ປະທານາທິບໍດີສະຫະລັດ ທ່ານບາຣັກ ໂອບາມາ ພວມຢຸດແວ່ຢູ່ບ່ອນສຸດທ້າຍ ໃນການເດີນທາງໄປຢ້ຽມຢາມຕ່າງປະເທດຄັ້ງສຸດທ້າຍ ໃນນາມປະທານາທິບໍດີ ນັ້ນກໍຄືນະຄອນ ຫລວງລີມາ ປະເທດເປຣູ ບ່ອນທີ່ທ່ານຈະໃຫ້ການຄ້ຳປະກັນ ແກ່ພັນທະມິດ ຂອງສະຫະ ລັດ ໃນເຂດເອເຊຍປາຊີຟິກ ຫລັງຈາກທ່ານ Donald Trump ຊະນະການເລືອກຕັ້ງໃນສະຫະລັດ.
ທ່ານໂອບາມາ ໄດ້ເພັ່ງເລັງໃສ່ເຂດເອເຊຍ ແລະປາຊີຟິກ ໂດຍເອີ້ນວ່າ ການສ້າງຄວາມກ້ຳເກິ່ງຄືນໃໝ່ໄປສູ່ເຂດເອເຊຍຊຶ່ງເປັນຈຸດຫລັກໃນນະໂຍບາຍການ ຕ່າງປະເທດຂອງທ່ານ ແຕ່ນັ້ນອາດຈະມີການປ່ຽນແປງ ຢ່າງໃຫຍ່ຫຼວງ ຫລັງຈາກທ່ານອອກຈາກຕຳແໜ່ງໄປແລ້ວ ໃນອີກເກົ້າອາທິດຂ້າງໜ້ານີ້.
ປະທານາທິບໍດີໂອບາມາ ແລະພັນທະມິດດ້ານການຄ້າຂອງທ່ານ ໄດ້ດຳເນີນການຢ່າງຂຸ້ນຂ້ຽວມາເປັນເວລາຫຼາຍໆປີເພື່ອສ້າງຕັ້ງຂໍ້ຕົກລົງພາຄີຂ້າມມະຫາສະມຸດປາຊີຟິກຫຼື TPP ໃຫ້ເປັນຈິງຂຶ້ນມາ. ແຕ່ໃນລະຫວ່າງ ການໂຄສະນາຫາສຽງນັ້ນ ຜູ້ທີ່ຖືກສະເໜີຊື່ແລະ ເວລານີ້ ປະທານາທິບໍດີ ທີ່ໄດ້ຮັບເລືອກໃໝ່ ທ່ານ Donald Trump ແມ່ນໄດ້ສະ ເໜີທິດທາງທີ່ ແຕກຕ່າງໄປຈາກນີ້ຢ່າງໃຫຍ່ຫຼວງ. ທ່ານ Trump ສະເໜີແນະວ່າ ທ່ານ ຈະເລີກພົວພັນກັບເອເຊຍ ໂດຍໄດ້ຕ້ອງຕິຢ່າງແຮງຕໍ່ພັນທະມິດບາງປະເທດ ຂອງສະ ຫະລັດແລະເອີ້ນຂໍ້ຕົກລົງ TPP ວ່າ ເປັນການປຸ້ນສະດົມຜົນປະໂຫຍດຂອງສະຫະລັດ.
ແຕ່ແນວໃດກໍຕາມ ປະທານາທິບໍດີເປຣູ ທ່ານ Pedro Pablo Kuczynski ໄດ້ກ່າວຕໍ່ຄະ ນະຜູ້ແທນ ທີ່ໄປຮ່ວມກອງປະຊຸມສຸດຍອດວ່າ “ສຳລັບ ບຸກຄົນໃດກໍຕາມ ທີ່ຢາກສົ່ງເສີມການປົກປ້ອງຄຸ້ມຄອງສິນຄ້າ ຂ້າພະເຈົ້າຂໍແນະນຳ ໃຫ້ພວກທ່ານ ໄປອ່ານເບິ່ງປະຫວັດ ສາດເສດຖະກິດຂອງປີ 1930 ຊຶ່ງເປັນການໝາຍເຖິງສະພາບເສດຖະກິດຕົກຕ່ຳທີ່ຮ້າຍແຮງ ຊຶ່ງຫລາຍໆຄົນໂຕ້ແຍ້ງວ່າ ເກີດມາຈາກນະໂຍບາຍປົກປ້ອງຄຸ້ມຄອງສິນຄ້ານັ້ນ.”
ທ່ານ Kuczynski ຊຶ່ງເປັນນັກເສດຖະສາດທີ່ໄດ້ຮັບການສຶກສາຈາກສະຫະລັດກ່າວວ່າ “ມັນເປັນຫລັກການພື້ນຖານທີ່ວ່າ ການຄ້າຂອງໂລກເຕີບໂຕອີກແລະລັດທິການປົກປ້ອງຄຸ້ມຄອງສິນຄ້າ ໄດ້ຮັບການປະລາໄຊ.”
ຜູຸ້ຊ່ຽວຊານກ່ຽວກັບເອເຊຍ ທ່ານ Michael Kulelman ຈາກສູນກາງ Woodrow Wil- son ກ່າວຕໍ່ວີໂອເອວ່າ ເວລານີ້ໂລກຂອງເຮົາກຳລັງລໍຖ້າເບິ່ງຢູ່ວ່າ ໃນຂອບເຂດໃດ ທີ່ ທ່ານ Trump ຈະຫັນປ່ຽນ ການໃຫ້ຄຳໝັ້ນສັນຍາ ໃນການໂຄສະນາຫາສຽງຂອງທ່ານ
ໃຫ້ກາຍເປັນການຕັດສິນໃຈກ່ຽວກັບນະໂຍບາຍການຕ່າງປະເທດທີ່ແທ້ຈິງ.
