ການໄປຢ້ຽມຢາມ ປະເທດ ຈີນ ເມື່ອອາທິດທີ່ຜ່ານມາ ຂອງ
ລັດຖະມົນຕີ ປ້ອງກັນ ປະເທດ ສະຫະລັດອາເມຣິກາ ທ່ານ
Chuck Hagel ໄດ້ເນ້ນໃຫ້ເຫັນ ເຖິງຄວາມພະຍາຍາມທີ່
ຂະຫຍາຍກ້ວາງອອກນັບມື້ ຂອງກອງທັບຂອງປະເທດທັງ
ສອງ ເພື່ອຍົກລະດັບສາຍພົວພັນລະຫວ່າງກັນ ເຖິງແມ່ນວ່າ
ຈະມີຂໍ້ຂັດແຍ້ງ ທີ່ຂະຫຍາຍໃຫຍ່ຂຶ້ນ ໃນຂົງເຂດນັ້ນກໍຕາມ.
ການຢ້ຽມຢາມຄັ້ງນີ້ ຍັງໄດ້ເຜີຍແບໃຫ້ເຫັນເຖິງຄວາມແຕກ
ຕ່າງລະຫວ່າງສອງປະເທດ. ຜູ້ສື່ຂ່າວ ວີໂອເອ Bill Ide ມີ
ລາຍງານຊຶ່ງໄຊຈະເຣີນສຸກ ຈະນຳມາສະເໜີທ່ານ.
ການໄປຢ້ຽມຢາມປະເທດຈີນ ຂອງລັດຖະມົນຕີປ້ອງກັນປະເທດສະຫະລັດ ທ່ານ Chuck
Hagel ໃນຄັ້ງທຳອິດນີ້ ແມ່ນໄດ້ມີການແລກປ່ຽນສັນມິດກັນ ຫລາຍໆຢ່າງ ອັນຮວມທັງການໄປຢ້ຽມຊົມ ເຮືອກຳປັ່ນບັນທຸກເຮືອບິນ ລຳດຽວຂອງຈີນ ແລະການພົບປະກັບ
ປະທານປະເທດຈີນ ທ່ານ Xi Jinping ນຳດ້ວຍ. ແຕ່ເຖິງແມ່ນວ່າທັງສອງຝ່າຍໄດ້ເວົ້າ
ລົມກັນເຖິງເລື້ອງການຮ່ວມໄມ້ຮ່ວມມືກັນກໍຕາມ ແຕ່ທັງສອງຝ່າຍກໍຍັງມີຄວາມເຫັນທີ່ຂັດ
ແຍ້ງກັນຢ່າງເປີດເຜີຍ ກ່ຽວກັບບັນຫາຂັດແຍ້ງກັນເລື້ອງເຂດແດນ ໃນພາກພື້ນນັ້ນ.
![Hagel Visits China]()
Photo Gallery:
ທ່ານ Hagel ໄດ້ທ້າທາຍອອກມາຢ່າງກົງໆ ຕໍ່ການຕັດສິນໃຈຂອງ ປັກກິ່ງ ໃນປີແລ້ວ
ນີ້ ທີ່ປະກາດເຂດປ້ອງກັນນ່ານຟ້າຂອງຕົນ ໃນບໍລິເວນເໜືອໝູ່ເກາະທີ່ເປັນຂໍ້ຂັດແຍ້ງ
ກັນ ຢູ່ໃນທະເລຈີນພາກຕາເວັນອອກ ຊຶ່ງຍີປຸ່ນກໍອ້າງເອົາກຳມະສິດຄືກັນນັ້ນ.
ທ່ານ Hagel ກ່າວວ່າ: “ທຸກໆ ປະເທດມີສິດທີ່ຈະຕັ້ງ ເຂດປ້ອງກັນນ່ານຟ້າແຕ່ບໍ່
ແມ່ນສິດທີ່ຈະເຮັດເຊັ່ນນັ້ນແຕ່ພຽງຝ່າຍດຽວ ໂດຍທີ່ບໍ່ມີການຮ່ວມມື ຫຼື ການ
ປຶກສາຫາລືກັນເລີຍ. ນັ້ນແມ່ນຈະເພີ້ມໃສ່ຄວາມເຄັ່ງຕຶງ ຄວາມເຂົ້າໃຈຜິດ
ແລະໃນທີ່ສຸດ ກໍອາດສາມາດເພີ້ມໃສ່ ແລະໃນທີ່ສຸດ ນຳໄປສູ່ ການຂັດແຍ້ງ
ທີ່ອັນຕະລາຍໄດ້.”
ລັດຖະມົນຕີ ປ້ອງກັນປະເທດຈີນ ນາຍພົນ Chang Wanquan ກໍໄດ້ມີຄວາມເຫັນ
ຕອບຕໍ່ຄຳເວົ້າດັ່ງກ່າວ ແບບທ້າທາຍເຊັ່ນກັນ ໂດຍໃຫ້ຂໍ້ສັງເກດວ່າ ບັນຫາດິນແດນ
ແມ່ນເປັນຜົນປະໂຫຍດຫລັກ ຂອງຈີນ.
ນາຍພົນ Wanquan ເວົ້າວ່າ: “ກ່ຽວກັບບັນຫານີ້ ພວກເຮົາຈະບໍ່ມີການປານີ
ປານອມບໍ່ຍິນຍອມ ບໍ່ແລກປ່ຽນ ແລະແມ່ນແຕ່ການລະເມີດ ພຽງໜ້ອຍດຽວ
ກະອະນຸຍາດໃຫ້ມີບໍ່ໄດ້.”
ຢູ່ທີ່ ມະຫາວິທະຍາໄລປ້ອງກັນປະເທດແຫ່ງຊາດຈີນນັ້ນ ທ່ານ Hagel ໄດ້ຖະແຫຼງ
ຕໍ່ພວກທະຫານນາຍຮ້ອຍທັງຫຼາຍ ກ່ຽວກັບຄວາມຈຳເປັນສຳຫລັບຄວາມໂປ່ງໃສ
ໃນຖານະເປັນເສັ້ນທາງທີ່ຈະພາໃຫ້ ຫຼີກເວັ້ນການເຂົ້າໃຈຜິດຕ່າງໆ.
ໃນຊ່ວງຕອບຄຳຖາມຫຼັງຈາກຄຳປາໄສນັ້ນ ນາຍຮ້ອຍຜູ້ໜຶ່ງໄດ້ສະແດງ ຄວາມເປັນ
ຫ່ວງວ່າ ວໍຊິງຕັນກຳລັງເຂົ້າຂ້າງກັບບັນດາປະເທດໃນພາກພື້ນ ເພື່ອສ້າງຄວາມກົດ ດັນຂຶ້ນແລະກີດກັ້ນການເຕີບໃຫຍ່ທາງທະຫານ ຂອງປັກກິ່ງ. ວໍຊິງຕັນປະຕິເສດວ່າ
ຕົນບໍ່ໄດ້ກຳລັງພະຍາຍາມຄວບ ຄຸມປະເທດຈີນ. ແຕ່ທ່ານ Jonathan Pollack
ຈາກສະຖາບັນ Brookings ກ່າວວ່າ ສະຫະລັດອາເມຣິກາ ໄດ້ຮັບຮອງເອົາແນວ
ທາງທີ່ແຂງກະດ້າງກວ່າເກົ່າແດ່ ໃນການຮັບມືກັບບັນຫາຕ່າງໆໃນຂົງເຂດດັ່ງກ່າວ.
ທ່ານ Pollack ເວົ້າວ່າ:
“ພວກ ທ່ານຈະໄດ້ຍິນຂໍ້ຄວາມແບບບໍ່ປ່ຽນຈາກເຈົ້າໜ້າທີ່ສະຫະລັດ ແຕ່ໃນ
ອີກດ້ານໜຶ່ງ ກໍຈະເຫັນຄວາມພະຍາຍາມໃນການຕີຄວາມໝາຍ ແລະປັບປຸງ
ຊ່ອງທາງສຳຫລັບການມີຄວາມສຳພັນ ແບບທີ່ມີຄວາມໝາຍລະຫວ່າງກອງ
ທັບ ຂອງທັງສອງປະເທດ ຄືເພີ້ມຂະຫຍາຍການຮ່ວມໄມ້ຮ່ວມມືໃນພາກສ່ວນ
ສະເພາະ ແຕ່ໃນເວລາດຽວກັນນັ້ນ ກໍເນ້ນໜັກໃສ່ດ້ານຕ່າງໆ ທີ່ທາງຈີນກ່າວ
ວ່າ ເຂົາເຈົ້າຈະບໍ່ຍິນຍອມ ແລະ ທາງຝ່າຍເຮົາ ກໍເວົ້າຢ້ຳເຖິງພັນທະ ທີ່ມີຢູ່
ແລ້ວນັ້ນ.”
ນັກວິເຄາະທັງຫຼາຍກ່າວວ່າ ສາຍພົວພັນລະຫວ່າງສອງປະເທດ ໄດ້ປະສົບກັບຄວາມ
ກ້າວໜ້າທີ່ສຳຄັນ ໃນຊ່ວງປີທີ່ຜ່ານມາ. ການພົບປະກັນເທື່ອນີ້ ແມ່ນຄັ້ງທີສາມ ທີ່ທ່ານ Hagel ແລະຄູ່ຕຳແໜ່ງຈາກຈີນຂອງທ່ານ ໄດ້ພົບປະກັນຕັ້ງແຕ່ພວກທ່ານ ໄດ້ເຂົ້າ
ຮັບໜ້າທີ່ເປັນຕົ້ນມາ. ກອງທັບຂອງທັງສອງປະເທດໄດ້ທຳການເຝິກແອບຮ່ວມກັນມາ
ແລ້ວຫຼາຍຄັ້ງ ຕັ້ງແຕ່ປີກາຍນີ້ມາ.
ລັດຖະມົນຕີ ປ້ອງກັນ ປະເທດ ສະຫະລັດອາເມຣິກາ ທ່ານ
Chuck Hagel ໄດ້ເນ້ນໃຫ້ເຫັນ ເຖິງຄວາມພະຍາຍາມທີ່
ຂະຫຍາຍກ້ວາງອອກນັບມື້ ຂອງກອງທັບຂອງປະເທດທັງ
ສອງ ເພື່ອຍົກລະດັບສາຍພົວພັນລະຫວ່າງກັນ ເຖິງແມ່ນວ່າ
ຈະມີຂໍ້ຂັດແຍ້ງ ທີ່ຂະຫຍາຍໃຫຍ່ຂຶ້ນ ໃນຂົງເຂດນັ້ນກໍຕາມ.
ການຢ້ຽມຢາມຄັ້ງນີ້ ຍັງໄດ້ເຜີຍແບໃຫ້ເຫັນເຖິງຄວາມແຕກ
ຕ່າງລະຫວ່າງສອງປະເທດ. ຜູ້ສື່ຂ່າວ ວີໂອເອ Bill Ide ມີ
ລາຍງານຊຶ່ງໄຊຈະເຣີນສຸກ ຈະນຳມາສະເໜີທ່ານ.
ການໄປຢ້ຽມຢາມປະເທດຈີນ ຂອງລັດຖະມົນຕີປ້ອງກັນປະເທດສະຫະລັດ ທ່ານ Chuck
Hagel ໃນຄັ້ງທຳອິດນີ້ ແມ່ນໄດ້ມີການແລກປ່ຽນສັນມິດກັນ ຫລາຍໆຢ່າງ ອັນຮວມທັງການໄປຢ້ຽມຊົມ ເຮືອກຳປັ່ນບັນທຸກເຮືອບິນ ລຳດຽວຂອງຈີນ ແລະການພົບປະກັບ
ປະທານປະເທດຈີນ ທ່ານ Xi Jinping ນຳດ້ວຍ. ແຕ່ເຖິງແມ່ນວ່າທັງສອງຝ່າຍໄດ້ເວົ້າ
ລົມກັນເຖິງເລື້ອງການຮ່ວມໄມ້ຮ່ວມມືກັນກໍຕາມ ແຕ່ທັງສອງຝ່າຍກໍຍັງມີຄວາມເຫັນທີ່ຂັດ
ແຍ້ງກັນຢ່າງເປີດເຜີຍ ກ່ຽວກັບບັນຫາຂັດແຍ້ງກັນເລື້ອງເຂດແດນ ໃນພາກພື້ນນັ້ນ.
Hagel Visits China
ທ່ານ Hagel ໄດ້ທ້າທາຍອອກມາຢ່າງກົງໆ ຕໍ່ການຕັດສິນໃຈຂອງ ປັກກິ່ງ ໃນປີແລ້ວ
ນີ້ ທີ່ປະກາດເຂດປ້ອງກັນນ່ານຟ້າຂອງຕົນ ໃນບໍລິເວນເໜືອໝູ່ເກາະທີ່ເປັນຂໍ້ຂັດແຍ້ງ
ກັນ ຢູ່ໃນທະເລຈີນພາກຕາເວັນອອກ ຊຶ່ງຍີປຸ່ນກໍອ້າງເອົາກຳມະສິດຄືກັນນັ້ນ.
ທ່ານ Hagel ກ່າວວ່າ: “ທຸກໆ ປະເທດມີສິດທີ່ຈະຕັ້ງ ເຂດປ້ອງກັນນ່ານຟ້າແຕ່ບໍ່
ແມ່ນສິດທີ່ຈະເຮັດເຊັ່ນນັ້ນແຕ່ພຽງຝ່າຍດຽວ ໂດຍທີ່ບໍ່ມີການຮ່ວມມື ຫຼື ການ
ປຶກສາຫາລືກັນເລີຍ. ນັ້ນແມ່ນຈະເພີ້ມໃສ່ຄວາມເຄັ່ງຕຶງ ຄວາມເຂົ້າໃຈຜິດ
ແລະໃນທີ່ສຸດ ກໍອາດສາມາດເພີ້ມໃສ່ ແລະໃນທີ່ສຸດ ນຳໄປສູ່ ການຂັດແຍ້ງ
ທີ່ອັນຕະລາຍໄດ້.”
ລັດຖະມົນຕີ ປ້ອງກັນປະເທດຈີນ ນາຍພົນ Chang Wanquan ກໍໄດ້ມີຄວາມເຫັນ
ຕອບຕໍ່ຄຳເວົ້າດັ່ງກ່າວ ແບບທ້າທາຍເຊັ່ນກັນ ໂດຍໃຫ້ຂໍ້ສັງເກດວ່າ ບັນຫາດິນແດນ
ແມ່ນເປັນຜົນປະໂຫຍດຫລັກ ຂອງຈີນ.
ນາຍພົນ Wanquan ເວົ້າວ່າ: “ກ່ຽວກັບບັນຫານີ້ ພວກເຮົາຈະບໍ່ມີການປານີ
ປານອມບໍ່ຍິນຍອມ ບໍ່ແລກປ່ຽນ ແລະແມ່ນແຕ່ການລະເມີດ ພຽງໜ້ອຍດຽວ
ກະອະນຸຍາດໃຫ້ມີບໍ່ໄດ້.”
ຢູ່ທີ່ ມະຫາວິທະຍາໄລປ້ອງກັນປະເທດແຫ່ງຊາດຈີນນັ້ນ ທ່ານ Hagel ໄດ້ຖະແຫຼງ
ຕໍ່ພວກທະຫານນາຍຮ້ອຍທັງຫຼາຍ ກ່ຽວກັບຄວາມຈຳເປັນສຳຫລັບຄວາມໂປ່ງໃສ
ໃນຖານະເປັນເສັ້ນທາງທີ່ຈະພາໃຫ້ ຫຼີກເວັ້ນການເຂົ້າໃຈຜິດຕ່າງໆ.
ໃນຊ່ວງຕອບຄຳຖາມຫຼັງຈາກຄຳປາໄສນັ້ນ ນາຍຮ້ອຍຜູ້ໜຶ່ງໄດ້ສະແດງ ຄວາມເປັນ
ຫ່ວງວ່າ ວໍຊິງຕັນກຳລັງເຂົ້າຂ້າງກັບບັນດາປະເທດໃນພາກພື້ນ ເພື່ອສ້າງຄວາມກົດ ດັນຂຶ້ນແລະກີດກັ້ນການເຕີບໃຫຍ່ທາງທະຫານ ຂອງປັກກິ່ງ. ວໍຊິງຕັນປະຕິເສດວ່າ
ຕົນບໍ່ໄດ້ກຳລັງພະຍາຍາມຄວບ ຄຸມປະເທດຈີນ. ແຕ່ທ່ານ Jonathan Pollack
ຈາກສະຖາບັນ Brookings ກ່າວວ່າ ສະຫະລັດອາເມຣິກາ ໄດ້ຮັບຮອງເອົາແນວ
ທາງທີ່ແຂງກະດ້າງກວ່າເກົ່າແດ່ ໃນການຮັບມືກັບບັນຫາຕ່າງໆໃນຂົງເຂດດັ່ງກ່າວ.
ທ່ານ Pollack ເວົ້າວ່າ:
“ພວກ ທ່ານຈະໄດ້ຍິນຂໍ້ຄວາມແບບບໍ່ປ່ຽນຈາກເຈົ້າໜ້າທີ່ສະຫະລັດ ແຕ່ໃນ
ອີກດ້ານໜຶ່ງ ກໍຈະເຫັນຄວາມພະຍາຍາມໃນການຕີຄວາມໝາຍ ແລະປັບປຸງ
ຊ່ອງທາງສຳຫລັບການມີຄວາມສຳພັນ ແບບທີ່ມີຄວາມໝາຍລະຫວ່າງກອງ
ທັບ ຂອງທັງສອງປະເທດ ຄືເພີ້ມຂະຫຍາຍການຮ່ວມໄມ້ຮ່ວມມືໃນພາກສ່ວນ
ສະເພາະ ແຕ່ໃນເວລາດຽວກັນນັ້ນ ກໍເນ້ນໜັກໃສ່ດ້ານຕ່າງໆ ທີ່ທາງຈີນກ່າວ
ວ່າ ເຂົາເຈົ້າຈະບໍ່ຍິນຍອມ ແລະ ທາງຝ່າຍເຮົາ ກໍເວົ້າຢ້ຳເຖິງພັນທະ ທີ່ມີຢູ່
ແລ້ວນັ້ນ.”
ນັກວິເຄາະທັງຫຼາຍກ່າວວ່າ ສາຍພົວພັນລະຫວ່າງສອງປະເທດ ໄດ້ປະສົບກັບຄວາມ
ກ້າວໜ້າທີ່ສຳຄັນ ໃນຊ່ວງປີທີ່ຜ່ານມາ. ການພົບປະກັນເທື່ອນີ້ ແມ່ນຄັ້ງທີສາມ ທີ່ທ່ານ Hagel ແລະຄູ່ຕຳແໜ່ງຈາກຈີນຂອງທ່ານ ໄດ້ພົບປະກັນຕັ້ງແຕ່ພວກທ່ານ ໄດ້ເຂົ້າ
ຮັບໜ້າທີ່ເປັນຕົ້ນມາ. ກອງທັບຂອງທັງສອງປະເທດໄດ້ທຳການເຝິກແອບຮ່ວມກັນມາ
ແລ້ວຫຼາຍຄັ້ງ ຕັ້ງແຕ່ປີກາຍນີ້ມາ.
