ມຽນມາ ພວມກະກຽມຂັ້ນສຸດທ້າຍໃນວັນເສົາມື້ນີ້ ສຳຫຼັບການເລືອກຕັ້ງຄັ້ງປະຫວັດສາດໃນ
ວັນອາທິດມື້ອື່ນ ເວລາທ່ານນາງອອງຊານຊູຈີຜູ້ປຸກລະດົມເພື່ອປະຊາທິປະໄຕທີ່ໄດ້ຖືກກັກບໍ
ລິເວນເມື່ອນຶ່ງປີກວ່າໆຜ່ານມານີ້ມີທ່າທາງວ່າຈະໄດ້ຖືກເລືອກໃຫ້ເຂົ້າໄປນັ່ງຢູ່ໃນສະພາແຫ່ງ
ຊາດຂອງປະເທດທີ່ຄອບງຳໂດຍພວກທະຫານ.
ການປະກອບສ່ວນເຂົ້າຮ່ວມໃນການເລືອກຕັ້ງດັ່ງກ່າວຂອງທ່ານນາງ ມີຂຶ້ນກໍຍ້ອນ ໄດ້ມີການ
ຫຼຸດຜ່ອນຄວາມເຄັ່ງຕຶງລົງ ກັບລັດຖະບານທີ່ໄດ້ເລີ່ມດຳເນີນການປະຕິຮູບປະຊາທິປະໄຕແບບ
ບໍ່ຄາດຝັນໃນໄລຍະຫຼາຍໆເດືອນຜ່ານມານີ້.
ການເລືອກຕັ້ງໃນວັນອາທິດມື້ອື່ນນີ້ ແມ່ນເພື່ອແຂ່ງຂັນເອົາບ່ອນນັ່ງສ່ວນນ້ອຍໆ ຈຳນວນນຶ່ງ
ສໍາລັບກຸ່ມຊົນສ່ວນນ້ອຍຢູ່ໃນສະພາແຫ່ງຊາດທໍ່ນັ້ນ ແຕ່ກໍບໍ່ໄດ້ເຮັດໃຫ້ການສະແດງຄວາມຮູ້
ສຶກກະຕືລືລົ້ນຂອງປະຊາຊົນຫຼຸດນ້ອຍຖອຍລົງແຕ່ຢ່າງໃດ ສຳຫຼັບທ່ານນາງອອງຊານ ຊູຈີ ຜູ້
ທີ່ລັດຖະບານພະຍາຍາມຢາກປິດປາກປິດສຽງມາໄດ້ສອງທົດສະວັດແລ້ວນັ້ນ ແລະພັກສັນນິ
ບາດແຫ່ງຊາດເພື່ອປະຊາທິປະໄຕຂອງ ທ່ານນາງ.
ທ່ານນາງອອງຊານ ຊູຈີ ຜູ້ທີ່ເຄີຍໄດ້ຮັບລາງວັນໂນແບລຂະແໜງສັນຕິພາບກ່າວໃນມື້ວັນສຸກ
ວານນີ້ວ່າ ທ່ານນາງບໍ່ຄາດວ່າ ການເລືອກຕັ້ງຂອງມຽນມາຈະດຳເນີນໄປຢ່າງຍຸຕິທຳ ແຕ່ມັນ
ກໍມີຄວາມສຳຄັນ.