ລິ້ງ ສຳຫລັບເຂົ້າຫາ

logo-print

ອຸດສາຫະກໍາ ການບິນ ໃນຂົງເຂດ ເອເຊຍ ກໍາລັງ ເຕີບໃຫຍ່ຂຶ້ນ ນັບມື້


ຜູ້ໂດຍສານ ທີ່ອັ່ງອໍກັນ ຢູ່ສະໜາມບິນນານາ ຮ່ອງກົງ ເມື່ອເດືອນ ຜ່ານມານີ້
ຢູ່​ທົ່ວ​ຂົງ​ເຂດ​ເອ​ເຊຍ​ຕາ​ເວັນ​ອອກສຽງ​ໃຕ້ ​ເວລາ​ນີ້ລາຍ​ໄດ້​ຂອງ​
ຜູ້​ຄົນ​ທີ່ຖີບ​ຕົວສູງ​ຂຶ້ນ​ຕະຫຼອດ​ໄລຍະສິບປີຜ່ານມາ ຍັງ​ຜົນ​ເຮັດ​
ໃຫ້​ອຸດສາຫະກໍາການບິນເຕີບ​ໃຫຍ່​ຂະ​ຫາຍ​ຕົວຂຶ້ນ​ໄປ​ນໍາ​ເຊັ່ນ​
ກັນ ໂດຍ​ສະ​ເພາະ​ພວກສາຍ​ການບິນ ບໍລິການ​ຜູ້​ໂດຍສານໃນ​
ລາຄາ​ ຖືກ​ໆ​ນັ້ນ ​ແມ່ນຈະ​ເລີນ​ເຕີບ​ໂຕ​ຂຶ້ນ ຢ່າງ​ເປັນ​ປະຫວັດ​
ການ. Ron Corben ຜູ້​ສື່​ຂ່າວ​ວີ​ໂອ​ເອ ລາຍ​ງານ​ຈາກ​ບາງກອກ ກ່ຽວ​ກັບຄວາມຍາກ​ ລໍາ
ບາກ ທີ່ມາ​ພ້ອມ​ກັບ​ການ​ເຕີບ​ໃຫຍ່​ຂຶ້ນ​ ຂອງອຸດສາຫະກໍາ​ດັ່ງກ່າວ ທີ່​ເລ່ງສ້າງສະໜາມ​ບິນ ແລະ​ໂຄງ​ລ່າງພື້ນຖານ​ ສໍາລັບ​ການບິນ ພ້ອມ​ດຽວ​ກັນ​ ກໍ​ທໍາ​ການ​ເຝິກອົບ​ລົມ​ ນັກ​ບິນ​ຈໍ​ານວນຫຼາຍ​ໝື່ນຄົນ ​ໃນ​ຂະນະ​ທີ່​ພະຍາ​ຍາມຮັກສາ​ມາດຕະຖານ​ດ້ານຄວາມ​ປອດ​ໄພ​ໃຫ້​ສູງ ໄວ້​ນັ້ນ. ທອງ​ປານ ມີ​ລານ​ລະອຽດມາສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.


​ໃນ​ໄລຍະແປ​ດ​ເດືອນ​ທໍາ​ອິດ​ຂອງ​ປີ 2013 ນີ້ ກຸ່ມ​ການ​ຄ້າ​ດ້ານ​ອຸດສາຫະກໍາ ​ເວົ້າ​ວ່າ ສາຍ​ການບິນຕ່າງໆ​ແຫ່ງ​ຂົງ​ເຂດເອ​ເຊຍ​ປາຊີ​ຟິກ ​ໄດ້​ຮັບ​ໃຊ້​ບໍລິການຜູ້​ໂດຍສານ​ຫຼາຍ​ກວ່າ 138 ລ້ານ​ຄົນ ຢູ່​ໃນ​ຂົງ​ເຂດ ຊຶ່ງ​ເປັນ​ການ​ເພີ່ມ​ຂຶ້ນ 5% ​ຈາກ​ປີຜ່ານ​ມາ.

ສູນ​ກາງ​ການບິນ​ເອ​ເຊຍ​ປາຊີ​ຟິກ ຫຼື Center for Asia Pacific Aviation ທີ່​ມີ​ສໍານັກ ງານ​ໃຫຍ່​ຢູ່ Sydney ປະ​ເທດ​ອອສ​ເຕຣ​ເລຍ​ ​ເວົ້າ​ວ່າ ການ​ເຕີບ​ໂຕ​ຂຶ້ນດັ່ງກ່າວ​ ​ແມ່ນ​ໄດ້​ຮັບ​ການ​ຊຸກຍູ້ ຈາກພວກສາຍ​ການບິນ ລາຄາຖືກທັງຫຼາຍ ທີ່​ຂາຍ​ປີ້​ໄດ້ ​ຫຼາຍ​ກວ່າ​ເຄິ່ງນຶ່ງ ຂອງບ່ອນ​ນັ່ງ​ຜູ້​ໂດຍສານ​ທັງ​ໝົດ​ໃນ​ປີ 2012 ນັ້ນ ຊຶ່ງ​ເມື່ອ​ສິບ​ປີ​ຜ່ານມາ ​ແມ່ນ​ບໍ່​ມີ​ເລີຍ.

Martin Craig ຫົວໜ້າ​ ​ສະມາຄົມ​ທ່ອງ​ທ່ຽວ ເອເຊຍປາ​ຊິ​ຟິກ the Pacific Asia Travel Association ຫຼື PATA ​ເວົ້າວ່າ ກຸ່ມຊົນ​ຊັ້ນ​ກາງຂອງ​ເອ​ເຊຍ ​ທີ່​ກໍາລັງ​ເຕີບ​ໂຕ​ຂຶ້ນນັບ​ມື້​ນັ້ນ ​ເປັນ​ແຮງ​ຜັກ​ດັນ​ໃຫ້ເກີດ ຄວາມ​ຮຽກຮ້ອງ​ຕ້ອງການສູງ ​ສໍາລັບ​ການ​ເດີນທາງ.

ທ່ານ Craig ​ເວົ້າ​ວ່າ: “ການ​ເພີ່ມ​ຂຶ້ນຢ່າງ​ໃຫຍ່​ຫຼວງ​ ຢູ່​ໃນ​ວົງ​ການ​ທ່ອງ​ທ່ຽວພາຍ​ໃນ​ເອ​ເຊ​ຍ ​ແລະ​ການ​ເດີນທາງ​ທາງ​ອາກາດ​ນັ້ນ​ ​ແມ່ນ​ເປັນຍ້ອນ​ວ່າ ມີປະຊາ ຊົນ​ໃນ​ຈໍານວນ​ຫຼາຍຂຶ້ນ ທີ່ມີ​ຖານະ​ທີ່​ເອີ້ນ​ວ່າ ຊົນ​ຊັ້ນ​ກາງ ທີ່​ ມີ​ລາຍ​ໄດ້​ສູງ​ພໍທີ່ເຂົາ​ເຈົ້າ​ຈະສາມ​າດ​ໃຊ້​ຈ່າຍເຮັດ​ຫຍັງ​ກໍໄດ້ ຕາມ​ອໍາ​ເພີ​ໃຈ ​ແລະ​ສິ່ງ​ນຶ່ງ​ໃນ​ຫຼາຍ​ໆສິ່ງທໍາ​ອິດທີ່ພວກ​ເຂົາ​ເຈົ້າຢາກໃຊ້​ເງິນທີ່​ຫາ​ມາ​ໄດ້​ ດ້ວຍເຫື່ອ​ແຮງຂອງ​ເຂົາ​ເຈົ້ານັ້ນ ກໍ​ຄື​ ໄປ​ທ່ຽວຕ່າງປະ​ເທດ.”

ກຸ່ມ​ຊົນ​ຊັ້ນ​ກາງຂອງ​ຂົງ​ເຂດ​ເອ​ເຊຍ​ຕາ​ເວັນ​ອອກສຽງ​ໃຕ້ ທີ່​ປະ​ເມີນ​ກັນວ່າ ​ເວລາ​ນີ້ ມີ​ປະມານ 500 ລ້ານ​ຄົນນັ້ນ ຄາດ​ວ່າ​ຈະ​ເພີ່ມ​ຫຼາຍ​ຂື້ນ​ໄປ​ອີກ​ ​ເປັນ​ຮອດ 1.700 ​ລ້ານ​ຄົນ ພາຍໃນ​ປີ 2030 ​ແຕ່​ທ່ານ Craig ​ເວົ້າ​ວ່າ ຈໍານວນຄາດ​ການ​ເຫຼົ່າ​ນີ້ ອາດ​ຈະຍັງ​ຕໍ່າ​ເກີນ​ໄປ​ຢູ່ ກໍ​ເປັນ​ໄດ້.

​ບັນດາ​ນັກວິ​ເຄາະ​ອຸດສາຫະກໍາ​ນີ້ ​ເວົ້າ​ວ່າ ເພື່ອ​ບໍລິການ​ຜູ້​ໂດຍສານ​ທັງ​ໝົດ​ທີ່​ກ່າວ​ມາ​ນັ້ນ ສາຍ​ການບິນ​ຕ່າງໆຈະ​ຕ້ອງ​ໄດ້​ຝຶກ​ອົບ​ຮົມນັກ​ບິນ​ ໃຫ້​ໄດ້ ເກືອ​ບຮອດ ສອງ​ແສນ​ຄົນ​ພຸ້ນ​ຫຼ່ະ.

ນັກວິ​ເຄາະ​ເວົ້າ​ວ່າ ຕະຫຼາດ​ການ​ເດີນທາງ​ທາງ​ອາກາດ​ພາຍ​ໃນ​ປະ​ເທດ​ທີ່ ​ເຕີຍ​ໂຕ​ຢ່າງ​ເຕັມທີ່​ແລ້ວນັ້ນ ​ໄດ້​ແກ່ ອິນ​ໂດ​ເນ​ເຊຍ ຟິລິບ​ປິນ ມາ​ເລ​ເຊຍ ​ແລະ​ໄທ ທີ່​ມີ​ສາຍ​ການບິນ​ລາຄາ​ຖືກ ​ລວມກັນ​ທັງ​ໝົດ 25 ​ບໍລິສັດ ​ແລະ​ກໍາລັງ​ຈະ​ມີ​ເພີ່ມຂຶ້ນອີກ.

ທ່ານ Brendan Sobie ນັກວິ​ເຄາະ​ອຸດສາຫະກໍາ​ການບິນ ​ເວົ້າ​ວ່າ ລາວ ມຽນມາ ​ແລະ​ຫວຽດນາມນັ້ນ ຍັງຖື​ວ່າ​ເປັນຕະຫຼາດໃໝ່​ຢູ່ ​ແຕ່​ມີ​ຄວາມ​ສາມາດ​ບົ່ມ​ຊ້ອນມະຫາ ສານສໍາລັບການ​ເຕີບ​ໂຕ ຊຶ່ງ​ທ່ານ Sobie ​ເວົ້າ​ວ່າ ສະ​ເພາະ​ຫວຽດນາມນັ້ນ ​ອັດຕາ ການ​ເຕີບ​ໂຕ​ຂອງ​ຈໍານວນ​ຜູ້ໂດຍສານ​ ແມ່ນ​ກາຍ 10%.

ທ່ານ Sobie ​ເວົ້າ​ວ່າ: “ດ້ວຍ​ການ​ທີ່​ເປັນ​ຕະຫຼາດ​ທີ່​ກໍາລັງ​ໂຜ່​ໂຕ​ຂຶ້ນມາ ​ແລະ​ມີ​ກິດ​ຈະ​ກໍາ​ເສດຖະກິດ​ຢ່າງ​ຫຼວງ​ຫຼາຍ​ຢູ່ໃນ​ຫວຽດນາມ​ນັ້ນ ຫວຽດນາມ ກໍແມ່ນ​ຈະ​ຕ້ອງໄດ້ແລ່ນ​ຕາມໃຫ້​ທັນ ຕະຫຼາດອື່ນໆ​ໃນ​ຂົງ​ເຂດ​ເອ​ເຊຍ​ຕາ​ເວັນ​ອອກ ສຽງ​ໃຕ້ ຊຶ່ງ​ໃນ​ດ້ານການ​ຈະ​ເລີນເຕີບ​ໂຕ ແລະການ​ເຈາະ​ຕະຫລາດທີ່​ມີ ຄ່າ​ໃຊ້​ຈ່າຍ​ຕໍ່າ​ນັ້ນ ພວກ​ເຮົາ​ກໍກໍາລັງ​ເລີ່​ມຈະ​ເຫັນ​ແລ້ວວ່າ ການແລ່ນຕາມໃຫ້ທັນ​ນັ້ນ ກໍາລັງ​ເກີດ​ຂຶ້ນ​ແລ້ວ​ໃນເວລານີ້ ​ແລະ ສະມາຄົມ PATA ກໍເຫັນ​ວ່າ​ ຫວຽດ ນາມຈະເປັນ​ນຶ່ງ​ໃນ​ສາມຕະຫຼາດ​ທີ່​ກໍາລັງ​ເຕີບ​ໂຕ​ໃຫຍ່​ໄວທີ່​ສຸດ​ໃນ​ໂລກ ​ໃນ​ອີກ​ບໍ່​ເທົ່າ​ໃດ​ປີ​ຕໍ່ໜ້າ​ນີ້.”

ສ່ວນ​ໃນ​ມຽນມາ​ ຈໍານວນ​ທີ່​ນັ່ງ​ຢູ່​ເຮືອບິນ​ໂດຍສານ ທີ່​ບິນອອກ​ຈາກ​ສະໜາມບິນໃຫຍ່​ໃນ​ເມືອງຢາງ​ກຸ້ງນັ້ນ ​ແມ່ນໄດ້ເພີ່ມ​ຂຶ້ນ​ປະມານ​ສອງ​ເທົ່າ​ຕົວ​ໃນ​ສອງ​ປີຜ່າ​ນມາ

​ໃນ​ຂະນະ​ທີ່​ບໍລິສັດ​ສາຍ​ການບິນ​ຕ່າງໆ ​ພາກັນ​ຂຸ້ນ​ຂ້ຽວ​ເພື່ອ​ຕອບສະໜອງ​ ຄວາມຮຽກ ຮ້ອງ​ຕ້ອງການ​ທີ່​ກໍາລັງ​ຖີບ​ຕົວ​ສູງ​ຂຶ້ນ​ ໃຫ້​ພຽງພໍ​ນັ້ນ ບັນດາ​ນັກ ວິ​ເຄາະ​ເວົ້າ​ວ່າ ​ເລື້ອງ ຄວາມ​ປອດ​ໄພຈະ​ຕ້ອງ​ເປັນ​ຫົວ​ໃຈ​ ຫຼື​ຫຼັກ​ສໍາຄັນຂອງ​ອຸດສາຫະກໍາ​ນີ້ ​ແຕ່​ມາດຕະຖານ​ຄວາມ​ປອດ​ໄພ​ຢູ່​ທົ່ວ​ຂົງ​ເຂດ ຍັງ​ບໍ່​ສະໝໍ່າສະ​ເໝີ​ຢູ່.

​ເມື່ອ​ຕົ້ນ​ເດືອນ​ນີ້ ​ເຮືອບິນ​ຂອງ​ສາຍ​ການບິນ​ລາວ​ລໍາ​ນຶ່ງ ປະສົບ​ອຸບັດ​ເຫດ ຕົກລົງ​ແມ່​ນໍ້າຂອງ ໃນ​ທ່າມກາງ​ອາກາດທີ່​ປັ່ນ​ປ່ວນ ມີ​ຝົນຕົກ​ຢ່າງ​ໜັກ ທີ່​ຍັງ​ຜົນ​ໃຫ້ຜູ້​ໂດຍສານ​ ນັກ​ບິນ ​ແລະພວກ​ບໍລິການ​ຢູ່ເທິງ​ເຮືອບິນ ​ເສຍ​ຊີວິດ​ໄປ​ໝົດ ​ທັງ 49 ຄົນ.

ຊາກ ເຮືອບິນຂອງສາຍການບິນລາວ ທີ່ປະສົບອຸບັດເຫດ
ຊາກ ເຮືອບິນຂອງສາຍການບິນລາວ ທີ່ປະສົບອຸບັດເຫດ

​ຜູ້​ໂດຍສານ ​ແລະ​ພະນັກງານ​ປະ​ຈໍາ​ເຮືອບິນລໍາ​ນັ້ນ ​ແມ່ນ​ມາຈາກ​ສິບ​ຊາດ ​ແລະ​ອຸບັດ ເຫດ​ເຮືອບິນ​ຕົກ​ຄັ້ງ​ນີ້ ນັບວ່າ​ເປັນໄພພິບັດ​ທາງ​ອາກາດທີ່​ຮ້າຍ​ແຮງ​ທີ່​ສຸດ ຂອງ​ສາຍ​ການບິນ​ລາວ ນັບ​ຕັ້ງ​ແຕ່​ປີ 1954 ​ເປັນ​ຕົ້ນ​ມາ.

​ໃນ​ມຽນມາ ​ເມື່ອ​ປີ 2012 ​ມີເຮືອບິນ​ສີ່​ລໍາ​ປະສົບ​ອຸ​ບັດ​ເຫດ​ຄັ້ງ​ໃຫຍ່. ​ ໃນ​ຂະນະ​ທີ່​ມຽນ ມາ​ ປະ​ເຊີນ​ກັບການ​ເພີ່ມ​ທະວີ​ຂຶ້ນ​ໃນ​ຈໍານວນ​ຂອງພວກ​ນັກ​ທ່ອງ​ທ່ຽວ​ ​ທີ່​ຢາກ​ໄປ​ຢ້ຽມ ຢາມ​ປະ​ເທດ​ທີ່​ຄັ້ງ​ນຶ່ງເຄີຍ​ປິດ​ຕາຍ​ນັ້ນ ​ກໍມີບາງ​ກຸ່ມທີ່ ສະ​ແດງ​ຄວາມ​ວິຕົກ​ວ່າ​ ອຸດສາ ຫະ ກໍາການບິນ​ໃນ​ມຽນມາກໍາລັງ​ຂະຫຍາ​ຍ ຕົວຢ່າງ​ໄວ​ເກີນ​ໄປ​. ກະຊວງ​ຕ່າງປະ​ເທດ​ສະຫະລັດ ​ໄດ້​ຕັກ​ເຕືອນ​ ຊາວ​ອາ​ເມຣິກັນ ທີ່ຈະ​ເດີ​ນທາງໄປ​ຍັງ​ມຽນມາ ວ່າປະຫວັດ​ດ້ານ​ຄວາມ​ປອດໄພ​ຂອງ​ອຸດສາຫະກໍາ​ການບິນ ​ແລະ​ການ​ກໍາກັບ​ເບິ່ງ​ນໍາ​ເລື້ອງ​ນີ້​ ​ແມ່ນ ຍັງ​ປິດ​ ບໍ່​ໃຫ້ພາຍ​ນອກເຂົ້າ​ໄປກວດ​ກາ​ເບິ່ງ​ຢູ່.

ບັນດາ​ນັກ​ວິ​ເຄາະ​ອຸດສາຫະກໍາ​ ​ເຊັ່ນ​ອົງການ​ໃຫ້​ຄະ​ແນນ​ສິນ​ເຊື່ອ Standard and Poors ​ເວົ້າ​ວ່າ ຍັງ​ມີ​ໂຄງ​ລ່າງ​ພື້ນຖານ​ ແລະ​ມາດຕະ ຖານ​ການ​ເຝິກ​ອົບ​ລົມ ທີ່​ບໍ່​ສະ​ເໝີກັນຢູ່ໃນ​ທົ່ວ​ຂົງ​ເຂດ. ​ໃນ​ບາງ​ກໍ​ລະ​ນີນັ້ນ ຄວາມ​ໄວ​ຂອງ​ການ​ພັດທະນາ ອາດ​ດໍາ​ເນີນ​ໄປ​ໄວ​ກ່ວາຄວາມ​ສາມາດ​ຂອງ​ບັນດາ​ເຈົ້າໜ້າທີ່​ ຈະ​ຮັບປະກັນ​ມາດຕະຖານ​ດ້ານ​ຄວາມ​ປອດ​ໄພ ​ແລະ​ໂຄງ​ລ່າງ​ພື້ນຖານ​ ທີ່​ພຽງພໍ.

ສໍາລັບທ່ານ Brendan Sobie ​ແຫ່ງ​ສູນ​ກາງການບິນ​ເອ​ເຊຍປາ​ຊິ​ຟິກ​ແລ້ວ ​ເຫັນ​ວ່າ ບັນຫາ​ທ້າ​ທາຍນັ້ນ​ແມ່ນ ​ເລື້ອງ​ທີ່ປະ​ເທດ​ຕ່າ​ງໆຈະຕ້ອງ​ຮັບປະກັນ​ໃຫ້​ມີ​ໂຄງ​ລ່າງ​ພື້ນ ຖານຢ່າງ​ພຽງພໍ ​ເພື່ອຮອງ​ຮັບ​ກັບ​ຄວາມ​ຮຽກຮ້ອງ​ຕ້ອງການ ​ແລະ​ຜູ້​ໂດຍສານ​ຂາ​ເຂົ້າທີ່​ກໍາລັງ​ຖີບ​ຕົວ​ສູງ​ຂຶ້ນ​ໄປ​ ນັບ​ມື້​ນັ້ນ.

ທ່ານ Sobie ​ເວົ້າ​ວ່າ: “ປະ​ເທດ​ໃດ ​ແລະ​ສະໜາມ​ບິນ​ໃດ ທີ່​ບໍ່​ລົງທຶນ​ໃນ ​ດ້ານນີ້ ກໍແມ່ນຈະ​ສູນ​ເສຍ​ຜູ້​ໂດຍສານ ໃຫ້ສະໜາມ​ບິນ ​ແລະ​ປະເທດ​ອື່ນໆ ຊຶ່ງ​ນັ້ນ ແນ່ນອນ ​ແມ່ນສ້າງ​ສິນ​ນໍ້າ​ໃຈໃຫ້​ທໍາ​ການລົງທຶນ. ​ແຕ່ໜ້າ​ເສຍ​ໃຈ ​ເພາະ​ປາກົດ​ວ່າ​ຍັງ​ມີ​ການ​ລ້າ​ຫຼັງ​ຫຼາຍ​ທີ່​ສຸດ​ຢູ່ ຄື​ມັນໃຊ້​ເວລາ​ດົນ​ຫຼາຍ​ ເພື່ອ​ສ້າງ​ສະໜາມ​ບິນ​ນຶ່ງ ​ແລະ​ສ້າງ​ທາງ​ແລ່ນ​ຂຶ້ນລົງ ​ແລະ​ສ້າງ​ອາຄານຮອງ​ຮັບ​ຜູ້​ໂດຍສານ ​ແລະ​ສິ່ງ​ທີ່​ເກີດ​ຂຶ້ນກໍ​ຄື​ວ່າ ບາງ​ເທື່ອການ​ເຕີບໂຕນັ້ນ​ກໍ​ໄວ​ຫຼາຍ ​ຈົນ​ມີ​ການ​ລະ​ຫຼວມ​ໃນ​ເລື້ອງ​ຄວາມ​ປອດ​ໄພ ​ແລະ​ພວກ​ເຮົາ​ກໍ​ຈະ​ເຫັນ​ລັດຖະ ບານ​ຕ່າງ​ໆ ທີ່​ບັດ​ນີ້ພາກັນຮີບ​ຮ້ອນເລ່ງ​ລົງມືສ້າງສາ​ສິ່ງ​ທີ່​ກ່າວ​ມາ​ນັ້ນໃຫ້​ທ່ວງທັນ ກັບ​ຄວາມ​ຮຽກຮ້ອງ​ຕ້ອງ​ການ.”

​ພ້ອມ​ກັບ​ທີ່ ອຸດສາຫະກໍາ​ການທ່ອງທ່ຽວແລະ​ການ​ຄ້າ ກໍາລັງ​ຈະ​ເລີນຂື້ນ​ຢ່າງ​ໄວ ໃນ​ບັນ ດາ​ ປະ​ເທດ​ພວມ​ພັດທະນາ ຂອງ​ຂົງ​ເຂດເອ​ເຊຍຕາ​ເວັນ​ອອກສຽງ​ໃຕ້ນັ້ນ ​ເດີມ​ພັນ​ກໍ​ແມ່ນສູງຫຼາຍໃນ​ເລື້ອງ​ທີ່​ວ່າ ​ບັນດາລັດຖະບານທັງຫຼາຍຈະ​ຮັບ​ມືກັບການ​ເຕີບ​ໂຕແລະ ​ຕອບ​ສະໜອງ​ຕໍ່​ຄວາມ​ເປັນ​ຫ່ວງ​ດ້ານ​ຄວາມປອດ​ໄພ​ນັ້ນ​ ​ແບບ​ໃດ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG