ບາງທີອາດຍັງຮູ້ກັນໜ້ອຍຢູ່ໃນຄວາມຈິງທີ່ວ່າ ນ້າສາວຂອງ Kim Jong Un ຜູ້ນຳ ເກົາຫລີເໜືອ ໄດ້ອາໄສຢູ່ໃນສະຫະລັດ ມາເປັນເວລາ 18 ປີແລ້ວ.
ໜັງສືພິມ The Washington Post ລາຍງານໃນວັນສຸກວານນີ້ວ່າ ນາງ Ko Yong Suk ອາຍຸ 60 ປີ ໄດ້ໃຊ້ຊີວິດຢ່າງລຶກລັບໃນສະຫະລັດ ກັບສາມີຂອງນາງ ທ້າວ Ri Gang ແລະລູກເຂົາເຈົ້າສາມຄົນ ນັບແຕ່ໄດ້ໂຕນໜີ ຈາກເກົາ ຫລີເໜືອໃນປີ 1998.
ນາງ Ko ແລະ ທ້າວ Ri ຊຶ່ງຄັ້ງນຶ່ງ ໄດ້ເປັນບັນດາສະມາຊິກຂອງຄອບຄົວທີ່ ປົກຄອງ ເກົາຫລີເໜືອ ໄດ້ຮ້ອງຂໍບໍ່ໃຫ້ໜັງສືພິມ Washington Post ພິມເຜີຍແຜ່ຊື່ທີ່ເຂົາເຈົ້າ ໃຊ້ ຫລືເປີດເຜີຍບ່ອນທີ່ເຂົາເຈົ້າຢູ່ໃນສະຫະລັດ ເພື່ອປົກປ້ອງ ພວກລູກເຕົ້າທີ່ໃຫຍ່ແລ້ວ ຂອງເຂົາເຈົ້າ ທີ່ດຳລົງຊີວິດຢູ່ຢ່າງເປັນປົກກະຕິນັ້ນ.
ໃນເປີດເຜີຍຈາກຄວາມມິດງຽບຂອງເຂົ້າເຈົ້າຢູ່ໃນສະຫະລັດ ນາງ Ko ແລະ ທ້າວ Ri ໄດ້ ໃຊ້ເວລາ 20 ຊົ່ວໂມງໂອ້ລົມກັບນັກຂ່າວ Washington Post ສອງຄົນໃນນະຄອນ New York ທີ່ບ້ານພັກເຂົາເຈົ້າ ທີ່ໃຊ້ເວລາຂັບລົດຫຼາຍຊົ່ວໂມງອອກໄປນັ້ນ.
ນາງ Ko ແລະ ທ້າວ Ri ເຮັດທຸລະກິດຮ້ານຊັກແຫ້ງ ກ່າວຕໍ່ໜັງສືພິມວ່າ ລູກເຕົ້າຂອງເຂົາ ເຈົ້າໄປໂຮງຮຽນທີ່ດີ ແລະປະສົບຜົນສຳເລັດ. ທ້າວ Ri ໄດ້ກ່າວຕໍ່ໜັງສືພິມ Washing- ton Post ວ່າ “ຂ້າພະເຈົ້າຄິດວ່າ ພວກເຮົາໄດ້ບັນລຸ ໃນຄວາມຝັນແບບອາເມຣິກັນ ຂອງເຂົາເຈົ້າ.”
ນາງ Ko ກ່າວວ່າ ພວກລູກຂອງລາວ ບໍ່ມີຄວາມສົນໃຈ ກ່ຽວກັບເກົາຫລີເລີຍບໍ່ວ່າເກົາ ຫລີເໜືອ ຫລືເກົາຫລີໃຕ້. ລູກຊາຍກົກຂອງເຂົາເຈົ້າ ເປັນນັກຄະນິດສາດ ລູກຊາຍຄົນທີ ສອງ ຊ່ວຍເຮັດທຸລະກິດ ແລະລູກສາວ ເຮັດວຽກກ່ຽວກັບເລື້ອງ computer science.
ນາງ Ko ເປັນນ້ອງສາວຂອງ ນາງ Ko Yong Hui ເປັນນຶ່ງໃນພັນລະຍາຂອງມື້ລາງຜູ້ນຳ ເກົາຫລີເໜືອ Kim Jong Il ແລະເປັນແມ່ຂອງ Kim Jong Un ຊຶ່ງລາຍງານວ່າ ມີຄວາມ ສຳພັນຢ່າງໃກ້ຊິດກັບ Kim Jong Un ເພາະ ວ່ານາງໄດ້ບົວລະບັດລາວ ເວລາລາວຍັງ ເຂົ້າໂຮງຮຽນຢູ່ Switzerland.
ໃນປີ 1998 ເວລາ Kim Jong Un ມີອາຍຸ 14 ປີ ອ້າຍຂອງລາວ ອາຍຸ 17 ປີ ນາງ Ko ແລະທ້າວ Ri ໄດ້ຕັດສິນໃຈໂຕນໜີ ຫຼັງຈາກເອື້ອຍຂອງນາງ Ko ໄດ້ກວດພົບວ່າ ເປັນ ມະເຮັງຢູ່ນົມ ແລະໄດ້ເສຍຊີວິດ ຫົກປີຕໍ່ມາ ໃນປີ 2004. ເຂົາເຈົ້າໄດ້ກ່າວ ຕໍ່ໜັງສືພິມ
Washington Post ວ່າ ນັບແຕ່ເດັກຊາຍຄົນນີ້ ໄດ້ໃຫຍ່ໂຕມາ ເຂົາເຈົ້າຈະບໍ່ເປັນທີ່ຕ້ອງການໂດຍລັດທິນີ້ ອີກຕໍ່ໄປ ແລະໄດ້ພາກັນຫລົບໜີ ຍ້ອນມີຄວາມເປັນຫ່ວງກ່ຽວ ກັບການເສຍຖາ ນະສິດພິເສດຂອງເຂົາເຈົ້າ.
