ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ່ານນາງ ອອງຊານ ຊູຈີ ຮັບເອົາ ລາງວັນ ສິດທິມະນຸດ Sakharov ທີ່ໄດ້ແຕ່ດົນແລ້ວ


ທ່ານນາງອອງຊານຊູຈີ ຜູ້ນຳປະຊາທິປະໄຕໃນມຽນມ້າ ກຳລັງຖື
ລາງວັນ Sakharov ປະຈຳປີ 1990 ຂອງທ່ານນາງ ຄຽງຂ້າງ
ທ່ານ Martin Schulz ປະທານລັດຖະສະພາຢູໂຣບ.
ທ່ານນາງອອງຊານຊູຈີ ຜູ້ນຳປະຊາທິປະໄຕໃນມຽນມ້າ ກຳລັງຖື ລາງວັນ Sakharov ປະຈຳປີ 1990 ຂອງທ່ານນາງ ຄຽງຂ້າງ ທ່ານ Martin Schulz ປະທານລັດຖະສະພາຢູໂຣບ.
ໄດ້​ມີ​ການ​ຊັກ​ຊ້າເປັນ​ເວລາ 2 ທົດ​ສະ​ວັດ​ກວ່າໆ ທ່າ​ນນາງ​ອອງ
ຊານ​ຊູ​ຈີ ຜູ້ນຳ​ປະຊາທິປະໄຕ​ໃນ​ມຽນມ້າ ​ໃນ​ທີ່​ສຸດ​ກໍ​ໄດ້​ຮັບ​ລາງ
ວັນ​ ວ່າ​ດ້ວຍ​ສິດທິ​ມະນຸດ Sakharov ຂອງ​ສະຫະ​ພາບ​ຢູ​ໂຣບ.

ທ່ານ​ນາງ​ອອງຊານ ໄດ້​ຮັບ​ລາງວັນ​ນີ້ໃນ​ປີ 1990 ​ແຕ່​ພວກ​ທະ
ຫານ​ມຽນມ້າ ຊຶ່ງປົກຄອງ​ປະ​ເທດມາຈົນ​ຮອດ ​ປີ 2011 ນັ້ນ ບໍ່​
ຍອມ​ປ່ອຍ​ໃຫ້​ທ່ານ​ນາງ​ ໄປ​ຮັບ​ເອົາ.

​ໃນ​ການ​ກ່າວ​ປາ​ໄສ​ຕໍ່​ລັດຖະສະພາ​ຢູ​ໂຣບ ທີ່​ເມືອງ Strasbourg ປະ​ເທດ​ຝຣັ່ງ​ໃນ​ວັນ​ອັງຄານ​ວານ​ ນີ້ ຜູ້ນຳ​ພັກ​ຝ່າຍ​ຄ້ານ​ມຽນມ້າ ກ່າວ​ວ່າ ມັນ​ເປັນ​ໂອກາດ​ທີ່​ປຶ້ມ​ປິ​ຕິ​ຍິນ​ດີ​ແລະ​ເບີກບານ​ສຳລັບ​ທ່ານ​ນາງ ​ແຕ່​ການ​ດຳ​ເນີນ​ງານເພື່ອ​ໃຫ້​ປະ​ເທດ​ຂອງ​ທ່ານ​ນາງ
ໄດ້​ຮັບລະບອບ​ປະຊາທິປະ​ໄຕ​ໂດຍເຕັມ​ ​ແມ່ນຍັງ​ດຳ​ເນີນ​ໄປ​ຢູ່.

ທ່ານ​ນາງ​ອອງຊານ​ຊູ​ຈີ ກ່າວ​ວ່າ "ທ່ານ Andrei Sakharov ອາດ​ປາດ​ຖະໜາ​ຢາກ​ໃຫ້​ພວກ​ເຮົາ​ຢູ່​ໃນ​ບ່ອນທີ່​ເສລີພາບ​ໃນ​ການ​ອອກ​ຄວາມ​ຄິດ​ຄວາມເຫັນ ​ເປັນສິດທິ​ທີ່​ມີ​ມາ​ແຕ່​ກຳ​ເນີ​ດຂອງ​ພົນລະ​ເມືອງ​ທຸກໆ​ຄົນ ​ໃນ​ປະ​ເທດ​ຂອງ​ພວກ​ເຮົາ ​ແລະ​ການ​ບັນລຸ​ຖານະດັ່ງ ກ່າວ​ນີ້ຂອງ​ສັງຄົມ ​ຄົງຈະ​ໄດ້​ຮັບ​ການ​ເຫັນ​ດີ​ເຫັນ​ພ້ອມ​ຈາກ​ສາດສະດາຈານ Sakharov ພວກ​ເຮົາ​ຈະ​ຕ້ອງ​ໄດ້​ດຳ​ເນີນ​ງານ​ໜັກ​ຂຶ້ນ​ອີກ. ທ່ານ​ນາງ​ກ່າວ​ຕື່ມ​ວ່າ ​ປະຊາຊົນ​ຂອງ​ພວກ​ເຮົາ​ຈະ​ຕ້ອງ​ໄດ້​ມີ​ພາກສ່ວນ​ຮ່ວມ​ໃນ​ວຽກ​ງານ​ງານ ​ແຕ່​ຂ້າພະ​ເຈົ້າ​ເຊື່ຶອວ່າ ພວກ​ທ່ານ​ໝົດ​ສູ່ຄົນ​ສາມາດ​ຊ່ອຍ​ພວກ​ເຮົາ​ໄດ້ ​ໃນ​ຄວາມ​ພະຍາຍາມ​ຕ່າງໆ​ຂອງ​ພວກ​ເຮົາ."

​ໃນ​ລະຫວ່າງ​ການ​ເດີນທາງ​ໄປ​ຍັງ​ຢູ​ໂຣບນີ້ ທ່ານ​ນາງອອງຊານ​ຊູ​ຈີ ຜູ້​ທີ່​ໄດ້​ຮັບ​ລາງວັນ​ໂນແບ​ລ
ຂະ​ແໜງ​ສັນຕິພາບ​ ໄດ້​ທຳ​ການ​ຮຽກຮ້ອງ​ໃຫ້​ພວກ​ປະ​ເທດ​ສະຫະພາບ​ຢູ​ໂຣບ​ແລະ​ສະຫະລັດ
ໃຫ້ການ​ສະໜັບສະໜຸນທ່ານ​ນາງ​ ເພື່ອ​ໃຫ້​ໃຫ້​ມີ​ການ​ປ່ຽນ​ແປງ​ໃນ​ລັດຖະທຳ​ມະນູນ​ຂອງ​ມຽນມ້າ​.

ຜູ້ນຳ​ພັກ​ສັນນິບາດ​ແຫ່ງ​ຊາດ​ເພື່ອ​ປະຊາທິປະ​ໄຕ ຊຶ່ງ​ເປັນ​ພັກ​ຝ່າຍ​ຄ້ານ​ນັ້ນຢາກ​ໃຫ້ທຳ​ການ​ຍົກ​
ເລີກການ​ເກືອດ​ຫ້າມປະຊາຊົນ​ທີ່​ມີ​ຜົວ​ມີ​ເມຍ ຫຼື​ລູກ​ເຕົ້າ​ ເປັນ​ຄົນ​ຕ່າງປະ​ເທດ ​ສະໝັກ​ເປັນປະທາ
ນາທິບໍດີ​. ​ເຫດຜົນ​ດັ່ງກ່າວ​ນີ້​ ມີ​ຜົນ​ກະທົບ​ໂດຍ​ກົງຕໍ່​ສະຖານະພາບ ຂອງ​ທ່ານ​ນາງ​ອອງຊານ ​ທີ່​ຈະ​ສະໝັກ​ເປັນ​ປະທານາທິບໍດີ​ໄດ້​ໃນ​ປີ 2015 ​ເພາະວ່າ​ພວກລູກ​ເຕົ້າ​ຂອງ​ທ່ານ​ນາງເປັນ​ສັນຊາດ​ອັງ
ກິດ.

ນອກ​ນັ້ນ ​ຜູ້ນຳ​ຝ່າຍ​ຄ້ານມຽນມາ ​ຍັງ​ຢາກ​ລົບ​ລ້າງ​ຕຳ​ແໜ່​ງ​ພິ​ເສດ​ທາງ​ການ​ເມືອງ ຊຶ່ງ​ລັດຖະທຳ​ມະນູນ​ສະບັບປັດຈຸບັນສະຫງວນ​ຕຳ​ແໜ່​ງ​ເຫຼົ່າ​ນີ້​ໄວ້​ໃຫ້​ແຕ່​ພວກ​ທະຫານ​ນັ້ນ.

ທ່ານ Nyan Win ​ໂຄສົກ​ປະຈຳ​ພັກ​ສັນນິບາດ​ແຫ່ງ​ຊາດ​ເພື່ອ​ປະຊາທິປະ​ໄຕ ​ຫຼື NLD ກ່າວ​ຕໍ່​ ວີ​ໂອ​
ເອພະແນ​ກພາສາ​ມຽນມ້າວ່າ ​ໃນ​ປັດຈຸບັນ​ນີ້ ພັກ​ຝ່າຍ​ຄ້ານກຳລັງ​ທຳ​ການ​ສຳ​ຫຼວດທ່າ​ທີ​ຂອງປະຊາ
ຊົນກ່ຽວ​ກັບການ​ປ່ຽນ​ແປງ​ໃນ​ກົດໝາຍ​ລັດຖະທຳ​ມະນູນ​.


XS
SM
MD
LG