ລິ້ງ ສຳຫລັບເຂົ້າຫາ

logo-print

ໃນຂະນະທີ່ ອັງກິດ ຫ້າມໃຊ້ອຸປະກອນ 5G ຂອງບໍລິສັດ ຫົວເຫວີຍ, ຈີນ ເຕືອນ ກ່ຽວກັບ ຜົນກະທົບ ທາງດ້ານການຄ້າ


ອັງກິດ ໄດ້ປະກາດຫ້າມ ກ່ຽວກັບ ອຸປະກອນຈາກບໍລິສັດຫົວເຫວີຍ ໃນການເຜີຍແຜ່ເຄືອຂ່າຍອິນເຕີແນັດ ໂທລະສັບມືຖື 5G ທີ່ໄວທີ່ສຸດ ໃນວັນອັງຄານທີ່ຜ່ານມາ, ເປັນການຕ່າວປີ້ນຄຳຕັດສິນທີ່ໄດ້ດຳເນີນຂຶ້ນພຽງ 6 ເດືອນ ແລ້ວນີ້. ດັ່ງທີ່ນັກຂ່າວວີໂອເອ ເຮັນຣີ ຣິຈແວລ ລາຍງານຈາກນະ ຄອນຫຼວງ ລອນດອນ ນັ້ນ, ການເຄື່ອນໄຫວດັ່ງກ່າວປາກົດວ່າ ໄດ້ຖືກບັງຄັບໃຊ້ໂດຍມາດຕະການລົງໂທດ ສະຫະລັດ ຕໍ່ບໍລິສັດ ຫົວເຫວີຍ, ແລະ ຈີນ ກໍໄດ້ເຕືອນ ກ່ຽວກັບ ຜົນຕາມມາທີ່ອາດເປັນໄປໄດ້ໃນສາຍພົວພັນການຄ້າກັບ ອັງກິດ ໃນອະນາຄົດ. ພຸດທະສອນ ມີລາຍລະອຽດມາສະເໜີທ່ານໃນອັນດັບຕໍ່ໄປ.


ການຕ່າວປີ້ນນະໂຍບາຍຂອງ ອັງກິດ ຈະໝາຍຄວາມວ່າ ຜູ້ຈຳໜ່ວຍໂທລະສັບມືຖືທຸກບໍລິສັດ ຈະຖືກຫ້າມບໍ່ໃຫ້ໃຊ້ອຸປະກອນໃໝ່ຂອງບໍລິສັດ ຫົວເຫວີຍ ຈາກທ້າຍປີ 2020 ເປັນຕົ້ນໄປ ແລະ ເທັກໂທໂລຈີ 5G ທີ່ມີຢູ່ທັງໝົດຂອງ ຫົວເຫວີຍ ຕ້ອງຖືກຖອນອອກພາຍໃນປີ 2027.

ການຕັດສິນໃຈດັ່ງກ່າວໄດ້ມີຂຶ້ນຫຼັງຈາກການເຄື່ອນໄຫວໂດຍ ສະຫະລັດ ເມື່ອເດືອນພຶດສະພາທີ່ຜ່ານມາ ເພື່ອວາງມາດຕະການລົງໂທດໃສ່ບໍລິສັດ ຫົວເຫວີຍ ເພື່ອປ້ອງກັນບັນດາບໍລິສັດ ສະຫະ ລັດ ບໍ່ໃຫ້ຈຳໜ່າຍໄມໂຄຣຊິບເຄິ່ງວົງຈອນໄຟຟ້າໃຫ້ ຫົວເຫວີຍ.

ທ່ານ ໂອລີເວີ ດາວເດັນ ລັດຖະມົນຕີວັດທະນະທຳ ອັງກິດ ກ່າວວ່າ “ຍ້ອນຄວາມບໍ່ແນ່ນອນທີ່ມັນໄດ້ເກີດອ້ອມຮອບຕ່ອງໂສ້ການສະໜອງຂອງ ຫົວເຫວີຍ ນັ້ນ, ສະຫະຣາຊະອານາຈັກ ບໍ່ສາມາດມີຄວາມໝັ້ນໃຈໄດ້ອີກຕໍ່ໄປວ່າ ເຂົາເຈົ້າຈະສາມາດຮັບປະກັນຄວາມປອດໄພຂອງອຸປະກອນ 5G ຂອງບໍລິສັດ ຫົວເຫວີຍ ໃນອະນາຄົດ.”

ສາຍພົວແມ່ນເຄັ່ງຕຶງຢູ່ແລ້ວ ລະຫວ່າງ ອັງກິດ ກັບ ຈີນ ກ່ຽວກັບ ການປາບປາມ ຮົງກົງ ຂອງລັດຖະ ບານ ປັກກິ່ງ ແລະ ການຕອບສະໜອງຂອງເຂົາເຈົ້າ ຕໍ່ໂຣກລະບາດໄວຣັສໂຄໂຣນາ. ແຕ່ນັ້ນບໍ່ໄດ້ແມ່ນແຮງຈູງໃຈທີ່ຢູ່ເບື້ອງຫຼັງການຫ້າມຫົວເຫວີຍ, ອີງຕາມການກ່າວຂອງນັກວິເຄາະດ້ານຄວາມປອດໄພທາງ ໄຊເບີ ທ່ານ ເຈມສ໌ ຊູລລີວານ.

ທ່ານ ເຈມສ໌ ຊູລລີວານ, ຈາກສະຖາບັນການບໍລິການ Royal United ໄດ້ ກ່າວວ່າ “ບໍ່ມີຫຍັງໄດ້ປ່ຽນແປງໃນແງ່ຂອງໄພຂົ່ມຂູ່ທີ່ເຂົ້າໃຈວ່າມາຈາກ ຈີນ, ບໍ່ມີຫຍັງໄດ້ປ່ຽນແປງໃນແງ່ຂອງສິ່ງທີ່ ຫົວເຫວີຍ ເຂົ້າໃຈວ່າເຂົາເຈົ້າສາມາດ ແລະ ບໍ່ສາມາດເຮັດໂດຍຄວາມປະສົງຮ້າຍ. ມັນເປັນບັນຫາພື້ນຖານນັ້ນ ກ່ຽວກັບ ການຈຳໜ່າຍ ແລະ ໃນທີ່ສຸດ ສະຫະຣາຊະອານາຈັກ ກໍໄດ້ຕັດສິນໃຈວ່າ ເຂົາເຈົ້າໄປນຳ ຫົວເຫວີຍ ບໍ່ໄດ້ເພາະວ່າເຂົາເຈົ້າແມ່ນຜູ້ຈຳໜ່າຍທີ່ບໍ່ໜ້າໄວ້ ໃຈ.”

ສະຫະລັດ ເວົ້າວ່າ ບໍລິສັດ ຫົວເຫວີຍ ມີຄວາມສ່ຽງຕໍ່ຄວາມປອດໄພແຫ່ງຊາດ ຍ້ອນການເຊື່ອມໂຍງຂອງເຂົາເຈົ້າກັບລັດຖະບານ ຈີນ, ແລະ ຢ້ານວ່າອຸປະກອນຂອງ ຫົວເຫວີຍ ຈະຖືກໃຊ້ສຳລັບການສອດແນມ.

ຫົວເຫວີຍ ໄດ້ປະຕິເສດການກ່າວອ້າງທີ່ວ່ານັ້ນ ແລະ ເວົ້າວ່າ ສະຫະລັດ ແມ່ນກຳລັງພະຍາຍາມທີ່ຈະທຳລາຍຄູ່ແຂ່ງດ້ານການຄ້າຂອງເຂົາເຈົ້າ.

ທ່ານ ເຈເຣມີ ທອມສັນ, ຮອງປະທານບໍລິສັດ ຫົວເຫວີຍ ສະຫະຣາຊະອານາຈັກ ກ່າວວ່າ “ລັດຖະ ບານ ອາເມຣິກັນ ໄດ້ຕັດສິນໃຈທີ່ຈະສະກັດການແຂ່ງຂັນ.”

ອັງກິດ ໄດ້ເຂົ້າຮ່ວມກັບ ສະຫະລັດ, ອອສເຕຣເລຍ, ນິວ ຊີແລນ ແລະ ຍີ່ປຸ່ນ ໃນການຫ້າມອຸປະ ກອນຂອງ ຫົວເຫວີຍ. ຫົວເຫວີຍ ເວົ້າວ່າການເຄື່ອນໄຫວດັ່ງກ່າວນັ້ນຈະເຮັດໃຫ້ ອັງກິດ “ຕາມຫຼັງດ້ານດິຈິຕອລ.” ປັກກິ່ງ ໄດ້ໃຫ້ຂໍ້ແນະນຳວ່າມັນຈະມີຜົນທີ່ຕາມມາດ້ານທຸລະກິດຢ່າງກວ້າງຂວາງ.

ທ່ານ ສາວ ລີຈຽນ, ໂຄງສົກກະຊວງການຕ່າງປະເທດ ຈີນ ກ່າວວ່າ “ມັນຍັງເປັນການພະຍາກອນ ກ່ຽວກັບ ການລົງທຶນຂອງ ຈີນ ວ່າມັນມີຄວາມປອດໄພຊໍ່າໃດ. ເຊິ່ງ ຈີນ ໄດ້ໃຫ້ຄວາມສົນໃຈຢ່າງໃກ້ຊິດ.”

ຄວາມບໍ່ພໍໃຈຂອງ ຈີນ ແມ່ນທຸງແດງ, ອີງຕາມການກ່າວຂອງນັກວິເຄາະ ຈີນ ທ່ານ ສຕີຟ ສາງ.

ສາສະດາຈານ ສຕີຟ ສາງ ຈາກມະຫາວິທະຍາໄລ ລອນດອນ ກ່າວວ່າ “ບໍລິ ສັດນຶ່ງ, ບໍ່ວ່າມັນຈະເປັນຂອງລັດ ຫຼື ເອກະຊົນ, ທີ່ໄດ້ຮັບການສະໜັບສະໜູນ ໃນລະດັບນີ້ຈາກລັດຖະບານ ຈີນ, ເຊິ່ງໄດ້ກຽມພ້ອມທີ່ຈະໃຊ້ທຸກຢ່າງ ເວລາທີ່ລັດຖະບານ ຈີນ ມີ ເພື່ອສະໜັບສະໜູນບໍລິສັດນັ້ນ ຈະເຮັດໃຫ້ບໍລິສັດນັ້ນມີຄວາມຜິດປົກກະຕິເປັນຢ່າງຍິ່ງ.”

ການຫ້າມຂອງ ອັງກິດ ຈະເປັນຂີດໝາຍໄຊຊະນະສຳລັບນະໂຍບາຍ ສະຫະ ລັດ ແລະ ມາດຕະການລົງໂທດຕໍ່ບໍລິສັດ ຫົວເຫວີຍ. ລັດຖະບານ ວໍຊິງຕັນ ຫວັງວ່າບັນດາປະເທດພັນທະມິດຕາເວັນຕົກອື່ນໆ ຈະປະຕິບັດຕາມໃນໄວໆນີ້.

Britain announced a ban Tuesday on equipment from the firm Huawei in the rollout of its 5G super-fast mobile networks – reversing a decision made just six months ago. As Henry Ridgwell reports from London, the move appears to have been forced by U.S. sanctions on Huawei – and China is warning of possible consequences in future trade relations with Britain.

The British policy reversal means all mobile providers will be banned from using new Huawei equipment from the end of 2020 and all existing Huawei 5G technology must be removed by 2027.

The decision follows a move by the United States in May to impose sanctions on Huawei preventing U.S. companies from supplying vital semi-conductor chips to Huawei.

“Given the uncertainty that this creates around Huawei supply chain, the U.K. can no longer be confident it will be able to guarantee the security of future Huawei 5G equipment.”

Relations are already tense between Britain and China over Beijing’s crackdown on Hong Kong and its response to the coronavirus pandemic. But that wasn’t the motivation behind the Huawei ban, says cybersecurity analyst James Sullivan.

“Nothing’s really changed in terms of the threat perceived from China, nothing’s really changed in terms of what Huawei is perceived that it can and can’t do maliciously. It really is down to that fundamental problem of supply and at the end the U.K. has decided that it can’t go with Huawei because it is an unreliable supplier.”

The United States says Huawei poses a national security risk owing to its close links to the Chinese government, and fears Huawei equipment could be used for espionage.

Huawei rejects those claims and says the U.S. is trying to crush a commercial rival.

“The American administration have decided to trip up the competition.”

Britain joins the U.S., Australia, New Zealand and Japan in banning Huawei equipment. Huawei said the move would put Britain in “the digital slow-lane.” Beijing hinted at wider economic consequences.

‘it is also the forecast of how safe Chinese investment in Britain is. China is paying close attention.”

Beijing’s anger is a red flag, says China analyst Steve Tsang.

“A company, whether it is state-owned or privately owned, that enjoys this level of support from the Chinese government – which is prepared to use everything at the disposal of the Chinese state to support that company -- makes that company extremely unusual.”

The British ban marks a victory for U.S. policy and the sanctions against Huawei. Washington will be hoping other Western allies soon follow.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG