ໃນວັນອັງຄານມື້ນີ້ຄວັນໝອກໜາໄດ້ປົກຄຸມນະຄອນຫຼວງຂອງ
ສອງປະເທດທີ່ມີປະຊາ ກອນອາໄສຢູ່ຢ່າງໜາແໜ້ນທີ່ສຸດຂອງ
ໂລກ. ສະຖານີຄວບຄຸມສະພາບອາກາດ ໃນນະຄອນຫຼວງປັກ
ກິ່ງ ແລະນະຄອນນິວແດລີ ໄດ້ສະແດງໃຫ້ເຫັນວ່າ ມັນໄດ້ກາຍ
ຂີດຈຳກັດ ຂອງການວັດແທກທີ່ບົງບອກເຖິງອັນຕະລາຍນັ້ນ.
ນະຄອນຫຼວງຂອງຈີນ ໃນວັນຈັນແລະວັນອັງຄານມື້ນີ້ ແມ່ນຢູ່
ພາຍໃຕ້ ຄຳເຕືອນຂີດແດງ ຄັ້ງທີສອງກ່ຽວກັບສະພາບອາກາດ
ຕົກຢູ່ໃນຂັ້ນອັນຕະລາຍ ຈຶ່ງເຮັດໃຫ້ລັດຖະບານໃນເຂດເທດ
ສະບານປັກກິ່ງ ສັ່ງໃຫ້ໂຮງຈັດໂຮງງານຕ່າງໆຫຼຸດການຜະລິດລົງ
ຫຼືບໍ່ກໍປິດກິດຈະການຊົ່ວຄາວ ສັ່ງໃຫ້ລົດເຄິ່ງນຶ່ງ ຢຸດແລ່ນຢູ່ໃນເຂດນະຄອນຫຼວງປັກກິ່ງ ແລະສັ່ງປິດໂຮງຮຽນນຳ.
ຄຳເຕືອນຂີດແດງຄັ້ງທຳອິດຂອງນະຄອນຫຼວງປັກກິ່ງ ແມ່ນໄດ້ປະກາດນຳໃຊ້ເມື່ອວັນທີ 7 ທັນວາຜ່ານມານີ້.
ໃນຕອນບ່າຍຂອງວັນອັງຄານມື້ນີ້ ເຄື່ອງບົ່ງບອກຄຸນນະພາບອາກາດໃນເຂດໃຈກາງນະຄອນຫຼວງປັກກິ່ງ ໄດ້ສະແດງໃຫ້ເຫັນວ່າ ມັນໄດ້ກາຍຈຳນວນ 400 ໄມໂກຣກຣາມ ຕໍ່ນຶ່ງແມັດກ້ອນ ສຳລັບ PM 2.5 ຄືມີອະນຸພາກທີ່ລວງກວ້າງນ້ອຍກວ່າ 2.5 ໄມໂກຣແມັດ ສາ ມາດແລ່ນເຂົ້າໄປໃນປອດຂອງເຮົາໄດ້.
ການປະກາດຄຳເຕືອນທີ່ເປັນຂີດໝາຍແດງນີ້ ບໍ່ໄດ້ໝາຍຄວາມວ່າ ສະພາບອາກາດໃນນະຄອນປັກກິ່ງ ແມ່ນມີມົນລະພິດທີ່ຮ້າຍແຮງກວ່າໃນອະດີດຜ່ານມາ.
ສ່ວນທີ່ນະຄອນຫຼວງອິນເດຍ ເຖິງແມ່ນວ່າ ໄດ້ມີການເອົາມາດຕະການຕໍ່ຕ້ານການປ່ອຍຄວັນມາໄດ້ເກືອບທົດສະວັດແລ້ວ ທີ່ເຮັດໃຫ້ສະພາບອາກາດໃນນະຄອນຫຼວງດັ່ງກ່າວດີ
ຂຶ້ນນັ້ນ ແຕ່ອີກຄັ້ງນຶ່ງນະຄອນຫຼວງຂອງອິນເດຍ ໄດ້ຫາຍໃຈເອົາອາກາດທີ່ຖືວ່າທີ່ມີມົນລະ ພິດຮ້າຍແຮງທີ່ສຸດໃນໂລກ ອິງຕາມລາຍງານຂອງອົງການອະນາໄມໂລກ.
