ລິ້ງ ສຳຫລັບເຂົ້າຫາ

logo-print

ບາງປະເທດອາຊ່ຽນ ປະກົດວ່າ ຮຽນແບບ​ຈີນ ​ໃນເລື້ອງຄວບຄຸມ ການອອກຄວາມເຫັນ ໃນສື່ສັງຄົມ


ຜູ້ຊາຍຜູ້ນຶ່ງໃຊ້ຄອມພີວເຕີຢູ່ຮ້ານກາເຟ ແຫ່ງນຶ່ງ ໃນເມືອງຊຽງໄຮ້ ຂອງຈີນ ຊຶ່ງມີອິນເຕີແນັດ ໃຫ້ລູກຄ້າໃຊ້ຟຣີ, (File photo).
ການ​ເກືອດ​ຫ້າມ​ການ​ອອກຄວາມ​ເຫັນ​ຂອງ​ປະ​ຊົນ​ກ່ຽວກັບ​
ເລື້ອງການ​ເມືອງ ​ແລະ​ຫົວ​ຂໍ້​ອື່ນ​ໆ ໃນ​ສື່​ສັງຄົມຂອງ​ຈີນແມ່ນ
​ເປັນ​ເລື້ອງທີ່​ຮູ້​ຈັກ​ກັນດີ​ໂດຍ​ທົ່ວ​ໄປ. ບາງ​ປະ​ເທດ​ໃນ​ເຂດ
ເອເຊຍ​ຕາ​ເວັນ​ອອກສຽງ​ໃຕ້ກໍ​ປະກົດ​ວ່າ ​ກໍາລັງເລີ້ມຮຽນ
​ແບບຈີນ​ໃນ​ການ​ເຮັດ​ແນວ​ນັ້ນ. Steve Herman ຜູ້​ສື່​ຂ່າວ
​ວີ​ໂອ​ເອ ມີ​ລາຍ​ງານ​ເລື້ອງນີ້ມາ​ຈາກ​ບາງກອກ ຊຶ່ງ​ບົວ​ສະຫວັນ
ຈະ​ນໍາ​ມາສະ​ເໜີທ່ານ​ໃນ​ອັນ​ດັບ​ຕໍ່​ໄປ.


ຄໍາ​ເຕືອນ​ຈາກ​ເຈົ້າໜ້າທີ່ ​ແລະ​ກົດ​ລະບຽບ​ໃໝ່ຢູ່​ໃນ​ປະ​ເທດ ​ເຊັ່ນ​ໄທ ​ແລະຫວຽດນາມ ອາດ​ຈະເຮັດ​ໃຫ້​ພວກໃຊ້​ສື່​ສັງຄົມບາງ​ຄົນ ຕ້ອງ​ໄດ້​ຄິດ​ແລ້ວຄິດ​ອີກກ່ອນ ​ກ່ຽວກັບ​ສິ່ງ​ທີ່​ເຂົາ​ເຈົ້າຈະ​ຂຽນລົງ​ໃນອິນ​ເຕີ​ແນັດ ຫລື​ແມ່ນແຕ່​ຈະ​ກົດຄໍາ​ວ່າ "Like" ຫລື ມັກ ຢູ່​ໃນໜ້າ Facebook ທີ່​ຄົນ​ນິຍົມໃຊ້​ກັນຢ່າງ​ສູງນັ້ນ.

​ຢູ່ໄທ ​ມີ​ຄົນ​ໃຊ້ Facebook 15 ລ້ານ​ຄົນ ຊຶ່ງ​ຫລາຍ​ກວ່າ 1 ສ່ວນ 5 ຂອງ​ຈໍານວນ​ພົນລະ​ເມືອງ​ທັງໝົດຂອງ​ປະ​ເທດ. ​ແລະ​ປະມານ 40 ​ເປີ​ເຊັນ​ຂອງ​ຄົນ​ຫວຽດນາມ​ ດຽວນີ້​ແມ່ນ​ພາກັນໃຊ້​ອິນ​ເຕີ​ແນັດ ​ໂດຍ​ມີການ​ຖີບ​ຕົວສູງຂຶ້ນ ໃນ​ການ​ໃຊ້​ໂທລະສັບ​ສະຫລາດ ຫລື smartphones ​ເຂົ້າ​ອິນ​ເຕີ​ແນັດ​ນັ້ນ. ສື່​ສັງຄົມ ​ເຊັ່ນ Facebook ​ແລະ Zing Me ​ແຕ່​ລະ​ຢ່າງ ​ແມ່ນ​ມີ​ຄົນຊົມໃຊ້ ​ປະມານ 12 ລ້ານຄົນ​ ຢູ່​ຫວຽດນາມ.

ທ່ານ Shawn Crispin ​ຕົວ​ແທນ​ຄະນະ​ກໍາມະການປົກ​ປ້ອງ​ນັກ​ຂ່າວ ​ຂອງຂົງ​ເຂດຕາ​ເວັນ​ອອກສຽງ​ໃຕ້ກ່າວ​ວ່າ ຖ້າມກາງ​ການ​ຖີບ​ຕົວ​ສູງ​ຂຶ້ນ​ຂອງການ​ອອກ​ຄວາມ​ເຫັນ​ຢູ່​ໃນ​ສື່​ສັງຄົມນັ້ນ ບັນດາລັດຖະບານ​ຢູ່ ໃນຂົງ​ເຂດ​ດັ່ງກ່າວ​ແມ່ນກໍາລັງ​ຊອກ​ວິ​ທີ​ຮຽນ​ແບບ​ ຜົນ​ສໍາ​ເລັດຂອງ​ຈີນ​ໃນ​ການ​ຄວບ​ຄຸມ​ເບິ່ງ​ການ​ສົນທະນາ​ກັນ​ທາງ​ອິນ​ເຕີ​ແນັດ. ທ່ານ Crispin ​ເວົ້າວ່າ:

ຫລາຍ​ປະ​ເທດ​ໃນ​ຂົງ​ເຂດ​ເອ​ເຊຍ​ຕາ​ເວັນ ອອກສຽງ​ໃຕ້ ​ແລະ​ພວກ​ເຮົາ
ໝາຍ​ເຖິງ​ປະ​ເທດ​ເຊັ່ນ​ ຫວຽດນາມ, ​ໄທ ​ແລະ​ມາ​ເລ​ເຊຍ ​ແມ່ນກໍາລັງ​ຮຽນ​
ແບບ​ເທັກ​ນິກແລະ​ວິທີຂອງ​ຈີນຫລາຍ​ຂຶ້ນນັບ​ມື້ ໃນ​ການ​ເກືອດ​ຫ້າມ​ເສລີ
ພາບໃນ​ການປາກ​ເວົ້າ​ທາງອິນ​ເຕີ​ແນັດ ​ແລະ​ກໍເຂົ້າ​ໄປ​ໃນ​ພື້ນທີ່​ຂອງ​ສື່​ສັງ
ຄົມ​ຫລາຍ​ຂຶ້ນນັບ​ມື້​ເ​ຊັ່ນ​ກັນ.


ທ່ານ ​ເສີມ​ສຸກ ກະຊິດປຣະດິດ, ບັນນາທິການຂ່າວ​ ອາວຸ​ໂສ ປະ​ຈໍາ​ໂທລະພາບ​ໄທ ຊ່ອງ Thai PBS
ທ່ານ ​ເສີມ​ສຸກ ກະຊິດປຣະດິດ, ບັນນາທິການຂ່າວ​ ອາວຸ​ໂສ ປະ​ຈໍາ​ໂທລະພາບ​ໄທ ຊ່ອງ Thai PBS

ທ່ານ ​ເສີມ​ສຸກ ກະ​ສິດປຣະດິດ, ນັກ​ຂ່າວໄທທີ່ມີ​ຊື່ສຽງທີ່
ຄົນຮູ້ຈັກ​ກັນ​ດີ​ໃນຊື່ "Pepsi” ​ອັນ​ເປັນນາມ​ປາກກາຂອງ​
ລາວ ໃນ​ການ​ຂຽນຂ່າວລົງ​ອິນ​ເຕີ​ແນັດ ຫລື blogger
ນັ້ນ ​ແມ່ນ​ນຶ່ງ​ໃນ​ຫລາຍໆຄົນ ທີ່ເມື່ອມໍ່ໆມານີ້ ​ຖືກເຈົ້າ
ໜ້າທີ່​ໄທ​ເຈາະ​ຈົງ​ເອີ້ນ​ໄປ​ສອບປ​າກຄໍາກ່ຽວກັບການ​ຂຽນ
ຂໍ້ຄວາມລົງ​ໃນ Facebook ຂອງທ່ານ. ທ່ານ ​ເສີມ​ສຸກ
ທີ່​ເປັນ ບັນນາທິການຂ່າວ​ອາວຸ​ໂສ ປະ​ຈໍາ​ໂທລະພາບ​ໄທ
ຊ່ອງ Thai PBS ​ເວົ້າວ່າ ຕໍາຫລວດ​ໄທ​ພະຍາຍາມຈະ​
ເອົາທ່ານ ​ເປັນ​ຕົວຢ່າງໃນການ​ນໍາ​ໃຊ້​ກົດໝາຍປາບ​
ປາມ​ການກໍ່ອາຊະຍາ​ກໍາ​ທາງ​ຄອມ​ພີ​ວ​ເຕີ ສະບັບປີ 2007 ຕໍ່ທ່ານ ​ແບບ​ບໍ່​ເຄີຍ​ມີ​ມາກ່ອນ. ​
ທ່ານເສີມ​ສຸກ​ເວົ້າວ່າ:

“ຂ້າພ​ະ​ເຈົ້າ​ເອງ​ແລ້ວ​ເຊື່ອ​ວ່າ ມັນ​ເປັນ​ການ​ຂົ່ມຂູ່​ແບບ​ໃດແບບ​ນຶ່ງ​ ​ເພື່ອ​ໃຫ້
ຜູ້​ຄົນ​ໃຊ້​ສື່​ສັງຄົມມີ​ຄວາມ​ຢ້ານ​ກົວ. ບໍ່​ເຄີຍ​ມີ​ເຫດການ​ແບບນີ້ ເກີດ​ຂຶ້ນ
ມາ​ກ່ອນຈັກ​ເທື່ອ​ຢູ່ໃນເມືອງ​ໄທ.”


​ເຈົ້າໜ້າທີ່​ໄທ ຍັງ​ໄດ້​ເຕືອນ​ສາ​ທາ​ລະນະ​ຊົນ​ວ່າ ການ share ຄວາມ​ເຫັນ​ຂອງ​ຜູ້​ໃດ​ຜູ້​ນຶ່ງ​ທາງ​ອິນ​ເຕີ​ແນັດ ຫລື​ແມ່ນ​ແຕ່ການສະ​ແດງ​ຄວາມ​ເຫັນ​ດີ​ນໍາ​ຄໍາ​ເຫັນ​ຂອງ​ຄົນ​ອື່ນ​ ໂດຍ​ການ​ກົດ 'Like' ຫລື ຄໍາ​ວ່າ ມັກ ຢູ່​ໃນ​ຂໍ້ຄວາມ​ໃນ Facebook ນັ້ນ ອາດ​ສາມາດເຮັດ​ໃຫ້​ພວກ​ກ່ຽວປະ​ເຊີນ​ກັບ​ການ​ຖືກ​ລົງ​ໂທດ​ໄດ້​ເຊັ່ນ​ກັນ ຖ້າ​ຫາກ​ວ່າ ຄໍາ​ເຫັນ​ອັນ​ທໍາ​ອິດ​ນັ້ນ ຖືກ​ພິຈາລະນາເຫັນວ່າ ມີ​ລັກສະນະ​ຜິດ​ກົດໝາຍ ຊຶ່ງ​ທ່ານ ​ເສີມ​ສຸກ​ເວົ້າ​ວ່າ:

“ຂ້ອຍ​ຄິດ​ວ່າ​ ມັນ​ເປັນ​ເລື້ອງບ້າ. ເລື້ອງ​ແບບ​ນີ້ບໍ່ຄວານ​ເກີດ​ຂຶ້ນ​ເລີຍ ​ເພາະ
ວ່າ​ ສື່​ສັງຄົມ​ຄວນ​ຈະ​ເປັນວິທີທີ່​ຄົນຄວນ ສາມາດອອກຄວາມ​ຄິດ ຄວາມ​
ເຫັນ​ໄດ້ຕາມໃຈ ​ແມ່ນ​ແຕ່​ບັນຫາ​ທາງ​ການເມືອງກໍ​ຕາມ.”


ຢູ່​ຫວຽດນາມນັ້ນ ຈຸດ​ເພັ່ງ​ເລັງແມ່ນຢູ່​ທີ່ ດໍາລັດ​ເລກ​ທີ 72 ທີ່​ຫາ​ກໍ​ຖືກຮັບ​ຜ່ານເມື່ອມໍ່ໆມາ
ນີ້ ຊຶ່ງ​ປະກົດ​ວ່າ ເກືອດ​ຫ້າມ​ການ​ເອົາ​ບົດຂ່າວ​ໃດໆ ​ໄປລົງ​ໃນອິນ​ເຕີ​ແນັດ ຫລື​ເວັບ​ໄຊ້ທ໌​ຂອງ​ສື່​ສັງຄົມ. ກົດໝາຍດັ່ງກ່າວ ຍັງ​ໄດ້​ວາງ​ຂໍ້​ບັງຄັບໃຫ້​ເວັບ​ໄຊ້ທ໌ບໍລິການສາກົນ​ທີ່​ມີ​ຊື່
ສຽງ​ເຊັ່ນ Google, Facebook ​ແລະ Yahoo ໃຫ້ມີໜ່ວຍບໍລິການທາງ​ຄອ​ມພີ​ວ​ເຕີ ​ຫລື server ປະ​ຈໍາທ້ອງ​ຖິ່ນ​ໃນ​ປະ​ເທດ​ນັ້ນອີກ​ດ້ວຍ.

ທ່ານ Shawn Crispin ຈາກ​ຄະນະ​ກໍາມະການ​ປົກປ້ອງນັກ​ຂ່າວ ​ໃຫ້​ຂໍ້​ສັງ​ເກດ​ອີກວ່າ ດໍາລັດ​ດັ່ງກ່າວ ທີ່​ກໍານົດ​ວ່າ ​ຂໍ້ຄວາມຕ່າງໆ​ທີ່ເອົາລົງ​ໃນ Twitter, Facebook ​ແລະ​ເວັບ​ໄຊ້ທ໌ອື່ນໆ ​ຕ້ອງຈໍາກັດ​ຂອບ​ເຂດ ​ໃຫ້​ເປັນ​ແຕ່​ພຽງການ​ແລກປ່ຽນຂໍ້​ມູນ​ສ່ວນ​ຕົວ​ເທົ່າ​ນັ້ນ ສາມ​າດທີ່​ຈະ​ເຮັດ​ໃຫ້ການ​ບໍລິການ​ຂອງ​ເວັບ​ໄຊ້ທ໌​ເຫລົ່ານີ້ ຢູ່​ຫວຽດນາມ ຖືກ​ປິດລົງ​ໄດ້.

ຫວຽດນາມ ຊຶ່ງ​ມີ​ລະບົບ​ການ​ເມືອງ​ແບບມີ​ພັກດຽວ ​ໄດ້​ຈັບ​ພວກ​ຂຽນຂໍ້ຄວາມ​ລົງ​ອິນ​ເຕີ​ແນັດ​ ຫລືບລັອກ​ເກີ ຫລາຍ​ສິບ​ຄົນ​ເຂົ້າ​ຄຸກແລ້ວ​ ​ໃນ​ປີນີ້ ​ໃນ​ຂໍ້​ຫາ​ວ່າ ມີ​ກິດຈະ​ກໍາ​ຕໍ່ຕ້ານລັດຖະບານ.

​ສ່ວນໄທ​ນັ້ນ ກໍ​ມີ​ການ​ບັງຄັບ​ໃຊ້ກົດໝາຍ​ຫ້າມວິຈານຄອບຄົວ​ຂອງ​ເຈົ້າຊີວິດຢ່າງ​ເຄັ່ງ​ຄັດ ທັງ​ໃນ​ທາງ​ອິນ​ເຕີ​ແນັດ ​ແລະ​ນອກ​ອິນ​ເຕີ​ແນັດ.

ສໍາລັບ​ຢູ່​ມາ​ເລ​ເຊຍ​ນັ້ນ ​ເຖິງ​ແມ່ນ​ວ່າ ລັດຖະບານ​ຈະ​ໃຫ້​ຄໍາໝັ້ນສັນຍາ​ວ່າ ຈະບໍ່ມີການ
ກວດ​ກາ​ທາງ​ອິນ​ເຕີແນັດ​ກໍ​ຕາມ ​ແຕ່​ພວກ​ໃຊ້ອິນ​ເຕີ​ແນັດກໍາລັງຈົ່ມ​ວ່າ ​ບາງເວັບ​ໄຊ້ທ໌
ໜ້າ Facebook ​ຂອງ​ບາງ​ຄົນ ແລະ​ເວັບ​ໄຊ້ທ໌​ອື່ນໆອີກກໍາລັງ​ຖືກ​ກວດກາ ແລະພວກ
ທີ່​ເຂົ້າ​ເບິ່ງເວັບ​ໄຊ້ທ໌​ເຫລົ່າ​ນັ້ນ ​ໄດ້​ຕົກຢູ່​ພາຍ​ໃຕ້​ການສິ້ງຊອມ​ຕິດຕາມທາງ​ອິນ​ເຕີເນັດ.

ຢູ່​ໃນ​ຟີ​ລິບ​ປິນ ກົດໝາຍວ່າ​ດ້ວຍ​ອາຊະຍາ​ກໍາ​ທາງ​ອິນ​ເຕີແນັດ ທີ່ກໍາລັງ​ລໍ​ຖ້າການ​ຮັບ​
ຜ່ານເອົາ ກໍາລັງ​ຖືກ​ຕໍາໜິວ່າ ​ເປັນ​ໄພ​ຂົ່ມຂູ່​ຕໍ່ການ​ປາກ​ເວົ້າຢ່າງ​ເສລີ.

ສ່ວນ​ມຽນມານັ້ນ ກໍ​ເຄີຍ​ມີ​ຊື່ສຽງເນົ່າ​ເໝັນໃນ​ເລື້ອງຈັບ​ພວກບລັອກ​ເກີ, ນັກ​ຂ່າວ ​ແລະ​
ນັກ​ກະວີ​ຂັງ​ຄຸກ ຈົນ​ຮອດ​ເມື່ອ​ບໍ່​ດົນ​ມານີ້. ການ​ປະຕິ​ຮູບທາງ​ປະຊາທິປະ​ໄຕ ໄດ້ເຮັດ​
ໃຫ້​ພວກ​ໃຫ້​ບໍລິການ​ທາງ​ອິນ​ເຕີ​ແນັດ ​ຍຸຕິ​ການ​ເກືອດ​ຫ້າມການ​ໃຊ້ Facebook ທີ່​ໄດ້​
ໂຜ່​ຕົວ​ຂຶ້ນມາ​ເປັນ​ເວທີ​ທີ່ໄດ້​ຮັບ​ຄວາມ​ນິຍົມ​ໃຊ້​ກັນ​ຫລາຍ ​ໃນ​ໝູ່ພວກຂຽນ​ຂ່າວ​ລົງ​ທາງ​ອິນ​ເຕີ​ແນັດ ຫລື​ບລັອກ​ເກີ ​ແລະ​ສໍາລັບການ​ກະຈາຍ​ຂ່າວ​ຕ່າງໆ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG