ລາຍງານໃໝ່ສະບັບນຶ່ງຂອງທະນາຄານພັດທະນາເອເຊຍ ຫຼືເອດີບີ ເວົ້າວ່າ ຜົນຜະລິດເຂົ້າໃນຂົງເຂດເອເຊຍຕາເວັນອອກສຽງໃຕ້ຈະເພີ່ມ ຂຶ້ນຈາກ 110.5 ລ້ານໂຕນໃນຊ່ວງປີ 2010 ຫາ 2011 ນັ້ນເປັນ 128.3 ລ້ານໂຕນ ພາຍໃນປີ 2012 ຫາ 2022 ໂດຍຈະໄດ້ຮັບການຜັກດັນຈາກການເນັ້ນໜັກໃສ່ພັນເຂົ້າທີ່ໃຫ້ຜົນເກັບກ່ຽວຫຼາຍ ແລະເພິ່ງພານໍ້າຫຼໍ່ລ້ຽງໜ້ອຍລົງ ບວກກັບນະໂຍບາຍນໍາໃຊ້ພື້ນທີ່ປູກຝັງໃນທາງທີ່ດີຂຶ້ນ.
ແຕ່ບັນດານັກເສດຖະສາດ ເອດີບີ ກໍາລັງຮຽກຮ້ອງໃຫ້ປະເທດທັງຫລາຍ ຖອຍຫ່າງອອກຈາກການວາງນະໂຍບາຍຕ່າງໆ ທີ່ຈໍາກັດການສົ່ງອອກເຂົ້າ ຫຼືນະໂຍບາຍທີ່ຜັກດັນລາຄາເຂົ້າໃຫ້ແພງຂຶ້ນໂດຍບໍ່ຈໍາເປັນ ເຊັ່ນໂຄງການສັນຍາເໝົາຊື້ເຂົ້າຂອງໄທ ທີ່ໄດ້ເປັນສາເຫດເຮັດໃຫ້ການສົ່ງອອກເຂົ້າຂອງໄທຕົກຕໍ່າລົງຫຼາຍເຖິງ 43 ເປີເຊັນ ເມື່ອປີຜ່ານມາ.
ນອກນີ້ແລ້ວ ເອດີບີ ຍັງໄດ້ຮຽກຮ້ອງ ໃຫ້ມີການຮ່ວມມືກັນຫລາຍຂຶ້ນກວ່າເກົ່າລະຫວ່າງປາກີສຖານແລະອິນເດຍໃນໂຄງການຕ່າງໆດ້ານນະໂຍບາຍເຂົ້ານັ້ນ.
ໃນການຖະແຫລງຈາກນະຄອນຫຼວງມະນິລາ ຕໍ່ບັນດານັກຂ່າວທີ່ບາງກອກ ໂດຍຜ່ານທາງລະບົບວິດີໂອນັ້ນ ທ່ານນາງ Lourdes Adriano ນັກເສດຖະສາດປະຈໍາ ເອດີບີ ກ່າວວ່າ ຄວາມເປັນຫ່ວງທີ່ສໍາຄັນກວ່າໝູ່ກ່ຽວ ກັບປະລິມານເຂົ້າສົ່ງອອກ ກໍຄື ຢ້ານວ່າ ອິນເດຍຈະຫ້າມການສົ່ງອອກເຂົ້າຄືນໃໝ່ອີກ ເພື່ອຮັບມືກັບສະພາບແຫ້ງແລ້ງນັ້ນ. ການສັ່ງຫ້າມສົ່ງເຂົ້າອອກຂອງອິນເດຍ ໃນປີ 2008 ໄດ້ສົ່ງຜົນໃຫ້ລາຄາເຂົ້າໂລກ ຖີບຂຶ້ນ 150 ເປີເຊັນ.
ທ່ານນາງ ອະເດຣຽໂນ ກ່າວວ່າ: “ຖ້າຫາກພວກເຮົາປະເຊີນກັບລະດູມໍລະສຸມທີ່ຮຸນແຮງໃນອິນເດຍ ແລະອິນເດຍເລີ້ມສັ່ງຫ້າມສົ່ງອອກເຂົ້າຂອງຕົນ ອີກ ພວກເຮົາກໍຈະມີບັນຫາໃຫຍ່ ຍ້ອນວ່າຄືທີ່ທ່ານຮູ້ຫັ້ນແຫລະ ຕະຫລາດ ຄ້າເຂົ້າໂລກບໍ່ຄ່ອຍຈະໃຫຍ່ຫລາຍປານໃດ ຄືມີຜູ້ສົ່ງອອກເຂົ້າລາຍສໍາຄັນບໍ່ພໍເທົ່າໃດປະເທດ. ຜູ້ສົ່ງອອກເຂົ້າລາຍໃຫຍ່ໃນຂົງເຂດເອເຊຍ ກໍມີໄທ ຫວຽດນາມ ແລະແນ່ນອນ ອິນເດຍ ນໍາ.”
ນອກນີ້ ທະນາຄານ ເອດີບີ ຍັງໄດ້ຕໍາໜິຕິຕຽນຢ່າງໃຫຍ່ ລາຍງານຂ່າວທີ່ມີອອກມາ ກ່ຽວກັບການເຄື່ອນໄຫວໂດຍບັນດາປະເທດສົ່ງອອກເຂົ້າໃນຂົງເຂດເອເຊຍຕາເວັນອອກສຽງໃຕ້ ຄື ໄທ ຫວຽດນາມ ກໍາປູເຈຍ ລາວ ແລະມຽນມາ ເພື່ອກ້າວໄປສູ່ການຈັດຕັ້ງກັນເປັນພັນທະມິດຢ່າງເປັນທາງການຂຶ້ນມາ ຫຼືເປັນສະມາຄົມກຸ່ມປະເທດຜູກຂາດການຂາຍເຂົ້ານັ້ນ.
ທ່ານນາງ ອະເດຣຍໂນ ກ່າວວ່າ ສະມາຄົມອາຊ່ຽນຄວນຈະເຂົ້າໄປແຊກແຊງ ເພື່ອຍຸຕິການເຄຶ່ອນໄຫວແບບນັ້ນ ທີ່ອາດນໍາໄປສູ່ລາຄາເຂົ້າໂລກທີ່ສຸງຂຶ້ນໄດ້ນັ້ນ. ນັກວິເຄາະບາງຄົນຮອດເວົ້າວ່າ ອາດມີການປະທ້ວງຕາມທ້ອງຖະໜົນແລະການປະທ້ວງທາງການເມືອງ ເກີດຂຶ້ນໄດ້ ຖ້າຫາກລາຄາເຂົ້າແພງຂຶ້ນໄປອີກ.
ທ່ານນາງ ອະເດຣຍໂນ ກ່າວວ່າ: “ສະມາຄົມອາຊ່ຽນຄວນຈະເຂົ້າແຊກແຊງ ໃນເລຶ່ອງນີ້ ຄືມັນບໍ່ແມ່ນແຕ່ຄວາມຮັບຜິດຊອບລະດັບຂົງເຂດຂອງສະມາ ຄົມອາຊ່ຽນເທົ່ານັ້ນ ແຕ່ມັນເປັນຄວາມຮັບຜິດຊອບລະດັບໂລກນໍາ ຍ້ອນວ່າ ອາຊ່ຽນມີບົດບາດສໍາຄັນໃນຕະຫຼາດໂລກ. ຄໍາຕອບກໍຄືວ່າ ການຜູກຂາດຂາຍເຂົ້າຈະບໍ່ໃຫ້ປະໂຫຍດຫຍັງເລີຍ ແກ່ບັນດາປະເທດສົ່ງອອກເຂົ້າລາຍໃຫຍ່ໆ ແລະກໍບໍ່ໃຫ້ປະໂຫຍດແກ່ຜູ້ໃດໃນໂລກ. ມັນເປັນເກມທີ່ບໍ່ມີຝ່າຍໃດຊະນະ.”
ໂຄງການສັນຍາເໝົາຊື້ເຂົ້າຂອງລັດຖະບານໄທນັ້ນ ແມ່ນເປັນຄໍາໝັ້ນສັນ ຍາໃນການໂຄສະນາຫາສຽງເລືອກຕັ້ງ ຕໍ່ພວກຊາວນາເມື່ອປີຜ່ານມານັ້ນ ໂດຍລັດຖະບານພັກເພື່ອໄທຂອງນາຍົກລັດຖະມົນຕີ ຢິ່ງລັກ ຊິນນະວັດ ທີ່ ປົກຄອງປະເທດຢູ່ໃນຂະນະນີ້. ລາຄາເຂົ້າທີ່ລັດຖະບານໄທໃຫ້ສັນຍາແກ່ພວກຊາວນານັ້ນ ແມ່ນສູງກວ່າລາຄາຕາມທ້ອງຕະຫຼາດທົ່ວໄປເຖິງ 300 ໂດລາ. ປັດຈຸບັນນີ້ ໂຄງການດັ່ງກ່າວກໍາລັງໄດ້ຮັບຄໍາຕ້ອງຕິຢ່າງໃຫຍ່ ຍ້ອນຂໍ້ກ່າວຫາວ່າມີການສໍ້ລາດບັງຫຼວງ ແລະບັນຫາທີ່ເພີ້ມຂື້ນນັບມື້ກ່ຽວກັບການເກັບມ້ຽນເຂົ້າທີ່ລັດຖະບານຊື້ໄວ້ນັ້ນ ພ້ອມທັງຜົນກະທົບຕໍ່ງົບປະ ມານຂອງຊາດນັ້ນນໍາ.
ແຕ່ຄະນະລັດຖະບານໄທກໍໄດ້ເຫັນພ້ອມກັນ ທີ່ຈະຕໍ່ອາຍຸແຜນການເໝົາຊື້ເຂົ້າດັ່ງກ່າວອອກໄປອີກ ໂດຍໄດ້ອະນຸມັດງົບປະມານຕື່ມອີກ 13 ພັນລ້ານໂດລາ ເຂົ້າໃສ່ໂຄງການນີ້ ຫຼັງຈາກໄດ້ອະນຸມັດໄປໃນປີຜ່ານມານັ້ນ 10 ພັນລ້ານໂດລາ.
ລາຍງານຂອງເອດີບີ ເວົ້າວ່າ ປັດຈຸບັນນີ້ ສະພາບການລາຄາເຂົ້າສໍາລັບເວລາສະເພາະໜ້ານີ້ ແມ່ນຍັງທຸ່ນທ່ຽງຢູ່ ຍ້ອນມີເຂົ້າເກັບສໍາຮອງຍັງຢ່າງຫລວງຫລາຍ ຫຼັງຈາກລາຄາເຂົ້າສູງໄດ້ສູງຂຶ້ນໃນປີ 2008 ນັ້ນ.
ໃນຂະນະນີ້ ອົງການຊ່ວຍເຫຼືອ Oxfam ຂອງອັງກິດ ກໍໄດ້ເຕືອນເມື່ອອາທິດຜ່ານມາ ກ່ຽວກັບຜົນກະທົບຈາກການປ່ຽນແປງຂອງດິນຟ້າອາກາດ ຕໍ່ລາຄາເຂົ້າປາອາການໃນອະນາຄົດ ຢູ່ໃນຂົງເຂດເອເຊຍນັ້ນ. ລາຍງານສະບັບນຶ່ງຂອງອົງການ Oxfam ເວົ້າວ່າ ພາຍໃນປີ 2030 ສະພາວະແຫ້ງແລ້ງໃນອິນເດຍ ຫຼືໄພນໍ້າຖ້ວມໃນຂອບເຂດກ້ວາງຂວາງໃນທົ່ວຂົງເຂດເອເຊຍຕາເວັນອອກສຽງໃຕ້ນັ້ນ ອາດພາໃຫ້ລາຄາເຂົ້າຖີບຕົວສູງຂຶ້ນໄປອີກ ຫຼາຍກວ່າ 20 ເປີເຊັນໄດ້ ຊຶ່ງຈະຜົນໃຫ້ບັນດາປະເທດທີ່ຊື້ເຂົ້າທັງ ຫຼາຍໃນຂົງເຂດອາຟຣິກາ ເຊັ່ນໄນຈີເຣຍນັ້ນ ໄດ້ຮັບຄວາມເດືອດຮ້ອນຈາກ ລາຄາອາຫານທີ່ແພງຂຶ້ນ.
ເບິ່ງວີດີໂອພາສາລາວ ກ່ຽວກັບນະໂຍບາຍເກື້ອກຸນເຂົ້າຂອງໄທ:
ແຕ່ບັນດານັກເສດຖະສາດ ເອດີບີ ກໍາລັງຮຽກຮ້ອງໃຫ້ປະເທດທັງຫລາຍ ຖອຍຫ່າງອອກຈາກການວາງນະໂຍບາຍຕ່າງໆ ທີ່ຈໍາກັດການສົ່ງອອກເຂົ້າ ຫຼືນະໂຍບາຍທີ່ຜັກດັນລາຄາເຂົ້າໃຫ້ແພງຂຶ້ນໂດຍບໍ່ຈໍາເປັນ ເຊັ່ນໂຄງການສັນຍາເໝົາຊື້ເຂົ້າຂອງໄທ ທີ່ໄດ້ເປັນສາເຫດເຮັດໃຫ້ການສົ່ງອອກເຂົ້າຂອງໄທຕົກຕໍ່າລົງຫຼາຍເຖິງ 43 ເປີເຊັນ ເມື່ອປີຜ່ານມາ.
ນອກນີ້ແລ້ວ ເອດີບີ ຍັງໄດ້ຮຽກຮ້ອງ ໃຫ້ມີການຮ່ວມມືກັນຫລາຍຂຶ້ນກວ່າເກົ່າລະຫວ່າງປາກີສຖານແລະອິນເດຍໃນໂຄງການຕ່າງໆດ້ານນະໂຍບາຍເຂົ້ານັ້ນ.
ໃນການຖະແຫລງຈາກນະຄອນຫຼວງມະນິລາ ຕໍ່ບັນດານັກຂ່າວທີ່ບາງກອກ ໂດຍຜ່ານທາງລະບົບວິດີໂອນັ້ນ ທ່ານນາງ Lourdes Adriano ນັກເສດຖະສາດປະຈໍາ ເອດີບີ ກ່າວວ່າ ຄວາມເປັນຫ່ວງທີ່ສໍາຄັນກວ່າໝູ່ກ່ຽວ ກັບປະລິມານເຂົ້າສົ່ງອອກ ກໍຄື ຢ້ານວ່າ ອິນເດຍຈະຫ້າມການສົ່ງອອກເຂົ້າຄືນໃໝ່ອີກ ເພື່ອຮັບມືກັບສະພາບແຫ້ງແລ້ງນັ້ນ. ການສັ່ງຫ້າມສົ່ງເຂົ້າອອກຂອງອິນເດຍ ໃນປີ 2008 ໄດ້ສົ່ງຜົນໃຫ້ລາຄາເຂົ້າໂລກ ຖີບຂຶ້ນ 150 ເປີເຊັນ.
ທ່ານນາງ ອະເດຣຽໂນ ກ່າວວ່າ: “ຖ້າຫາກພວກເຮົາປະເຊີນກັບລະດູມໍລະສຸມທີ່ຮຸນແຮງໃນອິນເດຍ ແລະອິນເດຍເລີ້ມສັ່ງຫ້າມສົ່ງອອກເຂົ້າຂອງຕົນ ອີກ ພວກເຮົາກໍຈະມີບັນຫາໃຫຍ່ ຍ້ອນວ່າຄືທີ່ທ່ານຮູ້ຫັ້ນແຫລະ ຕະຫລາດ ຄ້າເຂົ້າໂລກບໍ່ຄ່ອຍຈະໃຫຍ່ຫລາຍປານໃດ ຄືມີຜູ້ສົ່ງອອກເຂົ້າລາຍສໍາຄັນບໍ່ພໍເທົ່າໃດປະເທດ. ຜູ້ສົ່ງອອກເຂົ້າລາຍໃຫຍ່ໃນຂົງເຂດເອເຊຍ ກໍມີໄທ ຫວຽດນາມ ແລະແນ່ນອນ ອິນເດຍ ນໍາ.”
ນອກນີ້ ທະນາຄານ ເອດີບີ ຍັງໄດ້ຕໍາໜິຕິຕຽນຢ່າງໃຫຍ່ ລາຍງານຂ່າວທີ່ມີອອກມາ ກ່ຽວກັບການເຄື່ອນໄຫວໂດຍບັນດາປະເທດສົ່ງອອກເຂົ້າໃນຂົງເຂດເອເຊຍຕາເວັນອອກສຽງໃຕ້ ຄື ໄທ ຫວຽດນາມ ກໍາປູເຈຍ ລາວ ແລະມຽນມາ ເພື່ອກ້າວໄປສູ່ການຈັດຕັ້ງກັນເປັນພັນທະມິດຢ່າງເປັນທາງການຂຶ້ນມາ ຫຼືເປັນສະມາຄົມກຸ່ມປະເທດຜູກຂາດການຂາຍເຂົ້ານັ້ນ.
ທ່ານນາງ ອະເດຣຍໂນ ກ່າວວ່າ ສະມາຄົມອາຊ່ຽນຄວນຈະເຂົ້າໄປແຊກແຊງ ເພື່ອຍຸຕິການເຄຶ່ອນໄຫວແບບນັ້ນ ທີ່ອາດນໍາໄປສູ່ລາຄາເຂົ້າໂລກທີ່ສຸງຂຶ້ນໄດ້ນັ້ນ. ນັກວິເຄາະບາງຄົນຮອດເວົ້າວ່າ ອາດມີການປະທ້ວງຕາມທ້ອງຖະໜົນແລະການປະທ້ວງທາງການເມືອງ ເກີດຂຶ້ນໄດ້ ຖ້າຫາກລາຄາເຂົ້າແພງຂຶ້ນໄປອີກ.
ທ່ານນາງ ອະເດຣຍໂນ ກ່າວວ່າ: “ສະມາຄົມອາຊ່ຽນຄວນຈະເຂົ້າແຊກແຊງ ໃນເລຶ່ອງນີ້ ຄືມັນບໍ່ແມ່ນແຕ່ຄວາມຮັບຜິດຊອບລະດັບຂົງເຂດຂອງສະມາ ຄົມອາຊ່ຽນເທົ່ານັ້ນ ແຕ່ມັນເປັນຄວາມຮັບຜິດຊອບລະດັບໂລກນໍາ ຍ້ອນວ່າ ອາຊ່ຽນມີບົດບາດສໍາຄັນໃນຕະຫຼາດໂລກ. ຄໍາຕອບກໍຄືວ່າ ການຜູກຂາດຂາຍເຂົ້າຈະບໍ່ໃຫ້ປະໂຫຍດຫຍັງເລີຍ ແກ່ບັນດາປະເທດສົ່ງອອກເຂົ້າລາຍໃຫຍ່ໆ ແລະກໍບໍ່ໃຫ້ປະໂຫຍດແກ່ຜູ້ໃດໃນໂລກ. ມັນເປັນເກມທີ່ບໍ່ມີຝ່າຍໃດຊະນະ.”
ໂຄງການສັນຍາເໝົາຊື້ເຂົ້າຂອງລັດຖະບານໄທນັ້ນ ແມ່ນເປັນຄໍາໝັ້ນສັນ ຍາໃນການໂຄສະນາຫາສຽງເລືອກຕັ້ງ ຕໍ່ພວກຊາວນາເມື່ອປີຜ່ານມານັ້ນ ໂດຍລັດຖະບານພັກເພື່ອໄທຂອງນາຍົກລັດຖະມົນຕີ ຢິ່ງລັກ ຊິນນະວັດ ທີ່ ປົກຄອງປະເທດຢູ່ໃນຂະນະນີ້. ລາຄາເຂົ້າທີ່ລັດຖະບານໄທໃຫ້ສັນຍາແກ່ພວກຊາວນານັ້ນ ແມ່ນສູງກວ່າລາຄາຕາມທ້ອງຕະຫຼາດທົ່ວໄປເຖິງ 300 ໂດລາ. ປັດຈຸບັນນີ້ ໂຄງການດັ່ງກ່າວກໍາລັງໄດ້ຮັບຄໍາຕ້ອງຕິຢ່າງໃຫຍ່ ຍ້ອນຂໍ້ກ່າວຫາວ່າມີການສໍ້ລາດບັງຫຼວງ ແລະບັນຫາທີ່ເພີ້ມຂື້ນນັບມື້ກ່ຽວກັບການເກັບມ້ຽນເຂົ້າທີ່ລັດຖະບານຊື້ໄວ້ນັ້ນ ພ້ອມທັງຜົນກະທົບຕໍ່ງົບປະ ມານຂອງຊາດນັ້ນນໍາ.
ແຕ່ຄະນະລັດຖະບານໄທກໍໄດ້ເຫັນພ້ອມກັນ ທີ່ຈະຕໍ່ອາຍຸແຜນການເໝົາຊື້ເຂົ້າດັ່ງກ່າວອອກໄປອີກ ໂດຍໄດ້ອະນຸມັດງົບປະມານຕື່ມອີກ 13 ພັນລ້ານໂດລາ ເຂົ້າໃສ່ໂຄງການນີ້ ຫຼັງຈາກໄດ້ອະນຸມັດໄປໃນປີຜ່ານມານັ້ນ 10 ພັນລ້ານໂດລາ.
ລາຍງານຂອງເອດີບີ ເວົ້າວ່າ ປັດຈຸບັນນີ້ ສະພາບການລາຄາເຂົ້າສໍາລັບເວລາສະເພາະໜ້ານີ້ ແມ່ນຍັງທຸ່ນທ່ຽງຢູ່ ຍ້ອນມີເຂົ້າເກັບສໍາຮອງຍັງຢ່າງຫລວງຫລາຍ ຫຼັງຈາກລາຄາເຂົ້າສູງໄດ້ສູງຂຶ້ນໃນປີ 2008 ນັ້ນ.
ໃນຂະນະນີ້ ອົງການຊ່ວຍເຫຼືອ Oxfam ຂອງອັງກິດ ກໍໄດ້ເຕືອນເມື່ອອາທິດຜ່ານມາ ກ່ຽວກັບຜົນກະທົບຈາກການປ່ຽນແປງຂອງດິນຟ້າອາກາດ ຕໍ່ລາຄາເຂົ້າປາອາການໃນອະນາຄົດ ຢູ່ໃນຂົງເຂດເອເຊຍນັ້ນ. ລາຍງານສະບັບນຶ່ງຂອງອົງການ Oxfam ເວົ້າວ່າ ພາຍໃນປີ 2030 ສະພາວະແຫ້ງແລ້ງໃນອິນເດຍ ຫຼືໄພນໍ້າຖ້ວມໃນຂອບເຂດກ້ວາງຂວາງໃນທົ່ວຂົງເຂດເອເຊຍຕາເວັນອອກສຽງໃຕ້ນັ້ນ ອາດພາໃຫ້ລາຄາເຂົ້າຖີບຕົວສູງຂຶ້ນໄປອີກ ຫຼາຍກວ່າ 20 ເປີເຊັນໄດ້ ຊຶ່ງຈະຜົນໃຫ້ບັນດາປະເທດທີ່ຊື້ເຂົ້າທັງ ຫຼາຍໃນຂົງເຂດອາຟຣິກາ ເຊັ່ນໄນຈີເຣຍນັ້ນ ໄດ້ຮັບຄວາມເດືອດຮ້ອນຈາກ ລາຄາອາຫານທີ່ແພງຂຶ້ນ.
ເບິ່ງວີດີໂອພາສາລາວ ກ່ຽວກັບນະໂຍບາຍເກື້ອກຸນເຂົ້າຂອງໄທ:
