ລິ້ງ ສຳຫລັບເຂົ້າຫາ

logo-print

ພ້ອມໆກັບການ​ທີ່​ ສ​ຫ​ລ ຈະ​ຖອນທະ​ຫານ​ອອກ​ຈາກ ​ອັ​ຟ​ກາ​ນິ​ສ​ຖານຢູ່ນີ້ ກໍບໍ່​ມີງົບປະມານສຳ​ລັບອອກວີ​ຊາ​ໃຫ້ແກ່ ​ນາຍ​​ພາ​ສາ


ເບິ່ງວີ​ດິ​ໂອ: ໃນ​ຂະ​ນະ​ທີ່​ສະ​ຫະ​ລັດ ພິ​ຈາ​ລະ​ນາ​ວ່າຈະຖອນ​ທະ​ຫານ​ອອກ​ຈາກ​ອັ​ຟ​ກາ​ນິ​ສ​ຖານ ກໍບໍ່ໄດ້​ມີການ​ອອກວີ​ຊາ​​ເຂົ້າ​ເມືອງ​ແບບ​ພິ​ເສດ​ອີກ

ວີ​ຊາຄົນ​ເຂົ້າ​ເມືອງແບບພິ​ເສດ​ ແມ່ນ​ອອກ​ໃຫ້​ໃຊ້​ໄດ້​ຕະ​ຫລອດ​ຊີ​ວິດ ສຳ​ລັບ​ນາຍພາ​ສາ​ຊາວ​ອີ​ຣັກ ແລະ​ອັ​ຟ​ກາ​ນິ​ສ​ຖານ ແລະ​ນັກ​ວິ​ຊາ​ການ​ດ້ານ​ອື່ນໆ ທີ່​ເຮັດວຽກໃຫ້​ລັດ​ຖະ​ບານ​ສະ​ຫະ​ລັດ ທີ່​ປະ​ເຊີນ​ກັບ​ການ​ນາບ​ຂູ່​ຢ່າງ​ຮ້າຍ​ແຮງ ຍ້ອນ​ວຽກ​ງານ​ຂອງ​ພວກ​ເຂົາ​ເຈົ້າ. ວີ​ຊາ​ສຳ​ລັບ​ພວກນີ້ ແມ່ນ​ອະ​ນຸ​ຍາດ​ໃຫ້​ພວກ​ເຂົາ​ເຈົ້າ ຍົກ​ຍ້າຍ​ມາ​ຢູ່​ສະ​ຫະ​ລັດ ແລະ​ໃຫ້ໄດ້ຮັບຄວາມ​ປອດ​ໄພ​. ແຕ່​ວ່າ ເມື່ອ​ມີ​ການ​ຖອນ​ໂຕ​ຂອງ​ທະ​ຫານ​ສະ​ຫະ​ລັດ​ຈາກ​ອັ​ຟ​ກາ​ນິ​ສ​ຖານ​ກັບ​ກາຍ​ມາ​ເປັນ​ຄວາມ​ຈິງ​ທີ່​ສາ​ມາດ​ມີ​ຂຶ້ນ​ໄດ້, ມັນກໍຈະບໍ່​ມີ​ການ​ອອກວີ​ຊາ​ຄົນ​ເຂົ້າ​ເມືອງແບບພິ​ເສດ ຫລື SIV ​ນີ້ ອີກຕໍ່​ໄປ​ ໃນ​ປີນີ້. Ramon Taylor, ນັກ​ຂ່າວ​ຂອງວີ​ໂອ​ເອ ລາຍ​ງານ​ມາ​ວ່າ ຫລາຍ​ພັນ​ຄົນ ຢູ່​ກຸ່ມ​ເຫລົ່າ​ນີ້ ​ແມ່ນຕົກ​ຢູ່​ໃນ​ສະ​ພາບ​ທີ່ບໍ່​ມີ​ຄວາມ​ແນ່ນອນ. ບົວ​ສະ​ຫວັນ​ຈະ​ນຳ​ເອົາ​ລາຍ​ລະ​ອຽດ​ກ່ຽວ​ກັບ​ເລື້ອງນີ້ ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.

ເມື່ອ​ສະ​ຫະ​ລັດ​ໃກ້​ຈະສ້າງ​ແຜນສັນ​ຕິ​ພາບ​ກັບ​ກຸ່ມ​ຕາ​ລິ​ບານ​ໄດ້​ແລ້ວນັ້ນ ຄວາມ​ຮູ້​ສຶກບໍ່​ແນ່ນ​ອນ​ໄດ້ປົກຄຸມຄວາມ​ຄິດຂອງ​ຊາວ​ອັ​ຟ​ກາ​ນິ​ສ​ຖານປະ​ມານ ຫລາຍກວ່າ 19,000 ຄົນ ທີ່​ກຳ​ລັງ​ລໍ​ຖ້າຮັບ​ວີ​ຊາ​ຄົນ​ເຂົ້າເມືອງແບບພິ​ເສດ ຫລື SIV ຢູ່. ໂຄງ​ການ​ວີ​ຊາ​ທີ່​ໃຊ້​ມາ​ໄດ້​ທົດ​ສະ​ວັດ​ແລ້ວ ແມ່ນ​ອອກ​ໃຫ້​ແກ່​ຄົນ​ໃນ​ທ້ອງຖິ່ນ ທີ່​ເຮັດ​ວຽກ​ຕາງ​ໜ້າ​ລັດ​ຖະ​ບານ​ສະ​ຫະ​ລັດ ທີ່​ປະ​ເຊີນ​ກັບ​ການ​ນາບ​ຂູ່​ຢ່າງ​ໜັກ ເນື່ອງ​ມາ​ຈາກ​ການສືບ​ຕໍ່ ​ໄດ້​ຮັບ​ໄພ​ຂົ່ມ​ຂູ່​ຍ້ອນວຽກ​ງານ​ຂອງ​ເຂົາ​ເຈົ້າ.

ທ້າວແຈນ​ນິ​ສ ຈຊິນວາ​ຣີ (Janis Shinwari) ຜູ້​ທີ່​ໄດ້​ຮັບ​ວີ​ຊາ​ຄົນ​ເຂົ້າ​ເມືອງ ແບບ​ພິ​ເສດ ຫລື SIV ຄົນນຶ່ງ ​ເປັນ​ຜູ້​ຮ່ວມກໍ່​ຕັ້ງ​ກຸ່ມ No One Left Behind ຫລື ບໍ່​ມີ​ໃຜ​ຈະຖືກ​ປະ​ປ່ອຍ​ລະ​ເລີຍໄວ້, ຊຶ່ງ​ເປັນ​ກຸ່ມ​ທີ່ຕັ້ງ​ຢູ່​ໃນສະ​ຫະ​ລັດເພື່ອ​ຊ່ວຍ​ຄົນ ​ທີ່​ໄດ້​ເຮັດ​ວຽກ​ໃຫ້​ແກ່ທະຫານ​ສະ​ຫະ​ລັດໃນ​ໄລ​ຍະ​ທີ່ກອງ​ທັບ​ດັ່ງ​ກ່າວ​ປະ​ຕິ​ບັດ​ງານ​ຢູ່. ລາວເວົ້າ​ວ່າ ສັນ​ຍາ​ດ້ານ​ສັນ​ຕິ​ພາບ ແມ່ນ​ໄດ້​ເຮັດ​ໃຫ້​ເຂົາ​ເຈົ້າ​ຕົກຢູ່​ໃນ​ສະ​ພາບ​ສ່ຽງ​ໄພ​ຫລາຍຂຶ້ນກວ່າ​ເກົ່າ.

ທ້າວແຈນນິສ ຈຊິນວາຣີດ ອະ​ດີດ​ລ່າມ​ແປ​ພາ​ສາທີ່ໄດ້ຮັບວີຊາຄົນເຂົ້າເມືອງ ແບບພິເສຄົນນຶ່ງ ແລະເປັນຜູ້ຮ່ວມກໍ່ຕັ້ງກຸ່ມ No One Left Behind f No One Left Behind
ທ້າວແຈນນິສ ຈຊິນວາຣີດ ອະ​ດີດ​ລ່າມ​ແປ​ພາ​ສາທີ່ໄດ້ຮັບວີຊາຄົນເຂົ້າເມືອງ ແບບພິເສຄົນນຶ່ງ ແລະເປັນຜູ້ຮ່ວມກໍ່ຕັ້ງກຸ່ມ No One Left Behind f No One Left Behind

ທ້າວ ຈຊິນວາ​ຣີ (Shinwari) ກ່າວ​ວ່າ
"ພວກ​ເຂົາ​ເຈົ້າ​ບໍ່​ສາ​ມາດ​ມາ​ໜີ້ (​ສະ​ຫະ​ລັດ​ໜີ້) ເພື່ອ​ຂ້າ​ຄົນ​ເມ​ຣິ​ກັນ. ທາງ​ທີ່​ງ່າຍ​ທີ່​ສຸດ ທີ່​ພວກ​ເຂົາ​ຈະ​ຂ້າ​ຄົນ​ໃດ​ຄົນ​ນຶ່ງທີ່​ສະ​ໜັບ​ສະ​ໜຸນ​ທະ​ຫານ​ສະ​ຫະ​ລັດຢູ່​ໃນ​ອັ​ຟ​ກາ​ນິ​ສ​ຖານ​ໄດ້ [ກໍ​ແມ່ນ​ໂດ​ຍ​ຜ່ານ] ລ່າມ​ແປ​ພາ​ສາ ນາຍພາ​ສາ​ແບບ​ຂຽນເອົາ."

ອົງ​ການ "​Interpreters" ໄດ້​ບັນ​ທຶກ​ຂໍ້ຄວາມທີ່​ເປັນ​ອັນ​ຕະ​ລາຍທີ່ປະ​ສົບ​ໂດຍ​ພວກ​ລ່າມ​ແປ​ພາ​ສາ​ຊາວ​ອີ​ຣັກ ແລະ ອັ​ຟ​ກາ​ນິ​ສ​ຖານ ທີ່​ເຮັດ​ວຽກ​ໃຫ້​ແກ່ກອງ​ທັບສະ​ຫະ​ລັດ ພ້ອມ​ກັບ​ບັນ​ທຶກ​ເວ​ລາ​ຄອງ​ຄອຍໃຫ້​ໄດ້​ຮັບ​ວີ​ຊາ​ແບບ SIV ນຳ. ບວ​ກ ໃສ່​ກັບ​ຄວາມ​ເປັນ​ໄປ​ໄດ້ທີ່​ວ່າ ​ຈະ​ມີ​ການ​ຖອນ​ທະ​ຫານ​ສະ​ຫະ​ລັດ​ອອກຈາກ​ອັ​ຟ​ກາ​ນິ​ສ​ຖານ, ພວກ​ທີ່ໄດ້ຂໍ​ວີ​ຊານີ້ແລ້ວ ແລະ​ພວກ​ທີ່​ກຳ​ລັງ​ຈະ​ຂໍ​ວີ​ຊາ​ໃນ​ອະ​ນາ​ຄົດ​ ແມ່ນ​ຢູ່​ໃນ​ສະ​ພາບທີ່​ລັງເລໃຈ ບໍ່ຮູ້​ວ່າຈະ​ເຮັດ​ແນວ​ໃດ​.

ທ້າວ ໂຊ​ຟຽນ ຄານ (Sofian Khan), ຜູ້​ຮ່ວມ​ສ້າງ​ຕັ້ງ​ອົງ​ການ Interpreters ກ່າ​ວ​ວ່າ
"ຄົນ​ພວກນີ້​ຍັງ​ຄ້າງ​ຢູ່​ຫັ້ນ, ແລະ​ພວກ​ເຂົາ​ເຈົ້າ​ກໍ​ຍັງ​ປະ​ສົບ​ກັບ​ອັນ​ຕະ​ລາຍ ແລະ ໄພ​ຂົ່ມ​ຂູ່ຢູ່ ປະ​ເຊີນກັບ​ສະ​ພາບ​ຫລັງ​ສັງ​ຄາມ ທີ່​ຍັງ​ບໍ່​ທັນໝົດ​ໄປ​ເທື່ອ.”

ລັດ​ຖະ​ສະ​ພາ​ສະ​ຫະ​ລັດໄດ້​ອະ​ນຸ​ຍາດ​ໃຫ້​ອອກວີ​ຊາ​ຄົນ​ເຂົ້າ​ເມືອງແບບພິ​ເສດ 14,500 ອັນ ​ໃຫ້​ແກ່​ພວກ​ຂໍ​ວີ​ຊາ​ຕົ້ນ​ຕໍ​ ຈາກ​ອັ​ຟ​ກາ​ນິ​ສ​ຖານ ນັບ​ແຕ່​ປີ 2014 ເປັນ​ຕົ້ນ​ມາ ຊຶ່ງ​ລວມ​ທັງ 3,500 ອັນ ທີ່​ອອກ​ໃຫ້ໃນ​ປີ 2018 ທີ່ຫາກໍຜ່ານ​ມານີ້. ລັດ​ຖະ​ບານ​ທ່ານ​ທ​ຣຳ ໄດ້ຮັບ​ຄວາມ​ຜິດ​ຫວັງ ທີ່​ເຫັນ​ວ່າ ງົບ​ປະ​ມານ​ທີ່​ຈະ​ຈັດ​ໃຫ້​ແກ່​ 4,000 ຄົນ​ ​ໄດ້ຖືກ​ປະ​ຕິ​ເສດບໍ່​ໃຫ້​ເອົາ​ເຂົ້າ​ຢູ່​ໃນ​ງົບ​ປະ​ມານ​ປີ 2019 ນີ້ ຍ້ອນ​ລະ​ບຽບ​ການ​ດ້ານ​ງົບ​ປະ​ມານ.

ໃນ​ຂະ​ນະ​ດຽວ​ກັນ ພວກ​ທີ່​ໄດ້​ຮັບວີ​ຊາ​ແບບ SIV ໄດ້​ຖືກ​ຈັບ​ໄປ​ຂັງ​ໃນ​ລະ​ຫວ່າງ​ທີ່​ເດີນ​ທາງ​ມາ​ຍັງ​ສະ​ຫະ​ລັດ ນັບ​ຕັ້ງ​ແຕ່​ລັດ​ຖະ​ບານ​ຂອງ​ທ່ານ​ທ​ຣຳ ໄດ້​ຈັດ​ຕັງ​ປະ​ຕິ​ບັດມາດ​ຕະ​ການ​ທີ່​ເພີ້ມ​ການກວດ​ກາ​ຄົນ​ເດີນ​ທາງ​ເຂົ້າ​ປະ​ເທດ ​ໃນ​ສອງ​ປີ​ກ່ອນເປັນ​ຕົ້ນ​ມາ.

ທ້າວ Qismat Amin (ຊ້າຍ), ອະ​ດີດ​ນາຍ​ແປ​ພາ​ສາ​ຂອງກອງ​ທັບ​ສະ​ຫະ​ລັດຖືກ​ຕ້ອນ​ຮັບໂດຍ​ພວກ​ ໃຫ້​ການ​ສະ​ໜັບ​ສະ​ໜຸນໃນ​ເວ​ລາ​ມາ​ເຖິງ​ສະ​ໜາມ​ບິນ​ສາ​ກົນ​ຂອງ​ນະ​ຄອນ ແຊນ ແຟ​ຣນຊິ​ສ​ໂກ ໃນ​ວັນ​ທີ 8 ກຸມ​ພາ 2017 ພາຍ​ຫລັງ​ທີ່​ໄດ​ລໍ​ຖ້າ​ຮັບ​ວີ​ຊາ​ມາ​ໄດ້ 4 ປີ
ທ້າວ Qismat Amin (ຊ້າຍ), ອະ​ດີດ​ນາຍ​ແປ​ພາ​ສາ​ຂອງກອງ​ທັບ​ສະ​ຫະ​ລັດຖືກ​ຕ້ອນ​ຮັບໂດຍ​ພວກ​ ໃຫ້​ການ​ສະ​ໜັບ​ສະ​ໜຸນໃນ​ເວ​ລາ​ມາ​ເຖິງ​ສະ​ໜາມ​ບິນ​ສາ​ກົນ​ຂອງ​ນະ​ຄອນ ແຊນ ແຟ​ຣນຊິ​ສ​ໂກ ໃນ​ວັນ​ທີ 8 ກຸມ​ພາ 2017 ພາຍ​ຫລັງ​ທີ່​ໄດ​ລໍ​ຖ້າ​ຮັບ​ວີ​ຊາ​ມາ​ໄດ້ 4 ປີ

ນາງ ເອ​ຣິນ ຊູ​ລີ​ວັນ (Erin Sullivan), ຜູ້​ຮັບ​ຜິດ​ຊອບ​ກໍ​ລະ​ນີ​ຄົນ​ຂໍ​ວີ​ຊາທີ່​ອົງ​ການ HIAS ບອກວ່າ
"​ພວກ​ເຮົາກຳ​ລັງ​ເພີ້ມ​ຄວາມແຂງ​ແກ່ນ​ໃຫ້​ແກ່​ພວກ​ເຂົາ​ເຈົ້າ (ພວກ​ໄດ້​ຮັບ​ວີ​ຊາ ແບບ SIV) ໃຫ້​ຮູ້​ວ່າ ຢູ່​ທີ່ນີ້​ ແມ່ນຍິນ​ດີຕ້ອນ​ຮັບພວກ​ເຂົາ​ເຈົ້າ, ສະ​ໜັບ​ສະ​ໜຸນ​ພວກ​ເຂົາ​ເຈົ້າຢ່າງ​ຫລວງ​ຫລາຍ ແຕ່​ວ່າ ຕາມ​ການຟັງ​ຂ່າວຈາກ​ແຫລ່ງ​ຕ່າງໆ ​ກໍ​ແມ່ນ​ວ່າ ເລື້ອງ​ແບບນີ້ ​ຍັງ​ສືບ​ຕໍ່​ມີ​ຂຶ້ນຢູ່, ຂ່າວ​ທີ່​ວ່າ ຄົນ​ອື່ນ​ແມ່ນບໍ່​ຖືກ​ອະ​ນຸ​ຍາດ​ໃຫ້​ເດີນ​ທາງມາ, ຄົນ​ທີ່​ຍັງຢູ່​ຕ່າງ​ປະ​ເທດນັ້ນ, ຂ່າວ​ນີ້ ແນ່ນອນ ຂ້າ​ພະ​ເຈົ້າ​ຄິດ​ວ່າ ໄດ້ສ້າງ​ຄວາມ​ສັບ​ສົນແລະ​ຄວາມກັງ​ວົນ​ໃຈຢູ່​ໃນ​ລະ​ດັບ​ໃດ​ນຶ່ງ."

ສຳລັບຄຳຖາມທີ່ວ່າ ຍັງ​ຈະ​ມີ​ການ​ອອກວີ​ຊາ​ຄົນ​ເຂົ້າ​ເມືອງ​ແບບ​ພິ​ເສດ ຫລື SIV ເພີ້ມ​ອີກບໍ່ ໃນ​ປີ 2019 ບັດ​ນີ້ ແມ່ນ​ຂຶ້ນ​ຢູ່​ກັບ​ລັດ​ຖະ​ສະ​ພາ​ສະ​ຫະ​ລັດ.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ​ຢູ່​ລຸ່ມນີ້

Special Immigrant Visas are a lifeline for Iraqi and Afghan interpreters and other professionals working for the U.S. government, who face credible threats as a consequence of their employment. These visas allow them to emigrate to the U.S. and safety. But as U.S. troop withdrawals from Afghanistan become a possibility, no new SIVs have been scheduled for this year. VOA's Ramon Taylor reports that thousands are in limbo.

With the U.S. nearing a possible peace plan with the Taliban, a feeling of uncertainty has swept over some 19,000 Afghans waiting for Special Immigrant Visas — or SIVs. The decade-old visa program is granted to locals working on behalf the U.S. government, who face threats due to the inherent risks of their jobs.

Afghan SIV recipient Janis Shinwari is co-founder of No One Left Behind, a U.S.-based group that helps those who have worked for the U.S. military during its mission. He says a peace agreement puts them at greater risk.

Janis Shinwari, Co-Founder, No One Left Behind said
"They can't come here (to the United States) to kill an American. The easiest way they will kill somebody who supports the U.S. troops in Afghanistan [is through] interpreters and translators."

"The Interpreters" documents the dangers faced by Iraqi and Afghan interpreters working for the U.S. military, along with long waiting times for SIVs. Coupled with the prospect of U.S. troop withdrawals from Afghanistan, applicants and would-be applicants are stuck.


Sofian Khan, Co-Director, The Interpreters said
"These guys are still out there, and that they're still experiencing the danger and the threat and the aftermath of a war that's not over."

Congress has authorized 14,500 SIVs for Afghan principal applicants since 2014, including 3,500 in fiscal year 2018. The Trump administration has expressed disappointment that its funding for 4,000 visas has been dropped from the 2019 budget because of a budgetary rule.

Meanwhile, several SIV holders have been detained en route to the U.S. since the Trump administration implemented measures to increase scrutiny of travelers two years ago.

Erin Sullivan, Case Manager, HIAS said
"We're reinforcing for them (SIV holders) that they are welcome here, that they have a lot of support, but hearing from the news that this kind of thing is going on, that there are other people who are not allowed to travel who are still overseas, definitely, I think, creates some confusion and worry."

Whether there will be any additional SIVs in 2019 is now up to the U.S. Congress.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG