ຂອງພວກຕຶກສູງໆຫຼາຍຊັ້ນນັ້ນ ແມ່ນເໝາະສົມສໍາລັບປູກພືດພັນຊະນີດນີ້ຫຼາຍ
ຄືມັນເປັນພື້ນທີ່ທີ່ມີຫຼາຍແລະບໍ່ແພງ ແລະແສງຕາເວັນ ພ້ອມທັງຄວາມຮ້ອນທີ່ມີຢ່າງຫຼວງ
ຫຼາຍ ຢູ່ໃນຕົວເມືອງຄືບາງກອກນັ້ນ ໝາຍຄວາມວ່າ ພືດນີ້ຈະເຕີບໃຫຍ່ໄວ.
ທ່ານ Blitz ເວົ້າວ່າ: “ຂະນະນີ້ພວກເຮົາກໍກໍາລັງຕິດຕໍ່ທາບທາມພວກໂຮງແຮມ
ແລະອົງການອື່ນໆ ທີ່ມີຊັ້ນດາດຟ້າເປົ່າວ່າງ ຊຶ່ງວ່າພວກເຮົາສາມາດໃຊ້ພື້ນທີ່
ເປົ່າວ່າງນັ້ນຜະລິດອາຫານທີ່ ມີປະໂຫຍດຕໍ່ຮ່າງກາຍໄດ້ຢູ່ໃນຕົວເມືອງສໍາລັບ
ຊາວເມືອງ ແລະອົງການນັ້ນກໍຈະສາມາດໄດ້ຮັບຜົນປະໂຫຍດຈາກມັນ ເພື່ອ
ຊົມໃຊ້ຢູ່ພາຍໃນວົງການທຸລະກິດຂອງພວກເຂົາເຈົ້າເອງ ພ້ອມທັງຄວາມຮູ້ສຶກ
ຂອງມະຫາຊົນ ທີ່ວ່າພວກເຂົາເຈົ້າກໍາລັງເຮັດ ບາງສິ່ງທີ່ດີໆຂຶ້ນມາ.”
ສາລ່າຍ ສະປາຍຣູລີນາ ທີ່ມີລັກສະນະຄືເທົານັ້ນ ຕ້ອງການນໍ້າຫຼໍ່ລ້ຽງໜ້ອຍກວ່າພືດພັນ
ທົ່ວໄປ ແລະນອກນັ້ນແລ້ວ ຍັງມີຄວາມໄດ້ປຽບອີກ ຄືສາມາດປູກຢູ່ໃນບ່ອນ ທີ່ບໍ່ແມ່ນໜ້າ
ດິນທໍາມະຊາດໄດ້.
ບໍລິສັດ Energaia ຊຶ່ງຄາດວ່າອີກບໍ່ດົນຈະໃຊ້ຊັ້ນດາດຟ້າອີກສອງແຫ່ງຢູ່ໃນບາງກອກ
ປູກສາລ່າຍນີ້ ມີຄວາມຕັ້ງໃຈຈະຂະຫຍາຍໃຫ້ກວ້າງອອກໄປກາຍກວ່າຢູ່ໃນເມືອງຫຼວງຂອງໄທ ອີກ.
ທ່ານ Blitz ອະທິບາຍເລຶ່ອງນີ້ຕໍ່ໄປອີກວ່າ “ພວກເຮົາສາມາດເອົາ ລະບົບເພາະປູກ
ໃນຖັງນີ້ ມາຕຽມໄວ້ ພ້ອມທີ່ຈະເອົາໄປແຫ່ງຫົນໃດກໍໄດ້ ແລະເປີດໂອກາດໃຫ້ບັນ
ດາອົງການຕ່າງໆ ນໍາໃຊ້ເທັກໂນໂລຈີ່ອັນນີ້ຂອງພວກເຮົາ ໄປພັດທະນາອາຫານ
ຢູ່ພາຍໃນປະຊາຄົມຂອງພວກເຂົາເຈົ້າ ທີ່ຂາດແຄນຢູ່ແລ້ວນັ້ນ.”
ຜົນການຄົ້ນຄວ້າຊີ້ແນະວ່າ ສາລ່າຍອາດມີຄຸນຄ່າທີ່ສາມາດຊ່ວຍພວກເຈັບປ່ວຍ ຍ້ອນ
ພະຍາດໂຣຄາຫຼາຍຊະນິດໄດ້ ຊຶ່ງໂຮມທັງໂຣກພູມແພ້ຕ່າງໆ ແລະໂຣກຂໍ້ຕໍ່ອັກເສບ ຫຼື
ປະດົງ. ແຕ່ວ່າ ຄ່າໃຊ້ຈ່າຍໃນການຜະລິດສາລ່າຍໃນປັດຈຸບັນນີ້ ແມ່ນສູງເກີນກວ່າຈະ
ຜະລິດອາຫານທີ່ເປັນປະໂຫຍດຕໍ່ຮ່າງ ກາຍນີ້ ໃນລາຄາຖືກໆໄດ້ ສໍາລັບພວກຄົນສ່ວນ
ຫຼາຍຢູ່ໃນປະເທດພວມພັດ ທະນານັ້ນ.
ຢູ່ໃນບາງກອກ ສາລ່າຍ spirulina ສົດ ປະລິມານ 100 ກຣາມ ຫຼືນຶ່ງຂີດ ມີລາຄາ 5
ໂດລ່າ ຫຼືປະມານ ສີ່ສິບພັນກີບ ຊຶ່ງໝາຍຄວາມວ່າ ມີແຕ່ພວກຄົນມີເງິນເທົ່ານັ້ນຈຶ່ງຈະ
ສາມາດຊື້ສາລ່າຍນີ້ ໄປບໍລິໂພກເປັນອາຫານເສີມ ທີ່ມີຄຸນຄ່າທາງໂພຊະນາການໄດ້.
ຂອງໄທ ໄດ້ກາຍມາເປັນບ່ອນເພາະປູກສາລ່າຍນໍ້າຈືດສໍາລັບໃຊ້
ເປັນອາຫານ ຊຶ່ງພວກທີ່ສະໜັບສະໜຸນເອີ້ນວ່າ ເປັນອາຫານທີ່ດີ
ເລີດ ຫຼື super food ສໍາລັບທັງພວກປະເທດທີ່ຈະເລີນແລ້ວແລະ
ພວກປະເທດພວກພັດທະນາ. Steve Herman ຜູ້ສື່ຂ່າວວີໂອເອ
ສົ່ງລາຍງານມາຈາກບາງກອກ. ຊຶ່ງ ທອງປານຈະນໍາມາສະເໜີ
ທ່ານໃນອັນດັບຕໍ່ໄປ
ເບິ່ງວີດີໂອລາຍງານນີ້ ເປັນພາສາລາວ:
ພໍ່ຄົວຄົນນຶ່ງຢູ່ໂຮງແຮມແຫ່ງນຶ່ງໃນບາງກອກ ກໍາລັງຜະສົມສ່ວນປຸງແຕ່ງອາຫານທີ່ຜິດ
ທໍາມະດາໃສ່ໃນອາຫານຫຼາຍຊະນິດ ທີ່ຈະນໍາອອກໄປວາງໄວ້ເທິງໂຕະອາຫານບຸຟເຟ່ ຂອງໂຮງແຮມ.
ສ່ວນປຸງແຕ່ງອາຫານທີ່ວ່ານີ້ກໍຄືສາລ່າຍ spirulina (ສະປາຍຣູລິນາ) ອັນເປັນພືດພັນ
ທີ່ໃຫ້ຄຸນຄ່າທາງອາຫານຫຼາຍ ທີ່ເກັບກ່ຽວມາຈາກຖັງເພາະປູກ ຢູ່ເທິງຊັ້ນດາດຟ້າຂອງ
ໂຮງແຮມ 27 ຊັ້ນ ຢູ່ຄຸ້ມສະຢາມສະແຄວ ໃນນະຄອນຫລວງບາງກອກ ຫລືກຸງເທບ ນັ້ນເອງ.
ທ່ານ Manuel Reymondin ຜູ້ຈັດການໂຮງແຮມ Novotel ຢູ່ຄຸ້ມ Siam Square ຢືນຢັນວ່າ ສາລ່າຍທີ່ວ່ານີ້ ທັງສົ່ງເສີມສຸຂະພາບແລະເປັນແຫຼ່ງທົດແທນຂອງໂປຣຕີນ.
ທ່ານ Reymondin ເວົ້າວ່າ “ມັນເປັນພືດພັນທີ່ຊ່ວຍເພີ່ມພະລັງໃຫ້ເຮົາແທນກາ
ເຟໄດ້ເປັນຢ່າງດີ. ສໍາລັບຜູ້ທີ່ບໍ່ມັກກິນຊີ້ນຫຼາຍ ຄືພວກທີ່ມັກກິນຜັກຫຼາຍກ່ວາ
ນັ້ນ ສາລ່າຍນີ້ແມ່ນຊ່ວຍໄດ້ຫຼາຍ ເພາະວ່າເຮົາສາມາດບໍລິໂພກສາລ່າຍ
spirulina ນີ້ ແທນໂປຣຕີນໄດ້ ຢ່າງງ່າຍໆ.”
ຫ້ອງນວດສະປາຂອງໂຮງແຮມ ກໍອາໄສຄຸນສົມບັດຕໍ່ຕ້ານອາການອັກເສບຂອງສາລ່າຍ
ສີຂຽວອົມສີຟ້ານີ້ ໂດຍໃຊ້ເຮັດ mask ສໍາລັບທາໜ້າ ເພື່ອເຮັດໃຫ້ໜ້າອ່ອນນຸ່ມ ແລະສົດຊື່ນ.
ນອກນັ້ນແລ້ວ ພວກໂຮງໝໍນັງໄດ້ເອົາສາລ່າຍ spirulina ນີ້ໃຫ້ພວກຄົນເຈັບ ທີ່ກໍາລັງຮັບ
ການປິ່ນປົວດ້ວຍການສາຍແສງ ຫຼືພວກຄົນເຈັບອື່ນໆ ທີ່ມີບັນຫາກິນອາຫານແບບປົກກະຕິ
ບໍ່ໄດ້ນັ້ນ ຍ້ອນວ່າສາລ່າຍດັ່ງກາວນີ້ ອຸດົມສົມມູນດ້ວຍ ໄວຕາມິນຊີ cyanobac terium
ແລະຊ່ວຍໃຫ້ຍ່ອຍອາຫານໄດ້ງ່າຍຂຶ້ນ.
ໂຄງການປູກສາລ່າຍ spirulina ຢູ່ເທິງຊັ້ນດາດຟ້າ ຍັງໄດ້ກາຍເປັນປັດໄຈຫຼັກ ສໍາລັບ
ພາລະຮັບຜິດຊອບຕໍ່ສັງຄົມຂອງບໍລິສັດ Accor ທີ່ເປັນບໍລິສັດແມ່ຂອງໂຮງແຮມ Novotel ນັ້ນນໍາ.
Reymondin ເວົ້າວ່າ: “ມັນເປັນຜະລິດຕະພັນ ທີ່ຄົນຫຼົງຮັກໄດ້ງ່າຍໆ ຄື ເວລາເຮົາ
ເຫັນມັນ ເຮົາກໍຄິດຢາກຊິມລອງເບິ່ງໂລດ ດັ່ງທີ່ພວກເຮົາເປັນກ່ອນ ພວກເຮົາຈະ
ເລີ່ມໂຄງການປູກສາລ່າຍ ສະປາຍຣູລີນາ ນີ້ ພວກເຮົາສ່ວນຫຼາຍບໍ່ຮູ້ວ່າ ມັນແມ່ນ
ຫຍັງແທ້.”
ບໍລິສັດ Energaia ຊຶ່ງເປັນວິສາຫະກິດທ້ອງຖິ່ນທີ່ຫາກໍາໄລແລະຫາກໍຕັ້ງຂຶ້ນໃໝ່ ໄດ້
ແນະນໍາສາລ່າຍ spirulina ນີ້ ໃຫ້ທາງໂຮງແຮມ ດ້ວຍເຫັນວ່າມັນສາມາດປູກໄດ້ ຢູ່ໃນ
ໃຈກາງເມືອງຫຼວງບາງກອກ ຊຶ່ງເປັນສະພາບແວດລ້ອມທີ່ແຕກຕ່າງກັນຫຼາຍຈາກແຫຼ່ງນໍ້າ
ທໍາມະຊາດບ່ອນເກີດແຕ່ໂບ ຮານຂອງມັນ. ຄັ້ງນຶ່ງ ສາລ່າຍທີ່ວ່ານີ້ແມ່ນມີຢ່າງຫຼວງຫຼາຍ
ຢູ່ຕາມບຶງໜອງບໍ່ເທົ່າໃດແຫ່ງ ຢູ່ໃນບໍ່ເທົ່າໃດປະເທດ ເຊັ່ນປະເທດ Chad ໃນອາຟຣິກາ
ແລະໃນປະເທດມຽນມາ ກັບ ເມັກຊິໂກ.
ເວລານີ້ ຍັງບໍ່ທັນມີປະເທດໃດທີ່ຜະລິດສາລ່າຍ spirulina ນີ້ອອກຂາຍຢ່າງຂະໜານ
ໃຫຍ່ໃນລະດັບໂລກ. ຈີນ ແລະອິນເດຍ ເປັນສອງປະເທດທີ່ປູກສາລ່າຍລາຍໃຫຍ່ທີ່ສຸດ
ຕິດຕາມມາດ້ວຍ ໄທ ແລະສະຫະລັດ.
ຢູ່ໃນບາງກອກນັ້ນ ສາລ່າຍທີ່ວ່ານີ້ ປູກແລະຈະເລີນງອກງາມດີ ຢູ່ໃນຖັງປະຕິກອນຊີວະ
ພາບທີ່ເປັນພະລາສຕິກທີ່ອອກແບບໂດຍຊາວອາເມຣິກັນ Derek Blitz ລະບົບເພາະ
ປູກດັ່ງກ່າວນີ້ ແມ່ນອາໄສແສງຕາເວັນເປັນຫຼັກ ຄືໃຊ້ແສງຕາເວັນຜະສົມເຂົ້າກັບພະລັງ
ງານເຄມີ ມີລະບົບນໍ້າດ່າງ ໄຫຼໝຸນວຽນທົ່ວໝົດທຸກຖັງເພາະປູກ ແລະເອົາເຊື້ອສາລ່າຍ
ໃນປະລິມານນ້ອຍໆລົງໄປເພາະໄວ້. ເຊື້ອສາລ່າຍນີ້ແມ່ນເອົາມາຈາກແຫຼ່ງຜະສົມພືດ
ພັນແຫ່ງນຶ່ງໃນບາງກອກ ໂດຍເກັບໄວ້ຢູ່ໃນຫຼອດແກ້ວທົດລອງ ຂະນະທີ່ລໍາລຽງມາ.
ຫຼັງຈາກໃຊ້ເວລາສຶກສາຄົ້ນຄວ້າແລະພັດທະນາມາໄດ້ຫຼາຍປີ ໂດຍໄດ້ໃຊ້ນັກຊີວະວິທະຍາ
ສີ່ຄົນນັ້ນ ບັດນີ້ ບໍລິສັດ Energaia ແມ່ນຜະລິດສາລ່າຍ ອອກຂາຍໃນປະລິມານ 80 ຫາ 100 ກິໂລໃນແຕ່ລະອາທິດ ໂດຍໃຊ້ພື້ນທີ່ ກວ້າງ 130 ແມັດມົນທົນ ຢູ່ເທິງຊັ້ນດາດຟ້າຂອງ
ໂຮງແຮງ Novotel.
Spirulina Cultivation in Bangkok
ຊັ້ນດາດຟ້າ ຂອງພວກຕຶກສູງໆຫຼາຍຊັ້ນນັ້ນ ແມ່ນເໝາະສົມສໍາລັບປູກພືດພັນຊະນີດນີ້ຫຼາຍ
ຄືມັນເປັນພື້ນທີ່ທີ່ມີຫຼາຍແລະບໍ່ແພງ ແລະແສງຕາເວັນ ພ້ອມທັງຄວາມຮ້ອນທີ່ມີຢ່າງຫຼວງ
ຫຼາຍ ຢູ່ໃນຕົວເມືອງຄືບາງກອກນັ້ນ ໝາຍຄວາມວ່າ ພືດນີ້ຈະເຕີບໃຫຍ່ໄວ.
ທ່ານ Blitz ເວົ້າວ່າ: “ຂະນະນີ້ພວກເຮົາກໍກໍາລັງຕິດຕໍ່ທາບທາມພວກໂຮງແຮມ
ແລະອົງການອື່ນໆ ທີ່ມີຊັ້ນດາດຟ້າເປົ່າວ່າງ ຊຶ່ງວ່າພວກເຮົາສາມາດໃຊ້ພື້ນທີ່
ເປົ່າວ່າງນັ້ນຜະລິດອາຫານທີ່ ມີປະໂຫຍດຕໍ່ຮ່າງກາຍໄດ້ຢູ່ໃນຕົວເມືອງສໍາລັບ
ຊາວເມືອງ ແລະອົງການນັ້ນກໍຈະສາມາດໄດ້ຮັບຜົນປະໂຫຍດຈາກມັນ ເພື່ອ
ຊົມໃຊ້ຢູ່ພາຍໃນວົງການທຸລະກິດຂອງພວກເຂົາເຈົ້າເອງ ພ້ອມທັງຄວາມຮູ້ສຶກ
ຂອງມະຫາຊົນ ທີ່ວ່າພວກເຂົາເຈົ້າກໍາລັງເຮັດ ບາງສິ່ງທີ່ດີໆຂຶ້ນມາ.”
ສາລ່າຍ ສະປາຍຣູລີນາ ທີ່ມີລັກສະນະຄືເທົານັ້ນ ຕ້ອງການນໍ້າຫຼໍ່ລ້ຽງໜ້ອຍກວ່າພືດພັນ
ທົ່ວໄປ ແລະນອກນັ້ນແລ້ວ ຍັງມີຄວາມໄດ້ປຽບອີກ ຄືສາມາດປູກຢູ່ໃນບ່ອນ ທີ່ບໍ່ແມ່ນໜ້າ
ດິນທໍາມະຊາດໄດ້.
ບໍລິສັດ Energaia ຊຶ່ງຄາດວ່າອີກບໍ່ດົນຈະໃຊ້ຊັ້ນດາດຟ້າອີກສອງແຫ່ງຢູ່ໃນບາງກອກ
ປູກສາລ່າຍນີ້ ມີຄວາມຕັ້ງໃຈຈະຂະຫຍາຍໃຫ້ກວ້າງອອກໄປກາຍກວ່າຢູ່ໃນເມືອງຫຼວງຂອງໄທ ອີກ.
ທ່ານ Blitz ອະທິບາຍເລຶ່ອງນີ້ຕໍ່ໄປອີກວ່າ “ພວກເຮົາສາມາດເອົາ ລະບົບເພາະປູກ
ໃນຖັງນີ້ ມາຕຽມໄວ້ ພ້ອມທີ່ຈະເອົາໄປແຫ່ງຫົນໃດກໍໄດ້ ແລະເປີດໂອກາດໃຫ້ບັນ
ດາອົງການຕ່າງໆ ນໍາໃຊ້ເທັກໂນໂລຈີ່ອັນນີ້ຂອງພວກເຮົາ ໄປພັດທະນາອາຫານ
ຢູ່ພາຍໃນປະຊາຄົມຂອງພວກເຂົາເຈົ້າ ທີ່ຂາດແຄນຢູ່ແລ້ວນັ້ນ.”
ຜົນການຄົ້ນຄວ້າຊີ້ແນະວ່າ ສາລ່າຍອາດມີຄຸນຄ່າທີ່ສາມາດຊ່ວຍພວກເຈັບປ່ວຍ ຍ້ອນ
ພະຍາດໂຣຄາຫຼາຍຊະນິດໄດ້ ຊຶ່ງໂຮມທັງໂຣກພູມແພ້ຕ່າງໆ ແລະໂຣກຂໍ້ຕໍ່ອັກເສບ ຫຼື
ປະດົງ. ແຕ່ວ່າ ຄ່າໃຊ້ຈ່າຍໃນການຜະລິດສາລ່າຍໃນປັດຈຸບັນນີ້ ແມ່ນສູງເກີນກວ່າຈະ
ຜະລິດອາຫານທີ່ເປັນປະໂຫຍດຕໍ່ຮ່າງ ກາຍນີ້ ໃນລາຄາຖືກໆໄດ້ ສໍາລັບພວກຄົນສ່ວນ
ຫຼາຍຢູ່ໃນປະເທດພວມພັດ ທະນານັ້ນ.
ຢູ່ໃນບາງກອກ ສາລ່າຍ spirulina ສົດ ປະລິມານ 100 ກຣາມ ຫຼືນຶ່ງຂີດ ມີລາຄາ 5
ໂດລ່າ ຫຼືປະມານ ສີ່ສິບພັນກີບ ຊຶ່ງໝາຍຄວາມວ່າ ມີແຕ່ພວກຄົນມີເງິນເທົ່ານັ້ນຈຶ່ງຈະ
ສາມາດຊື້ສາລ່າຍນີ້ ໄປບໍລິໂພກເປັນອາຫານເສີມ ທີ່ມີຄຸນຄ່າທາງໂພຊະນາການໄດ້.
