ລິ້ງ ສຳຫລັບເຂົ້າຫາ

logo-print

​ງານ​ວາງ​ສະ​ແດງ ​​ສິນ​ລະ​ປະ ກ່ຽວ​ກັບ ລະ​ເບີດ​ຝັງ​ດິນ ແລະ​ຜູ້​ເຄາະ​ຮ້າຍ ຢູ່​ພາກ​ເໜືອ​ອີ​ຣັກ


Art Exhibit In Iraq Showcases Landmines, Victims
please wait

No media source currently available

0:00 0:02:45 0:00

ວັດ​ຖຸ​ລະ​ເບີດ ເຊັ່ນ​ລະ​ເບີດ​ຝັງ​ດິນ​ເປັນ​ອັນ​ຕະ​ລາຍ​ຮ້າຍແຮງ​ຫລາຍ

ລະ​ເບີດ​ຊະ​ນິດ​ຕ່າງໆ ເຊັ່ນ​ລະ​ເບີດ​ຝັງ​ດິນ ແມ່ນ​ມີ​ຄວາມ​ຮ້າຍ​ແຮງ​ເປັນ​ພິ​ເສດ ຍ້ອນ​ວ່າ​ໃນ​ບາງ​ກໍ​ລະ​ນີ ລູກ​ລະ​ເບີດ​ເຫຼົ່າ​ນີ້ ​ຍັງ​ຖືກ​ຝັງ​ໄວ້ ຫຼັງ​ຈາກບັນ​ຫາ​ຂັດ​ແຍ້ງ ໄດ້​ສິ້ນ​ສຸດ​ໄປ​ດົນ​ແລ້ວ. ການ​ຕົກ​ຄ້າງ​ຂອງ​ລະ​ເບີດ​ເຫຼົ່າ​ນີ້ ໄດ້​ເຮັດ​ໃຫ້ ປະ​ມານ 4,000 ​ຄົນ ບາດ​ເຈັບ ແລະ​ລົ້ມ​ຕາຍໃນ​ທຸກໆ​ປີ ອີງ​ຕາມ​ກຸ່ມ​ເກັບ​ກູ້​ລະເບີດ. ນັກ​ສິນ​ລະ​ປິນ​ທ່ານ​ນຶ່ງໄດ້​ດຶງ​ດູດ​ເອົາ​ຄວາມ​ສົນ​ໃຈ ກ່ຽວ​ກັບ​ບັນ​ຫາ​ດັ່ງ​ກ່າວ ດ້ວຍ​ການ​ວາງ​ສະ​ແດງ ຢູ່ໃນພາກ​ເໜືອປະ​ເທດອີ​ຣັກ ຊຶ່ງ Rebaz Majeed ມີ​ລາຍ​ງານ​ກ່ຽວ ​ກັບ​ເລື້ອງນີ້ ຊຶ່ງໄພ​ສານ ຈະ​ນຳ​ເອົາ ລະອຽດ​ມາສະເໜີທ່ານ ໃນອັນດັບຕໍ່ໄປ.

ອີງ​ຕາມ​ລາຍ​ງານ​ຂອງ​ອົງ​ການ WorldAtlas ແລ້ວ ມີ​ການ​ນຳ​ໃຊ້​ລະ​ເບີດຝັງ​ດິນ​ປະ​ມານ 10 ລ້ານ​ລູກ ໃນ​ໄລ​ຍະ​ຜ່ານ​ມາ ຢູ່​ໃນ​ປະ​ເທດ​ອີ​ຣັກ ເຮັດ​ໃຫ້​ປະເທດ​ດັ່ງ​ກ່າວ​ຕົກ​ຢູ່​ໃນ​ອັນ​ດັບ​ທີ 6 ຂອງ​ບັນ​ຊີ​ລາຍ​ຊື່ ປະ​ເທດ​ທີ່​ມີ​ການ​ນຳ​ໃຊ້​ລະ​ເບີດ​ຝັງ​ດິນ​ຫຼາຍ​ທີ່​ສຸດ ແລະ​ໃນ​ໄລ​ຍະ 60 ປີ​ທີ່​ຜ່ານ​ມານີ້ມີ​ຫຼາຍໆ​ພັນ​ຄົນ​ໄດ້​ສູນເສຍ​ຊີ​ວິດ ຍ້ອນ​ລະ​ເບີດ​ຝັງ​ດິນ​ຢູ່​ໃນ​ປະ​ເທດ​ອີ​ຣັກ.

ປະ​ຫວັດ​ການ​ນຳ​ໃຊ້​ລະ​ເບີດ​ຝັງ​ດິນ ​ຢູ່​ໃນ​ເຂດ​ເຄີ​ດິ​ສ​ຖານ​ຂອງ​ອີ​ຣັກ ແມ່ນ​ຢ້ອນ​ກັບຄືນ​ໄປສະ​ໄໝທີ່​ຊາວ​ເຄີດຕໍ່​ຕ້ານ​ລັດ​ຖະ​ບານ​ອີ​ຣັກ ສົງ​ຄາມ​ລະ​ຫວ່າງ​ອີຣ່ານ ​ກັບ​ອີ​ຣັກ ແລະ​ສົງ​ຄາມ​ຕໍ່​ຕ້ານ​ກຸ່ມ​ລັດ​ອິ​ສ​ລາມ.

ທ່ານ​ຈາ​ລີ​ລ ອາ​ເໝັດ ຊຶ່ງ​ເປັນ​ນັກ​ສິນ​ລະ​ປິນ​ໄດ້​ວາງ​ສະ​ແດງ​ງານ​ສິນ​ລະ​ປະ​ຂອງ​ລາວ ທີ່​ເມືອງ​ຊູ​ເລ​ມາ​ນີ​ຢາ ໂດຍ​ຫວັງ​ວ່າ ຈະ​ສ້າງ​ຄວາມ​ຕື່ນ​ຕົວ​ກ່ຽວ​ກັບ​ໄພ​ອັນ​ຕະ​ລາຍ​ຂອງ​ລະ​ເບີດ​ຝັງ​ດິນ.

ທ່ານ​ອາ​ເໝັດ ທີ່​ເປັນ​ທັງນັກ​ເກັບ​ກູ້​ລະ​ເບີດ ​ນຳ​ນັ້ນ ກ່າວ​ວ່າ “​ມີ​ງານ​ສິນ​ລະປະ ທັງ​ໝົດ 18 ຢ່າງ ຖືກ​ນຳ​ມາ​ວາງ​ສະ​ແດງ​ຢູ່​ໜີ້. ລະ​ເບີດ​ຝັງ​ດິນ​ທີ່​ຖືກ​ນຳໃຊ້​ໃນ​ ງານ​ສິນ​ລະ​ປະ​ແມ່ນ​ລະ​ເບີດ​ຈິງ. ລະ​ເບີດ​ເຫຼົ່າ​ນີ້ແມ່ນ​ຖືກ​ເກັບ​ກູ້​ຈາກ​ເຂດເຄີ​ດິ​ສ​ຖານ​ ແຕ່​ດິນ​ລະ​ເບີດ​ທີ່​ຢູ່​ທາງ​ໃນ​ໄດ້​ເອົາ​ອອກ​ແລ້ວ. ຂ້າ​ພະ​ເຈົ້າໄດ້​ໃຊ້​ທ່ອນ​ໄມ້ແລະ ​ເຊືອກ​ນຳ​ດ້ວຍ."

ທ່ານ​ອາ​ເໝັດ​ເວົ້າວ່າ ລະ​ເບີດ​ຝັງ​ດິນ​ແມ່ນ​ມີ​ບົດ​ບາດ​ສຳ​ຄັນ ໃນ​ການ​ເຮັດ​ໃຫ້​ພົນ​ລະ​ເຮືອນ​ບາດ​ເຈັບ​ລົ້ມ​ຕາຍ.

ທ່ານ​ອາ​ເໝັດກ່າວ​ວ່າ “ລະ​ເບີດ ແນ່ນອນ ເປັນ​ໄອ​ຍະ​ການ​ລັບ​ສຳ​ລັ​ບ​ຊາວເຄີດ. ພວກ​ເຂົາ​ເຈົ້າ​ໄດ້​ສ້າງ​ຄວາມ​ເສຍ​ຫາຍ​ໃຫ້​ແກ່​ຊາວ​ເຄີດ ໃນ​ຮອບ 60 ປີ​ທີ່​ຜ່ານ ​ມາ. ໃນ​ສະ​ໄໝ​ສົງ​ຄາມ​ອີ​ຣ່ານ​ກັບ​ອີ​ຣັກທີ່​ແກ່​ຍາວ​ມາ 8 ປີ ມີ​ຊາວ​ເຄີດ​ຈຳ​ນວນ​ຫຼວງ​ຫຼາຍໄດ້​ເສຍ​ຊີ​ວິດ​ຍ້ອນ​ລະ​ເບີດ​ຝັງ​ດິນ. ຊາຍ​ແດນ​ຂອງ​ພວກ​ເຮົາແມ່ນ​ເຕັມ ​ໄປ​ດ້ວຍ​ລະ​ເບີດ​ຝັງ​ດິນ ແຕ່​ເມືອງ​ເພັນ​ຈ​ເວັນໄປ​ຫາ​ເມືອງ​ດູ​ຮົກ. ຂ້າ​ພະ​ເຈົ້າຄິດ​ວ່າ​ຄື ​ຈະ​ບໍ່​ມີ​ປະ​ເທດ​ໃດ ໄດ້​ຮັບ​ເຄາະ​ຮ້າຍ​ຈາກ​ລະ​ເບີດ​ຝັງ​ດິນຫຼາຍ​ເທົ່າ​ກັບພວກ​ເຮົາ​ໄດ້​ຮັບ.”

ການ​ວາງ​ສະ​ແດງ​ດັ່ງ​ກ່າວ ຍັງ​ໄດ້​ເວົ້າ​ເຖິງ​ພວກ​ເຄາະ​ຮ້າຍ ​ຈາກ​ລະ​ເບີດ​ຝັງ​ດິນ​ນຳ​ດ້ວຍ.

ທ່ານ​ຊອນ ມັກ​ໝຸດ ຜູ້​ຊ່ຽວ​ຊານ​ດ້ານ​ລະ​ເບີດ ກ່າວ​ວ່າ “ເວ​ລາ​ທະ​ຫານ​ອີ​ຣັກ​ຖອນ​ອອກ​ໄປ​ຈາກ​ເຂດ​ເຄີ​ດິ​ສ​ຖານ ໃນ​ລະ​ຫວ່າງ​ການ​ລຸກ​ຮື​ຂຶ້ນ​ຂອງ​ຊາວ​ເຄີດໃນ​ປີ 1991 ນັ້ນ ພວກ​ເຂົາ​ເຈົ້າ​ໄດ້​ປະ​ລະ​ເບີດ​ຝັງ​ດິນທັງ​ໝົດ​ໄວ້. ພວກ​ເຮົາ​ບໍ່ມີ​ຂໍ້​ມູນ​ໃດໆ​ກ່ຽວ​ກັບ​ບ່ອນ​ຢູ່​ຂອງ​ລະ​ເບີດ​ເຫຼຼົ່າ​ນີ້ ດ້ວຍ​ເຫດ​ດັ່ງ​ກ່າວ ຈຶ່ງ​ເຮັດ​ໃຫ້ຫຼາຍ​ພັນ​ຄົນ​ເສຍ​ຊີ​ວິດ ແລະ​ຫຼາຍໆ​ພັນ​ຄົນ​ເສຍ​ອົງ​ຄະ."

ພວກ​ເຄາະ​ຮ້າຍ​ຈາກ​ລະ​ເບີດ​ຝັງ​ດິນ ແມ່ນ​ຮວມ​ທັງ​ພວກ​ເກັບ​ກູ້​ລະ​ເບີດ​ທີ່​ເສຍ​ຊີວິດ​ໃນ​ລະ​ຫວ່າງ​ການ​ປະ​ຕິ​ບັດ​ງານ. ຮູບ​ພາບ​ຂອງ​ເຂົາ​ເຈົ້າ​ແລະ​ຊື່ໄດ້​ຖືກ​ນຳ​ໄປສະ​ເໜີ​ໃນ​ການ​ວາງ​ສະ​ແດງ​ດັ່ງ​ກ່າວເພື່ອ​ໃຫ້​ການ​ເຄົາ​ລົບ​ໃນ​ຖາ​ນະ​ຜູ້​ເສຍ​ສະ​ຫຼະ.

ທ່ານ​ມັກ​ໝຸດກ່າວ​ຕື່ມ​ວ່າ “ໃນ​ສົງ​ຄາມ​ລະ​ຫວ່າງ​ກຸ່ມ​ລັດ​ອິ​ສ​ລາມ ແລະ​ກຳ​ລັງ​ເພັ​ສເມີ​ກາ​ຂອງ​ຊາວ​ເຄີດນັ້ນ ພວກ​ນັກ​ລົບ​ກຸ່ມ​ລັດ​ອິ​ສ​ລາມ ໄດ້​ນຳ​ເອົາ​ລະ​ເບີດ​ຝັງ​ດິນໄປ​ວາງ​ໄວ້ ​ທົ່ວ​ເຂດ​ແນວ​ໜ້າ ທີ່​ຍາວ 900 ກິ​ໂລ​ແມັດ. ນອກນັ້ນ ໃນ​ເຂດ​ຊາຍແດນທີ່​ຍາວ 600 ກິ​ໂລ​ແມັດ ລະ​ຫວ່າ​ງ​ອີ​ຣ່ານ​ກັບ​ເຂດ​ເຄີ​ດິ​ສ​ຖານນັ້ນກໍ​ເຕັມ​ໄປລະ​ເບີດ​ຝັງ​ດິນ​ຂອງ​ລັດ​ຖະ​ບານ​ອີ​ຣັກທີ່​ຢ້ອນ​ຄື​ນ​ຫຼັງ​ໄປ​ໃນ​ສະ​ໄໝ​ສົງ​ຄາມ​ອີ​ຣ່ານກັບ​ອີ​ຣັກ​.”

ໃນ​ຂະ​ນະ​ທີ່​ພາກ​ສ່ວນ​ສຳ​ຄັນ​ຂອງ​ດິນ​ແດນ​ເຫຼົ່າ​ນັ້ນ ເວ​ລານີ້​ແມ່ນ​ປອດ​ຈາກ​ລະ​ເບີດ​ຝັງ​ດິນ​ແລ້ວ ທັງ​ນີ້​ກໍ​ຍ້ອນ​ຄວາມ​ພະ​ຍາ​ຍາມ​ໃນ​ການ​ເກັບ​ກູ້​ລະ​ເບີດ. ພວກນັກ​ຊ່ຽວ​ຊານ​ຊື່ອ​ວ່າ ຍັງ​ມີ​ລະ​ເບີດ​ຝັງ​ດິນ ​ເປັນ​ຈຳ​ນວນ​ຫຼວງ​ຫຼາຍ ຝັງ​ຢູ່​ໃນ​ເຂດ​ດັ່ງ​ກ່າວ. ອີງ​ຕາມ​ລາຍ​ງານ​ຂອງ​ອົງ​ການ WorldAtlas.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ

Explosive devices like landmines are uniquely deadly because in some cases they stay behind long after a conflict ends.Their proliferation causes about 4 thousand injuries and deaths every year according to the Minesweepers group. One artist is drawing attention to the problem in a unique exhibit in Northern Iraq. VOA's Rebaz Majeed has more in this report.

According to a report by WorldAtlas', an estimated 10 million landmines have been used in Iraq in the past making it sixth in the list of countries with most mines deployed. And in the past 60 years, thousands have lost their lives because of the landmines in Iraq.

The history of the landmines in Iraq's Kurdistan's region dates back to the Kurdish resistance against the Iraqi governments, Iran-Iraq war and the war against ISIS.

Jalil Ahmed, who is an artist, is now showcasing an art exhibition in Sulaymaniyah hoping to raise awareness about the dangers of landmines.

Jalil Ahmed, Artist and Deminer:
"There are 18 art works here in the exhibition. The landmines that have been used in the art pieces are real. These mines have been demined in Kurdish regions, but the explosives have been taken out. I have also used sticks and threads."

Ahmed says landmines have played a major role in civilian casualties.

Jalil Ahmed, Artist and Deminer:
"Mines, of course, are the secret persecutors of the Kurds. They have been harming the Kurds for the past 60 years. During the 8-year-long war of Iran-Iraq, lots of Kurds died due to the landmines. Our borders were filled with landmines, from Penjwen to Duhok. I think no one has been the victim of the landmines as much as we have."

The exhibition also showcases victims of landmines.

Shwan Mahmood, Mine Expert:
"When the Iraqi troops left Kurdistan during the 1991 Kurdish uprising, they left all the landmines behind. People had no information about the location of the mines. That's why thousands have been killed and thousands have been disabled.

Victims of landmines also include many who lost their lives while demining landmines. Their portraits and names are presented in this exhibit as a respect for their sacrifice.

Shwan Mahmood, Mine Expert:
"During the war between ISIS and the Kurdish Peshmerga forces, the Islamic State fighters filled the 900km long frontline with landmines. There is also a 600km long border between Iran and Kurdistan region that has been filled with land mined by the Iraqi regime, dating back to Iran-Iraq war."

While a significant amount of those areas are now free of mines thanks to demining efforts. Experts still believe that there are still a great number of landmines active in the region. According the same WorldAtlas' report, Egypt is number one with 23 million landmines deployed in its territory.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG