ລິ້ງ ສຳຫລັບເຂົ້າຫາ

site logo
ວັນພຸດ, 18 ພຶດສະພາ 2022

ມີການລະເມີດ ລະບຽບການ ຢ່າງແຜ່ກວ້າງ ໃນການເລືອກຕັ້ງ ຂອງມຽນມາ (ເບິ່ງສະໄລດ໌)


ທ່ານນາງ Aung San Suu Kyi ຜູ້ນໍາພັກສັນນິບາດແຫ່ງຊາດ ເພື່ອປະຊາທິປະໃຕ ໃນມຽນມາ ກ່າວປາໄສ ຕໍ່ຊື່ມວນຊົນ ທີ່ບ້ານພັກ ຂອງທ່ານນາງ ໃນວັນສຸກ ທີ່ 30, 2012.

ຜູ້​ນໍາປະຊາທິປະໄຕຂອງ​ມຽນມາ ທ່ານ​ນາງ Aung San Suu Kyi ກ່າວ​ວ່າ ການ​
ເລືອກ​ຕັ້ງ​ສະມາ​ຊິກ​ສະພາ​ແຫ່ງ​ຊາດຄັ້ງພິ​ເສດ ທີ່​ຈະ​ມາ​ເຖິງ​ນີ້ ​ໄດ້ປະສົບ​ກັບ​ບັນຫາ​ຢ່າງ​
ໜັກ​ເນຶ່ອງຈາກມີ​ການລ​ະ​ເມີດ​ລະບຽບ ການ​ຢ່າງ​ແຜ່​ກວ້າງ.

ທ່ານ​ນາງ​ອອງຊານ ຊູ​ຈີ ຜູ້ທີ່​ໄດ້​ຮັບ​ລາງ​ວັນ​ໂນ​ແບ​ລ ຂະ​ແໜງ​ສັນຕິພາບ ກ່າວ​ຕໍ່ພວກ​
ນັກ​ຂ່າວໃນ​ວັນ​ສຸກມື້ນີ້​ ທີ່​ນະຄອນ​ຢ່າງກຸ້ງວ່າ ການລະ​ເມີດ​ລະບຽບ​ການ​ເຫຼົ່ານີ້ ​ແມ່ນ
“​ເກີນ​ຂອບ​ເຂດ​ທີ່​ຈະ​ຮັບ​ເອົາ​ໄດ້​ໃນ ການ​ເລືອກ​ຕັ້ງ​ແບບ​ປະຊາທິປະໄຕ​ນັ້ນ​” ​ແ​ຕ່ທ່ານ​
ນາງກໍກ່າວ​ວ່າ ທ່ານ​ນາງ​ພ້ອມ​ດ້ວຍພັກ​ຂອງ​ທ່ານ ຄືພັກ​ສັນນິບາດແຫ່ງ​ຊາດ​ເພື່ອປະ
ຊາທິ ປະໄຕ ​“​ໄດ້​ຕັດສິນ​ທີ່ຈະ​ພາກັນດໍາ​ເນີນການ​ໄປ​ໜ້າ.”

ທ່ານ​ນາງ Aung San Suu Kyi ​ແລະບັນດາຜູ້​ສະມັກ​ຄົນ​ອື່ນໆ​ຂອງ ພັກ​ສັນນິບາດ​
ແຫ່ງ​ຊາດ​ເພື່ອ​ປະຊາທິປະໄຕ​ ພາກັນ​ເຂົ້າ​ແຂ່ງຂັນ ​ເອົາ 48 ບ່ອນ​ນັ່ງ​ທີ່ຍັງ​ຫວ່າງຢູ່ ໃນ
ການ​ເລືອກ​ຕັ້ງຊຶ່ງ​ຈະ​ມີ​ຂຶ້ນ​ໃນ​ວັນ​ອາທິດ ນີ້.​ ​ໃນ​ຕົ້ນ​ເດືອນ​ນີ້ ພັກ​ສັນນິບາດ​ແຫ່ງ​ຊາດ​
ເພື່ອ​ປະຊາທິປະ​ໄຕ​ໄດ້​ລະ ບຸ​ໃຫ້​ຊາບ ກ່ຽວ​ກັບ​ການ​ຜິດ​ລະບຽບ​ການ​ເລືອກ​ຕັ້ງຈຳ
ນວນ​ນຶ່ງ​ເຊັ່ນ​ການ ຈຳກັດ​ບ່ອນ​ໂຄສະນາ​ຫາ​ສຽງໂດຍ​ລັດຖະບານ ​ແລະ​ບັນຊີ​ລາຍ​ຊື່​
ເລືອກ ຕັ້ງຂອງ​ລັດຖະບານ ​ທີ່​ປະກົດ​ວ່າ​ ຮວມທັງ​ຊື່​ພວກ​ທີ່​ເສຍ​ຊີວິດ​ໄປ​ແລ້ວ​ເປັນ​ຈຳ
ນວນ​ຫຼວງຫຼາຍ.

ພັກ​ສັນນິບາດ​ແຫ່ງ​ຊາດ​ເພື່ອ​ປະຊາທິ​ໄຕ ​ໄດ້ບ໋ອຍຄອດ​ຫຼືບໍ່​ເຂົ້າຮ່ວມ​ ​ການ​ເລື​ອກຕັ້ງ
ໃນ​ປີ 2010 ​ເພື່ອ​ສ້າງຕັ້ງລັດຖະບານ​ພົນລະ​ເຮືອນ​ທີ່ ​ໄດ້​ຮັບ​ການໜຸນ​ຫຼັງຈາກ​ພວກ
ທະຫານເຂົ້າຮັບ​ໜ້າ​ທີ່​ແທນ​ລັດຖະບານ ທະຫານ​ທີ່​ປົກຄອງ​ປະ​ເທດ​ມາ​ເປັນ​ເວລາ​ດົນ​
ນານ ຍ້ອນ​ກົດ​ລະບຽບ​ຕ່າງໆ​ໄດ້​ຂັດຂວາງ​ບໍ່​ໃຫ້​ທ່ານ​ນາງ​ອອງຊານ ຊູ​ຈີ​ ​ເຂົ້າສະມັກ
ແຂ່ງຂັນ. ພັກ​ສັນນິບາດ​ແຫ່ງ​ຊາດ​ເພື່ອ​ປະຊາທິປະ​ໄຕ ​ໄດ້​ຮັບ​ໄຊຊະນະ​ຢ່າງ​ຖ້ວມລົ້ນ​
ໃນ​ການ​ເລືອກ​ຕັ້ງປີ 1990 ແຕ່​ລັດຖະບານ​ທະຫານ​ທີ່​ປົກຄອງ​ປະ ​ເທດ​ຢູ່​ໃນ​ເວລາ​
ນັ້ນບໍ່​ຍອມ​ມອບ​ອຳນາດ​ໃຫ້.

ລັດຖະບານ​ມຽນມາ ​ໄດ້​ເຊື້ອ​ເຊີນ​ຫຼາຍໆ​ປະ​ເທດ ​ແລະ​ອົງການ​ຈັດ​ຕັ້ງ​ນາໆ​ຊາດ​ໄປ
ສັງ​ເກດ​ການ​ເບີ່​ງການ​ເລືອກ​ຕັ້ງໃນ​ວັນ​ອາທິດ​ນີ້ ຮວມ​ທັງ ສະຫະລັດອາ​ເມ​ຣິ​ກາ
ຢູ​ໂຣບ ຍີ່​ປຸ່ນ ​ແລະ​ສະມາຄົມ​ບັນດາ​ປະຊາ​ຊາດ ​ໃນ​ເຂດ​ເອ​ເຊຍ​ຕາ​ເວັນ​ອອກສຽງ
ໃຕ້​ຫຼືອາ​ຊ່ຽນ.

ເບິ່ງລາຍງານວີດີໂອພາສາລາວ ກ່ຽວກັບການເລືອກຕັ້ງຢູ່ມຽນມາ:

ທ່ານອາດຈະມັກເລື້ອງນີ້ຄືກັນ

XS
SM
MD
LG