ລິ້ງ ສຳຫລັບເຂົ້າຫາ

logo-print

ກອງປະຊຸມ ປະຈຳຂົງເຂດເອເຊຍ ເພື່ອຕໍ່ສູ້ກັບ ການປ່ຽນແປງ ຂອງ ດິນຟ້າອາກາດ


ພາບຖ່າຍຈາກ ອົງການ NASA ທີ່ບົ່ງບອກເຖິງອຸນຫະພູມ ທີ່ອົບເອົ້າຂຶ້ນໃນຂົງເຂດເອເຊຍ

ພວກ​ນັກ​ກົດໝາຍ​ເອ​ເຊຍ ກ່າວ​ວ່າ ຂົງ​ເຂດ​ຂອງ​ພວກ​ເຂົາ​ເຈົ້າ ເປັນຈຸດເລີ່ມຕົ້ນ​
ສຳລັບ​ຄວາມ​ພະຍາຍາມໃດໆໃນການຈຳກັດການ​ປ່ຽນ​ຂອງດິນ​ຟ້າອາກາດ​ ​ແລະ​ພວກ
​ເຂົາ​ເຈົ້າກໍມີພັນທະ​ທີ່​ຈະ​ຫາ​ທາງແກ້ໄຂບັນຫາ ຊຶ່ງ Ha Nguyen ມີ​ລາຍ​ງານ​ຈາກ​
ນະຄອນHo Chi Minh City ຊຶ່ງ​ວັນນະ​ສອນ ຈະນຳເອົາ​ລາຍ​ລະອຽດມາສະ​ເໜີ​ທ່ານ
ໃນ​ອັນ​ດັບ​ຕໍ່​ໄປ.

ໃນ​ກອງ​ປະຊຸມ Inter-Parliamentary Union (IPU) ທີ່​ຫາ​ກໍ​ມ້ວນທ້າຍລົງຫວ່າງ
ມໍ່ໆມາ​ນີ້ ​ໃນຫວຽດນາມ ພວກ​ນັກ​ກົດໝາຍ​ຈາກ​ຫຼາຍໆ​ປະ​ເທດ​ທົ່ວ​ຂົງ​ເຂດໄດ້​ມາເຕົ້າ
ໂຮມກັນເພື່ອ​ແບ່ງປັນ​ຄວາມ​ຮູ້​ສຶກຢ້ານ​ກົວ ​ເນື່​ອງມາຈາກອຸ​ນະ​ພູມໃນ​ທົ່ວ​ໂລກ​ທີ່
ຮ້ອນອົບເອົ້າກວ່າເກົ່າ ຮວ​ມທັງ​ເລື່ອງທີ່ວ່າຄວນຈະເຮັດແນວໃດ ໂດຍການ​ປະສານ
​ງານກັນ ແນວຄິດຈາກພວກ​ຜູ້​ຄົນ​ພື້ນ​ບ້ານ​ ​ໄປຫາ​ພວກທີ່ຂຸດນໍ້າເປັນອ່າງເປັນເວລາ
ດົນນານຈົນ​ຖ້ວ​ມລົ້ນ.

ເລຂາທິການເອກ​ ຂອງ​ອົງການ IPU ທ່ານ Martin Chungong ໄດ້ກ່າວ ໃນ​ກອງ​
ປະຊຸມ ​ເວລາ 3 ວັນ ທີ່​ນະຄອນ Ho Chi Minh ທີ່ສິ້ນສຸດ​ລົງ​ໃນ​ວັນ​ເສົາ​ຜ່ານ​ມາ​ນີ້
ວ່າ​“ການ​ປ່ຽນແປງ​ຂອງ​ດິນຟ້າ​ອາກາດ ບໍ່​ມີ​ໜັງສື​ຜ່ານແດນ, ມັນໄປປະເທດ
ໃດກໍໄດ້” ​

​ນອກຈາກນັ້ນແລ້ວ ນະຄອນເຈົ້າພາບ ຍັງ​ໄດ້ສະ​ແດງ​ໃຫ້​ເຫັນເປັນຕົວຢ່າງວ່າ
ເປັນ​ຫຍັງຂົງ​ເຂດ​ເອ​ເຊຍປາຊີຟິກ ຈຶ່ງ​ເປັນ​ຈຸດໃຈ​ກາງຂອງ​ຄວາມ​ເປັນ​ຫ່ວງ ຂອງ​ທົ່ວ​
ທັງ​ໂລກ. ຂົງ​ເຂດ​ດັ່ງກ່າວມີປະຊາກອນອາໄສຢູ່​ໃນເຂດຕົວເມືອງນັບເປັນພັນລ້ານຄົນ ຊຶ່ງຫຼາຍກວ່າຈຳນວນທັງໝົດຂອງ​ໂລກ ຮວມ​ເຂົ້າກັນ​ ອີງ​ຕາມ​ໂຄ​ງການ​ພັດທະນາ​
ຂອງ​ອົງການ​ສະຫະ​ປະຊາ​ຊາດ ​ແລະ​ປະຊາກ​ອນ​ໃນເຂດຕົວ​ເມືອງ ແມ່ນມີ​ຜົນ​ກະທົບ
​ຕໍ່ລະບົບ​ນິເວດຢ່າງຫຼວງຫຼາຍ.

ນະຄອນ Ho Chi Minh ​ເປັນເມືອງໃຫຽ່​ທີ່​ມີ​ປະຊາກອນ 10 ລ້ານ​ຄົນ ອາ​ໄສ​ຢູ່
ຊຶ່ງ​ໄດ້​ເຮັດ​ສິ່ງ​ເສດ​ເຫຼືອ​ແລະ​ໃຊ້​ນ້ຳ​ໃນ​ຈຳ​ນວນ 17 ​ເທົ່າຂອງຈຳນວນ ສະ​ເລ່ຍທີ່​ໃຊ້​ກັນ
​ໃນ​ທົ່ວປະ​ເທດ​ຫວຽດນາມ ຊຶ່ງ​ທ່ານ ​Nguyen Thien Nhan ປະທານ​ພັກ​ຄອມມຸຍນິດ
ປະຈຳນະຄອນ ​ໄດ້​ກ່າວ​ໄປ.

ຕໍ່​ມາ ທ່ານໄດ້​ພາ​ບັນດາ​ສະມາຊິກສະພາ ລົງ​ໄປ​ເບິ່ງ​ເຂດດິນປົ່ງໃໝ່ຂອງ​ແມ່ນໍ້າ​ຂອງ
ບ່ອນ​ທີ່​ໄດ້​ປູກ​ຕົ້ນ​ໄມ້​ໄວ້ ​ແລະ​ເປັນ​ສັກຂີ​ພິຍານ​ນຳກັນກ່ຽວ​ການ​ເຊາະໄຫຼ​ທີ່ຫວຽດນາມ
ກ່າວ​ວ່າ ​ເປັນ​ນຶ່ງ​ໃນຈຳນວນ ​3 ເຂດທີ່ ທີ່​ໄດ້​ຮັບ​ການ​ຂົ່ມ​ຂູ່ ​ຈາກ​ການ​ປ່ຽນ​ແປງ​ຂອງ​
ດິນຟ້າ​ອາກາດ.

ເຈົ້າ​ໜ້າ​ທີ່​ໄທ ​ໄດ້​ບອກ​ VOA ວ່າ ພວກ​ເຂົາ​ຈະ​ວາງ​ແຜນ​ວ່າ​ຈະ​ປູກ​ຕົ້ນ​ໄມ້​ຕື່ມ ຫຼັງ​ຈາກ​ກັບມາຈາກກອງ​ປະຊຸມ​ການ​ປ່ຽນ​ແປງ​ຂອງ​ດິນ​ຟ້າ​ອາກາດປະຈຳ​ຂົງ​ເຂດ ຫຼື Inter-Parliamentary Union (IPU) ແລ້ວ.

ທ່ານ Chaiyuth Promsookt ປະທານ​ຂອງ​ຄະນະ​ກຳມະການ​ແຫຼ່ງ​ຊັບພະຍາກອນ
ທຳມະຊາດ​ແລະ​ສິ່ງ​ແວດ​ລ້ອມຂອງສະພາແຫ່ງຊາດໄທ ​ໄດ້​ກ່າວຢູ່ຂ້າງ​ນອກ​ກອງ​
ປະຊຸມວ່າ ​“ການ​ຂົ່ມຂູ່ອັນ​ຮີບດ່ວນສຳລັບ​ປະ​ເທດ​ໄທ ຈາກການ​ປ່ຽນ​ແປງ​ຂອງ​
ດິນ​ຟ້າ​ອາກາດອັນທຳອິດນັ້ນ ​ແນ່ນອນ ກໍແມ່ນການ​ທຳລາຍ​ປ່າ​ໄມ້ ​ແລະ​ຫຼຸດຜ່ອນ​
ເຂ​ດສີ​ຂຽວ​ໃນ​ປະ​ເທດ​ໄທ,”
ຊຶ່ງ​ທ່ານ​ໄດ້​ກ່າວ​ວ່າ ລັດຖະບານ​ໄດ້​ຕັ້ງ​ເປົ້າ​ໝາຍໄວ້ວ່າ
ຈະ​ຮັກສາປ່າ​ໄມ້ໄວ້ ​ຢ່າງ​ນ້ອຍ 40 ​ເປີ​ເຊັນ ໃນ​ 2 ທົດຕະວັດ​ຕໍ່ໜ້າ. ການ​ປູກ​ປ່າ ​
ແມ່ນ​ເພື່ອຊ່ອຍ​ເຂົ້າ​ເຖິງ​ເປົ້າໝາຍ​ທີ່​ໄດ້​ວາງ​ໄວ້ ພ້ອມ​ທັງ​ຈະຊ່ອຍ​ປົກ​ປ້ອງ​ການ​ເຊາະ
ໄຫຼເພພັງຂອງຕາລິ່ງ.

ມາດຕະການ​ອີກ​ອັນ​ນຶ່ງກໍຄື ​ການ​ປ່ຽນ​ແປງການ​ປູກ​ຝັງຂອງຊົນ​ກຸ່ມ​ນ້ອຍ​ໄປເປັນ ​
ຕົ້ນ cherry ​ແລະ ຕົ້ນ apple ​ເພື່ອ​ຫຼີກເວັ້ນບໍ່​ໃຫ້​ຕັດ​ໄມ້ທຳລາຍ​ປ່າຢ່າງຜິດກົດໝາຍ.
ທ່ານ Chaiyuth ກ່າວ​ວ່າ ມັນ​ຈະ​ສົ່ງ​ຜົນດີຕໍ່ “ການ​ແບ່ງປັນ​ລາຍ​ຮັບ​ແລະ​ການ​ແບ່ງ
ປັນຜົນ​ຂອງ​ການ​ພັດທະນາ​ອື່ນໆ.”

​ທ່ານ Chaiyuth ​ເວົ້າຕໍ່ໄປ​ວ່າ​ “ມື້​ລາງ ພຣະ​ເຈົ້າ​ຢູ່​ຫົວ ເຊື່ອວ່າ ເວົ້າລວມແລ້ວ
ນີ້​ຈະເປັນການດີໃນດ້ານການ​ພັດທະນາ ດ້ານການ​ຮວມ​ເອົາ​ຜູ້​ຄົນ​ເຂົ້າ​ມາ​ຫາກັນ ​
ໂດຍສະ​ເພາະພວກ​ທີ່​ດ້ອຍ​ໂອກາດ ​ຢູ່ໃນ​ເຂດ​ຊົນນະບົດ​” ຊຶ່ງນັ້ນ ກໍ​ເປັນໄປຕາມ​ຄຳສະເໜີແນະຂອງ ທ່ານ​ນາງ Anna Schreyoegg ທີ່​ປຶກສາ​ຂອງ​ອົງການນະ​ໂຍ
ບາຍການ​ປ່ຽນ​ແປງ​ດິນ​ຟ້າ​ອາກາດ ​ທີ່ ສູນກາງ GIZ ທີ່ຫວຽດນາມ ຊຶ່ງເປັນອົງການ
ພັດທະນາ ຕັ້ງຢູ່ໃນເຢຍຣະມັນ. ທ່ານ​ນາງແນະ​ນຳ​ວ່າ ​ໃຫ້ພວກເຈົ້າ​ໜ້າ​ທີ່ວາງ​ນະ​ໂຍ
ບາຍ​ສະພາບແວດ​ລ້ອມທັງຫຼາຍ ທີ່​ຮວມ​ເອົາ​ຫຼັກ​ຖານ​ທາງວິທະຍາສາດນັ້ນລວມເອົາ
ຄວາມຄິດເຫັນຂອງ​ຄົນພື້ນເມືອງ ​ແລະ​ພວກ​ແມ່ຍິງເຂົ້ານຳ.

ການ​ຕັດ​ໄມ້ ທຳລາຍ​ປ່າ ແມ່ນ​ສ້າງ​ຄວາມ​ເປັນ​ຫວ່ງ​ຢູ່ໃນ​ສປປ ລາວ ຄື​ກັນ. ປະ​ເທດ​
ນ້ອຍໆ​ແຫ່ງນີ້ ອາດ​ເບິ່ງ​ຄື​ວ່າ ມີ​ພູມ​ຕ້ານທານ​ຕໍ່​ສະພາບ​ການ​ປ່ຽນ​ແປງ​ຂອງ​ດິນ​ຟ້າ​
ອາກາດ ​ເພາະ​ເປັນ​ປະ​ເທດ​ທີ່​ບໍ່​ມີ​ທາງ​ອອກ​ສູ່​ທະ​ເລ ບໍ່​ຄື​ກັນ​ກັບ​ປະ​ເທດ​ທີ່​ເປັນເກາະ
ດອນເຊັ່ນ ອິນ​ໂດ​ເນ​ເຊຍ ​ຟິລິປິ​ນ ​ແລະປະ​ເທດ​ທີ່​ມີ​ຊາຍ​ຝັ່ງ​ທະ​ເລ​ຍາວ​ຢຽດ​ຕິດ​ກັບ​
ທະ​ເລ ​ເຊັ່ນ​ຫວຽດນາມ​ແລະ​ມຽນມານັ້ນ. ​ແຕ່​ ອີງ​ຕາມ ທ່ານ ສັນຍາ ປະ​ເສີດ ຮອງ​
ປະທານ​ຄະນະ​ກຳມະການ​ເສດຖະກິດ ເທັກ​ໂນ​ໂລ​ຈີແລະສະພາບ​ແວດ​ລ້ອມຂອງ
ສະພາແຫ່ງຊາດລາວແລ້ວແມ່ນວ່າ ການສູນ​ເສຍ​ຕົ້ນ​ໄມ້ ພາໃຫ້ເພີ່ມ​ອຸນຫະພູມ
ສູງຂຶ້ນໃນ​ປະ​ເທດ​ລາວ. ທ່ານ​ໄດ້​ບອກ​ VOA ຕື່ມ​ອີກ​ວ່າ“ປະ​ເທດ​ຂອງ​ພວກ​ເຮົາ ​
ແມ່ນ​ຮ້ອນ​ຂຶ້ນເລື້ອຍໆ ຖ້າ​ປຽບທຽບໃສ່​ອາກາດ​ຂອງ​ປີກ່ອນ​ໜ້າ​ນີ້, ພາຍຸ​ໄຕ້​ຝຸ່ນ
​ບໍ່​ໄດ້​ເຂົ້າ​ມາ​ ຕາມ​ທີ່​ຄາດໄວ້ ​ໃນ​ແຕ່ລະ​ປີ ​ແລະ​ນັ້ນ​ມັນ​ໄດ້​ປ່ຽນ​ໄປ ​ແລະ​ພວກ​ເຮົ​າ
ກໍ​ບໍ່​ສາມາດ​ຄາດ​ເດົາ​ໄວ້ ​ແລະ​ນັ້ນ​ລະ​ຄື​ບັນຫາຫຼັກ.”

ສປປ ລາວ ​ກຳລັງ ​ຈະ​ຕັດບັນຫາລົງ ​ໂດຍ​ຈະໂຈະການອອກໃບອະນຸຍາດໃຫ້​ຕັດ​ໄມ້​.
ໃຫ້ຮັບຜິດຊອບ​ຕໍ່​ແກ໊ສເຮືອນ​ແກ້ວ ພ້ອມ​ທັງ ​ໃຫ້ການ​ບໍລິການໃນ​ຄວາມ​ພະຍາຍາມ​
ທາງ​ການ​ປ່ຽນ​ແປງ​ຂອງ​ດີ​ນຟ້າ​ອາກາດ ຂອງ​ປະ​ເທດ​ທີ່​ກຳລັງ​ພັດທະນາ.

​ທ່ານ​ນາງ Anna Schreyoegg ກ່າວ​ວ່າ. “ອິນ​ໂດ​ເນ​ເຊຍ ກໍ​ແມ່ນ​ປະເທດນຶ່ງ ທີ່ຢູ່​
ໃນສາຍຕາ​ຂອງບັນດາ​ປະ​ເທດ​ທີ່​ຈະເລີນແລ້ວ ທີ່​ຈະ​ສືບ​ຕໍ່​ເປັນ​ຜູ້ນຳ​ພາໃນເລື່ອງນີ້.”

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG